שלום עליכם קאווע שטיבל

(א ווארט פון קעלנער)

שלום עליכם טייערע חברים,

אלץ א קאווע שטיבל מעמבער וואס האט ווי פילע אנדערע זייער שטארק נישט געוואלט דאס פלאץ זאל ווערן אפגעשפארט, האב איך באלד אנפאנג ווען קעלנער האט געמאלדן אז ער וויל אויפגעבן זיין מנהל'שאפט און דאס וואלט געמיינט אז דאס שטיבל ווערט פארמאכט, אנגעטראגן מיין גרייטקייט צו שטיין צו הילף מיט וואס נאר מעגליך, און אפילו איבערצונעמען זיין ארט אז דאס פלאץ זאל קענען בלייבן אפן.

עס איז נישט קיין סוד אז די מעלדונג האט ביי א גרויס טייל פון אונזערע מעמבערס געברענגט א טרויער. זעענדיג ווי שטארק דער ציבור וויל באמת אז דאס שטיבל זאל בלייבן אקטיוו ווי ביז יעצט, האט קעלנער באוויליגט מיר צו טרעפן פערזענליך און מיר איבערגעבן די פירערשאפט. און איך בין זייער דאנקבאר אז ער האט געזעהן אין מיר דער פאסיגער מענטש איבערצונעמען די פאזיציע. ‎דערפאר נעם איך עס אויף מיינע פלייצע און פון יעצט און ווייטער וועל איך שטיין בראש און פרובירן אנפילן די שיך פון קעלנער. איך ווייס די אחריות, און איך פארשטיי אז עס איז נישט קיין לייכטע אויפגאבע, אבער וויסנדיג אז די עתיד פון קאווע שטיבל איז אין דעם געוואנדן, האב איך עס גענומען אויף מיר, און איך האף אייך אלע צו קענען באדינען און צופרידנשטעלן.

אין די יעצטיגע צייט ווען מ'מישט איבער א ניי בלעטל בין איך גרייט צו הערן אלע הערות און הצעות מיט וואס מ'קען פארבעסערן קאווע שטיבל. יעצט איז די צייט צו פארשלאגן געדאנקען און עצות ווי אזוי צו פארבעסערן און פארשענערן אונזער שטיבל, פאר סיי וועלכע הערות קען מען זיך ווענדן אין אישי.

ווי עס איז אלעמאל געווען די פלאן פון קאווע שטיבל וועל איך פרובירן צו האלטן די צענזור צו א מינימום, און זיך נישט פארלאזן אויף מיין אייגענע שיקול הדעת, נאר זיך דורכרעדן מיט די אנדערע מנהלים. אויב שפירט איר אז איר זענט געהאנדלט געווארן נישט יושר'דיג קענט איר אלעמאל זיך ווענדן צו מיר פריוואט און איך וועל אייך פרובירן צופרידנשטעלן לויט מיינע בעסטע מעגליכקייטן, און אין איינקלאנג מיט די תקנות פון די גרינדערס פון קאווע שטיבל.‎
קאווע שטיבל איז פון די ערשטע טאג געווען געשטעלט מיט'ן געדאנק פון אנאנימיטעט, דאס הייסט אז כדי יעדער זאל זיך קענען שפירן באקוועם און שרייבן אלעס וואס ליגט אים אויפ'ן הארצן, קען מען זיך באנוצן מיט א ניק-נאמען, סיי די מנהלים און סיי די מעמבערס, און דאס איז עפעס וואס קומט אויס דאס בעסטע און באקוועמסטע פאר רוב חברים, און טוט שטארק ביישטייערן צו וואס קאווע שטיבל האט זיך ערווארבן דורכאויס די לעצטע פיר יאר. מיר בעטן אלעמען ווייטער צו רעספעקטירן די פריוואטקייט פון אלע מעמבערס צוגלייך.

