2008 קאמפיין (מקעין/אבאמא פליפ-פלאפ?)

אין די פאליטישע וועלט איז איינס פון די ערגסטע זאכן פאר א קאנדידאט א פליפ פלאפער, אויב געלונגט פאר די אנדערע פארטיי ארויף צו לייגן אויך דעם אנדערן קאנדידאט א סטיגמא, אז ער איז א פליפער קען ער געווענטליך פארגעסן פון צו זען דעם אוועל אפיס (ווער געדענקט נישט דזאן קעריס סטעטמענט איבער איראק "איך בין געווען דערפאר פאר איך בין געווען דערקעגן" וואס דאס איז געווען איינס פון די זאכן וואב האבן אים אראפ געברענגט).

פארשטייט זיך איינס פון די זאכן וואס יעדער פראבירט, איז צו באטוטלן יענעם אלץ פליפער אפילו עס האט נישט קיין שמץ אמת אין זיך, אין א גרויס חלק פון די קאמפיינען איז איבער פליפערס, ווי יעדער פראבירט זיך צו פארענטפערן, אז ער איז נישט, אין שרייען אז יענער יא, דא וועל איך ברענגן עטליכע נושאים אויף וואס קאנדידאטן האבן געפליפערט, אין זען צו עס האט אן אמת אין זיך אדער סתם געהאקט א לאטקע מידיא סטייל.

צום ערשטען, מלחמה אין איראק: שרייט יעדער אז יענער האט געפליפט, העמיר ברענגן די דברים כהויתן.

אבאמא: האט געשטימט קעגן קריג ווען מ'איז אריין.

בוש האט צוגלייגט נאך 20,000 טרופן, בעת עס האט געהאלטן ביים ערגסטן מצב, אבאמא האט געשטימט דערקעגן, דאס איז געווען פעברואר 07'

עטליכע חדשים פריער האט אבאמא געשריגן, "אז ברענגן נאך טרופן איז קיין שום קלער אז עס וועט פארבעסערן די סיטואציע".

ינואר 07' "די טרופן שוואונג וועט נאר פארערגערן די מצב.

מערץ 07' די טרופן שוואונג וועט נישט ווירקן אויף א לענגערע צייט.

מאי 07' איך האלט נישט אז עס ווירקט עפעס.

סעפט. 07' (ווען די מצב אין איראק איז שוין געווארן אסאך בעסער) "עס האט נישט געהאט קיין ערפאלג" "עס איז א וועג וואס וועט נישט מצליח זיין".

נאוועמבער 07' עס האט גאר פארערגערט די סיטואציע.

יאנואר 08' די רעדוצירטע געוואלטאטן איז קיין אויפטו, עס האט עס נאר אראפ געברענגט צו די שטאפלן פון 05' ( 06' האט זיך די מצב גאר שטארק פארערגערט, אסאך מער ווי 05').

מאי 08' מ'טרייבט איבער די סוקסעס פון די טרופן שוואונג.

יולי 08', אבאמא'ס אויסלענדישע פאליסי ראטגעבער אין א סטעיטמענט, ליינט אין שטוינט! "אבאמא האט קלאר געזאגט ווען מ'האט געמאלדן די טרופן שוואונג, אז די זיכערהייט וועט פארבעסערט ווערן, ווייל ווער האט דען געקלערט אז ווען מ'ברענגט אריין די פיינע סאלדאטן פון אנעריקא קיין איראק אז זיי וועלן נישט סוקסעסירן, אוודאי וועלן זיי סוקסעסירן!"

נא מאכטס אליינס דעם סך הכל.

דזשאן מקעין: האט געשטימט פאר די קריג ווען מ'איז אריין, פון די איינציגסטע סענאטארן וואס זענען אייביג מיטגעשטאנען מיט בוש צו די רעכטע האנט ווען ס'האט זיך געהאנדלט איבער איראק, בשעת ווען דזשאן מקעין האט אנגעפאנגן צו לויפן אין די פריימעריס אויף די רעפאבליקאנע פארטיי, איז די מלחמה אין איראק געווען זייער אימפאפולער, אפילו בי א גרויסע חלק רעפאבליקאנער, אין ער איז געשטאנען ביי דאס זייניגע, מ'טאר פון דארט נישט ארויס גיין ביז מ'ענדיגט דעם דזאב, איינמאל האט ער זיך אויסגעדריקט "אפילו ס'זאל זיך אויספעלן הינדערט יאר" דארט צו בלייבן העמיר עס מוזן טון, בשעת ווען אנדערע רעפובליקאנע קאנדידאטן האבן געדרייט מיטן צונג איז ער געשטאנען ביי זיין שטעלונג, אין גרייט געווען פאר דעם צו פארלירן די נאמינאציע, שפעטר אונעם קאמפיין ווען יעדער האט שוין געזען אז די מצב אין איראק פארבעסערט זיך, האט ער ביי א דעבאטע פאר די פלארידע פריימעריס טאקע מיט דעם שטארק פארגעהאלטן מיט ראמני, היתכן ער האט אויפגברענגט אזא זאך ווי "טיים טעיבלס".

