קאווע שטיבל • דער הכשר פון הגה"צ מיאקע זצ"ל, און "פאלענד ספרינג" פאר פסח

היינט אינדערפרי איז אנגעקומען די שווערע בשורה פאר יהדות ניו יארק אז עס איז נסתלק געווארן איינער פון די לעצט-פארבליבענע גדולי התורה פון פאר'ן קריג, הגאון הצדיק רבי חיים ישעי' קעניג זצ"ל, אב"ד יאקע. דער יאקער רב ז"ל איז נישט געווען פון די וואס האבן געזוכט זיך ארויסצושטעלן ביים ציבור, ער איז געווען אן איש צנוע, און ביי זיך אין שטוב געהארעוועט על התורה ועל העבודה. און טאקע גאר א סך היימישע אידן אין ניו יארק זענען גאר ווייניג באקאנט מיט דער גרויסער פערזענליכקייט, און ווייסן נישט קיין סך וועגן זיין גאונות, זיינע גאונישע ווערק, און זיינע מידות נשגבות.

איין זאך וואס איז יא באקאנט, איז דער הכשר וואס דער יאקער רב האט געגעבן לאנגע יארן פאר פארשידענע פראדוקטן, וואס מאיזה סיבה שהיא האבן מאנכע יוהרא'ניקעס מחליט געווען אז מ'דארף אויסלערנען די קינדער אז מ'טאר זיך נישט פארלאזן דערויף. גאר באקאנט איז דער "לעפפי טעפפי" צוקערל, אויף וואס דער יאקער רב האט געגעבן א הכשר, וואס פרומערע משפחות האבן נישט "געטארט" עסן.

אין דער הערליכער "פה-סח" אויסגאבע וואס איז נארוואס ערשינען לכבוד פסח, האב איך געשריבן אן ארטיקל וועגן "אידישקייט-משוגעת'ן". אין דעם פאל איז דער יאקער רב ז"ל געפאלן א קרבן צו די וואס האלטן אז מ'בויעט אידישקייט מיט שקר און צביעות. לאמיר אביסעלע פארשטיין וואס דא איז פארגעגאנגען. די "לעפפי טעפפי" צוקערלעך ווערן פראדוצירט כשר למהדרין מן המהדרין ווי באשטעטיגט דורך דער OU - אן ערליכע, ריזיגע, און גאר פראפעסיאנאלע הכשרים-ארגאניזאציע וואס איז אנגעפירט געווארן דורך הגאון רבי ישראל בעלסקי זצ"ל. דאס איז קלאר אז די צוקערלעך זענען געווען כשר וישר. נאר וואס דען? איז דא אזא קאנצעפט – און מ'קען דאס פארשטיין – אז הגם דער או-יו איז א שטארקע השגחה, זענען אבער דאך דא פארשידענע חומרות וואס חסידישע אידן האבן ליב נאכצוגיין, ווילן מיר אלזא אז א היימישער רב זאל אויך געבן דעם הכשר. אקעי, ס'איז פארשטענדליך.

האבן מיר דא די לעפפי טעפפיס וואס דער או-יו זאגט אז ס'איז כשר, הגה"צ מיאקע זצ"ל – א חסידישער גאון וואס האט זיין גאנץ לעבן מקריב געווען פאר תורה און השי"ת – זאגט אז ס'קומט נאך זיינע סטאנדארטן. אבער דער יוהרא'ניק פון וויליאמסבורג זאגט ניין, ס'איז נישט גענוג גוט פאר מיר. נו, זאל זיין אז דער יאקער רב איז געווען א תמימות'דיגער איד, און נישט אזא שארפער בולי ווי דער וואלאווער. אבער ס'איז דאך דא א גאר גוטע השגחה פון דער או-יו, און דער יאקער רב איז נאר מוסיף אז ס'איז אויך גוט פאר די חסידישע סטאנדארטן. וואס איז די בארעכטיגונג פון ווארענען די קינדער נישט צו עסן פון דער השגחה פון א איד א גדול בתורה? היש לך יוהרא גדולה מזו?

דאס דערמאנט מיר פון דעם יום טוב פסח וואס קומט אט אט אריין, וואס איז ליידער אנגעפיקעוועט מיט משוגעת'ן פון קאפ ביז פיס (AKA "חומרות"). פרעגט נאר אין די גראסעריס ווי פסח איז מען מקפיד צו קויפן ספרינג וואסער דווקא פון מים חיים און באר מים, און נישט חלילה פון פאלענד ספרינג וואס האט נאר אן או-יו. הייסט עס אזוי, פון סינק נעמט ער גערן וואסער – העכסטנס איז ער גאר פרום און שעפט אן סינק וואסער נאך פאר פסח, אז מעגליכע חמץ זאל בטל ווערן בשישים – אבער געבאטלטע וואסער מיט א הכשר פון דער או-יו איז נישט גענוג גוט פאר אים. "ס'האט נישט קיין סאכדעס!"

וויאזוי איז דאס אפילו א חומרא? וויאזוי איז דאס בכלל א הידור? וואס איז דאס אויב נישט פשוט'ע משוגעת'ן אריינצוברענגען אין די קינדער אילוזיעס איבער וואס אידישקייט מיינט, און פון וואס אונזער חסידות און פרומקייט באשטייט.

און דער טייערער יאקער רב זצ"ל איז לאנגע יארן געווען א קרבן פון אט דער יוהרא. אן איידעלער גאון אין זיין בית המדרש'ל, געזעסן און געהארעוועט על התורה ועל העבודה, האט ארויסגעגעבן בענדער נאך בענדער פון תורה און הלכה, אבער דער אנגעפרעסענער יוהרא'ניק בילט: "נאר וואלאווע!"

א. פונקט היינט אין געשעפט האט מיר איינער געפרעגט צו מ'קען נוצען פאלענד ספרינג פסח ווייל דער או.יו. האט נאר א גאנץ יאר'ס א הכשר נישט פאר פסח. איך האב איהם געזאגט אז ס'האט נאך אזא הכשר ווי די וואסער פון קראן
ב. מ'האט געזאגט, איך ווייס נישט צו ס'איז אמת, אז דער יאקע רב האט געהאלטען אז או.יו. איז פונקט גוט, און דעריבער האט זיין הכשר גארנישט געמיינט. מ'קען דאס אויסשמועס'ן, אבער דאס איז די מיינונג פון זיין מתנגדים
ג. ווען איז ער געווארען חסידיש? ביז ער איז אנגעקומען אין אמעריקא נאך די דרייסיג יאר האט ער פון חסידות נישט געהערט.

Sent from my HTC Desire 510 using Tapatalk

די סינק וואסער איז א ערענסטע שאלה, און ווערט אויסגעשמועסט אין די פוסקים, מ׳איז עס מתיר מכמה טעמים וואס קיין איינס איז נישט גילטיג אויף געבאטעלטע וואסער. (אפשר חול המועד עמיר מאכן א שמועס וועגן די שערוריה מיט די סינק וואסער)

די שיגעון פאר אסר׳ן יאקע רב׳ס השגחה איז ביי מערסטענס נארמאלע מענטשן געווען ווייל די עכטע דזשאנק וואס עלטערן האבן נישט געוואלט סערווירן פאר די קינדער איז געווען אונטער זיין השגחה, האט מען געטראפן א גוטן תירוץ מיטן הכשר.

העניך, כאטש געווענליך שרייבסטו גאר גוט, צום פונקט, האלט איך אז דא האסטו געמאלן וואסער [שוין איידל גערעדט].

דאס מקדש זיין OU כאילו יעדע פראדוקט זייערע איז טאקע נקי מחששות [לאו דוקא חומרות], דאס אנשטעלן א תמימות'דיג פנים איבער די קאליבער הכשרים פון הגה"צ מ'יאקע זצ"ל, און דאס צושטעלן צו די טיפישע משוגעת'ן פון פסח כאילו אלע דריי פראבלעמען זענען פון זעלבן קאליבער, איז אן אומריכטיגע זאך צו טון.

כ'בין דיר דן לכף זכות אז דו האסט נישט נארמאל שטודירט די נושא פון הכשרים, נאר דו האסט ענדערש שטודירט די שפראך פון קאווע שטיבל...


און בעפאר דער עולם טאנצט היתכן [שטייצעך אז אזא תגובה איז נישט פאפולער אין ק"ש]: יא, OU האט געוויסע חשוב'ע סטאנדארטן, משגיחים תמידיים און אסאך פלעצער, א שטייפע קאנטראל. אבער א הכשר האט מער צו דעם, און דא קומט נישט אריין צו מ'איז א צדיק ווי דער יאקער רב, א חכם ווי הרב בעלסקי, אדער אזא בריה ווי דער וואלאווער. כ'זוך עס נישט דא צו דיסקוסירן, ווייל דער אשכול איז כלומר'שט איבער די 'צביעות' פון די ווילי חברה, נישט איבער די אמת'ע בילד אין עולם הכשרות.

שש, אדרבה, שמועס אויס דיין מיינונג. סתם ווערטער ווי "מאלן וואסער" זאגן גארנישט. לאמיך הערן וואס דו האסט צו זאגן, און כ'האב נישט קיין פראבלעם מודה צו זיין אויב כ'מאך א טעות.

די אמת'ע סיבה פארוואס מען האט חוזק געמאכט פון יאקע רב הכשר איז ווייל ער האט געגעבן א הכשר אויף לעפי טעפי און די עלטערן האבן נישט געוואלט אז קינדער זאלן זיך אנעסען מיט די נאש

דאס איז די סיבה פארוואס יהושע כץ -מאגרוב גייט זיין די בעסטע הכשר ווייל ער איז בעל מכשיר אויף מהדרין
ודוק ותשכח

איך געדענק יא עפעס מימי חורפי אן הלכה׳דיגע שמועס וועגען די לעפפי טעפפי,עפעס וועגען ביטול לכתחילה, (געווען גראדע א שיינע שמועס דיע וואך און די הערליכע משא ומתן גליון פון ר״ח כהן)
אדרבה ווער סווייסט זאל אויסשמועסן.
עכ״פ שיסען אזוי צו אזוי איז פאינטלעסס,סאיז דא ווייניג וואס קענען די כשרות ליין,סאיז א קאמפלאצירטע אינדאסטרי,בפרט פראדוקטען מיט כל מיני ערליי אינגרודיענס.