אן קיין שרייבערס איז נישטא קיין קאווע שטיבל. מיר בעטן אלע וואס האבן הנאה פון די פלאץ און ווילן עס זאל ווייטער האבן אן עתיד ביטע שרייבט, לייקט, קאמענטירט, און האלט דאס פלאץ אקטיוו און פריש, אז אנדערע זאל הנאה האבן און אויך וועלן שרייבן, און קאווע שטיבל וועט ווייטער קענען אנגיין מיט א שטארקייט בעז"ה.

אייער ידיד,
קאפיטאן

שוין דא צו קויפן די נייע מחנים ביכל: "דער ATUB @קאפיטאן ATUB האט געראטעוועט".

שלום וברכה הער קאפיטאן!
יישר כוח מעומק הלב פארן ראטעווען די מצב. שכרך הרבה מאוד!
ימים על ימי מלך תוסיף וגו'

וואס גייט זיין מיט מאחורי?

יישר כח קאפיטאן פאר׳ן ראטעווען קאווע שטיבל פון אונטערגאנג. זעהט אויס מיין השערה אין דעם תגובה איז נישט ריכטיגע געווען
l viewtopic.php?p=324281#p324281 l

איך וועל מיך ווייטער ענדזשויען מיט קאווע שטיבל.

אבער קאפיטאן משימה גדולה נטלת על שכמך. דו שרייבסט אז ווי אלעמאל וועט מען האלטן די צענזור צו א מינימום. אדרבה! אבער זייער אסאך מאל איז דא וואס די דעת בעל הבית זאגט אז ״פרייהייט פון ווארט״ איז פאר אלעם, ווען צו די זעלבע צייט איז עס א אחריות גדולה עד למאוד כלפי שמיא. איך גיי נישט דא ברענגען קיין משלים, ווייל עס וועט זיך אנהייבן א וויכוח, יעדער האט אנדערע סטאנדארטן.. אבער אויב קאווע שטיבל ברענגט אראפ אפילו איינעם צו זיין נידריגער אין אידישקייט איז עס אויף דיין אחריות. און פארשטייט זיך פארקערט אויך אויב וועט ארויסקומען אז אידן וועלן נתעלה ווערן וועט עס זיין דיין שכר.

איי ריעלי דאונט קער צו איך בין א דעת יחידאה דא, איך האלט אז איבערנעמענדיג די לייצעס זאלסטו דוקא יא קאנסידערן צו האבן א שטייפערע האנט אויף תגובות וואס שמעקן פון פריקת עול, ניבול, ליצנות פון סיי וועלכע סטאנדארט אין אידישקייט. איי ״קאווע שטיבל״ באלאנגט אן קיין צענזור? קאווע שטיבל איז נישט אייגנארטיג דוקא מיט די צענזור חלק - עס האט נאך אסאך גוטע חלקים, נישט צענזורירן תגובות וואס קענען אראפברענגען מענטשן צו נידריגריע דרגות איז א מאסיווע באמאסטישע פאראנטווארטליכקייט.

בברכת צלח ורכב

איך ווארף זיך אונטערן נייעם מנהל, וואס דו הייסט וועל איך פאלגן

אזעלכע תגובות האט מען נאך געזען אין 2012
יעצט איז פשוט א התחדשות, און ס'חזר'ט זיך איבער.

איי גאט א פילינג אז הער ATUB @קאפיטאן ATUB איז נישט מער און נישט ווייניגער ווי אונזער אלעמען באליבטער ATUB @שש משזר ATUB

ישר כוח הער קאפיטאן פארן אננעמען די שווערע אויפגאבע
איך בין מסכים מיט איין פרט מיט לעקוואד אז עס וואלט געווען א גלייכע זאך צו לאזן וויסן אייער ארגינאלען ניק וואס דורך דעם וועלן מיר קענען בעסער פארשטיין וואס אייער מטרה איז מיטן שטיבל
נ.ב. איך פארשטיי אז עס קען זיין קאמפליצירט דאס צו טוהן אלס גילוי וכדומה אבער פון די אנדערע זייט איז דאס וויכטיג פאר די טראסט

שושן פורים האט געשריבן:איי גאט א פילינג אז הער @קאפיטאן איז נישט מער און נישט ווייניגער ווי אונזער אלעמען באליבטער @שש משזר

עה, וואס עפעס? איך האב א פילינג אז ס'איז לעיקוואד בכבודו ובעצמו...