לעצטענס האט זיך די מידיא צוגעכאפט צו א געבראטענס, מ'האט געכאפט מקעין ביי א פליפ פלאפ, מקעין האט אין א סטעיטמענט געלאזט פאלן ווערטער "די זעכצען מאנאטן פלאן פון אבאמא זיך ארויס צו זען פון איראק איז היבש א גוטע צייט פלאן", מ'האט עס באריכטעט אין אלע העדליינס, אראפ געברענגט ווידיאוס דערפון, אין געמאכט דערפון א געשמאקע צימעס.

יעצט לאמיר זען צו עס האט עפעס האפט אין זיך, בשעת ווען די מצב אין איראק איז געווען אים'דערטרעגליך האט קיינער נישט געגלייבט אז מוועט יעצט שוין האלטן ווי מהאלט, האט מקעין געזאגט איינמאל אן נאכאמאל, ווי לאנג ס'פעלט זיך אויס דארט צו זיין אויף צו סטאביליזירן דעם מצב דארף מען דארט בלייבן, אפילו אויב ס'פעלט זיך אויס הונדערט יאר, יעצט ווען די מצב איז שוין אסאך פארבעסערט געווארן האט ער אנגעגעבן אז זעכצן מאנאטן איז נישט קיין שלעכטע פלאן, אבער אלעס ווענד זיך אין די מצב וויאזוי די גענעראלן פון פראנט געבן איבער, אין אז מ'קען ארויס גיין מארגען העט זיין מארגען, נאר סך הכל וואס ער זאגט אז לויט די איצטיגע מצב איז 16 חדשים א גוטע פלאן, אנדערש ווי אבאמא וואס זאגט 16 חדשים ביי האק ענד ביי קראק.

נעקסט העמיר זיך באציען צו נאפטע, אין טעקס קאטס.

רעיגן, ביסט אביסל גרייזיג מיט דיין סטעיטמענט אז אבאמא האט געשטימט קעגן די איראקער מלחמה פארן אריינגיין, ווייל די פאקט איז אז ער איז נאך דעמאלטס געזעצן אין אילינאי סטעיט סענאט, און קיינער האט אים נישט געפרעגט אויב ער איז דערפאר אדער אקעגן.

בנוגע פליפ-פלאפס, האבן ביידע קאנדידאטן שטארקע טענות איינער אויפן צווייטן, די גאנצע שאלה איז יעצט ווער איז דער גרעסערער פליפ-פלאפער. אבער לענ"ד איז די היי-יעריגע קאמפיין בכלל נישט קיין אישו איבער פליפ-פלאפער, נאר יונג קעגן אלט, שווארץ קעגן ווייס, פנים חדשות אקעגן טעם זקנים, ערפארונג קעגן לופט.

איים דזשאן מעקעין, און איי אפרואוו דיס מאסאדזש.

דזשאן מעקעין כתב:רעיגן, ביסט אביסל גרייזיג מיט דיין סטעיטמענט אז אבאמא האט געשטימט קעגן די איראקער מלחמה פארן אריינגיין, ווייל די פאקט איז אז ער איז נאך דעמאלטס געזעצן אין אילינאי סטעיט סענאט, און קיינער האט אים נישט געפרעגט אויב ער איז דערפאר אדער אקעגן.

גערעכט דעמאלטס איז ער נאך טאקע נישט געווען אין סענאט, כאב מיך נישט גוט אויסגעדריקט, געמיינט האב איך אז ער פארקויפט אז ער איז אייביג געווען קעגן די איראקער קריג, מיט דעם פלעגט ער אלץ פארהאלטן קלינטאן ביי דעבאטעס, אז איך בין אייביג געווען קעגן די מלחמה, משא"כ די האסט געשטימט דערפאר, אין אזוי האט ער אפגעקויפט די הערצער פון די לינק געשטימטע חברה. אבער ביי די ביל איבער פאנדן די איראקער מלחמה, איז ער שוין יא געווען אין סענאט, אין דעמאלטס האט ער געשטימט קעגן דעם ביל.