שש משזר, לדעתי זענט איר אינגאנצן נישט גערעכט מיט די הנחה אז ou איז א שוואכע הכשר, ס' איז פאקטיש בעסער פון רוב היימישע הכשרים, איך בין אביסל באקאנט אין די ליין, כ'האב נישט קיין סאך צייט יעצט מאריך צו זיין, כ'האף צוריקצוקומען מער בפרטיות, אבער בכלליות עטליכע נקודות.
לאמיר קלאר מאכן די פאלטשע הנחה אז נאר א היימישער קען מען טראסטן, דאס אליין איז איינע פון די שטארקע איינרעדענישן, פאקטיש האט טראסט נישט קיין שייכות מיט וואספארא סארט הוט איר גייט, און מיט וואספארא סארט פרומע שטיק איר פירט זיך, ס'האט פשוט צו טון צו איר זענט א ווארט'ס מענטש, א ירא שמים, וואס זיין דאס טוט אינגאנצן נישט דיסקרימינערן וועלכע סארט אידישקייט איר זענט אויפגעוואקסן.
די ou ווערט נישט געפירט דורך יחידים וואס דארפן נישט אפגעבן קיין דין וחשבון פאר גארנישט, אין זייער אסאך היימישע הכשרים איז נישט פארהאן קיין דורכזיכטיקייט צו קענען אריינקוקן וואס אלס קומט פאר, משא"כ די ou האט אפענע פאלאסיס, יעדער קען פונקטליך אנפרעגן סיי וואספארא פראגעס איבער סיי וואס און באקומען א קלארע ענטפער.
די ou האט עקספערטן וואס קענען זיך אויס אין די אינגרידיענטס, וואס היימישע הכשרים האבן נישט, פאקטיש פארלאזן זיך די היימישע הכשרים דוקא אויף די ou, פארשטייט זיך אז היימישע הכשרים וועלן דאס קיינמאל נישט אויסשמועסן, פונקט אזויווי זיי זענען פטור אפצוגעבן סיי וואספארא דין וחשבון, סוכ"ס זענען זיי היימיש.
כ'מיין אז דא קומט די עיקר נקודה, מענטשן זענען באזארגט ווייסעך וואס, ווער ווייסט וואספארא סארט קולות די ou פארמאגט, ממילא קען מען נישט וויסן אויף קיין איין פראדוקט צו ס'איז בתכלית הכשרות לויט אונזערע היימישע סטאנדארטן. ערשטענס הויבט'ס זיך אן באקאנט מאכן אביסל מיט די דינים פון מאכלות אסורות, איר זאלט הפנים זיין באהאווענט וואספארא סארט חששות עס איז אלס שייך, איר קענט אלע זיין רואיג אז די ou גייט אין שפאן מיט אכשר דרא'דיגע סטאנדארטן, ס'איז בעצם דא אינגאנצען א קליינע מספר יסודות'דיג קולות אויף וואס די ou פארלאזט זיך, די אלע סארט קולות, אז איר וועט עוסק זיין וועט איר זיין אז ס'איז קלאר יש להם על מה לסמוך ברייטערהייט ואפי' לכתחלה, נאר משום איזה סיבה זענען די פסקים פאליטיזירט געווארן.
איינע פון די וויכטיגסטע נקודות צו פארשטיין צו כשרות איז דאס זיך באקאנט מאכן מיט די הלכות, וויבאלד אנע דעם קוקט מען אן די גאנצע זאך מיט אן אנדערע בליק, די הלכות זענען נישט קאנווענציאנאל פאר סתם בעלי בתים, און אויך פארן היימישן עולם וואס איז געפיטערט געווארן מיט אסאך לאקשן, אויב גלויבט איר אז די דרך אבותינו ורבותינו טראגט מיט זיך אסאך בלאף, קען איר מיט אביסעלע בירור צוקומען צודעם אז די בלאף פון די שוואכקייט פון ארגעניזאציע הכשרים, איז א טייל פונעם ברייטערן געים פון ווייסן אז מיר זענען בעסער, און ווי אויךדאס אז מ'קען האבן לכבוד דעם ברייט פרנסה אין דעם אינדעסטרי, אנפארטענענטלי, איז אין דעם א קלענערער עולם באקאנט, אזוי אז די באן פארט ווייטער.
כ'האף צוריקצוקומען געבן קלארע דוגמאות איבער די קולות פון די ארגעניזאציע הכשרים, און די בלאפעריי פון די היימישע.

נהורא, כ'ווייס נישט וואו דו האסט געזען בין השיטין אז כ'האלט אז OU איז א 'שוואכע' הכשר. כ'האלט גראדע יא פון זייערע סטאנדארטן און און געוויסע הינזיכטן שטייען זיי העכער פון די 'היימישע' הכשרים. פארט אבער דארף מען זיין היבש איגנארענט צו האלטן אז זיי האבן נישט געוויסע - אפילו ראדיקאלע - קולות, וואס די היימישע האבן נישט.

כ'בין נישט אין די גיסטע צו שרייבן יעצט א לענגערע בירור אין די נושא פון הכשרים, און דערפאר האב'ך נישט געענטפערט העניך'ן [ובפרט ווען ער האט נישט באזירט זיינע רייד אויף עפעס א באזיס], אבער לידיעתך - כ'האב אויך היבש שטודירט די נושא פון הכשרים, כ'האב גערעדט מיט פארשידענע בעלי מכשירים, און טאקע דערפאר מאך איך נישט אוועק די מעלות פון OU כאטש איך אנערקען אין זייערע חסרונות אויך.

הרב בעלסקי איז אויך געווען א יחיד מומחה אין דרייען כדי צו טרעפן א צד קולא, ובפרט ווען ס'האט זיך געהאנדלט פון א שערוריה איבער זיינע פראדוקטן, וכבוד אלקים הסתר דבר, אבער פרעג דיך גוט נאך. דערפאר, צו זאגן אז דארט איז געווען מער דורכזיכטיגקייט ווי ביי די היימישע הכשרים, איז נישט אזוי פשוט, ס'איז א שטעקן מיט צוויי עקן.

צום לעצט, איבער טראסטן 'היימישע' האט קיינער נישט גערעדט. אבער דאס איז פשוט, אז ווען די משגיח אין יעהופיץ איז א מענטש וואס זיין גאנצע 'כשרות' איז נישט אזוי איי איי איי, און ער איז משגיח כשרות, איז אביסל פראבלעמאטיש זיך צו פארלאזן אויף אים. ביי היימישע הכשרים נעמט מען נאר 'היימישע' מענטשן, אין OU ווענדט זיך וואו די פלענט איז וכדומה. ביי זיי איז היבש אפאר מאל די צוגאנג פון 'אבי ס'זאל זיין כשר', כאטש וואס בדרך כלל, ווען זיי קענען, וועלן זיי יא זוכן די הידור.


נאכאמאל, כ'רעד נאכן שמועסן מיט בעלי מכשירים, און כ'זוך נישט דא די שמועס דערוועגן. אויב שוין, וואלט איך געעפנט א לענגערע אשכול דערוועגן. מיין עיקר פריערדיגע תגובה איז געווען, די אבסורד פון פארהייליגן או יו, פארהייליגן יאקע הכשר, און אוועקמאכן די ווילי'ס 'בולי'ס'. ס'איז געווען א היבש העסליכע אשכול אנע טראפ דעקונג, לדעתי. אראפגעריסן מענטשן, און גרויס געמאכט אנדערע, אן קיין ראי' וחצי ראי' בידו.

כ'ווייס נישט פארוואס דו זאגסט כבוד אלקים הסתר דבר, אדרבה ואדרבה כ'האלט אז מ'דארף דוקא יא אלעס אויסשמועסן אפענערהייט, סוכ"ס זענען מיר די קאנסומערס פון די פאדוקטן און מיר האבן א רעכט צו וויסן אלעס ארום די נושא, און טוט מיר א טובה אויב ווייסט איר פון סיי וועלעכע בלאפעריי פון די ou, אדרבה פארוואס נישט אויסצושמועסן.
למעשה, איז דא דא צוויי חלקים אויסצושמועסן, די קולות פון די ou, וואס זיי זענען, דאס אלס אריינלייגן אין פערספעקטיוו, נו ממילא אז איינער וויל מדקדק זיין צו עסן א געוויסע פראדוקט אן זיך פארלאזן אויף א געוויסע קולא, זייער פיין, ער מעג אבער זיין עדזשיקעטעד צו וויסן וואס די קולות זענען, און צו די קולות זענען טאקע ווייסעך וואס, און גראדע אז מ'ווייסט וואס זיי זענען קען מען זיך גרינג פארהיטן דורך אויסמיידן די געציילטע פראדוקטן איבער וואו דער קולא איז שייך.
והשנית, והיא העיקר, איך רייס נישט אראפ היימישע הכשרים, דערפאר ווייל איך בין עפעס א משוגענער איפכא מסתברא, וואס האלט אז אלע היימישע אידן זענען בעלאני, זיי זענען נישט קיין אויפריכטיגע מענטשן, די אויפריכטיגע מענטשן געפינען זיך דוקא ביי אנדערע קרייזן, חלילה פאר מיר צו זיין אזוי נאריש. נאר די פשוט'ע מציאות פון די אינדאסטרי איז אזוי אויסגעשטעלט אז טאמער זענט איר א אויפריכטיגער מענטש, אפילו איר זאלט זיין גאנץ טויגליך, וואלט איר נישט געקענט אפילו איין טאג בלייבן ביי די דזשאב, דאס איז אבער נישט די זעלבע שייך ביי די ou וואס איז אנדרעש אויסגעשטעלט און האט אנדערע מאטיוון ווי די היימישע הכשרים, צו דעם פונקט דארפן מיר אויך צוריקקומען.
אז איך וועל האבן צייט וועל איך דורך גיין יעדן סארט פראדוקט, וואס זענען די חששות דערביי, וואספארא סארט קולות איז שייך זיך צו פארלאזן, וואס זענען די פאקטן למעשה, און וואספארא סארט גימיקס די היימישע בעלי מכשירים נוצן איינצורעדן אז למעשה איז זייער פראדוקט בעסער.
כדי לשבר את האוזן וועל איך געבן א שנעלע דוגמא פון איינע פון די היימישע גימיקס, די היימישע הכשרים זענען פארנומען אראפצורייסן די ארגעניזאציע הכשרים אויף פאטעטא טשיפס, זיי טענה'ן אז מ'קען זיך נישט פארלאזן אויף זיי ווייל ס'נישט בישול ישראל, פארוואס דארף פאטעטא טשיפס זיין בישול ישראל ס'איז דאך א מאכל וואס פאסט נישט אראפצולייגן ביי א קעניגליכע אפערע, טענה'ן זיי אה"נ פאטעטא טשיפס איז אינו עולה על שולחן מלכים, אבער קארטאפל איז יא שייך אז ס'זאל זיין אויף א געוויסע וועג עולה על שולחן מלכים, ממילא יעדע זאך וואס מ'מאכט פון קארטאפל דארף מען חושש זיין. (צום באמערקן אז אויף די עצם מאכל קארטאפל זענען דא חילוקי דעות אין די פוסקים אויב ס'איז בכלל פון עולה על שולחן מלכים, הויפטזעכטליך איז דאס געוואנדן לפי המקום והזמן) די הבנה איז ממש אבסורד, כ'האב געזען זייער שיינע בירורים וואס ווייזן קלאר אויף אז מ'קוקט אויף די ספעציפישע אופן וויאזוי די מאכל ווערט אהערגעשטעלט, אויף פארקערט האב איך נישט געזען קיין איין איינציג ראיה, בכל אופן רעדט מען דא פון א דרבנן וואס אפילו לאמיר זאגן אז די חומרא גייט אריין בגדר ספק, דארף מען אבער לפי הכלל נישט חושש זיין אויף ספיקא דדינא. אבער די קומט די פאנטש ליין, די היימישע הכשרים וועלן אייך אבער לאו דוקא זאגן, אז די היימישע בעלי מכשירים פירן אייך ארום, די אויל אין וואס די פאטעטא טשיפס פרעגעלט זיך דאס נוצן זיי דאס זעלבע פון די פריערדיגע ראנס, איי ס'האט דאך הונדערטע מאל בליעות פון מכלומרשטע בישול עכו"ם, נו אויב זענט איר חושש פארוואס איז די אויל אנדרעש, די תירוץ איז אז לגבי אויל האבן זיי נאך א סניף להקל. דארף איך יעצט האבן א פראבלעם צו עסן פאטעטא טשיפס ווייל עפעס א טומעל- מאכער האט אראפגעשטעלט א סטאנדארד וואס זאגט אז דו זאלסט עסן וויאזוי איך וויל פאטעטאס זאלסטו מוחל זיין עסן בישול ישראל, וועגן די אויל איז נישט דיין ביזנעס, כ'האב מיך אן עצה געגעבן דערמיט, און מ'האט נאך די חוצפה אראפצורייסן א צווייטן.
איך וויל קלארשטעלן אז מיין אגענדע איז גארנישט אנדרעש ווי דאס צו רעדן פון די אמת'ע פאקטן, איך קען אייך מבטיח זיין אז אויב שטעל איך זיך ארויס צו זיין ראנג, וועל איך זיין דער ערשטער דאס מודה צו זיין.

