רעפובליקאנער קאנווענשן

מארגן מאנטאג נאכט (שופטים) דארף זיך אפיציעל אנהייבן די רעפובליקאנער קאנווענשן אין מינאפיליס אבער יעצט איז געקומען די שאקינג נייעס אז מעגליך וועט ווערן אפגעלייגט די קאנווענשן אויף שפעטער וויבאלד מארגן איבערמארגן הייסט עס אז עס וועט זיך אנרוקן דער האריקעין גאסטאוו צו די פאראייניגטע שטאטן וואס דאס מיינט א קאטאסראפע פאר אמעריקע אזוי ווי עס איז פארגעקומען ארום דריי יאר צוריק ביי האריקעין קאטרינע, וועגן דעם איז מעגליך אז די קאנווענשן וועט ווערן אפגעלייגט, עס איז נאכנישט קלאר וואס זיי פלאנען צו טון מיט דער קאנווענשן -צו דאס אינגאנצן אפלייגן אויף שפעטער אדער דאס צו פארווואנדלען פאר אן אפיל פאר די באטראפענע- אבער דאס האט יא מקעין געזאגט אז אינדערצייט וואס אמעריקע גייט אדורך א קאטאסראפע איז נישט די צייט צו פייערן די קאנווענשן, מקעין האט געזאגט פאר ריפארטערס "מארגן נאכט און אויב וויכטיג במשך די גאנצע קאנווענשן וועלן מיר זיך אויפפירן אלס אמעריקאנער און נישט אלס רעפובליקאנער ווייל אמעריקע דארף אונז יעצט האבן, נישט קיין חילוק וואס מיר זענען רעפובליקענס אדער דעמאקראטס דארף אמעריקע אונז האבן צו טון וואס אלע אמעריקאנער האבן אלעמאל געטון אין א צייט פון א קאטאסראפע" (גענוג פרעזידענטליכע ווערטער?)

א ווארטזאגער פונעם ווייסן הויז האט שוין געלאזט וויסן אז דער פרעזידענט דזשארזש בוש יר"ה וועט נישט אויפטרעטן ביי די קאנווענשן נאך וואס ער האט געזאלט אויפטרעטן מאנטאג די ערשטע נאכט פון די קאנווענשן אבער צוליב האריקעין גאסטאוו וואס רוקט זיך אינטער וועט ער זיך נישט קענען באטייליגן ביי די קאנווענשן, עטליכע גאווערנערס פון די באטרעפנדע סטעיטס וועלן זיך אויך נישט קענען באטייליגן ביי די קאנווענשן צוליב די האריקעין וואס וועט זיי ווארשיינליך אנטרעפן, עס בלייבט נאר איבער צו זעהן צו די קאנווענשן וועט בכלל פארקומען יעצט אדער מען וועט דאס אפלייגן אויף א קומענדיגע געלעגנהייט

בפשטות טויג נישט פאר די רעפובליקאנער דער אנקום פון די האריקעין פונקט יעצט ווען זיי דארפן מאכן זייער קאנווענשן, נאכדערצו אז ווען מען רעדט פון א האריקעין דערמאנט מען זיך פון די שטאטע ריאקציע פון דער רעפובליקאנע בוש אדמיניסטראציע ביי האריקעין קאטרינע, אבער פון דער אנדערע זייט אויב מקעין וועט דאס אויסנוצן ווי עס דארף צו זיין און ער וועט זיך ארויסשטעלן ווי א פרעזידענט און געבן חיזוק פאר די באטראפענע און זאגן זיינע מיינונגען אז מען זאל שיקן הילף וכדו' קען דאס נאר ארויסהעלפן ווען מענטשן וועלן טראכטן אז דער חברה מאן טויג יא און מקעין וועט דאס גאר אויסנוצן ארויסצוברענגען פאר אמעריקע די חילוק וויאזוי בוש האט געהענדלט אזא זאך און וויאזוי ער וואלט דאס געהענדלט, אפגערעדט פון דעם אז אויב געט ער אויף זיין הכתרה אלס מיטגעפיל צו דאס אמעריקאנע פאלק כדי נישט צו פייערן א שמחה אינדערצייט וואס אנדערע ליידן דאס אליין קען אים ברענגן אסאך שטיצע,