דזשאן מעקעין כתב:
בנוגע פליפ-פלאפס, האבן ביידע קאנדידאטן שטארקע טענות איינער אויפן צווייטן, די גאנצע שאלה איז יעצט ווער איז דער גרעסערער פליפ-פלאפער. אבער לענ"ד איז די היי-יעריגע קאמפיין בכלל נישט קיין אישו איבער פליפ-פלאפער, נאר יונג קעגן אלט, שווארץ קעגן ווייס, פנים חדשות אקעגן טעם זקנים, ערפארונג קעגן לופט.

איים דזשאן מעקעין, און איי אפרואוו דיס מאסאדזש.

אין דעם קאמפיין איז דאס טאקע נישט אזא שטארקע נושא, ווען באמת וואלט עס ווען יא געדארפט זיין, ווי למשל אבאמאס פליפ-פלאפ איבער איראק, וואס ער זאגט היינט ממש פארקערט ווי ער האט געזאגט אמאל, אבער צוליב די ליבשאפט וואס די מידיא האט צו אים ווערט עס פארווישט.

אבער בעיקר וואס איך ברענג דא, איז צאמצונעמן לפונדק אחד אלע פליפ-פלאפס, אין זען ווי פאלש די פרעזידענט קאנדידאטן זענען היינט, וואס יעדן טאג קענען זיי זאגן עפעס אנדערש אבי צו קענען אנקומען אין ווייסן הויז.

ראנאלד רעיגען.

קודם דארף איך אייך קאנגראטולירן אויף אייער פרישער אנאליז, וואס ס'דערקענט זיך דערין א געוואלטיקער ארבעט, און שכל'דיגער צוגאנג.

לגופו של ענין, וועל איך פרובירן אריינצואווארפן מיינע פאר ארימע קאפיקעס, צו ווייזן אז איך האב עס געליינט.

די באקאנטע לאזונג פון קערי איך בין געווען דערפאר בעפאר איך בין געווען אנטקעגן, האט מער גורם געווען א שרעקליך ליצנות אויף דעם בא-מעדאל-ירטער וועטעראן סאלדאט-סענאטאר, ווי געוויזן אויף א געווענליכע פליפ פלאפ פון א פאליטישאן.

אזוי ווי דו זאגסט, יעדער קאנדידאט איז א פליפ פלאפ, די מענטשן האבן זעלטן א שיטה, מיט וואס זיי וועלן קעמפפן מיט ציין און נעגל ביז בלוט-רין, נאר אלץ איז צו געפעלן דעם פובליקום, מ'דארף דאך צוקומען צום עולם צו ווערן אריינגעשטימט, זאגט מען וואס עס געפעלט, און היינטיגע צייטן ווען יעדעס ווארט ווערט רעקארדירט איז כמעט אוממעגליך נישט צו טרעפן פליפ-פלאפלעריי..

נאר וואס דען, רעגולערע פליפ פלאפס איז נאך אקצעפטירבאר, אבער אמאל געלונגט צו טרעפן א זאפטיגס.. אווי דער קערי אויסדרוק, אדער די קלינטאן באסניע ליגן, וואס דארפסט נישט מער ווי איבערשפילן אפאר טויזנט מאל פארן פאלק, און ער ווערט בטל מאיליו. אלס'ן קליפה פון ליצנות וואס מיר אידן ווייסן דאך דער געוואלדיגער כח וואס ליגט דערין, און נישט קיין נפקא מינה ווי קלוג און טאלאנטפול און עקספיריענסד דער קאנדידאט זאל נאר נישט זיין, וועט ער פאלן ווי א פלוג, אנטקעגן זיין אפאנענט.

רעיגען איך מיז דיר באדאנקען פאר דיין געשמאקע אנאליז וואס די האסט ארויסגעברענגט וואס מיר אלע טראכטן, עס דערקענט זיך אז די ביסט אמאל געווען ביים פירערשאפט פון דאס לאנד.... (אין די בעסטע קאנסערוואטיווע צייטן) אבער לענ"ד האלט איך אויך אז דאס יאר קוקט מען עפעס נישט אזוי אויף די פליפ פלאפס ווייל עס ווערט אין שאטן פון אנדערע פראבלעימען וואס פלאגט דאס אמעריקאנע פאלק, און פארשטייט זיך אז די מידיע שפילט אויך צו צו פארדעקן די אויסערגעווענליכע פליפ פלאפס פון דער באמא

דער אשכול דא איז זיך געבליבן און א זייט נאך די מאסן פראטעסטן פון די תושבים דא אז פליפ פלאפ'ס איז נישט קיין גייענדיגער ארטיקל.