שש משזר האט געשריבן:העניך, כאטש געווענליך שרייבסטו גאר גוט, צום פונקט, האלט איך אז דא האסטו געמאלן וואסער [שוין איידל גערעדט].

דאס מקדש זיין OU כאילו יעדע פראדוקט זייערע איז טאקע נקי מחששות [לאו דוקא חומרות], דאס אנשטעלן א תמימות'דיג פנים איבער די קאליבער הכשרים פון הגה"צ מ'יאקע זצ"ל, און דאס צושטעלן צו די טיפישע משוגעת'ן פון פסח כאילו אלע דריי פראבלעמען זענען פון זעלבן קאליבער, איז אן אומריכטיגע זאך צו טון.

כ'בין דיר דן לכף זכות אז דו האסט נישט נארמאל שטודירט די נושא פון הכשרים, נאר דו האסט ענדערש שטודירט די שפראך פון קאווע שטיבל...


און בעפאר דער עולם טאנצט היתכן [שטייצעך אז אזא תגובה איז נישט פאפולער אין ק"ש]: יא, OU האט געוויסע חשוב'ע סטאנדארטן, משגיחים תמידיים און אסאך פלעצער, א שטייפע קאנטראל. אבער א הכשר האט מער צו דעם, און דא קומט נישט אריין צו מ'איז א צדיק ווי דער יאקער רב, א חכם ווי הרב בעלסקי, אדער אזא בריה ווי דער וואלאווער. כ'זוך עס נישט דא צו דיסקוסירן, ווייל דער אשכול איז כלומר'שט איבער די 'צביעות' פון די ווילי חברה, נישט איבער די אמת'ע בילד אין עולם הכשרות.

ATUB @שש משזר ATUB - עס איז טאקע נישט דער פאסיגער אשכול דן צו זיין איבער דעם, וכאשר כבר העיר כ''ת, אבער משום אל תשכן באהליך עולה ובפרט ווען מרעדט פון אזא אוטאריטעט ווי זאגאר דער אומאפיציעלער רב הכולל דבית הקפה מוז איך עס שטעלן אויפן אמת, (ובלשונו של מרן הראשל''צ הגרע''י זצ''ל במלחמתה של תורה עם הגרא''י ולדנברג זצ''ל) "ואף על פי שהוא אהובנו, האמת אהובה יותר"

אלס איינער וואס האט גע'ארבעט פאר א פרופעסיאנאלע פירמע בשייכות מיט די פוד אינדוסטרי האב איך שוין באזוכט אין א חלק הניכר פון די ריזען פירמעס דא אין די נאורט איסט, און אלס א קאושער קאנסומער האב איך נאטורליך אן אינטערעסע אין דעם חלק הכשרות בשעת'ן באזוכען א פלענט,

מה אומר ומה אדבר, איך ווייס פשוט נישט ווי אנצוהייבן און ווי צו ענדיגען, און אז איך וועל מגלה טפח זיין וועט מיין תגובה [מעגליך מיט רעכט] אפגעמעקט ווערען אין אן אויגען בליק,

איז ממילא וועל איך זיך נישט קאנצעטרירען אויפן פאקט אז די א''ג היימישע הכשרים זענען גאר אפט גענצליך [גענצליך מיין איך טאקע נישט 99.9 נאר גאנצע 100 פראצענט] מבוסס אויף די או יו

(אדרבה, כאפט א שמועס מיטן או יו משגיח פון הענאווער ווי איינע פון די גרעסטע חרדישע ברענדס פראדוצירט רוב פון זייערע קענד פוד און פרעגט אים וויפיל מאל דער חרדישער בעל מכשיר, [אדער זיינס א שליח] וואס זיינע פראדוקטען נעמען אויף א שיינעם חלק פון די פאליצעס אין די היימישע געשעפטען, האט באזוכט דארטען, דאס לעצטע מאל וואס איך האב אים געפרעגט מיט א פאר יאר צוריק האט ער געזאגט מיטען פולן תמימות, פופצען יאר צוריק איז ער דא געווען, איך האב אים געגעבן מיין סעל ער קען מיך רופן .... און יא עס איז א גאר סאפיסקירטע פלענט מיט סטיעמערס ווי מפראסעסט נישט כשר'ע פלייש,

ווער געדענקט נאך ווען סאכדעס האט ארויף געלייגט זייער זיגעל אויף הערשיס ליקעריש קענדיס מיט א ''גדולה'' אדער ''עונג'' סטיקער לעיבל, ''ליעבערס'' האט אויכעט געהאט א סטיקער לעיבעל, טראץ דעם וואס הערשיס האט זיי דארט בקפידא גדולה קיינמאל נישט אריינגעלאזט, הערשיס האט מורא אז אויב איינער וועט גרונדליך דורכגיין זייערע פרודוקציע מאשינען וועט ער פאר אפאר טולער ארויסגעבען זייערע סיסטעמס פאר א קאנקורענץ, זיי לייגען דאך אריין גרויסע כוחות אז זייערע פראדוקטען זאלען זיך האלטען גוט און פריש אין פארשידענע קלימאטען און מיט א לאנגע שעלף לייף, עס זאל נישט קלעבען צום בעג וכו' וכו' , זיי האבען זעהט אויס נישט גענומען אין באטראכט אז איצאלע גליק'ס חברה האבן לאו דווקא די מינדעסטע השגה אויף וואספארא מאשין זיי קוקען ווי הינער ביי בני אדם,

די היימישע פירמע וואס האט פראדעצירט אן א שיעור קאמערשעל פראדוקטען, ביי אועסיס אין ניו ז'ורזי, וואס יעדער איינציגער וואס האט שוין אמאל געגעסען אין היימשע קעיטערינג זאל/רעסטעראנט האט שוין געגעסען פון דע פירמע, האט מיר די או יו משגיח איבערגעגעבן אז ער האט נאך נישט געהאט די זכיה זיך צו באקענען מיטן ברייטען פלאכען היט וואס לייגט זיין זיגעל אויף די פראדוקטען אדער סיי וואספארא שליח זיינער, דער ברייטער הוט האט זיך ניטאמאל פארבינדען מיט אים אויפן טעלעפאון, דער משגיח מטעם או יו וואס איז ממונה אויף די אויל טענקערס אין ניו ג'ורזי ווי הונדרעטער רעיל ראוד וואגאנען ברענגען אויל פונעם גאנצען לאנד, האט מיר געזאגט אז פון די יארן לאנג אין דעם ליין האט ער נאך נישט געטראפען אן איין איינציג היימישע משגיח וואס פארשטייט צו די קאמפליצירטע קאודס פון די וואגאנען [און שיפען] און פארשטיין וועלכע וואגאנען זענען כשר, און אויב סדא א טעות
משום חששא דגילוי וועל איך מוזען איינהאלטען דעם פעדער)


איך וועל אויך נישט אריינגיין אינעם טרויעריגען פאקט אז אין די געציילטע פירמעס ווי דע או יו האט געסטאפט ראונען די כשרות ווירטשאפט און האט איבערגעגעבן די טעגליכע ווירטשאפט פאר די ברייטע ביבער היטען איז די כשרות איז ליידער געפאלען עשר מעלות אחורנית
(די חילוק פון ווען ר' יחזקאל פייט פון באלטימאר און ר' מענדל ליפסקי פון פילאדעלפיא, ר' דוד מילר פון מאנסי ועוד האבען געפירט די שחיטה צו די יעצטיגע ארויפגעצויגענע זאקען און ווייסע וועסטלעך איז בעווה''ר הימעל און ערד, פון די רבנים אויף שחיטה פון או יו איז הרב גולדברג סעמי ריטייערד און זיצט אפ אין די HQ אויף 11 ברודוויי, ר' דוד מילר טוט א טובה אין פאלט אמאל אריין, ר' משה קלארבארד פון פלעטבוש וואס איז ספעציעל געברענגט געווארען פון מאנצ'סטר איז שוין יא א שטיקעל רוח אבער ער זאגט אז ער האט נישט קיין צייט צו אטעמען און קען נישט נאכלויפען אזויפיל קאמפלעינטס און קאמפלעקאציעס פון די שיפע קעשענעס)

איך וועל אויך נישט אריינגיין אין דעם אז די או יו פאליסיס זענען רעלאטיוולי טרענספערענט, אני הקטן האב אין מיין באזיס טויזענטער בלעטער פון או יו פאליסי אין יעדען אספעקט פון חלב ביז קטניות, פון טבילת כלים ביז הלכות שבת אין האטעלס און קעטערינגס, ר' אלי' גערשטן צו ר' יוסף גרוסמן האבן מיר נאך קיינמאל נישט אפגעהאלטען א פייל פון הלכה פאליסי, ר' משה עלעפאנט [ארגיועבלי די ארגסטע אכשר דרא'ניק פון די או יו הויפט פירערשאפט] ענטפערט גערן פאר יעדען שמויגער ווען ער האט נאר א פרייע מינוט, אני הדל האט שוין פארברענגט מיט אים שעות ארוכות, אוודאי, זיי זענען נישט קיין מלאכים און זיי מאכן טעותים, און זיי וועלען ליבערשט דרייען מיטן צינג ווען עס געשעהט א טעות, אבער זיי וועלען נישט לייקענען קיין הלכה'דיקע שטעלונגען, לעומת זה פרובירט ארויסצובאקומען עפעס פונעם וואלאווער אדער הרב בנימין גרובר, גוד לאק, די האסט בעסערע שאנסען צו פרעגען מלאך גבריאל אימתי קאתי מר, ווי פרעגען דעם וואלאווער וועגען חדש אדער בישול עכו''ם, ווייל ער וועט דיר געבען דעם דייל טאון תוך כדי נשימה,

איך וועל אויך נישט אריינגיין אין די סילופים וזיופים פון די מגלי פנים בתורה שלא כהלכה שמשתמשים בתורה כקרדום לחפור בו הרבנים הלל ויינברגר, יושע כ''ץ, חיים מאיר וגשל, יהודה שיין ודומיהם (ר' אפרים לייכטאג און ר' יחזקאל אורבאך האבען כאטשיג א שמעק פון ערענסטקייט) כגון הזיוף שיש להחמיר על בישול עכו''ם אף כשאינו עולה על שולחן מלכים ונאכל חי, וכיוצא בזה, ושקרים והוצאת שם רע להטעות את הציבור ולהוליכם שולל עבור אינטרסים צרים, אוי להם מיום הדין