פרייוויליג האט געשריבן:וואס גייט זיין מיט מאחורי?

ששששש
זאגסט הויך וואס יעדער טראכט

שלום עליכם ATUB @לעיקוואד ATUB . מ'זעהט אז די האסט שוין לאנג נישט געשריבן. 5 מאל האסטי געדארפט רעדאגירן דיין תגובה

לעיקוואד האט געשריבן:

ווי איך שטעל מיך פאר זענט איר נישט היינט אנגעקומען אויף קאווע שטיבל, וואלט נישט געווען מער ווי גלייך אונז צו פארציילען וואס אייער נארמאלע ניק איז. עס איז נישטא קיין נארמאלע סיבה דאס צו באהאלטען אויזער אז מען זאל אייך נישט קענען האלטען אחראי אויף וואס איר טוהט. ווי אויך וועט דאס אייביג גורם זיין א לזות שפתיים טאמער וועט דער מנהל זיך אריינמישען אויף א געוויסע צד אז ער נוצט אויס זיין כוח צו מעקן למשל דער וואס דינגט זיך מיט עם אין אן אשכול, וויבאלד ער קען דאך זיין יעדער ניק.

עס וואלט אויך געווען ריכטיג אז טאמער באקומט איר באצאלט פאר אייער פאסטן זאלט איר דאס מודיע זיין.

אן די מאס מענטשליכקייט בלייבט אלץ ביים אלטן, און ס'נישטא קיין טעם בכלל צו רעדן.

איך גלייב אז יעדער אנשטענדיגער מענטש איז מסכים מיט דעם.
נאך פארן זעהן קאפיטאן'ס תגובה, נאר קעלנער'ס הודעה, האט מיר געכאפט דעם קיצל.
און מען האט שוין די טענה געהערט די לעצטע שטיק צייט, סיי יעצט, און ביי ביי די פריערדיגע מערכה, און אויב האט קאפיטאן זיך אונטערנומען די משימה אן נעמען אין חשבון אז מען זאל אים קענען טרעיקן דאס מינדעסטע, לפחות וועלכע ניק ער איז, איז דאס א פרעכע עוולה, און א זדון פון חוסר אחריות. און דאס מיינט אז מען רעכענט זיך נישט מיט ריכטיגע טענות פון חברים דא.

בדרך אגב, שלום רבי יצחק, איך האב געבענקט נאך אייך.
כ'וועל נישט זאגן כהאב אינגאנצען פארגעסן פון דיר, כבאזוך דיין זייטל כסדר.
סאיז אבער נישט מיט דעם אומפארמאלע חן ווי דא אין שטיבל.

שמעון וואלף האט געשריבן:שלום עליכם @לעיקוואד. מ'זעהט אז די האסט שוין לאנג נישט געשריבן. 5 מאל האסטי געדארפט רעדאגירן דיין תגובה

6 מאל. יעצט רעדאגיר דיין תגובה .

כ'וואלט אויך געקענט באשטיין אביסל פרטים, אבער זיין ניק בין איך איהם מוחל, כ'וויל נישט וויסן ווען איך האב א ויכוח מיט איהם אז ער איז דער מנהל.

ריכטיג האט געשריבן:כ'וואלט אויך געקענט באשטיין אביסל פרטים, אבער זיין ניק בין איך איהם מוחל, כ'וויל נישט וויסן ווען איך האב א ויכוח מיט איהם אז ער איז דער מנהל.

אי משום הא קען ער עפענען א נייע ניק פון היינט און ווייטער

וואס גייט דיך אהן? דו האסט א פראבלעם זיך צו דינגען מיט למעלה משבעים פון א״וו?