אשר על כן נאך א גרויסע מיטינג מיט די פארזיצערס פון רעיגן'ס אלטע קאמפיין פארזיצערס איז באשטעטיגט געווארן, צו טוישן דעם פלאץ פאר "2008 קאמפיין" סיי די פרעזידענטליכע, און סיי די סענאט קאנגרעס וכו' וכו'

היינט איז ארויסגעקומען די נייעס אז מעקעין האט אויפגעטריבן דעם לעצטן חודש 27 מיליאן, די RNC (רעפאבליקן נעשאנעל קאמיטי) האט אויפגעטריבן 26 מיליאן און צוגאב וואס זיי האבן צו די האנט נאך 75 מיליאן און קעש, א סך הכל פון 96.4 קעש אן הענד.

אבאמא האט אין יוני געהאט 71.7 מיליאן קעש אן הענד און צוגאב האט די DNC געהאט 4.5 מיליאן, וואס צוזאמען איז דאס 76.2.

מקעין האט אויפגעטריבן געלט פון 600,000 שטיצער, 1.5 מיליאן צוזאמען מיט די RNC אבאמא האט די וואך פראדלאמירט א רעקארד ברעיקינג פון 2,000,000 שטיצער וואס האבן געגעבן געלט.

נעכטן האט די אבאמא קאמפיין געמאלדן אז זיי האבן אין יולי אויפגעטריבן די דראסטישע סומע פון 51 מיליאן דולר, כמעט דאפעלט פון וויפיל מעקעין האט אויפגעטריבן דעם זעלבן חודש.

מקעין האט געפענט א פרישען פראנט קעגן אבאמא, דהיינו נאסא.

פאראיאר האט אבאמא געזאגט אז ער וועט קאטן פאנדס פון נאסא און עס ענדערש ווידמען פאר education און נאסא'ס ארויף גיין צו די לבנה קען ווארטן אביסל, שפעטער האט אבאמא צוריק געדרייט זיין מיינונג זאגענדיג אז ער שטיצט פאנדינג פאר נאסא.

היינט ביי א ביזנעס מיטינג אין פלארידא, האט מקעין געזאגט אז ער שטיצט נאסא, זאגענדיג סארקאסטיש "איך ווייס אז פריער דעם יאר האט סענעטאר אבאמא געזאגט אז ער וועט קאטן פאנדס פון נאסא אן געבן א צייט ווען ער וועט עס צוריק שטעלן, און שפעטער אונעם יאר האט ער פון פריש אויפגעפרישט זיין פלאן אז ער וועט נישט שניידן קיין פאנדס פון נאסא, אסאך מאל איז שווער אויסצורעכענען וואס א פאליטישאן וועט אין ווירקליכקייט טון אינעם אוועל אפיס, (לשונו) because they say different things at different times to different people, דאס איז ספעציעל א פראבלעם מיט א קאנדידאט וואס האט זייער א קורצע רעקארד אזויווי סענעטאר אבאמא.

סארקאסטיש האט ער אויסגעפירט: דזשאסט אין קעיס אבאמא גייט צוריק דרייען זיין מיינונג, זאג איך יעצט אז איך בין אל די וועי אז מ'זאל שטיצן נאסא, עס פעלט זיך אויס פאר אינזער נעשאנעל סעקיריטי.

דער מקעין איז גיט, טאקע נישט קיין זשוליאני אבער דאך נישט אוועקצומאכן

א רעפאבליקאנע אפישעל האט היינט געמאלדן פאר AP אז סענעטאר יוסף ליבערמאן וועט געבן א דרשה ביי די רעפאבליקאנע קאנווענשען, שפעטער אינעם טאג וועט ארויס קומען אן אפיצעלער סטעטמענט פון די מקעין קאמפיין דערוועגן.

די היימלאזע פארשוינען מעגן אויך עפעס פארדינן פונעם פרעזידענטליכן קאמפיין.

א בארבער שאפ אין דענווער האט ארויס געשטעלט א סיין אז זיי שטעלן צו הער קאטס פאר פרי, כדי די שטאט זאל אויסזען שענער ביי די קאנווענשען.

איין היימלאזער פארשוין האט זיך אויסגעדריקט, די קאנווענשען אינטערעסירט מיך גאנץ קנאפ דער עיקר מיין קאפ איז געווארן אפגעשוירן נאך אפאר חדשים נישט זען קיין שער מאשינדל, יעצט וועל איך שוין קענען גיין זיכן א דזשאב ווי א נארמאלער מענטש מיט א געהעריגע צורה.

בעסער ווי כינע וואס זיי האבן פארטריבן פון שטאט פאר די אלימפיקס אלע היימלאזע און הענדיקעפד מענטשען, כדי די שטאט זאל אויסזען שיין.

