Re: איך בין צושמארבערט..............
צו ראנאלד-רעיגן,
אייער פראבלעם ווערט טיטולירט אונטערן נאמען פון צעשמאטאצמעראציע דיסארדער. דאס איז א דיסארדער וואס מאכט זיך אפט ביי פארהייראטע מענער צווישן 20/120 יאר. לויט א סטאטיסטיק געפונט זיך דאס אפ ביי א 60% מענער קעגן א 40% ביי פרויען. די סיבות דערפאר, צייגן זיי אן, איז צוליב דעם פרעשור וועלכער איז ארויפגעלייגט געווארן אויפן מאנס פערזאן. אין תורה'דיגן גייסט ווערט דאס באצייכנט אלס 'בזיעת אפיך תאכל לחם'.
די שווייס פון די אפיים פארמאגן אין זיך באשטאנדטיילן פון כעמיסטישע באצילן, אונטערן נאמען PARNASA (פרנסה בלע"ז), וואס מער ווייניגער זענען רוב מענער אנגעשטעקט דערמיט. ווי ביי יעדע באציל, איז ביי דעם גארנישט אנדערשט. עס זענען פאראן די גוטע באצילן און די שלעכטע באצילן, וועלכע פירן א שטענדיגע מלחמה צווישן דעם מענטשנס אפיים.
עס ווערט אנגעוויזן, אז צווישן די זעכציג פראצענט מענער וועלכע ליידן דערפון קומט דאס מחמת דער עמיונט סיסטעם איז ביי זיי זייער אין א נידעריגן שטאנדפונקט. דאס שווערעקייט פונעם 'תאכל לחם', וועלכע הויערט אויף די אפי האנשים, עסן ארויס פונעם קערפער דעם עמיונט סיסטעם און דעריבער זענען די מענטשן מער אויסגעשטאט אויף אזעלכע מצבים. זיי קענען זיך פשוט נישט באהערשן בייצוקומען די שווערע צושטאנדן וואס באפאלט זיי.
עס זענען פאראן פארשידענע עצות און וויטאמינען אויפצובויען דעם עמיונט סיסטעם און צו פארשטערקערן די כוחות פון די גוטע באצילן, און ווען דער מצב באפאלט דעם קערפער פארמאגן די גוטע באצילן גענוג קראפט און זיך דורכצושטופן דעם מצב. דער עמיונט סיסטעם פארטרייבט דעמאלט פשוט די שלעכטע באצילן.
די ווייטאמינען איז דא צו קריגן אין יעדן שולע. עס זענען פאראן ספעצילע שאפעס, עקסטער פאר בבלי און עקסעטר פאר ירושלמי. ווי אויך עקסטערע פאליצעס פאר מאראל NUSER – ELUL און באזונדער פאר קבלה.
בהצלחה