תולדות גדולי ישראל

איך וואלט זייער געוואלט וויסן אויב איינער קען מיך ארויסהעלפן,

עס איז באקאנט אז דער רבי ר' אלימלך האט געהאט די טאכטער די צדיקת, ווי זוי זי האט געהייסן? מירש אדער מירל?

זי ליגט און רימינוב, אונטערן אוהל פון ר' מענדעלע רימונובער און דארט שטייט מירש, אבער איינער האט מיך געזאגט בשם דעם טאהשער רבי זז"ג
אז די נאמען איז מירל, וואלט איך געוואלט וויסן אויב עס איז דא נאך א פלאץ ווי מ'קען עס נאכקוקן, ווייל ביימיר זענען די צוויי מקורות זייער שטארק, רבער עס איז זיך סותר.

קרעמער כתב:בן-הרחמן און בני-היכלא (ביידע בעני'ס... בני בנים הרי הן כבנים, אל תיקרי בניך אלע בונייך...);
עס איז עפעס א סוד וועלכע רבנישע משפחה שטאמט פון יענעם ר' יצחק?

די נייטרא רעבעצין ע"ה (אשת הרה"ג ר' שלום משה זצ"ל) און איר שוועסטער יבלחט"א רעבעצין ווייסמאנדל תחי' אשת רחמ"ד זצ"ל, זענען געווען קינדער פון ר' יצחק טייטלבוים, וועלכער איז געווען אן אייניקל פון דעם ר' יצחק ט"ב אחי הישמח משה.

קרעמער.
זיי זענען אייניקלעך פון חוה, א שוועסטער פון ישמח משה. זייער זיידע [נישט טאטע] ר' יצחק איז געווען א אייניקל פון די חוה.
די רביצין ווייסמאנדל לעבט נאך? [ביז 120]

א הארציגען יישר כח פאר אלע מגיבים ובפרט לידידי הנאמן וידיד כל בית הקרעטשמע הרה"ג חריף ובקי טובא ידען נפלא וחוקר בתולדות הדורות מוהר"ר בני היכלא שליט"א, די ידיעות זענען מיר צוניץ געקומען ב"ה אין די אוצר הספרים איז דאך ממש געווען א בחינה פון שלח לחמך על פני הקרעטשמע ואיש תבונות ידלנה (וועא"מ).

נאך איין שאלה ביטע, ווער איז די משפחה חשובה אייניקלעך פון ר' איציקל בעכערובער? (אויב ס'איז קעגן די תקנות הקהילה אין אישית ביטע)

שוין. האב איך ווייזט אויס געגרייזט, איך האב צוזאמגעשטעלט יצחק-יצחק לגזירה שוה.

פארוואס זאגסטו אז זייער זיידע און נישט טאטע האט געהייסן יצחק?

צו ענטפערן דיין פראגע: לויט מיינע ידיעות לעבט זי נאך, ביז 120 יאר! (גאר מעגליך אז איך האב איר נעכטן געזען, אויף די וואך נאכט פון אן אור אייניקל)

מילער, מיי פלעזשור. השאר באישית, אי"ה.

קרעמער, פארוואס איך זאג אזוי?, ווייל איך גלייך צו זאגן אמת, אויב ס'קאסט נישט קיין געלט, דאס איז די מעשה ס'איז זייער זיידע.

און זאל זי דערלעבן משיח'ן, עפעס האט זיך מיר געדאכט אז נישט, ברוך מחי' מתים.

בני היכלא כתב:מילער, מיי פלעזשור. השאר באישית, אי"ה.
.

בני, איך ווארט נאך אלס געשפאנט אין אישית (וואו?!) אויף דיין אינפארמאציע, נישט ווייניגער ווי איך ווארט בכליון (אין חדר שפראך איז כליון פיל מער פון מילאן אין ביליאן אינאיינעם..) עינים אויף דיין צוריקקער צום שורש (לייען, קרעטשמע).

לעצטענס האב איך אראפגעברענגט פון ר' יעקב'קע לאנדא מבראד בן מרן הנודע ביהודא, האט זיך מיר פארגלוסט אביסל עניני תולדות הנודע ביהודא, לויט ווי איך ווייס איז פארהאן אסאך אייניקלעך פון זיין איידעם ר' יוסף פון פוזנא (המכונה יוסף הצדיק), ווייסט איינער פון ערליכע אייניקלעך פארבליבען פון זיינע זוהן ר' יעקבקא און ר' שמואל (בעמח"ס שיבת ציון)?

מיללער;

אויב דו רעדסט פון ר' יצחק דער ברודער פונעם ישמח משה, האב איך לעצטנס געהערט אז די משפחה ווייסמאן שטאמט פון אים.

וועלכע ווייסמאן'ס די נוע"א אייניקלעך?

אין ב"פ איז דא ווייסמאן'ס ר' מאיר ווייסמאן פון סיגוט ביהמ"ד, ר' יושע ווייסמאן וואס האט קינדער אין וומס"ב, אין סאטמאר וומס"ב איז דא א מגי"ש ווייסמאן, די זעלצער משפחה (ק"י ב"פ) זענען אויך אייניקלעך.