די שרעק פון וואס די דעמאקראטן און איבערהויפט די אבאמא קאמפיין האט געציטערט, אז קלינטאן וואוטערס וועלן שטיצן אבאמא האט שוין אנגעהויבן צו שלאגן ערענסטע ווארצלען.

א קלינטאן דעלעגאט פון וויסקאנסן האט זיך היינט אפיציעל ארויס געשטעלט פאר מקעין אין א עד וואס לויפט אין עטליכע סווינג סטעיטס, דא האט איר ציטירט דעם עד,

I’m a proud Hillary Clinton Democrat.

She had the experience and judgment to be President.

Now, in a first for me, I’m supporting a Republican, John McCain.

I respect his maverick and independent streak, and now he’s the one with the experience and judgment.

A lot of Democrats will vote McCain. It’s okay, really!

JOHN MCCAIN:I’m John McCain and I approved this message.

און ריספאנס צו דעם עד האט קלינטאן אן אויפגעברויזטער געזאגט "איך בין קלינטאן און איך שטיץ נישט דעם מעסעזש"(וואס טיט זיך ביי איר אין הארץ ווייסן מיר נישט[יא]).

זאגענדיג אויב האט איר מיר געשטיצט דאן דארפט איר יעצט שטיצן אבאמא.

עס קען אריין גיין אין די שאלה, ווען איינער איז מפקיד א פיקדון ביי א צווייטן אויב מעג ער עס מפקיד זיין ביי א דריטן, ודו"ק.

נישט נאר מקעין ווערט אלט, אבאמא האט זיך אויך שוין ג'עלטערט, ווען מען האט געפרעגט נעכטן נאכט אבאמא ווי ער איז האט ער געזאגט "איך בין דא אין סט. לואיס" בעת ווען ער איז געווען קענסעס, שפעטער האט ער עס פאראכטן.

עס איז ממש צום שטוינען ווי דער אינגער אבאמא וועפט נאך סאך מער ווי דער אלטער 72 יעריגער מקעין וואס האט זיך נאך גארנישט פארוועפט חוץ א נארישע זאך וואס מען קען זיך ארויפכאפן אז ער האט נישט געענטפערט אויפן פלאץ וויפיל הייזער ער פארמאגט, משא"כ אבאמא וועפט און וועפט א יעדע פאר טעג, איך האלט אז בעצם וועפט ער נישט נאר עס איז א געוויסע נאטור פון א מענטש וואס כאפט זיך נישט, איך קען געזונטע פרישע מענטשן אזוי, דאס איז מיין מיינונג אבער פאר דער אמעריקאנער עולם וועט עס זיכער זיך שלעכט אפרופן

די מקעין קאמפיין האט געמאכט און די לעצטע צוויי א האלב טעג 10 מיליאן דולר פארן חודש האלט ער שוין ביי 47 מיליאן דולר, דאס איז א רעקארד ברעיקינג פאר די מקעין קאמפין, עס קומט און רעזולטאט פון מקעין'ס וויצע וואס זייט ער האט איר גענומען זענען די קאנסערוואטיוון זייער הייפער און זיי שיטן געלט אין די מקעין קאסע.

מקעין'ס שריט נישט צו לאזן פעילן געבן אינטערוויאס פאר די מידיא איז געווען א געוואגטע שריט וואס האט געקענט שטארק בעקפייערן, אבער ווי עס שטעלט זיך דערווייל ארויס איז עס געווען גאר א געלונגענע שריט פון אים, די מידיא איז שוין יעצט פארנומען צו רעדן ווען עס גייט זיין איר ערשטע אינטערוויא, מאנכע באריכטן אז די ערשטע גייט זיין מיט ABC סוף וואך, הקיצור יעדער איז פארנומען וואס ווי און ווען עס גייט זיין די אינטערוויא, אבער פון די אנדערע זייט דארף זי זיין גיט צוגעגרייט ווייל אלעס וועט זיין געוואנדן דעמאלטס צי איר.

דזשאן מקעין האט נעכטען אין פינף שעה אויפגעטריבן א שטוינענדע ציפער פון פינף מיליאן דולר אין אבאמא'ס היים-שטאט טשיקאגא, ער טאר עס שוין נישט אריין לייגן אין זיין קאמפיין קאסע אבער ער קען עס אריין לייגן אין די RNC קאסע, אזוי גייט עס אין אמעריקא איך נעם נישט מער געלט ווי מען מעג איך לייג עס אין א צווייטע קאסע, א ביטער געלעכטער.....