אויף וואס איך וויל זיך יא אביסעל אפשטעלען, איז אויף די די נקודה פון ידידינו ATUB @נהורא נפישא ATUB , די או יו איז שוין ווייט נישט מיקל אפילו לעת הצורך כדרך הפוסקים רבותינו הרמ''א והמהרש''ל, הש''ך והט''ז, הרא''ז מרגליות ור' חיים מצאנז וכו'
מאיז נישט מחדש דארט קיין היתרים אויף דברים חמורים ווי למשל חדש שלדעת הרמב''ם אסורה מה''ת בחו''ל אף בזה''ז, אדער למשל די היתרים פון ר' אפרים זלמן און ר' צדוק אויף סירכות וואס זענען מרפסין איגרא פאר ווער סקוקט אריין דארט אין די ראשונים וטור ב''י, ווען א רב אין די או יו זאל היינט שרייבען אזעלכע תשובות ווי די רמ''א [כגון התשובה על דגים שנתערבו בשומן טמא, והתשובה על סתם יינם וכדו'] וואלט ער פארלוירען זיין פאסטען איבער נאכט,
די או יו דערלייגט צענדליגע מיליאנען א יאר פארן נישט נוצען זשילעטין וואס ווערט גענוצט אין רוב יוגערטס, מארשמעלו ועוד טראץ די היתר פון ר' חיים עוזר, ר' עובדיה והרבנות הראשות ועוד,
די או יו איז זיך נישט סומך אויפן היתר מכירה אין א''י, און אפילו נישט אויפן היתר מכירת חמץ אויב א אידישער בעהייב האט א בעקעריי וואס איז אפען פסח, אפילו די פירמע איז פארקויפט די וואך פון פסח פאר א גוי אין די רווחים פון יענע וואך גייט פארן גוי, וועט די או יו נישט געבען קיין הכשר דערויף א גאנץ יאר,
ר' יאשע בער פון בוסטון האט מתיר געווען להלכה ולמעשה ועשה מעשה רב בישיבתו ברבים להתיר גבינת עכו''ם בימינו על פי הרמ''א קט''ו ס''ב, די או יו איז זיך נישט סומך אויף דעם אפילו נישט מיט א משגיח וואס איז יוצא ונכנס, אלע הארטע טשיעז פון די או יו האט א משגיח תמידי וואס לייגט אליינס אריין די רענעט, דע חומרא קאסט אויכעט אפ שווערע צענדליגע מיליאנען יערליך, ופעם אחת היה לי פתחון פה בענין זה עם הג''ר צבי שכטר תלמיד הגרי''ד והפוסק של או יו והתחמק באמרו שעדיין דינו בגדר הלכה ואין מורין כן

די חומרות שונות ומשונות אין די או יו אויף פסח איז א בלאט/אשכול פאר זיך, איך האב פשוט נישט קיין צייט יעצט

יעדער וואס האט נאר געטוהן אמאל אין כשרות האט זיך שוין באגעגענט מיט די פרומע ליידאקעס וואס איינע פון זייערע ערשטע בויך קרעמפען וועט אלעמאל זיין אז די או יו האט מכלומרשט גרויסע קולות ביים כשר'ן און ביטול, הגם בדרך כלל איז עס גוזמאות אדער גלאט שקר, אבער לאמיר אננעמען די טענות עט פעיס וועליו, און לאמיר אויך נישט רעדען פון דעם אז די סארט כלים וואס מנוצט היינט אין די פעקטאריס זענען אנדערע סארט כלים ווי בזמן הש''ס, און זיי נישט בולע כלל, עס איז עדיף מזכוכית שאינו בולע, די מטורפים מאכן זיך כלל נישט וויסענדיג אז מן הדין דארף מען בכלל נישט כשר'ן, סתם כלים אינו בן יומו, און ביי גוי גייט נישט אן ''אין מבטלין איסור לכתחלה'' כמבואר באגרות משה, והדברים עתיקין וידועים לכל בר בי רב, מכשר'ט נאר וועגען מראית עין כמו שמבואר באג''מ הנ''ל, דווקא די היימישע קאמפאניס וואס מאכען א פריוואטע ראון דארפען כשר'ן ע''פ דין, וועגען זיי דינגען דאך דאס פלאץ ממילא איז דאך דא ''אין מבטלין איסור לכתחלה'' והדברים ידועים

וכהנה וכהנה קען איך אויסרעכענען נאך און נאך פילע דוגמאות, אבער איך קען נישט אזויפיל שרייבען, ברענג איך אפאר דוגמאות ומזה תקיש אל השאר

און דעס וואס שש אליין האט דערמאנט וועגען די משגיחים תמידים און שטייפע סטאנדארטען, איז גענוג צו דערמאנען אז רוב רובם פון די היימישע קעטערינגס און היימישע בעקערייען קומען נישט נאך די מינימאלע סטאנדארטען פון או יו לגבי השגחה תמידית והפרדת כלים חלביים בבית במאפיה


די ביטערע איראניע איז, אז די גרעסטע פראבלעם פון או יו איז אז זיי פארלאזען זיך צופיל אויף די היימישע הכשרים ביי זשוינט פאסיליטיס


אז איך וועל האבען מער צייט מארגען וועל איך אפשר ברענגען אפאר וויכטיגע נקודות פון ר' מנחם גנק מער איבער דעם פארוואס ער איז נישט מקיים דעם ואענה למחורפי דבר און והייתם נקיים, איך האב אמאל געהאט א שמועס מיט אים וועגען דעם, אבער איך מוז יעצט לויפן צו די ארבעט

מור, דיינע ווערטער זענען קילורין לעינים.
אז ס'וועט זיך מאכן צייט איז אפשר כדאי דורכצוגיין יעדע סארט פראדוקט באזונדער, און זען פונקטליך די נפקא מינא'ס צעווישן די ארגעניזאציע און היימישע הכשרים.

א גרויסע ייש"כ מור. איך וויל אבער מעורר זיין אז דאס אריינלייגען ארגאניזאציע'ס לעומת היימישע השגחות קען גאר זיין נישט אויסגעהאלטען. לאו כל אנפי שוין בזה. ס'איז דא בעסערע און שוואכערע ביי ביידע.
לגבי ביטול ביסטו כשר גערעכט. דער או.יו. כשר'ט איין מאל אין היסטאריא ותו לא.
און לגבי די שוואכע משגיחים פון די או.יו., ווער זאגט זייער סיסטעם אין פאבריק'ן פאדערט אזויפיל מענער-מאכט? די סיסטעם מיט די קאמפיוטער קענען פיין היטען.
און דיין רשימה פון נעמען קען איך א פאר. יהודה שיין ווייסט נישט קיין ווארט פון הלכה צו זאגען. קוק זיין וועבסייט ווי ער פלוידערט זיין 'קנאות' אין כשרות. איך קען הרב אויערבאך אביסל. ער קען בארעדען א כשרות ארגאניזאציע בלויז פאר'ן נישט האבען די זעלבע שמירות ווי די וואס ער וויל איינפיהרען. פראקטישע זאכען אשר אין ביניהם והלכה ולא כלום. ער רעדט א ברייטע שפראך קעגען געוויסע משפחות אין כשרות און ער דערהייבט נישט קיין פרטים און פרטי פרטים אין די נושא.

און ווי ערווענט, זעי איך די גרעסטע שמירה אין כשרות איז גרונטליך אפצולערנען די סוגיות מיט די פוסקים. ס'ווארפט נייעם ליכט, הן לחומרא הן לקולא

Sent from my HTC Desire 510 using Tapatalk

מור, נהורא, ליטוואק און ווער נאך עס איז אין די ענינים, פילייכט קענט עטס שוין יעצט אנהייבן גרייטן א גרויסע מקיף'דיגע זשורנאליסטישע ארבעט אויפן גאנצן נושא, הן מצד די הלכה'דיגע חלק און בעיקר דער מציאות, און עס פארעפנטליכן אינעם קומענדיגן ק"ש אויסגאבע? אדער גאר א קונטרס בפני עצמו. באגלייט מיט דאקומענטן און בילדער.

איך פארשטיי אז דאס איז א שווערע אונטערנעמונג, אבער קאווע שטיבל מיט די מיטהילף פון כמה מיטגלידער קענען צומאל דעליווערן א בעסערע ארבעט ווי א וועטעראן גוט באצאלטער שרייבער. א קונטרס וואס זאל אביסל דעמאסקירן די זעכציג צי זיבעציג יעריגע פראפאגאנדע. דאס וואלט געווען א זשורנאליסטישע דורכברוך ביים היימישן עולם אויף א פארנעם ווי קיינמאל בעפאר. אבער מער פון אלעם, וואלט עס ענדליך געברענגט אן אויפשאקלונג אינערהאלב די היימישע אינדוסטריע אז מען קען מער נישט ארום פירן דעם ציבור, אלעס דארף זיין אפן און טרענספעראנט, און בי עס וועט מער נישט טאלערירט ווערן.

איך נעם נישט קיין שטעלונג אינעם עצם נושא, עס קען זיין אז די היימישע הכשרים אינדוסטריע זענען בעצם גערעכט, אבער אזא ארבעט וועט זיי געבן 'מאטיוואציע' צו אנהייבן שפילן אפענע קארטן אנשטאט אראפ צו האקן דעם טעלעפאון.

אויב קען מען ברענגען די או יו למשל צו קאאפארירן מיט אזא ארטיקל און ארויסגעבן פון זייערע סחורה, ווער רעדט נאך אויב עס איז באגלייט מיט דאקומענטן, בילדער אדער אודיא און ווידעא רעקארדירונגען, איז דאס ווערט אלע געלטער. מן הדין הזשורנאליסטי וואלט זיך פארשטייט זיך געקומען אז צו ערגענצן דאס בילד מוז זיין דער צד פון די מכשירים פונקט אזוי, אבער עס איז צו ערווארטן אז א ווענדונג צו זיי וועט נישט ברענגען קיין ענטפער, נאר אנשטאט וועט פלוצלינג די גאנצע גאס זיין אויף מיט א מלחמת חרמה קעגן קאווע שטיבל. סאו ראו הוזהרתם. זייער ענטפער וועט מוזן קומען הערשט נאכן פובליצירן.

איך חלום שוין לאנג. ווען איך וועל ווערען א מיליאנער, וועל איך באצאלען א גרונטליכע אויספארשונג. מ'דארף עס טוהן מיט פארשטאנד, נישט לאזען קיין איין הייליגער קוה לעבען און אויפווייזען יעדע נקודה. ס'נעמט צייט און געדולד
א. האט דער או.יו. טאקע א משגיח תמידי ביי יעדער רעסטאראנט?
ב. איז 'חלב ישראל' טאקע חלב ישראל, צו מ'פארלאזט זיך אויף די התירים ווען מ'דארף ?
ג. קענען מיר זע'ען די שטיקלעך תורה וואס די רבנים פארפאסען ווען ס'פעלט אויס?
ד. ווי שנעל ענטפערעט מען א טעלעפאן צו אן אימייל אויף א פראדוקט?
ה. אויף וועמען פארלאזען זיך די השגחות זע"ז?
ו. וויאזוי ווערט מען פטור פון א פאבריק וואס פארלעצט די כשרות אנווייזונגען אן צו פלטנטערען מיט געזעצען און סטראשעריי?
ז. ווי אפט פאסירען גרייזען וואס מ'פארקויפט פראדוקטען מיט אן אומאטראזירטע השגחה?
ח. וויפיל געלט מאכט מען? ווען זיי מאכען געלט פון די ציבור, קומט זיך די ציבור תירוצים אויף זייער שאלות.
ט. און איבערהויפט, וויאזוי איז יעדער השגחה כלפי אנדערע אין די אלע הינזיכטען? האט איינער א קלארע יד על העליונה אין אלעם?

מסתמא זענען דא נאך שאלות און א פראפעסיאנעלע באריכט וועט עס אנטדעקען

Sent from my HTC Desire 510 using Tapatalk

דאכט זיך מיר אז או יו האט געהאט א ערענסטע פרשה מיט זייער מילך בערך 6 יאר צוריק, אסאך האבן געהאלטן אז סאיז חלב טמא, קען איינער אויף ברענגן יענער פרשה?