שלום עליכם הער קאפיטאן. יהא בואך לברכה ולהרמת קרן השטיבל!
ניין, איך בין בכלל נישט אינטערעסירט צו וויסן ווער איר זענט. ווי לאנג קאווע שטיבל בלייבט שטיין, עס איז ווייטער דא א געשמאקע פלאץ וואו מען קען שמועסן און פארברענגען אינאיינעם, בין איך זייער צופרידן און פרייליך. א גרויסן דאנק פאר'ן איבערנעמען די לייצעס און נעמען אויף זיך די עבודת הקודש. זאל השי"ת אייך שטיין צו די האנט אז איר זאלט מצליח זיין בכל אשר תפנה.

און א באזונדערע דאנק פאר הרב ATUB @קעלנער ATUB פאר די גרויסע איבערגעגעבנקייט די אלע יארן. גאר אסאך האב איך קונה געווען און נהנה געווען פונעם שטיבל, און עס קומט אייך באמת א גרויסער הכרת הטוב.

ירא שמים האט געשריבן:וואס גייט דיך אהן? דו האסט א פראבלעם זיך צו דינגען מיט למעלה משבעים פון א״וו?

יא

mevakesh האט געשריבן:

ריכטיג האט געשריבן:כ'וואלט אויך געקענט באשטיין אביסל פרטים, אבער זיין ניק בין איך איהם מוחל, כ'וויל נישט וויסן ווען איך האב א ויכוח מיט איהם אז ער איז דער מנהל.

אי משום הא קען ער עפענען א נייע ניק פון היינט און ווייטער

א גוטע עצה, אבער יעדער וועט כאפן.

mevakesh האט געשריבן:ישר כוח הער קאפיטאן פארן אננעמען די שווערע אויפגאבע
איך בין מסכים מיט איין פרט מיט לעקוואד אז עס וואלט געווען א גלייכע זאך צו לאזן וויסן אייער ארגינאלען ניק וואס דורך דעם וועלן מיר קענען בעסער פארשטיין וואס אייער מטרה איז מיטן שטיבל
נ.ב. איך פארשטיי אז עס קען זיין קאמפליצירט דאס צו טוהן אלס גילוי וכדומה אבער פון די אנדערע זייט איז דאס וויכטיג פאר די טראסט

אדרבא איך וויל נישט וויסן ווער דער הער קאפיטאן איז ביי מיר איז ער א בלענק טשעק מיט א גוטע קרעדיט

תרשיש, תרשיש, טיקעטס צו תרשיש, מזל טוב צום קאפיטאן, נישט קיין גרינגער עולם דא, זאלסט נישט זאגן כאדיר נישט געווארנט.
אלנפאלס, קופער און משה געציל, מארנאצן און זר זהב, די קריזיס איז אווער, מיר קענען צוריקגיין אין מייזן לעכל, אונז האמיר דאך נישט קיין צייט.

כוכב זיי אויך מודיע פאר בן תמליון יאיר ביבער...

קאפיטאן, פאר לעיקוואדס וועגן אפשר? ער גיבט אונז נאך א טשענס! אלע ווייסן גאנץ גוט אז מיר דארפן אים האבן, און אז אהן אים שטייט דאס פלאץ אויף אסאך א נידרעגרן ניווא.

@נהורא נפישא
וויאזוי רעכנסטו דער רוב? רובא דרובא מיט וועם איך האב גערעדט פארשטיין יא אזוי. א מיעוט זאגען וואס גייט מיר אן איך שרייב זיך דא ווילאנג איך האב הנאה, און דער רוב האט טאקע אויפגעהערט צו שרייבען וועגן דעם. ביסטו געבליבען אויפן סייט נאר מיט די "רוב" תמימותדיגע אידן, און נוגעי בדבר (אדער ניקס פון דער מנהל, ווייל עס איז דאך גאר וויכטיג ער זאל נישט אויסזאגען.. ) א שיינע רוב האסטו.