ווי מען זעהט שוין פרובירט ער טאקע אויסנוצן די געלעגנהייט און ער איז שוין שטארק פארנומען מיט די האריקעין, ווי מען זעהט פון די אויבנדערמאנטע סטעיטמענט וואס מאכט דאס אמעריקאנע פאלק זייער באקוועם מיט אים אלס א מענטש וואס זוכט צו העלפן אמעריקאנער און איז גרייט פאר זיי און א צייט פון נויט, ווי אויך איז ער געפארן קיין מיסיסיפי - א פלאץ ווי דער האריקעין דארף אויך לאנדן - אויפן רוף פון דער דארטיגער גאווערנער כדי צו געבן חיזוק פארן עולם וואס גרייט זיך אויף אן ערנסטע קאטאסראפע, ממילא קען גאר זיין אז מעז יצא מתוק און די רעפובליקאנער וועלן נאר בענעפיטירן דערפון, יעצט ווארט מען צו זעהן וויאזוי אבאמא וועט נוצן זיין שכל (אויב ער האט) צו הענדלען די דאזיגע קאטאסראפע וואס באדראעט אנצוטרעפן אמעריקע די וואך, ווייל אויב ער וועט דאס אויך הענדלען ווי א שטארקע פירער קען ער גאר אסאך בענעפיטירן דערפון, אבער ביזדערווייל האט מען נאכנישט געהערט קיין מוק פון אים איבער די געשעעניש פון די האריקעין אבער ער האט נאכנישט פארשפעטיגט

הערליך שיין ארויס געברענגט אלע זייטן פון די מטבע א נחת צו ליינען.

ימים ידברו דער אייבישטער איז בעה"ב אויף זיין וועלטעל.

מקעין האט יעצט געמאלדן אז מ'וועט סוספענדן רוב פון די געפלאנטע אקטיוויטעטן פון די קאנווענשאן ווען "שטורם גוסטאוו".

ער האט געזאגט אונז וועל מיר דאווענען פאר די בעסט און זיך רישן אויף די ארגסטע.

שכוח שעפעלע פאר דיין גלענצדע באריכט

איך האב געשריבן אז האריקעין גאסטאוו קען ברענגען שטיצע פאר מקעין דורך דעם וואס מען וועט זעהן אז ער געט אויף זיין ערוואטעטע כבוד ביי די קאנווענשן אינדערצייט וואס דאס פאלק ליידט (עס זעהט אויס אז איינער פון זיינע אידישע געהילפן האבן געלערנט די גמרא וואס לערנט אונז נישט צו טון פארשידענע הנאות בימי בצורות ווען אנדערע מענטשן ליידן) אבער פון דער אנדערע זייט איז דאס א שטארקע פראבלעים פאר אים אז ער באקומט נישט די געלעגנהייט ארויסצוברענגען זיינע אויפטוען בעבר ובעתיד, און עס נעמט אוועק אסאך פון זיין אטענטשן וואס ער וואלט באקומען ווען נישט די האריקעין, וואס וואלט אים אוודאי ארויפגעריקט אין די פאולס, אבער יעצט איז א גרויסע שאלה צו די פארטיי'ס צוזאמקום וואס האט געזאלט ווערן אנגערופן בשם "קאנווענשן" צו עס וועט אים עטוואס ארויפרוקן אין די פאולס.

ווי עס זעהט אויס איז דער עולם ביים ווינקעל איינגעשלאפן הערנדיג אז עס גייט נישט פארקןמען ווי געפלאנט די קאנווענשן, איז וויל איך אייך זאגן........מודה אני............... מען דארף שוין אויפשטיין, דער קאנווענשן גייט אהן ווי געפלאנט מען האלט פאלטישע דרשות און מען קריטיקירט פעסט די דעמאקראטן כאילו לא הי', אנדערש ווי געפלאנט אז אין ליכט פון האריקעין גאסטאוו וועט מען נישט פירן קיין פאליטיק דארט נאר מען וועט רעדן פון די האריקעין און פערטיג אזוי ווי ר' יונה האט זיך אויסגעדרוקט "מיר וועלן זיך אויסטון די רעפובליקאנער היטלעך און זיך אנטון די אמעריקאנער היטלעך" אבער אזוי ווי פון דער גאנצע האריקעין איז גארנישט געווארן ווייל עס האט אראפגענידערט צו נאר א טראפישע שטורעם ממילא גייט די קאנווענשן אהן געהעריג, so wake up, היינט נאכט וועט רעדן ראמני האקאבי זשוליאני און דער ניי אויסגעקליבענע וויצע קאנדידאטקע שרה פאלין גאווערנער פון אלאסקא.

די פאליטישע גאס רעשט נאך אלץ מיט די געלונגענע נאכט וואס די רעפובליקאנער האבן געהאט נעכטן נאכט, איין רעדנער נאכן צווייטן האבן געגעבן זאפטיגע דרשות און שטארק אויפגעהייטערט די געמיטער פון דעם עולם, אבער ווי פארשטענדליך איז די ספאט לייט געווען געצילט צו פעילין ווארטענדיג וואס זי קען באווייזן, איר רעדע איז געווען ערשט קלאסיג און באמבאסטיש, אויף אזוי ווייט אז די איינציגסטע סטעיטמענט וואס די אבאמא קאמפיין האט געקענט זאגן איז איז זי האט געהאט א גוטע פארשרייבער, וואס ווי פארשטענדליך האט עס אויסגערופן א גרויסע ליצנות ווי כאילו זיין רעדע ווערט נישט פארגעשריבן.