ליטוואק פון בודאפעסט האט געשריבן:ג. ווען איז ער געווארען חסידיש? ביז ער איז אנגעקומען אין אמעריקא נאך די דרייסיג יאר האט ער פון חסידות נישט געהערט.

געהערט טאקע זאגען אז חסידות איז נשתכחה (ועי' בס' ויוא"מ) אבער דאך איז יא איבערגעבליבען הייפעלע חסידים סעקטעס וואס שפיגל אפ דאס אמת'דיגע חסידישע פארגאנגענע וועלט, א. פאפא ב. וויען ג. נייטרא, חסידות איז טאקע אינטערגעגאנגען פארט איז געבליבען א זכר פונעם אמאל ביי די דריי.

דער רבנות דארף שטארק פארכטען פון די בית משפט. ס'איז דארט אויך נישט אזוי גלאט. איך הער אויך אז זיי האבען גאר ווייניג געלט משגיח צו זיין ווי עס דארף צו זיין

Sent from my HTC Desire 510 using Tapatalk

אבער פון א נאמנות שטאנדפונקט שטייען זיי שטערקער ווי אלע אנדערע. עס איז א פלא עצום אז מענטשן זוכן מחדש צו זיין כל מיני חומרות אין כשרות און קיינער איז נישט בייגעפאלן צו מאכן א הכשר וואס באקומט נישט געלט פון די בעלי בתים.


.

נייע קעפל אלערט

90 פארצענט פראדאקטען האבן סייווי א אוי-יו

האב איך דאך יא געוואוסט וואו אהין די אשכול וועט אוועקפארן. כ'וועל איבערזאגן נאך איינמאל: די נושא האשכול, אז או יו איז א הכשר למהדרין אן קיין עוררין, אז יאקע הכשר איז געפאלן א קרבן פון בולי'ס, און אז אפאר ווילי'ס שלא קראו ושנו האבן אריינגערעדט וואו זיי באלאנגען נישט - איז שקר וכזב. יעצט קען מען ווייטער רעדן פון הכשרים בכלל, כאטש מ'וואלט געדארפט עפענען א באזונדערע אשכול [אפשר אפאר, איינס פאר יעדע באקאנטע הכשר] בנושא כאוב זה.


נאר געציילטע ווערטער:

איבער נהורא'ס תגובה.

מיין כבוד אלקים הסתר דבר נעמט זיך פון דעם, אז כ'וויל נישט בארעדן הרב בעלסקי, אוודאי נישט ווען ער האט געהאט סיבות להצדיק את עצמו, אוודאי און אוודאי נישט ווען ער לעבט שוין נישט און קען זיך נישט מסביר זיין. כ'שפיר אומבאקוועם איבערצולאזן אפפאל אויפן געוועב, שלא פא"פ.

דיין עיקר נקודה אז די היימישע הכשרים דרייען מיט גימיקס איבער זייער אפיציעלע העכערע לעוול אין כשרות, איז ריכטיג. אבער די אנדערע צד איז נישט אויסגעשמועסט געווארן. די פאקט איז אז די היימישע הכשרים אדרעסירן די פראבלעמען - וואס זענען להדיא יא פראבלעמען - וואס די גרויסע ארגעניזאציעס איגנארירן, נאר די פאקט איז אויך אז זיי אביוזן די סיטואציע אז זיי פארריכטן די פראבלעמען, מיטן 'באשאפן' אומגעשטויגענע פראבלעמען, כדי צו קענען איינקעשן דערויף.

נאך איין יסוד, וואס איז בעיקר וויכטיג כלפי מור'ס תגובה, איז אז מ'טאר נישט מישן יעדע 'היימישע' הכשר אלס שם הכולל, וואס כ'וועל מסביר'ן שפעטער.

איבער מור'ס תגובה.

קודם ש'כח פארן טיטל פון אומאפיציעלער רב הכולל לבית הקפה... [מעגסט צולייגן 'מלפנים']. כאטש וואס לכבוד דעם איז דיין תגובה אן אפטייטש אין 'שררה אני מטיל עליכם? עבדות אני נותן לכם!', והדבר פשוט.

צו צולייגן דיין לענגערע תגובה, פאדערט זיך אסאך אסאך צייט, דערפאר וועל איך ממש בקוצר אמרים זאגן מיינע הוספות/הערות.


דיין טענה אז רוב היימישע הכשרים זענען אסאך מאל גענצליך מבוסס אויפן או יו, איז ריכטיג, אבער נאר טיילווייז. דו מישט אויס [א פראבלעם וואס חזר'ט זיך איבער היבש אין דיין לענגערע תגובה] די נושאים וואס זענען טאטאל נישט געבינדן איינס אין צווייטן. למשל, ווען די מדובר איז ענזיימס און אזעלכע אינגרידיענס, דארף מען צומאל זיך פארלאזן בלינדערהייט אויף או יו, און צומאל קען מען ניטאמאל נאכפארשן אזוי בהיקף ווי או יו מיט זייער אומבאגרייפליכע מאכט שוין צענדליגע יארן. פארט אבער איז דאס נאר אויף די סארט יסודות'דיגע אינגרידיענס וואס האבן געווענליך א מהלך וויאזוי און אויף וואס מ'פארלאזט זיך אויף או יו.

משא"כ אקטועלע זאכן, ווי אינגרידיענס וואס טוישן זיך פון פראדוקט צו פראדוקט, צו כשר'ן א פלענט, צו זיך פארלאזן אויף יסודות'דיגע קולות אין בישול, הגעלה, וכו', צו האבן מער ערנסטע משגיחים 'אין פארווארפענע פלעצער' איבערן וועלט [נישט USA], אא"וו, דארט זענען די היימישע הכשרים אויף די אייגענע פיס. מ'דארף נאר זיין מענטשליך גענוג מודה צו זיין אז זיי גייען נישט נאך יעדע ברעקעלע אינגרידיענט ביזן סוף, און געוויסע זענען טאקע גענוג האנעסט.


דיין נעקסטע פראבלעם מיט די היימישע הכשרים וואס האבן באגראבן כשר'ע פראדוקטן וואס זענען געשטאנען אונטערן השגחה פון או יו ודומיהם, איז ווייטאגליך, אבער דא קומען מיר צום נעקסטן נקודה וואו דו האסט געמישט יוצרות. לא כל ה'היימישע' הכשרים שוים. אז געוויסע הכשרים זענען קארופטירט, לייג נישט ארויס א נאסע ליילעך אויף 'היימישע', נאר אויף יענע ספעציפישע הכשר. אז התאחדות האט פוטער אויפן קאפ, ווערט נישט ר' יהושע מאגרובער פראבלעמאטיש, און אויב ר' יחיאל באב"ד האט פראבלעמען, ווערט נישט ר' אשר אנשיל עקשטיין א שוואכע הכשר [ברם יזכר לטוב, ער האט נישט די 'ברייטע ביבער הוטן' ווי דו רופסט עס...]. און די נעמען זענען נאר בתורת דוגמא ולא יותר.


עס איז אמת אז געווענליך האט מען מער מעגליכקייט ארויסצובאקומען אינפארמאציע פון או יו ווי פון היימישע הכשרים, אבער די סיבה איז נישט נאר צוליב היימישע 'קארופציע'. ס'איז א צוזאמענשטעל פון כמה ענינים:

א'- אויב מ'טרעפט א פראבלעם אין או יו, איז די אישו או יו, נישט פלוני, ביי די היימישע הכשרים איז די אישו גרובער, וואלאווע, מאגרוב, ווייסמאנדל, וכו'. זיי זוכן נישט די קאנפראנטאציע און די שלעק.

ב'- או יו האט נישט די אויטאריטעט פון א היימישע חסיד'ישע רב, וואס קוקט אויף יעדן פון זעקסטע הקפה רינג ארויס, און זיין מושכל ראשון איז אז יענער זוכט פשוט דיר אונטערצוגראבן, נישט געבן כבוד, וכו'. אין או יו קוקט מען מער נארמאל, אבער די היימישע זענען נישט גענוג מיטשור, ענדערש ווי קארופטירט.

ג'- או יו האט אוועקגעשטעלט אזא פאליסי פון פרעגן, די היימישע נאכנישט. דערפאר קוקן זיי אן די רופער'ס ווי פשוט'ע פגעים.

ד'- כאטש ס'פעלט נישט קארופציע צוליב געלט און כבוד, איז אבער כבוד פראבלעמען געווען א גרויסע פראבלעם אין או יו אויך, ווי אויבנדערמאנט ביי הרב בעלסקי. ער איז טאקע געווען א מחודד ומפולפל וואס האט באשאפן תשובות און תירוצים און היתרים, אבער זיין שטייפקייט איז אסאך מאל געווען זייער פראבלעמאטיש, און כ'רעד ברמיזה. ס'איז כמעט נישט געווען צו וועם צו רעדן, אפילו ווען גרויסע רבנים - אפילו אינערהאלב או יו - האבן אים פרובירט משכנע צו זיין. א פראבלעם וואס עקזיסטירט כמעט נישט ביי די היימישע הכשרים.


ר' הלל וויינבערגער, ר' יהודה שיין, מילא, אבער די גילוי פנים בתורה פון מאגרובער האב איך נישט עכט געהערט [רעד נישט פון זיין שפראך]. פון וואגשאל האב איך בכלל נישט געהערט.

די 'זיופים' פון וואס דו רעדסט צומאל במשך התגובה, זענען נישט איבעראל אזוי פשוט. דאס וואס דו נעמסט אן דער אג"מ ווי דער פוסק אחרון אין דעם, מאכט עס נאכנישט פאר אזאנס.

די תשובות להקל של האחרונים איז פשוט נישט נוגע דא, לכתחילה זוכט מען חומרא והידור, בדיעבד [ובצורת ועניות הוא בגדר זה] קען מען מקיל זיין. אויב איינער עסט או יו פלייש - נאכן כשר'ן א פלענט מיט קולות, דארף מען נישט כשר'ן קיין כלים לכו"ע. דאס מיינט נישט אז לכתחילה איז נישט שייך מער מחמיר צו זיין.

דאס זאגן א גוט ווארט אויפן רבנות אין ארץ ישראל איז אומגלויבליך, נאך די אומצאליגע שערוריות וואס באגלייטן זיי אויף אן אבסורדלן פארנעם מיום היווסדה ממש. אוודאי קומען זיי אן איבעראל, און אוודאי זענען דא ערנסטע מענטשן אויך, אבער 'רבנות' אלס שם הכולל שטייט גאר גאר אונטערשטעליג.

די או יו קען זיך נישט פארלאזן אויפן היתר מכירה, ווייל חרדים פון אשכנז'ישן חדר האבן קיינמאל אקצעפטירט די היתר [די ספרדים יא, נאר אדאנק די טראקטאר כח פון הרב עובדיה].


מ'קען מאריך זיין נאך און נאך, אבער כ'האב נישט כח צייט און נערוון דערצו, און כ'ווייס נישט פארוואס כ'האב גערעדט אזויפיל יא. אפשר כדי שלא יאמרו מדשתקו וכו', אבער יעצט זעט מען כאטש אז די זאך איז מער קאמפליצירט ווי ס'זעט אויס פון איין תגובה.

דערפאר בין איך מציע אזויווי ליטוואק האט געזאגט, מ'זאל צונעמען נושא ביי נושא דורך די פוסקים'ס משא ומתן, און מאכן הכרעות טאקע דא אין שטיבל. נאך בעסער איז ווי דעת תורה זאגט, ארויסצוגעבן א גליון דערוועגן, כאטש כ'האב כעת קיין נערוון זיך פריש אריינצולייגן דערין בכל הכח.


