קידושין רינגל אפגעפונען אין מיסט קאסטן

די פאלגענדע נייעס האבן היינט געמאכט קעפ-ליניעס אויף ק.נ.א.:

ניו יארק סטעיט טרופערס האבן געפונען די פארלוירענע רינגלעך און ברעיסלעט וואס א מאנטריאלע פרוי האט בטעות אריינגעווארפן אין א מיסט-קאסטן אויפן ניו יארק טרואוועי.

דאס קאנאדישע פארפאלק איז געווען אויפן וועג אהיים פון ניו יארק סיטי ווען זיי האבן זיך אפגעשטעלט ביי א רעסט-עריע, די פרוי האט אראפגענומען אירע צירונג כדי צו וואשן די הענט, און האט דאס אריינגעשטעלט אין איינע פון די עסן בעגס וואס זי האט געהאט מיט זיך.

בעפאר זיי האבן פארלאזט דעם רעסט-עריע, האט זי אריינגעווארפן דעם בעג אינעם איבערגעפולטן מיסט-קאסטן, און הערשט אנקומענדיג אהיים אין מאנטריאל האט זי זיך געכאפט אז אירע צירונג זענען געבליבן אינעווייניג אינעם עסן-זעקל.

זיי האבן באלד אנגערופן די ניו יארק סטעיט פאליציי, און איינער פון די טרופערס איז אראפגעפארן צום רעסט-עריע אויפצוזוכן די רינגלעך.

מיט די הילף פון א צווייטער טרופער זענען זיי אריינגעקראכן אינעם איבערגעפולטן גארבעדזש קען, און דורכגענישטערט אלע שמוציגע זעקלעך ביז זיי האבן דאס ענדליך געפונען און אפגעשיקט פאר די דאנקבארע פארפאלק אין מאנטריאל.

דערווייל איז אונז נישט געלונגען צו דערגיין אויב דאס איז א אידיש פארפאלק (וואס שטימט מיטן אויסטאן רינגלעך אלס חציצה ביים וואשן נטילת ידים).

אלטע נייעס. עס איז געשטאנען אין די בלאט לעצטע וואך

נישט פלעין אין די בלאט נאר עס האט גאר פיגורירט אויפן פאדערשטן פיסל, איי מין זייטל.

און סי געשטאנען די נאמען אויך, איינער שטערן.

קרעמער כתב:
דערווייל איז אונז נישט געלונגען צו דערגיין אויב דאס איז א אידיש פארפאלק (וואס שטימט מיטן אויסטאן רינגלעך אלס חציצה ביים וואשן נטילת ידים).

מיר ווייסן אויך פון די נייעס זינט שבת נאכ'ן טשאלענט. דער בלאט האט מירעס אליינס דערציילט.
אבער וואסי פשט פון די ספק? קנ"א ווייסט טאקע נישט צו דאס איז א אידיש פארפאלק? דאס ווייסעך אז ס'פארהאן גוים מיט'ן נאמען שטערן, און אפשר אויך וואס וואשן זיך די הענט פאר'ן עסן, אבער א קידושין רינגל?

במחילת כבודכם, איר זענט נאט נייס... איינער קומט פארציילן א אינטערעסאנטע נייעס
און יעדער שפרינגט דא אויף ווי תינוקות...
אה איך ווייס שוין... אה איך אויך...
פליז... אקעי ?

קרעמער שקויעך פאר די נייעס, גארנישט געהערט דערפון

איזאק איז גערעכט,

פאר'ן בלאט זאגסטו אויך 'כ'האב עס שוין געזען מיטוואך אינעם קרעטשמע'?

יא איזאק איך בין מיט דיר.
מילער דיין ליצנות איז אויף די העכסטע שטאפלען, חחחחחחחחחחחח פארפאלען אז גוט איז גוט,

איך לייען עס אויך יעצט די ערשטע מאל, יישר כח קרעמער.

איזאק כתב:במחילת כבודכם, איר זענט נאט נייס... איינער קומט פארציילן א אינטערעסאנטע נייעס
און יעדער שפרינגט דא אויף ווי תינוקות...
אה איך ווייס שוין... אה איך אויך...
פליז... אקעי ?

גערעכט. בינעך זעך מוידע אימיסוואדע באראבעם: איך חיים ברוך בן קרעטשמע האב חוטא ומחטיא געווען גאנץ כלל יש...... יויש, כ'בין דא פארפארן..... חוטא געווען נגד מאורינו ומדריכנו מייסדינו שבא יבא על שבת הג...... יויש שוין ווייטער.
עניוועי, ביזט גערעכט. ס'איז נישט שיין. לאמיך אויסשרייען הויעך:
קאסמא קרעמער, ביזט מיר מוחל???????

שכויח קרעמער, גאר אינטערעסאנטע נייעס יצעט געהערט צום ערשטן מאל. זעהט אויס נישט יעדער ליינט די בלאט

מיללער כתב:איזאק איז גערעכט,

פאר'ן בלאט זאגסטו אויך 'כ'האב עס שוין געזען מיטוואך אינעם קרעטשמע'?

כ'גלייך נישט צו רעדן צו די וואנט, כ'מיין צו די בלאט, אבער אין מח, גייט מיר אריבער די זעלבע ניגון, 'אלטע נייעס'.

ווען כ'האב דארט געזען די נייעס פון פאסעט'ן, האבעך נישט געזוכט צו ליינען די נייעס, ווייל דאס האבעך שוין געוואוסט פון דא, כאנאר געקוקט צו ס'איז דא עפעס אפדעידטס.

מיללער, יוי האבעך געלאכט...

האסטמעך דערמאנט דעם אלטן ווערטל: פון וואו ווייסט דער "ניו יארק טיימס (וי"ג טאימס) מאנטאג, וואס "דער איד" גייט שרייבן מיטוואך?...

איך שפיר א פליכט זיך צו באדאנקן פאר איזאק'ן, וועלכער האט זיך אזוי הערליך אנגענומען פאר מיין נישטיגער כבוד, ממש שלא על מנת לקבל פרס. עס איז א זעלטנהייט צו טרעפן אזא מלמד זכות אויף אידן, זאל דיר דער זכות ביישטיין, בפרט אין די קומענדיגע פאר מעת לעת.

און צו אייך אלעמען וויל איך זאגן, אז ווי עס איז אייך באקאנט ליין איך נישט קיינע פון די אידישע אויסגאבעס אויסער די "מעלות", על כן באשולדיגט מיר נישט אויב איך ברענג צו עפעס וואס זיי האבן שוין צושמירט אויף זייערע בלעטער. און זאלן די רייד דינען אלס התנצלות פון היינט ביז אלעמאל, א שטייגער ווי די אמאליגע מחברי ספרים וועלכע האבן זיך פארענטפערט אז זיי קוקן נישט אין היינטיגע ספרים, דערפאר קען מען ביי זיי געפונען סחורהו וואס אנדערע האבן שוין געדרוקט.

קאסמא, האסט מיר אבער נישט גענפערט, 'ביזט מיר מוחל?'
כ'מיין, ס'קומט דאך די קומענדיגע פאר מעת לעת... כ'ציטער דערפאר....
פליז!