איך זע נישט פארוואס א מנהל וואס ארבעט אומזינסט זאל זיין ווייניגער אויסגעשטעלט פאר קריטיק, אדער זאל זיך עפעס ווייניגער דארפן צושטעלן צו נארמאלקייט, נאמנות, אדער טראסטבארקייט. זיין ארבעטן אומזינסט געבט עם נישט קיין שום רעכט זיך אויפצופירן אוממענטשליך. אבער נישט וועגן דאס רעדט מען דא. דו ווילסט ער זאך זיך אויסשטרעגן דא מיט אלע זיינע ניקים, און ווי איך שטעל מיך פאר איז די סיבה פארוואס ער האט גענומען דעם עול אויף זיך ווייל ער וויל דא ווייטער קענען פארברענגען פרייערהייט כאחד האדם, און אויב מוז ער ארויסגעבן זיין פריוואטע ניק לוינט זיך עם נישט די גאנצע געשעפט. איך וואלט נישט געוואלט זיך טענה'ן מיט איינעם ווען איך קום מיט די אטאריטעט פון א מנהל, ס'מאכט קאליע די גאנצע פריינטליכע דינאמיק.

און למען האמת, איך וואלט מער מורא געהאט פון איינער וואס לייגט אריין אזויפיל שעות דא אומזינסט, אויב מאכט ער כאטש עפעס דערפון ניחא, אבער צו ארבעטן אזויפיל שעות א וואך בחינם? רעדט מען דא פון אן ארבייטסלאזער יושב בטל? איך וואלט ענדערש געטראסט איינער וואס טוט עס פאר א מתן שכר, אדער א גאר שטארקער אידאלאג.

די אלע וואס זענען אוועק זענען געגאנגן ווייל זיי האבן פארלוירן טראסט ?

אוי די תמימות, יענער מיט וועם דו וועסט מורא האבן זיך דינגען קומט שוין יעצט מיט די אוטוריטי פון דער מנהל, און מיט די צען ניקס וואס ער קאמאנדירט, עס איז נאר אונטערן טיש. וויאזוי איז בעסער?

לעיקוואד, פליז, איך האב נאכנישט באגעגענט דער וואס איז אוועק וועגן צענזור, און דו ווייסט עס אליינס. אדער איז מען אוועק וועגן מ'האט פארלוירן אינטערעסע, אדער ווייל די שמועס דא האט זיך גערוקט רעכטס\לינקס (שלאגטס ענק ארום וועלכע), אדער ווייל מענטשען ווערן ביזי, אין די ארבעט, שטוב, אדער אנדערע סאושעל נעטווארקס, אדער ווייל יעדע גוטע זאך ווערט אויך אמאל אלט. ווען איז די לעצטע מאל האסט אפדעיטעד דיין בלאג? פון דארט ביזטו אויך אוועק וועגן צענזור?

איך שטיי און איך שטוין ווי מען דארף מסביר זיין אזוינע דברים פשוטים, בין איך אינגאנצן משוגע? אדער וואס? עס איז ביי מיר פשוט אז ביי כמעט יעדער איינער טוישט דאס די יחס צו וויסען אז דער מנהל איז א באצאלטע פאזיציע. צו די שכל איז אזוי אדער נישט. לטוב אדער למוטב. (בכלל אפשר וויל איך אפלייען פאר די דזשאב.. ) נישט משנה. און דאס באהאלטען איז טייטש נישט זיין אויפריכטיג מיטן ציבור.

איך ווער געצאלט א דאלער פער תגובה צו שרייבן דא. ס'טוישט עפעס ביי דיר?

געפילטע פיש האט געשריבן:לעיקוואד, פליז, איך האב נאכנישט באגעגענט דער וואס איז אוועק וועגן צענזור,

ווער האט דא גערעדט וועגן צענזור? איך האב זיי יא באגעגנט די וואס האבען פארלוירען טראסט און אוועק (און לאמיר זיך נישט נארן, דרייען רעכטס אדער לינקס דאס איז ביד ההנהלה ) אני בתוכם.

געפילטע פיש האט געשריבן:איך ווער געצאלט א דאלער פער תגובה צו שרייבן דא. ס'טוישט עפעס ביי דיר?

נו אוודאי יא. וואס איז די פוינט פון די תגובה?