איך וואלט יא מציע געווען, צו עפענען א באנדע אשכולות, וואס יעדע איינס זאל צונעמען אן אנדערע הכשר אויפן מארקעט. מ'זאל קענען צולייגן יעדע נקודה פאר זיך, די בעלי מכשירים, די סטאנדארטן, די בלאפערייען, זייערע מכשולות בעבר, זייער גראדקייט מיט די קונים, זייער באגלייבטקייט אין פעלד פון כשרות, וכו' וכו'. ווי די גמרא זאגט 'מינך ומינאי תסתייעא מילתא'. מ'זאל קענען באקומען א קלארקייט אין יעדן הכשר, אין יעדן פראדוקט.


------------
'נאר געציילטע ווערטער', אזוי האב איך אנגעהויבן מיין תגובה. אוי שש שש, וואס משזר'סטו אזוי? וואס פארברענגסטו די צייט, ווען דו האסט געשריבן ערנסטערהייט 'נאר געציילטע ווערטער'?! אקעי, בל"נ לאמיר שווייגן מכאן ואילך, ס'טויג דאך נישט אזוי, ווען דאס איז שוין 'בקוצר אמרים'.

ושכינה מה היא אומרת, קלני מראשי וכו'...

כ'האב זייער הנאה פון דעם הערליכן שמועס וואס האט זיך אנטוויקלט, און די געוואלדיגע בירורים פון ATUB @נהורא נפישא ATUB , ATUB @מור וקציעה ATUB , און ATUB @שש משזר ATUB .

שש משזר האט געשריבן:האב איך דאך יא געוואוסט וואו אהין די אשכול וועט אוועקפארן. כ'וועל איבערזאגן נאך איינמאל: די נושא האשכול, אז או יו איז א הכשר למהדרין אן קיין עוררין, אז יאקע הכשר איז געפאלן א קרבן פון בולי'ס, און אז אפאר ווילי'ס שלא קראו ושנו האבן אריינגערעדט וואו זיי באלאנגען נישט - איז שקר וכזב. יעצט קען מען ווייטער רעדן פון הכשרים בכלל, כאטש מ'וואלט געדארפט עפענען א באזונדערע אשכול [אפשר אפאר, איינס פאר יעדע באקאנטע הכשר] בנושא כאוב זה.

די נושא פון דעם אשכול איז נישט אז עס זענען נישט דא קיין עוררין אויף דער או-יו - אויף יעדער השגחה זענען דא עוררין! די נושא איז אז או-יו איז בכלליות א גאר גוטע השגחה, מיט מעלות וואס שטייגן איבער די מעלות פון די היימישע השגחות. איך פארשטיי אז א חסידישער איד וויל נאר עסן א פראדוקט וואס האט אויך א השגחה פון א היימישן רב, ווייל ער וויל דער רב זאל מעיד זיין אז עס קומט אויך נאך "אונזערע" סטאנדארטן. אבער פאר מ'רעדט פון סטאנדארטן איז קלאר אז או-יו שטייט העכער די אנדערע אויף די עצם יסודות פון כשרות.

אז א חסידישער איד האט א ברירה צו עסן א פראדוקט וואס האט נאר או-יו און א פראדוקט וואס האט או-יו און א חסידישן הכשר, וואלט איך אים אוודאי גע'עצה'ט צו עסן דעם צווייטן פראדוקט. אבער צווישן א פראדוקט וואס האט נאר או-יו און א פראדוקט וואס האט נאר א חסידישן הכשר, וואלט איך געראטן צו נוצן דווקא דעם ערשטן. פאר מ'קען רעדן וועגן חסידישע סטאנדארטן דארף מען פארזיכערן אז די יסודות שטייען פעסט. און הגם מ'קען אוודאי טרעפן טענות אויף או-יו - פונקט ווי מ'קען טרעפן ערנסטע טענות אויף יעדן הכשר - איז דאס נאך אלץ די בעסטע און פארזיכערטסטע אפציע ווען עס קומט צו די יסודות פון כשרות.

לענינינו, די פראדוקטן וועלכע האבן פארמאגט די השגחה פון דעם יאקער רב זצ"ל האבן געהאט אן או-יו וואס האט מעיד געווען אז דער כשרות פון דעם פראדוקט שטייט אויף פעסטע יסודות. דער יאקער רב האט צו דעם צוגעלייגט אז ער, א היימישער חסידישער רב, באשטעטיגט אויך אז דער פראדוקט קומט נאך זיינע סטאנדארטן. הא תינח ווען א פראדוקט פארמאגט בלויז דעם יאקער רב'ס השגחה, קען מען מחליט זיין אז ער איז נישט גענוג קיין גרויסער מומחה אוועקצושטעלן די יסודות פון כשרות, אבער ווען ער קומט נאר מוסיף זיין אויף או-יו און גיט דעם חסידישן שטעמפל, איז נישט דא קיין שום בארעכטיגונג צו באשמוצן א גדול בתורה און מחנך זיין די קינדער אז ער איז נישט גענוג גוט פאר אונז. פארשטייט זיך חוץ אויב מ'איז געשלאגן מיט יהורא און משוגעת'ן-אידישקייט.

כהאב אמאל געהערט אז אויב איז דא א צווייטע הכשר פארלאזן זיך די אוי. יו. אויף דעם אליין.

איך האף צו אדרעסירען כאטש טייל פון די הערות נכונות פון @ליטוואק @שש און אנדערע

קודם דארף איך דאנקען קוב''ה אז איך בין שוין צוריק אינדערהיים, נאכדעם וואס איך בין דורך געגאנגען שבעה מדורי גיהנם דורך די הארצלאזע אנגעפרעסענע TSA באנדיטען אין JFK, קודם האבען זיי מיר בגנב'עט אלע מיינע קניידלעך וואס מיין אשת חיל האט ספעציעל געקאכט פאר מיר, מיטן אוסרייד אז סאיז טופח להטפיח ממילא האט עס לויט זיי באקומען א דין פון א דבר לח שדינו לשריפה, איבערלאזענדיג מור וקציעה אן קיין סטארטש און פרוטיען פאר 48 שעה, אוסגעראטען זאלען זיי ווערען צוזאמען מיט אלע בייזע ווינטען,
איך מורמעל זיך אונטער ראה עניי ועמלי ושא לכל חטאותי, און גיי זיך ווייטער מיינענדיג אז מיינע צרות זענען שוין פאראיבער, תיכף נאכען לאנדען נעם איך א קאר און איך פאר צו צום ארבעט, צוויי אזייגער נאכמיטאג בין איך שוין געווען ביי די ארבעט, ארבעטענדיג סטרעיט ביז 9, ענדליך א פערטל פאר 10pm סיין איך אריין אין האלידעי איננ וואס די קאמפאני האט באשטעלט, טראכטענדיג אז סאיז נישט דא קיין עסען וועט כאטשיג זיין טועם צו זיין פון די עץ הדעת (וויי פיי בלע''ז), איך קום אריין אין מיין צימער און נאך פארן בודק חמץ זיין פרוביר איך איינמאל און נאכאמאל זיך מתחבר צו זיין צום אילנא דחיי אבער אן ערפאלג, איך דייל 0 צו רעדען צום האטעל דעסק,

הא קען איי העלפ יו סיר?

מור וקציעה: מיי ווי פיי איז נאט ווארקינג

האטעל דעסק: ווי אפאלאג'ייז פאר דיס אנ-קאנוויניענס, ווי אר סאו סארי טו הער זעט, ווי אר קארענטלי לוקינג אינטא די מעטער

ימח שמם ונימח זכורם מעל פני האדמה, אפילו מיתה איז נישט מכפר אויף דעם

בלית ברירה לייג איך זיך שלאפען מיט א ליידיגע מאגען, איך שטיי אויף און יאג זיך צו דע ארבעט בשעת וואס די הונגער לאזט נישט נאך, איך צייל די שעות און מינוטען ווען איך קען שוין אפיאגען, ענדליך 7 אזייגער לאז איך מיר ארויס צו הארצפיעלד-זשעקסאן צו כאפען דעם פליגער, פון די רענטעל פארקינג כאפ איך דעם טערמינאל באן, פיינעלי איך זיץ שוין אויפן פליגער, צו מיין מזל פונקט נעבען מיר זעצט זיך אנידער אן איבערוואגיגס וואס האקט טורקי ראולס, ווען די סטוערטס הייבען אן ארומגיין טיילען ריפרעשמענטס האט די אנטעסמיטישע מרשעת לעבען מיר גענומען במזיד ובזדון לב קוקיס מיט סניידערס פרעצעלס צוברענגענדיג אז מור וקציעה זאל פשוט אריינפאלען אין א מצב פון אחזו בולמס,
בצר לי דרוק איך דעם הילף/העלפ קנעפל, די סטוערט קומט און איך פרעג אויב זיי האבען פינאטס, יעס סיר 1 מינוט,
ביני לביני לויף איך דורך אין מיין קאפ אז פינאט ניסלעך זענען דאך זיכער נישט קיין קטניות ווי ר' משה שרייבט'עך אין די תשובות (הגם שיש חולקין), לגבי די קארן אויל איז דאך א ספק ספיקא, ספק אם תירוס שלא היה בזמן הגזירה בכלל נחשב לקטניות, ואת''ל שכן, הרי כמה פוסקים מתירים בכל שמני קטניות שנכתשו לפני החג, לגבי חששא פון א משהו חמץ בשעת בישול או בשעת האריזה מלפני יו''ט איז עס דאך בטל בשישים, ולגבי חוזר וניעור אסמוך על מרן הב''י,
אזוי אינמיטען טראכטען קומט זי צוריק מיט די פינאטס און זי רופט זיך אן בלה''ק ''שלום, איך אתם מבלים בחג?''

א קאלטע שווייס איז מיר באפאלן, קיין חילול השם האב איך נישט געוואלט מאכען, איך הייב זיך אן מאכען תם'עוואטע אז איך וויל זעהן אויב ס'האט א P פאר Passover


.....