מילער, איך האב געטראכט וועסט מיר קאנטאקטען אין אישית, ס'איז נישט קיין סוד.
בן הרחמן האט דיר שוין געענטפערט, זיי האב איך טאקע געמיינט, איך האב געוואוסט בעיקר פון דעם בנין חיים דער סארוואשער ער איז געווען א איידעם ביי ר' פנחס מיילעך ווייסמאן, אן אייניקל פון דעם ר' איציקל, איך ווייס נאר נישט וויאזוי, איך וואלט געקענט ביישטיין צו וויסן איך ווייס נישט אויב זיי ווייסן יא, דער סאטמאר רב אין א בריוו רופט אים אויך אן ידידי ש"ב.

בני-היכלא;

דער סאטמאר רב רופט וועמען אן ידידי ש"ב?

אויב דו רעדסט פונעם בנין חיים, איז זייער פשוט, ער איז געווען דעם ייטב לב'ס אן אייניקל, דורך זיין מוטער הרבנית ע"ה בת ר' משה יוסף ט"ב מ'אוהעל זצ"ל.

געוויס געוויס קרעמער, איך רעד פון זיין שווער ר' פנחס מיילעך, וואס די קורבה זיינע מיטן סאטמאר רב איז אלס'ן זיין אן אייניקל פון ישמח משה'ס ברודער.

נישט ווייסבלום?
לויט ווי דער זכרון דינט מיר האבן זיך עליכע "אחר בן אחר'ס" פונעם נוע"א גערופן "ווייסבלום" נישט ווייסמאן.

ווער האט דא גערעדט פונעם נוע"א? ווייסער

מילער איך האב געזען אין "הגאון הקדוש הישמח משה", אנפאנג רעכנט ער אויך אויס דעם ישמח משה'ס משפחה, ער ווייסט נאר צו זאגן פון זיין זון ר' אלעזר און זיין אייניקל ר' מאיר, אבער ער איז מעתיק דעם מאיר'ס מצבה, דאס קען דיר אפשר זיין אינטערעסאנט.

ס'איז געווען אין א צייטונג יעצט תמוז ביים ר' צבי הירש שיף'ס יארצייט [וואס מ'האט לעצטענס געטראפן זיין מצבה אין זבארוב], אבי הישמח משה, א באשרייבונג פון זיינע דורות, אבער איך בין נישט זיכער אז ער האט מער פרטים, ווייל איך האב נישט מעיין געווען דארט.

דער סופר פון וומ"ס, נו וויזוי הייסט ער? דער טייטלבוים, אה, יא, ר' משה דוד דאכט זיך, זיי זענען אייניקלעך פונעם יש"מ א ברודער. (ועל שם זה האבן זיי זיך ערלויבט צו טוישן דעם נאמען אויף ט"ב...)

זארעכפעפער, אויב ווייסטו דאס אויף זיכער וועל איך זיך נישט מחולק זיין, איך מיין אבער אז זיי זענען אייניקלעך פון דעם ייטב לב אויך.

מיללער כתב:וועלכע ווייסמאן'ס די נוע"א אייניקלעך?

פון דעם האב איך גערעדט.

איך האב געמיינט אז אפשר האסטו געמיינט "ווייסבלום" במקום ווייסמאן

די נייטרא'ער טייטלבוים'ס זענען אויסגעבארגט.
נישט קיין אייניקלעך פונעם יש"מ.

אלץ-ווייסער כתב:

מיללער כתב:וועלכע ווייסמאן'ס די נוע"א אייניקלעך?

פון דעם האב איך גערעדט.

איך האב געמיינט אז אפשר האסטו געמיינט "ווייסבלום" במקום ווייסמאן

ס'פארהאן א ווייסמאן משפחה (רחמ"ד סאטמאר וומ"ס) אייניקלעך פון נוע"א

סערוויס
קודם שאלעמאלייכעם.

דער סופר טייטלבוים פאמיליע, זענען נישט קיין אייניקלעך פונעם יטב לב פון צד האב.

מיללער כתב:

ס'פארהאן א ווייסמאן משפחה (רחמ"ד סאטמאר וומ"ס) אייניקלעך פון נוע"א

אויב מיינסטו דעם מגי"ש דאן איז ער נישט קיין אייניקל פון נוע"א דורך ווייסמאן ווייל ער איז די זעלבע משפחה ווייסמאן וואס אויבנדערמאנט אייניקלעך פון ברודער פון ישמח משה, קען זיין אז פון זיין מאמע וכדו' איז ער אייניקל פון נוע"א.

אוי וואס וועט דא בלייבן פון זיי.
נישט יטב לב
נישט נועם אלימלך.

כאטש פון אדעמארישען זענען זיי יא איייניקלעך?

בן הרחמי, יא דער מגי"ש איז אן אייניקל פונעם נוע"א דורך די מוטער זיינע מרת בונא גיטל, זי איז אויך אן אייניקל פון ר' הירצקא'לע ראצפערטער.

די משפחת הסופרים (ר' ליפא וכו') טייטלבוים זענען פון די זעלבע טייטלבוים משפחה וואו דער נייטרא'ר רב זצ"ל און ר' מיכאל בער זצ"ל (בזוו"ש) זענען געווען איידעמער.