וואס הייסט פארלוירן טראסט, פון וואס האבן זיי מורא באקומען ?

לעיקוואד האט געשריבן:

געפילטע פיש האט געשריבן:איך ווער געצאלט א דאלער פער תגובה צו שרייבן דא. ס'טוישט עפעס ביי דיר?

נו אוודאי יא. וואס איז די פוינט פון די תגובה?

די פוינט איז די זעלבע, איך זאג מיין מיינונג, אבער כ'ווער באצאלט. ווילסט? כ'קען מיך צוטיילן מיט דיר האלב אויף האלב.

לעיקוואד האט געשריבן:

געפילטע פיש האט געשריבן:לעיקוואד, פליז, איך האב נאכנישט באגעגענט דער וואס איז אוועק וועגן צענזור,

ווער האט דא גערעדט וועגן צענזור? איך האב זיי יא באגעגנט די וואס האבען פארלוירען טראסט און אוועק (און לאמיר זיך נישט נארן, דרייען רעכטס אדער לינקס דאס איז ביד ההנהלה ) אני בתוכם.

איך האב געמיינט חוץ פון דיר. און איך דיסאגרי אז דרייען די ריכטונג פון רוב שרייבער דא איז ביד ההנהלה, איך מיין דו געסט זיי צופיל קרעדיט. באט שוין. מ'העמער רעדן.

נהורא נפישא האט געשריבן:וואס הייסט פארלוירן טראסט, פון וואס האבן זיי מורא באקומען ?

למשל אז מארגן וועט איינער שרייבען ווילדע פרעזענליכע אטאקעס אויף זיי, אדער סתם לשון הרע ורכילות, גערעכטע אדער אומגערעכטע, און די הנהלה וועט נישט רירען א פינגער וועגן דעם, הגם עס איז אבייעקטיוו קעגן יעדער געזעץ פון פורום און מענטשהייט, ווייל יענער איז אויף זייער זייט. בדידי הווה עובדא.

אינטערסאנט אז די אלע וואס איך ווייס זיי זענען אוועקגעגאנגן, האבן נישט מורא פון אפאר ראציגע ניקס וואס וועלן קומען מיט פערזענליכע אטאקעס, כ'מיין זיי זענען גענוג געריבן זיך אליין צו פארטיידיגן, און א געוויסע זין אויב ס'דא אזא חשש, וואלט איך אפילו געזאגט אז ס'איז בבחינה מתי אבא לידי ואקיימנה.
זאג מיר איר גלויבט טאקע דאס וואס איר זאגט?

גוט, וועגן אייך קען אפשר זיין אז ס'דא א חשש מכח גילוי

אבער לאמיך יא מסביר זיין אביסעל דא די יסוד המחלוקת. עס זענען דא אזעלכע וואס קומען דא סתם האבען פאן, פארברענגען די צייט, שמועסען דברים בטלים, דברי חכמה, מה שלא יהיה. זיי נעמען נישט די גאנצע זאך צו ערנסט, ביי זיי איז טאקע נישט אזא נפקא מינה די גאנצע זאך, איז דער מנהל איז יענער מנהל צאלט ער יא צאלט ער נישט, פארמאכט ער יא פארמאכט ער נישט. העכסטנס זוכט מען ערגעץ אנדערש ווי צו פארברענגען די צייט.

און לאמיר זיין אויפריכטיג, רוב אנדערע סושאל מידיע האבעו אן ענליכע פראבלעם, פעיסבוק איז נישט שולדיג קיינער קיין הסבר ער קען מעקן וואס ער וויל לויט זיינע קאפריזען, מענטשען שרייען און שימפען, אבער עולם גולם גיט זיי ווייטער אלץ בחינם ווייל עס איז פאן און גרינג. אפילו איך. נאר היות איך ווייס דאס, גיב איך טאקע אכטונג אז קיין שום וויכטיגע זאך זאל נישט זיין פארשלאסען ביי עם. איך האב אויפגעסעט פראגרעמס וואס מאכן תיכף א קאפי אויף מיין קאמפיוטער (אדער עכ"פ א פלאץ ווי איך צאל און מען קען נישט ארויסווארפען בלי משפט ) וואס איך שרייב דארט.