שוין, קודם כל וויל איך נאכאמאל איבעריג קלאר מאכען, די מרחק פון כשר למהדרין אדער כשר לכתחלה ביז אסור בדיעבד איז בד''כ זייער א לאנגע וועג, איך בין נישט חושש אויף קיין איין שחיטה/מילך/בעקעריי וכו' אנגעהויבען פון די פרומע מתתי' קאהן אין ווילי און גענדיגט ביי היברו נעשינאל און טרעידערס זשאו אז סאיז טריפה אפילו בדיעבד

לאמיר נעמען א קלאסישע עקזעמפעל פון מליחה, לכתחלה דארף מען זאלצען דעם עוף פון אלע זייטען, אמאל מאכט זיך אז די ארבייטער זענען שוין מיד פון אויפהייבען אזויפיל 30 פונטיגע טורקיס (טורקיס זענען געווענליך צווישען 18 און 30 פונט), איז נאך אפאר שעה פון שחטען דרייסיג פונטיגע טורקיס, וועלען די זאלצערס אפט אינטערהינקען, [די זעלבע וועט געשען מיט די בודקים וואס דארפען אראפנעמען פון די ליין אלע שאלה'דיגע עופות אז נאכען אראפנעמען עטליכע עופות -וואס זענען צו אלע צרות אויכעט גליטשיג פון שרויה והדחה- וועט ער אנהויבען מקיל זיין אז סאיז נישט קיין שאלה] אוודאי בדיעבד אפילו סאיז נאר געזאלצען פון איין זייט איז עס כשר, אבער לכתחלה דארף עס זיין געזאלצען פון אלע זייטן,
דער הגה''ק מסאטמר פון די שחיטה מהודרת אין מאנראו וואס האלט זיך פאר א מומחה גדול בכשרות בארימט זיך כסדר אז טאקע צוליב דעם האט ער געשטעלט היימישע יונגעלייט אלס זאלצערס, עולם גולם קויפט עס אפ פאר גוט געלט, (העמיר נישט רעדען פון דעם אז דער הגה''ק באצאלט פאר די אמת'ע עבודת הפרך פון זיינע היימישע יונגעלייט ווייניגער ווי אנדערע בית השחיטות צאלען פאר די נישט אידישע לאקאלע ארבייטער, דאס איז בנוסף וואס דער אמת'ער בעה''ב און בעל מכשיר הגה''צ ר' מאיר הירש קען זיך נישט אויסלערנען צו צאלען אין צייט)

למעשה, איז מהר''א ט''ב א מחמיר צו גאר א מיקל?, פאר ווער עס קען די ליין, איז מהר''א א מקיל מיט שטעלען אידישע זאלצערס, מדארף האבען פאר זאלצערס ברייט ביינערדיגע גיבורים, נישט קיין יונגעלייט וואס זייער איינציגע קוואליפקאציע איז אז זיי העבען א כשר'ע סעלפאון,

די אבסורדיטי גייט נאך סך ווייטער, עמפייער קאושער די גרעסטע כשר'ע שחיטה האט אינוועסטירט שווערע שווערע געלטער און דעזיינט צוזאמען מיט גרויסע אינזשענירען און די רבנים פון או יו א קאסטעם מעיד מאשין וואס זאלצט די עופות, לכאורה א הידור שאין כדוגמתה, ווילאנג די ענערזשי פירמע פראוויידעד לעקטער ווערען די עופות געזאלצען בתכלית ההידור, ליתר שאת שטייען משגיחים אין מאכען זיכער אז אלעס קלאפט, מנעמט די פונקליכע מויסטשער לעוועלס יעדע האלבע שעה, צו מאכען זיכער אז די זאלץ איז נישט צו נאס אדער צו טרוקען וכו'

אבער ביי די פרומע האט זיך אנגעהויבען א שדים טאנץ, וואס הייסט מזאלצט מיט א מאשין וואס קען ח''ו צוברענגען צו מצות מכונה ר''ל, בעלז מיט די באטורער וואס זענען דעמאלטס געווען די א''ג חסידישע שחיטה אין עמפייער האבען פארלאנגט דווקא די אלטע ליין, מיט די צייט האבען זיי זיך גיבראכען, אבער די עכטע פרומע שטייען ווייט פון דעם, ר' לייבוש ט''ב ז''ל האט געמיינט ער חאלעשט ווען ער האט געזעהן בעת'ן באזוכען עמפייער דאס ערשטע מאל די פירצה חמורה ר''ל (יא די שחיטה מהודרת האט שוין כמה פעמים בחשאי גענומען עופות פון עמפייער ווי מנוצט נישט קיין שטיינזאלץ און נאך אזעלכע סארט פירצות ה''י)

עס הייסט און די גאס [איך האב עס נישט מברר געווען מפי עדים] אז אין שיכון סקווירא איז מען זייער מקפיד אז די ער''פ מצות זאלן געבאקען ווערען אין דעם זעלבען אויווען וואס ר' יעקב יוסף האט גענוצט בשעתו [שוין וועל מיר זיי נאכגעבען אז דע משוגעת איז גאר א הידור], צוליב דעם מוזען זיי ווארטען מער ווי די אכצען מינוטיגע שיעור מיל, איך ווייס אז די משנה ברורה איז עס טאקע מתיר בדיעבד ווייל עס איז דא אסאך חולקים אויפן מחבר ודעימיה אז א מיל איז אכצען מינוט, אבער סאיז קולא יתירא

אפשר שפעטער פארן זמן אדער זונטאג נאך יו''ט וועל איך האבען צייט צו ענטפערען, מיין אשת חיל פארפירט יעצט אז איך מוז נעמען די קינדער חוה''מ האלטען

די פינאט'ס זענען נישט פון אריזאנא?

ייש"כ פאר די אינפארמאציע און ס'איז פיין געשריבען, אבער דער סארקאזם, ווי גוט ס'איז, נעמט צו פון די 'פאקטישקייט' פון דיין רעדע

Sent from my HTC Desire 510 using Tapatalk

איך וויל דא יעצט פארן זמן שנעל אראפ שרייבען אפאר הערות אן קיין שום סדר

@ליטוואק און @שש זענען טויזענט פערצענט גערעכט, מקען נישט נוצען איין גרויסען בערשטעל פאר אלע נאציאנאלע כשרות ארגענעזאציעס, און די זעלבע איז מיט די א''ג היימישע הכשרים, עס זענען דא היימישע בעלי מכשירים וואס טוען זיך זייער ארבעט מיט ערליכקייט ובתמימות, זיי זוכען נישט אנצופילען די קעשענעס אויף יענעמס חשבון, זוכען נישט צו באגראבען קיינעם, זענען נישט קיין מתכבד בקלון חבירו, גייען זיך זייער וועג וזהו [א שטייגער ווי צעהלימער רב, ר' דוד מילר, ר' שלמה שטרן ועוד, איך רעד נישט יעצט צו זיי זענען מומחים אויכעט] צום אנדערען עקסטרעים האט איר אזעלכע בולוואנעס חיות טורפות ווי איצא גליק/ויינברגר מיטן וואלאווער וכדומה [גראדע דא און שטיבעל איז דער וואלאווער א גאר בעטעמטער ניק, הגם איך ווייס נישט פארוואס ער באנוצט זיך מיט זיין טאטענס נאמען @ליפא] וואס זענען פלענע מענטשען פרעסער, פארקויפן שטותים פארן עולם, ערשט קלאסיגע שקרנים, און צומאל סתם שלעכט,
איך האב אמאל געפרעגט דעם וואלאווער איבער חדש אויף א גפן פראדוקט, אנשטאט ענטפערן נארמאל, פרעגט ער מיר: די ביסט אויכעט פון די ליטווישע משוגעים? זאג איך אים די רמב''ם האלט אז מאיז חייב מלקות אויף יעדען כזית חדש אף בזה''ז אפילו בחו''ל, אמת סאיז דא מתירים, אבער איינער וואס האלט ווי די מחבר איז נאך נישט בהכרח קיין משוגענער,
זאגט ער, די ביסט קלוגער פון בעל שם הקדוש און דברי חיים וואס האבען געהאלטען אז מטאר נישט מחמיר זיין?,

ר' ישראל בעלסקי האט זיך געבעטען ווי א גנב מיט טרערען צענדליגע מאל צו דעם וואלאווער ער זאל אויפהערען מיט די מזונות ברויט גימיקס, הרב בלסקי האט אפילו אויסגעארבעט א פלאן צו מאכען די בייגעלס פון ספעציעלע קטניות מעהל, אבער סאיז נישט געווען צו וועם צו רעדען, די סאכדעס/וואלאווע חברה רעכענען זיך בכלל נישט מיט די געזעץ ביכער פון ר' יוסף קארו, זיי זענען פשוטע קולטוראלע חסידים פון ברוקלין וואס האבען מיט הלכה גארנישט, הרב אייכנשטיין דער גאלאנטער האט פארקויפט עפעס אז ביי חסידים האט מען זיך געפירט ווי א מהרש''ם און דעת תורה, וואס איז א פשוטע טעות המעתיק פונם אייניקעל ר' שלום שוודרון [וואס איז אגב פסול ביי זיי] און אפילו לויט דעם איז עס אויך נאר א הוה אמינא פון ר' שלמה קלוגר אין ספר החיים מיט וואס ער בלייבט נישט למסקנא, איינער האט דעמאלטס פארשאפט א בריוו פאר רב בלסקי פון ר' שמואל ואזנר ווי ער אדרעסירט קלאר די סאכדעס לצים מיט זייערע שייגעץ שטיק פון אויסרייסען מצות נטילת ידים ומצות ברכת המזון, הרב ביק האט עס גראדע יא גענומען ערענסט און געוואלט מתקן זיין, אבער איצא וחביריו מווילי ומאונט קיסקאו האבען זיך אויסגעלאכט, ר' משה שטרן ז''ל האט זיך נאך בשעתו געבעטען ביי די געלט גייציגע חברה וואס רייסען אויס א מצוה מה''ת מבלי לסמוך אפילו על שיטת יחידאה, ער רעדט דערפון בקיצור אין באר משה,

די פירצה קומט פונעם היימישען לאגער ועד היום הזה איז עס דווקא ביי די היימישע,
יעדעס מאל א היימישע קאמפאני וואס פארמאגט א היימישע הכשר צוזאמען מיט אן או יו לייגט ארויף ברכתו במ''מ אויף זייערע בייגלעך הייבט זיך אן פרישע רייסערייען מיט די או יו, ביי מזונות מבין למשל געדענק איך האט מען אויסגעארבעט א פשרה צווישען רב בלסקי און להבדיל איצא, אז זיי זאלען נישט נוצען דעם או יו לעיבעל אויף זייערע מזונות ברויטען
(ווער סהאט נישט קיין צייט צו בענטשען זאל נאר בענטשען ביז ומכל טוב אל יחסרינו, און אז איינער האט נישט קיין צייט פאר דעם אויכעט, זאל ער זיך פארשאפען א קליינע בענטשער פון עבאדי, עיין באור יצחק)

וכבר התמרמרו על הפירצה הנוראה הזה מרן רבינו עובדיה בספרו חזון עובדיה ויבלחט''א בניו הגר''י בילקוט יוסף והגר''ד בויען יוסף, בר מן דין, אפילו לשיטתם המסולפת מכשילים את הציבור בקביעות סעודה ואכ''מ

דער עולם זאל מיר מוחל זיין אז איך צייכען נישט צו קיין מראה מקומות, ווייל אפילו אויף דעם זענען די פרומע חברה שולדיג , זיי האבען דא -אין די שול ווי איך דריי זיך- פארדעקט און פארקלעבט אלע ספרים שענק מיט פלעסטיקס, זייערע של''ס בילקעס זענען ניטאמאל ראוי לאכילה, אבער זיי האבען דאך מורא אז אפשר איז אריינגעפאלען א ברעקעל צווישען די האר ביים בויגן פון ספר, וחיישינן משום גלוסקא יפה, דיס גייס אר נאטס


הבהרה ! איך האב דירעקט געשריבען די לעצטערע שורות איינזייטיג, כדי צו אילוסטרירען זאכען פון אן אנדערען קוק ווינקעל,

(למשל דער גרויסער ידען ותמים נפלא ר' אהרן רקפת/ארנולד רוטקוב [זיין רבי ר' יאשע בער פלעגט אים רופן ''מיין היסטוריון''] זאגט כסדר אין זיינע שמועסן מיטן גרעסטען תמימות אז ערליכע אידען עסען נאר פון קראנטע הכשרים ווי או יו כאף קעי, און פארלאזען זיך נישט אויף די מפוקפק'דיגע הכשרים פון התאחדות, איך מאך נישט קיין וויץ

ביי אים זענען זיינע היתרים נארמאל אבער די חסידים [שטייצעך חוץ חב''ד ווי ר' יאשע בער האט באזוכט] האבען שרעקליכע קולות, ער איז א עכטע אלד טיימער, אזא סארט לויפער/בלום באשעפעניש פון די וויי יו חדר)

...

