Re: איז פעילין מקעין'ס וויצע?
פאר די זעלבע סיבה וואס אלע רעפובליקאנער זענען אזוי פרייליך מיט די אויסוואל, עס איז א פאליטישע מאוו וואס מען האט שוין לאנג נישט געזעהן, קודם כל האט מקעין באלאנסירט זיין טיקעט מיטן אויסוועלן א קאנסערוואטיווע ווייס פרעזידענט וואס דערווייל האט אים געפעלט די קאנסערוואטיווע שטיצע, נאכדערצו איז עס א פרוי וואס קען אים העלפן אריבערברענגן צו זיך אסאך קלינטאן שטיצער וואס זענען נאך סתם אזוי נישט צו זיך געקומען פון איר דורכפאל,
דאס אז זי איז יונג,44 יאר ברענגט אסאך פרישקייט צו זיין טיקעט נאכדערצו אז דאס איז ווי א נייע אויפגעקומענע שטערן וואס מען האט נאכנישט געהערט צו פיל פון איר וואס קען אביסל קאמפיטן מיט אבאמא'ס מעסעדזש פון טשעינזש, חוץ פון דעם וואס עס זייענדיג א גאווערנער פון א סטעיט גיבט דאס צו צו די טיקעט עקזעקיטיוו עקספעריענס וואס פעלט פונעם אבאמא טיקעט,(סיי אבאמא און סיי ביידען זענען נאר געווען סענאטארן אן קיין ספעציעלע פירערשאפט ווי למשל א גאווערנער, א מעיער וכדו')
אין נאציאנאלע פארנעם איז זי נישט אזוי באקאנט אבער אין איר סטעיט איז זי גאר שטארק באקאנט זייענדיג די יונגסטע גאווערנער אין אלאסקאס היסטארי און איר אפראוועל רעיט שטייט ביי 80%, זי האט א משפחה פון פינף קינדער וואס דער אינגסטער איז קוים 4 חדשים און ליידט אויף דאון סינדראום ל"ע, דאס גיבט די בליק אויף איר אין די אויגן פון אסאך אמעריקאנער אז זי איז א חלק פון זיי, זי פירט אויך א משפחה און האט אויך פראבלעמען וואס דאס מאכט מענטשן פילן ווי איינער וואס וועט זיי פארשטיין, אנדערש ווי דער אבאמא טיקעט וואס באשטייט פון אזויגערופענע העכערע שיכט מענטשן וואס עס פעלט זיי נישט גארנישט נישט קיין געלט און כבוד און נישט קיין אנדערע פראבלעמען,
די מידיע הערט נישט אויף צו רעדן וואס פאר א געלונגענע אויסוואל מקעין האט געמאכט, זיין אויסוואל האט ממש איבערגענומען די נייעס פרייטיג און שבת און עס האט כמעט אינגאנצן אוועקגענומען די אטענשען פון אבאמא'ס געלונגענע דרשה וואס ער האט געהאלטן ביים אננעמען די נאמאנאציע פון די דעמאקראטישע פארטיי די פארגאנגענעם דאנערשטאג נאכט, יעדער איז שוין פון די פריע פרייטאג פארטאג שעה'ן געווען פארנומען וועמען מקעין וועט אויסוועלן, און ווען די נייעס איז אנגעקומען אז ער האט אויסגעקליבן אלאסקא'ס גאווערנער סאראה פאולין האט דאס אינגאצן עקסיידעט געמאכט די מידיע און מען האט נישט אויפגעהערט צו רעדן- נאך ביז יעצט- פון די פאליטישע שאס וואס מקעין האט ארויסגעשאסן (די פרישע נייעס איבער האריקען גאסטאוו וואס איז אויפן וועג קיין אמעריקע הייבט אן יעצט אביסל איבערצונעמען די פאליטישע ארענע)