עס איז דא אבער מענטשען, איך ווייס נישט צו מצד תכונת נפשם אדער מאיזה סיבה אחרת, וואס נעמען דאס מער ערנסט. זיי קענען משקיע זיין א טאג צייט שרייבען אן ארטיקל אין א נושא וואס איז זיי חשוב, אדער וואס זיי האלטן לטובת הכלל. זיי נעמען ערנסט די מחאות אדער צעקות אויף ענייני הכלל וואס זיי שרייבען דא, די זענען בדרך כלל די וואס שרייבען מער טיפע און ערנסטע ארטיקלען און שמועסען. ביי די איז דאס גארנישט קיין וויץ אז מיטאמאל כאפן זיי די גאנצע זאך דר איז א שפיל, תלוי אין די טובות פון איין מענטש.

יש עוד כאן איך בינישט גענוג מסביר עייפתי א גוטע נאכט.

נהורא נפישא האט געשריבן:אינטערסאנט אז די אלע וואס איך ווייס זיי זענען אוועקגעגאנגן, האבן נישט מורא פון אפאר ראציגע ניקס וואס וועלן קומען מיט פערזענליכע אטאקעס, כ'מיין זיי זענען גענוג געריבן זיך אליין צו פארטיידיגן, און א געוויסע זין אויב ס'דא אזא חשש, וואלט איך אפילו געזאגט אז ס'איז בבחינה מתי אבא לידי ואקיימנה.
זאג מיר איר גלויבט טאקע דאס וואס איר זאגט?

גערעכט איך בין נישט צו נתפעל פון די אטאקעס, משוגע דארף איך זיין זיי צו פארענטפערן. אבער איך בין א בשר ודם. אז מגיט מיר כבוד האב איך הנאה און אז מאיז מיר מבזה שטערט עס מיר. הכל כפי המבייש והמתבייש, און עס שטערט מיר טאקע נאך מער אז די וואס איך האב געמיינט זיי זענען מיינע חברים טוהן גארנישט דערוועגן.

זה בכלל רעה חולי לומר הנח לזה להתבזות ממילא חכם הוא ולא שת ליבו לכך. ואכמל.

איך גלויב אייך אז איר שפירט אזוי.
אבער איך זעה אז די רוב שטערט דאס נישט, אדרבה וועם ס'שטערט קען זיך מצרף זיין.
דרך אגב ס'בענקט זיך נאך דיר.

מיט די נקודה איז אונזער שטיבל בעסער פון פעיסבוק אז מ׳ווייסט פונקטליך וואס ס׳וועט ווערן פארמעקט און וואס נישט.

אבער איך וואלט יא געראטן אז לעיקוואד זאל זאגן וואס ס׳איז די נומבער איין אישו וואס ער וויל וויסן בנוגע דעם מנהל, איך גלייב אז ליסט מיט פארלאנגן קען קלענער ווערן.

ווי אויך קען אפשר דער מנהל צושטעלן גענוי די זעלבע סערוויס וואס לעיקוואד האט אויף פעיסבוק, ביי אונזער פאל וועט דאס ארבעטן אז ער וועט באקומען א קאפי פון זיינס א תגובה אויב עס ווערט פארמעקט, דערמיט פאלט לכאורה אוועק אלע טענות פון לעיקוואד.

ברוך הבא שיפס קאפיטאן, איך וואונטש דיר הצלחה אין דעם נייעם אויפגאבע דיינעם, ווער אימער דו זאלסט נאר זיין, אפילו קעלנער אליין.
כאטש איך בין שוין כמעט נישט אקטיוו אויף דעם סייט איז מיר א פארגעניגן צו זען אז דער פארום וועט ווייטער אנגיין און דער פרישער דור קאווע שטיבל שרייבער וועלן קענען דא בלייבן פארברענגען על מי מנוחות.