אבער איצט איז ארויס געקומען א פרישע נייעס, כידוע רעדן רוב קאנדידאטן ווען פארנט פון זיי ליגט אזא מאשין ווי עס שטייט די גאנצע דרשה, ארויס געשטעלט האט זיך אז ביי איר איז עס געווען צובראכן עס האט נישט געארבייט געהעריג, און דאס האט ארויס גערופן גרויס נערוועזיקייט ביי די מקעין קאמפיין אויב איר רעדע וועט נישט זיין קיין דורכפאל, און נאך איר רעדע האבן זיי אפגעאטעמט אז אלעס איז אדורך בשלום, און איר רעדע האט געהאט דעם פארדינטן מעכטיגן אפקלאנג.

ווי אויך איז אינטערעסאנט צו זען ווער עס קען בעסער פירן א מלחמה, די מידיא אדער מקעין, מקעין האט זיך גענומען אמפערן מיט די מידיא צוליב דעם וואס זיי שליידערן ארויס פאלטשע קלאנגן אויף זיין וויצע, ער האט אטאקירט עטליכע גרויסע מידיא סטאנציעס און אפגעזאגט אן אינטערוויא מיט סי ען ען אלץ סטראשע, עס איז א געוואגטע שריט פון אים, נא וועל מיר ווארטן און זען ווער עס וועט געווינען.

יישר כח ראנלד רעיגן פארן ברענגען די נייעס. ווייסט דאך אוודאי אז געוויסע אנאליסטן האבן היינט צו טאג געצויגן שטריקלעך צווישן דיר אין מרס. פעילין, אנצייגנדיג צו דיין קאנווענשן רעדע אין 64'.

וואס מיר איז נאר אינטערסאנט צו באטאנען, איז די 'באראק אבאמא' ריעקשאן צו פעילנ'ס ספיטשט. ער זאגט אז מ'זאל אויפהערן צו דערמאנען נעמען, און רעדן צו דער זאך. ער פארלאנגט אז די רעפאבליקאנער זאלן פארלייגן וויאזוי מ'וועט העלפן די מיטל קלאס מענטשן און וויאזוי מ'וועט צוריק שטעלן די עקאנאמי אין פלאץ. נאכמער, די מידיע איז היינט א גאנצן טאג פארנומען אז מ'קעין וועט מוזן אין זיין רעדע אויפברענגען עפעס א 'פלאן' איבער עקאנאמיע.

הערסט א מעשה? בו בזמן וואס אבאמא האט יענע וואך בלויז 'פארשפראכן' צו העלפן די מיטל קלאס מענטשן, און ער האט בלויז פארשפראכן צו העלפן די עקאנאמיע ארויסקריכן פון איר פלאנטער, פארלאנגט ער גאר א 'פלאן' פון מ'קעין וויאזוי ער פלאנט דאס צו טוהן. חחח...

נאך מער, בו בזמן וואס ער, דער נאמענירטער דעמאקראטישער פרעזידענט (נישט וויצע), האט בלויז 'פארשפראכן' צו שניידן שטייערן, האט די נאמינירטע 'וויצע' פרזידענט (איר הערט, נישט דער נאמינירטער פרעזידענט זעלבסט, נאר זיין וויצע) געטייטלט ביי איר רעדע דעם בלויזן 'פאקט' אז זי האט 'למעשה' באוויזן צו שניידן די שטייערן ביי איר אין שטאט! נאכאמזל זי האט דאס דערמאנט, ווייל ווען נישט וואלט אבאמא פארלאנגט אז מ'קעין זאל פארלייגן זיין טעקס פלאן...

איין זאך איז זיכער, אז די דעמאקראטן שפילן פיל בעסער ווי די רעפובליקאנער. אין דער צייט וואס זיי פארקויפן נישט גארנישט, און זייער גאנצע אגענדע איז בלויז הבטחות אן קיין דעקונג געמישט מיטן האלטן אין איין אטאקירן די רעפובליקאנער, זענען די רעפובליקאנער ביזי זיך צו דעפענדן פון די אטאקעס...

הער אויס זרח, ווען זיי וואלטן מיר ווען אויסגעהערט וואלטן זיי אלע אנדערש אויסגעקוקט...........איך מעג אויך האלטן פון מיר נישט נאר זיי מיט זייער פרעכע גאוה כידוע, וואזשע זאל איך אבער טון אז זיי פארקירעוון זיך פונעם ריכטיגן רעיגן צום פאלטשן רעיגן...........

