נייגעריגער כתב:נאכנישט כתב:אדער ווייל במציאות קענען זיי דאס נישט פארנעמען צו האבן א דעה זיי מוזן סייוויזוי צוקומען צום מאנספערזאן?
סאיז דא פרויען וואס זאגן א דעה און פרעגן נישט איבער צען מאל זיכער מאכן אז זיי זענען גערעכט??
אך ווייס נישט צו דו ביסט טאקע אזוי אומוויסנד אדער דו מאכטסטעך נאר.
וואספארא פראגע אידאס? זיכער האבן פרויען א דעה. מ'געט זיי נאר נישט די געלעהגנהייט עס צו זאהגן און זיי זענען צוגעוואוינט פון קינדווייז אהן צו מוזן פאלגן, מילא טרויען זיי זעך נישט עפ"י רוב צו מאכן החלטות. אבער נישט וואל זיי האבן נישט קיין אייגענע מיינונג.
און די סיבה פארוואס זיי האבן נישט קיין שטימע, איז נישט משנה - די מציאות איז אז זיי האבן נישט.
און בד"א, די רעאקציע צו מיינע ווערטער איז די שטערקסטע ראיה אז פרויען וועהרן - עכ"פ דורך אסאך מענער - נישט באטראכט ווי גלייכע אדער זעלבסטשטענדיגע מענטשן. אונדזער קולטור לעהרנט אונדז אויס זיי צו באטראכטן ווי א סעקס-אביעקט; טא ווי קען מען זעך אפי' אייסערן אז זיי זענען נישט צווייטע קלאס?
לאמיר אריינווארפן מיינע צוויי סענט
מ'קען נישט אויסמישן די צוויי זאכן אינאיינעם, פון נישט האבן א מיינונג ביז ווערן א סעקס אביעקט איז פאלג מיר א גאנג, דאס איז קלאר, אז לויט די מהלך פון די תורה האט א פרוי גאנץ א קנאפע מיינונג, די מעלה וואס די תורה דרוקט זיך אויס אויף א ערליכע פרוי איז אז זי איר עושה רצון בעלה, אין פאקט די תורה אנערקענט דאס פאר אזא וויכטיגע פאקט, אז לכבוד דעם איז זי פטור פון מצוות וואס מענער זענען מחויב צוליב דעם טעם אז זיי זענען נישט בעל הבית אויף זייערע עקשאנס, זיי דארפן צוהערן צו זייער מאן, און אים פאלגן, דערצו קומט צו נאך א חלק, די פרוי איז באטראכט געווארן אין די דעמאלטסדיגע קולטור ווי א חלק פון די שטוב, איר אויפגאבע איז געווען צו פירן די שטוב און ערציען די קינדער (אלס א הילף פאר די מאן) נישט ווי א שותפות פון צוויי מענטשן, נאר ענדערש ווי א חלק פון דעם מאנ'ס נכסים, נאר וואס דען, אין פארגלייך צו אנדערע פעלקער וואס האבן בעל בעטעוועט אויף זייערע פרויען און אביוזט, האט די תורה געגעבן פליכטן פאר די מאן וואס ער איז מחיוב פאר די פרוי, ווי שפייז, קליידונג, און סעקס, אבער חוץ פון דעם באלאנגט זי געהעריג צו איר מאן, ער קען איר אפגעטן בעל כרחה, און זי קען נישט פארלאנגען א גט, ער מעג האבן צוויי ווייבער, זי קען נישט האבן צוויי מענער, איר געלט באלאנגט פאר איר, ווען איינער שעדיגט איר דארף מען באצהלן פאר די מאן, וכו'
יעצט למעשה, אין היינטיגן יאר הונדערט, איז אסאך שוואכער די הינזיכט פון בעל'הבית'ווען אויף די פרוי, די וועלט איז אנדערש, און מיט דעם איז די אידישע וועלט אויף אנדערש, אבער למעשה, וויבאלד פרויען זענען למעשה נישט מחויב מיט א גרויס חלק פון די מצוות, און בעיקר זענען זיי פטור פון לימוד התורה, און מיט דעם קומט מיט אז זיי קענען נישט פסק'נען קיין הלכות, קומט אויס אז יעדע הלכה'דיגע אנפראגע געהערט צו די מענערישע דעפארטמענט, אויטאמאטיש, וויבאלד זיי קענען זיך נישט אליינס פסק'נען קיין שאלות, בלייבן זיי סעקאנד קלאס....
דאס איז אבער נאר לגבי סעקאנד קלעס, אבער צו זאגן אז זיי זענען א סעקס אביעקט, דאס איז אבסורד