יאיר, איר זענט געגאנגען פון דא וועגן טראסט אישוס ?

לעיקוואוד, קודם שלום עליכם, מיר האבן שוין לאנג נישט גערעדט
איך פערזענליך בין אוועקגעגאנגען פשוט ווייל קאווע שטיבל האט שוין ערפילט איר תפקיד ביי מיר און איך האב שוין אויסגעמעלקט די גאנצע מילך. כאטש איך פאל נאך אריין אהער פון צייט צו צייט, וועל איך נישט צוריקקומען בקביעות אפילו קאפיטאן מיט קעלנער צוזאמען זאלן זיך מגלה זיין זייער קודש הקדשים.
איך מיין אז דו נעמסט קאווע שטיבל מיט עפעס א געוואלדיגע ערנסקייט וואס עס פארדינט זיך נישט. כבר מלתי אמורה בזה אז קאווע שטיבל איז הויפטזעטליך געמאכט צו שמועסן גאסיפ, פארברענגען אביסל, זיך ארויסהעלפן איינער דעם צווייטן, זאגן קריטיק און לאכן פון א נארישע דזשאוק.
אויב האבן פארשידענע חברים, ואני בתוכם, ארויסגעגעבן זייערע טאלאנטן דא און אריינגעלייגט גרויסע כוחות איז דאס פשוט ווייל עס איז נישטא קיין אנדערע פלאטפארעם אין די היימישע שפאלטן, מוז מען צוקומען צו אן אנאנימע פארום. אבער דאס איז נישט די הויפט ציל פון רוב משתתפים.
ממילא אלע דיינע שמתות וחרמות פון א משתלט על הציבור, א גרויזאמער דיקטאטור וואס בייסט אראפ נעזער, זענען גוט אפשר פאר די אידן וואס גלייכן צו הערן אז די גאנצע אומאפהענגיגע שופר בלאזנדע אידנטום מסוף העולם ועד סופו איז אויפגעשוידערט פון שרעק אז ר' אהרן טייטלבוים האט געטרונקען מים אחרונים וואסער. פאר תלמידים פון רבי מאטל איז צייט צו אפלאזן די נארישקייטן אום גיין עוסק זיין אין וויכטיגע ענינים, ווי למשל ווען עס וועט פארקומען די חתונה צווישן זעיר אנפין און עתיקא קדישא.

פאר שלום בית מעג מען דאך משנה זיין, אלענפאלס דיין קונץ איז דאס שרייבן מיט הומאר, וואס דאס נעמט אוועק אלע בייזע הקפדות.

יאיר אינך חולק עלי, אלא לשיטתך הכל לא ערנסט בכל מקרה. בהתאם לשיטתך הכללית על החיים לפעמים. והן הדברים שדיברתי .

בדרך אגב, חוסר המקום שדברת עליו בעצמו ענין חשוב הוא, וקצת סתרת את עצמך בנקודה זו. איני רואה למה לא יוכל קש להיות מקום כזה, וכי מה היה לכתחילה לדעתך לדבר זה. ואי שלא יהא אנונימי אין מי שמחייב ככה כאן. אלא כרגע אין כאן מקום כזה.

בענין ע"י כאן הוא ועי'.

יאיר האט געשריבן:איך פערזענליך בין אוועקגעגאנגען פשוט ווייל קאווע שטיבל האט שוין ערפילט איר תפקיד ביי מיר און איך האב שוין אויסגעמעלקט די גאנצע מילך.

מילך ענדיגט זיך דען? ס'איז יעדן טאג דא פרישע סחורה.

ערענסט גערעדט, שאץ דיך נישט אונטער. וואלסט נאך געקענט אויפרעכטן ק"ש מיט אסאך שיינע מאמרים, און העמק דבר וואלט נאך געקענט זיין אפילו דאפלט אזוי גרויס ווי יעצט. ס'איז זיכער דא נאך אסאך נושאים וואס מ'האט נאכנישט מלבן געווען, און יאיר, מ'ווארט אויף דיר!