אן אינטערעסאנטר נקודה איז כדאי אנצומערקן, אז פעילין האט געהאט כמעט די זעלבע מאס צוהערער(37.2 מיליאן)ביי איר דרשה ווי דעם היסטארישן אבאמא'ס דרשה (38.4מיליאן), דאס ווייזט אז עפעס האט מקעין יא אויפגעטון מיט איר נעמען.

ראנעלד-רעיגן כתב:אן אינטערעסאנטר נקודה איז כדאי אנצומערקן, אז פעילין האט געהאט כמעט די זעלבע מאס צוהערער(37.2 מיליאן)ביי איר דרשה ווי דעם היסטארישן אבאמא'ס דרשה (38.4מיליאן), דאס ווייזט אז עפעס האט מקעין יא אויפגעטון מיט איר נעמען.

איך האף אז דו פארשטייסט דעם חילוק פון אבאמאס 38מ קוקערס אנטקעגן פעילינ'ס 37מ.

אבאמא רעדט שוין צום ווייסעכוויפלטן מאל, און האלט נאך אלץ אן זיין פאפולעריטעט. מענטשן זענען מעשוגע!... פאר מוצא שפתיו, און דעריבער אז ער האט געהאלטן זיין נאמינאציע רעדע זענען זיינע שטיצער געזעצן צוגעשמידעט צו די מידיע נישט וועלנדיג פארפאסן קיין שום הגה היוצא מפיו.

פעילנ'ס רעדע האט געצויגן מאסן קוקערס בלויז פאר די איין סיבה, ווייל יעדער האט געוואלט זיך באקענען מי היא זאת ואיזה זאת האשה המדוברת. זי איז אן אומפאפולערע פאליטישן, קיינער האט נישט געהערט פון איר, און אז מ'האט איר אויפגעבלאזן ווי א צוקונפטיגע פאליטישע שטערן זענען מיליאנע מענטשן פשוט געווען נייגעריק צו הערן וואס זי פארקויפט. כ'גלויב שווער אז זי וועט אנהאלטן איר פאפולעריטעט 'אין רעדעס' אזש אז מענטשן זאלן אויסגיין נאך אירע דרשות.

זרעך אמת וואס די זאגסט, דער אבאמא ציט מיליאנען צוהערערס צו זיינע דרשות ער קען האלטן דעם עולם געשפאנט, איך האב געהערט סיי מקעין'ס קאנווענשאן דרשה און סיי אבאמא, דער מקעין רעדט ווי א טריקענע בלעטעל, משא"כ אבאמא וען ער רעדט גיסט זיך זאפט אז ס'גייט א רויעך.

אבער מקעין האט פארדינט אז צוליב פעילין זענען 37מ מענטשען געזעצן און אויסגעהערט זייערע דרשות אזוי איז דער ספאט לייט געווען געצילט אהין, וואס ווען נישט דעם וואלט זיין קאנווענשאן געצויגן ווייניגער אינטערעסע, גראדע האב איך געהערט אז מקעין ביי זיין דרשה האט געהאט מער צוהערערס איך ווייס עס נישט קראנט אפשר איז דא איינער וואס ווייסט צו עס איז אמת?

זארעך די אנאליסטן זאגן אז אמאל פלעגט מקעין האבן טריקענע ראליס ער האט קיינמאהל נישט געהאט קיין 10000 מענטשען ביי א ראלי זייט פעילין גייט מיט אים אויף די ראליס איז נישט דא קיין איין ראלי וואס איז דא ווייניגער ווי 10000מענטשן, ממילא איז עס לאו דוקא די ערשטע מאל וואס זי רעדט

פויער, דער וואוקס אין מענטשן וואס מ'קעין האט באקומען ביי זיינע ראליס, אדאנק פעילין, איז נישט מכח אירע רעדעס, נאר פשוט די ענטואיזים. די רעפובליקאנער האבן, סאמהאו דורך א גוטן טאקטיק, אויפגעבלאזן איר צוקונפטיגע פאליטישע פעיאיגקייטן און איר בלויזע אנוועזנהייט האט שוין געהויבן זייערע געמיטער אזש אז זיי קומען צו קריכן אין די מאסן, אבער דאס האט גארנישט צוטאן מיט אירע רעדעס. א רעדנער איז אבאמא!

וואלט ווען מ'קעין זיך געוואנדן צו מיר נאך א לאזונג, וואלט איך אים געאפערט די פאלגנדע:

"איך פלאן נישט אנצוקומען אין ווייסן הויז דורך 'רעדעס' נאר דורך שטימעס!"
"עס איז נישט וואלן פאר א 'רעדנער', עס איז וואלן פאר א 'פרעזידענט'!"