לגבי רב כ''ץ, אויף אים האב איך אין א וועג די מערסטע טענות, ווייל אויף די סאכדעס קליקע איז ניטאמאל שייך צו האקען, פונקט ווי מקען נישט האקען אויף דאנולד טראמפ אדער על שארפטאן, זיי זענען לכתחילה בוליס, אויף זשארזש בוש אדער באראק אובאמא קענסטו האבען טענות, ווייל זיי האלטען זיך דאך פאר נארמאלע מענטשען,

נאך א זאך איך קען נישט רעדען פון זאכען פון די לעצטע פאר יאר, ווייל איך וויל נישט מזאל וויסען ווער איך בין מטעמים מובנים

יתר מזה, איך האב פארשטאנען פון א חשובען חבר דא אז ער איז זיינס א משפחה,

קודם זיינע מעלות, ער איז א פערפעקשעניסט און לייגט אריין כוחות אז אלעס זאל זיין בתכלית ההידור, נאך א מעלה ער ליגט אין כשרות ברמ''ח איבריו ושס''ה גידיו, מער ווי סיי וועם,

ולשבחו יאמר, אז טראץ דעם וואס ער האט זיך געבויט זיין קאריער במשך יארען לאנג מיטן געבען העסליכע דרשות קעגען די או יו [איך אליין האט געהערט פון אים בשעת א דרשה פון ארגון שיעורי תורה אין סטולין בערך בזה''ל: מענטשען פרעגען צו מקען זיך אמאל בשעת הדחק אין די מרחקים פארלאזען אויף די או יו אין טרינקען קוקה קולה, וואס קען שוין זיין אין אביסעל משקה פרעגען זיי, רבותי ווען איר וואלט אמאל געזעהן וואספארא קלים וריקים זייערע מכלומרשטע רבנים זענען וואלט איר זיך געשעהמט צו פרעגען אזא שאלה, אז איר וואלט געזעהן וויאזוי זייערע שטובער/ווייבער זעהן אויס וואלט איר אפילו נישט געטרינקען וואסער פון זיי, אזוי פלעגט ער רעדען יארען לאנג] האט ער אבער זיך אויסגענומען אז ער נעמט איבער מהדרין בתנאי אז די או יו קומט אריין, ווייל ער קען נישט אליין, היינט רעדט ער שוין דא דארט אפילו בשבחם
(אריינעמען או יו איז אבער א זאך וואס דער וואלאווער האט נישט געפאסט צו טוען, וואס האט געמאכט אז ער זאל מוזען כסדר שלעפען צייט אליינס נאכצוגיין אליינס די אינגרידיענטס ולו מקופיא בעלמא, וואס האט עטווענטועל גורם געווען אז פארקאש זאל אים שיקען לופטערען)

זיין גרעסטע חסרון איז אז ער איז ממש א שטוינענדע ע''ה פונקט ווי זיין מורו ורבו מלפנים דער וואלאווער, וואס מאכט אים מער מסוכן, איז ער איז אן אכשר דרא'ניק בלב ונפש, וואס איז א זייער דענזשערעס אינגרידיענט פאר אן ע''ה וואס האט נאך פאוער אויכעט,



הרב כ''ץ האט נישט קיין פראבלעם למשל צו מעורר זיין איבער הלכות פון ערלה, אׇן אפילו אריינקוקען אין קשו''ע זעהן צו ער ווייסט אפילו וואס ער רעדט, די פירצה פון ערלה וואס ער האט פארפירט האט אים געברענגט ביזוי בזיונות, ער האט נישט געלערנט די טרוקענע מחבר'ס, אזוי גייט עס איינס נאכען אנדערען, זיינע קאווע סקאנדאלן מיט טשיפ סקאנדאלן וואס ער טרעפט יעדען שני וחמישי, היינט אז ער איז ב''ה פולי עמפלויד איז ער אסאך בעסער


און זארגטס נישט ער פארשטייט זיין שטעטל גאר גוט ווען עס קומט צו קאווער אפס פון זיינע אייגענע סקאנדאלען,

זיין קאווער אפ פאריאר אין פאזעטיוו ביי די בראקאלי איז פון [די חרדישע הלכות תולעים פערספעקטיוו] פינקעל מעגניטוד, די קאמפאני האט געוואלט מאכען א ריקאול אבער רב כ''ץ האט נישט געלאזט, זייט דעמאלטס געט ער שוין נישט די הכשר אויף די בראקעלי ספינעטש וכו', ר' דוד גאלדשטיין און ר' משה ויא האבען עס איבערגענומען פון אים

און דעס וואס שש טענה'ט אז די או יו נוצט שוואכע משגיחים אווערסיס, לו יהא כדבריך, האסט אבער נישט צו ג'ענדיגט די אנדערע זייט פון די מטבע, דער וואלאווער שיקט ריזיגע עקספערטען קיין מאלאזיע ווי ממאכט אינסטענט זופ? וועמען שיקט ער קיין כינע? א מענטש וואס קען רעדען און ליינען מאנדארין, אדער א מענטש וואס קען ניטאמאל רעדען ענגליש? פרעג רב כ''ץ וועמען ער שיקט פאר די קליינע יוגערטס און אייסעס, דער יונגערמאן קען איך גוט, מיין קליינע 7 יעריגע טאכטער קען בעסער רעדען און ליינען שפת המדינה פון אים און זיין טאטען צוזאמען


פאר יעצט וועט דעס מוזען זיין גענוג ואי''ה (און אויב מוועט נישט אויסמעקען ) עוד חזון לאחר שבת

קיינער מעקט נישט אזוי שנעל... אויב עפעס איז ק"ש דער בעסטער פלאץ אויסצולופטערן די טענות. כאמור וויל איך נישט מאריך זיין דערוועגן, אבער איין הערה איז א חוב גדול אויף מיר צו זאגן.
דו שרייבסט:

מור וקציעה האט געשריבן:לגבי רב כ''ץ, אויף אים האב איך אין א וועג די מערסטע טענות,
ער האט זיך געבויט זיין קאריער במשך יארען לאנג מיטן געבען העסליכע דרשות קעגען די או יו [איך אליין האט געהערט פון אים בשעת א דרשה פון ארגון שיעורי תורה אין סטולין בערך בזה''ל: מענטשען פרעגען צו מקען זיך אמאל בשעת הדחק אין די מרחקים פארלאזען אויף די או יו אין טרינקען קוקה קולה, וואס קען שוין זיין אין אביסעל משקה פרעגען זיי, רבותי ווען איר וואלט אמאל געזעהן וואספארא קלים וריקים זייערע מכלומרשטע רבנים זענען וואלט איר זיך געשעהמט צו פרעגען אזא שאלה, אז איר וואלט געזעהן וויאזוי זייערע שטובער/ווייבער זעהן אויס וואלט איר אפילו נישט געטרינקען וואסער פון זיי, אזוי פלעגט ער רעדען יארען לאנג]

איך שפיר ממש ווי רבי יהושע האט געזאגט 'האיך יכול החי להכחיש את החי'?!
איך זעלבסט בין אויך אמאל אנוועזנד געווען ביי א דרשה פון הרב כ"ץ אין ארגון שיעורי תורה, אין סטאלין, און ער זעלבסט האט קלאר געזאגט אז מ'מעג טרינקען קאקע קאלע לכתחילה [כמדומה אז ער האט צוגעלייגט אז ער אליינס טרינקט עס אויך], ער האט געזאגט אז ער קען פערזענליך די בעל מכשיר א חשוב'ע רב, און ער פארלאזט זיך גענצליך אויף אים.
איך האב אויך געהערט באופן כללי אפאר מאל וויאזוי ער איז זיך מתייחס צו או יו, און אזוי האב איך אויך געהערט פון הרב עקשטיין [בעלזא], ועוד. קיינער האט נישט אזא ביליגע נארישע שפראך ווי דו דערמאנסט דא, כלפי הכשר או יו. זיי זענען עס מגדיר סאך איידעלער און מער מסתבר'דיג.
די איינציגסטע זאך וואס קען זיין איז, אז דו האסט דיך אויסגעמישט מיט א צווייטן, מעגליך הלל וויינבערגער פאר וועם ס'פאסט אזא שפראך, און צומאל רעדט ער אויך אין ארגון שיעורי תורה. בכלל פאסט אזא גערעדאכץ פאר סאכדעס רבנים.

נאר מעורר זיין, דער או.יו. אויף קוקא קולא איז דוכט זיך נאר אינ'ם מזרח ברעג פון אמעריקא. במרחקים האט עס נישט קיין או.יו.

Sent from my HTC Desire 510 using Tapatalk

שש משזר האט געשריבן:קיינער מעקט נישט אזוי שנעל... אויב עפעס איז ק"ש דער בעסטער פלאץ אויסצולופטערן די טענות. כאמור וויל איך נישט מאריך זיין דערוועגן, אבער איין הערה איז א חוב גדול אויף מיר צו זאגן.
דו שרייבסט:

מור וקציעה האט געשריבן:לגבי רב כ''ץ, אויף אים האב איך אין א וועג די מערסטע טענות,
ער האט זיך געבויט זיין קאריער במשך יארען לאנג מיטן געבען העסליכע דרשות קעגען די או יו [איך אליין האט געהערט פון אים בשעת א דרשה פון ארגון שיעורי תורה אין סטולין בערך בזה''ל: מענטשען פרעגען צו מקען זיך אמאל בשעת הדחק אין די מרחקים פארלאזען אויף די או יו אין טרינקען קוקה קולה, וואס קען שוין זיין אין אביסעל משקה פרעגען זיי, רבותי ווען איר וואלט אמאל געזעהן וואספארא קלים וריקים זייערע מכלומרשטע רבנים זענען וואלט איר זיך געשעהמט צו פרעגען אזא שאלה, אז איר וואלט געזעהן וויאזוי זייערע שטובער/ווייבער זעהן אויס וואלט איר אפילו נישט געטרינקען וואסער פון זיי, אזוי פלעגט ער רעדען יארען לאנג]

איך שפיר ממש ווי רבי יהושע האט געזאגט 'האיך יכול החי להכחיש את החי'?!
איך זעלבסט בין אויך אמאל אנוועזנד געווען ביי א דרשה פון הרב כ"ץ אין ארגון שיעורי תורה, אין סטאלין, און ער זעלבסט האט קלאר געזאגט אז מ'מעג טרינקען קאקע קאלע לכתחילה [כמדומה אז ער האט צוגעלייגט אז ער אליינס טרינקט עס אויך], ער האט געזאגט אז ער קען פערזענליך די בעל מכשיר א חשוב'ע רב, און ער פארלאזט זיך גענצליך אויף אים.
איך האב אויך געהערט באופן כללי אפאר מאל וויאזוי ער איז זיך מתייחס צו או יו, און אזוי האב איך אויך געהערט פון הרב עקשטיין [בעלזא], ועוד. קיינער האט נישט אזא ביליגע נארישע שפראך ווי דו דערמאנסט דא, כלפי הכשר או יו. זיי זענען עס מגדיר סאך איידעלער און מער מסתבר'דיג.
די איינציגסטע זאך וואס קען זיין איז, אז דו האסט דיך אויסגעמישט מיט א צווייטן, מעגליך הלל וויינבערגער פאר וועם ס'פאסט אזא שפראך, און צומאל רעדט ער אויך אין ארגון שיעורי תורה. בכלל פאסט אזא גערעדאכץ פאר סאכדעס רבנים.

איך קען עס נישט אויפזיכען אויף קול הלשון ווייל עס גייט נעמען שעות ארוכות סאיז דא דארט טויזענטער שיעורים, עס איז פון א זיבען אכט יאר צוריק, עס ליגט מיר קלאר אין די ביינער, איך האב מיר דעמאלטס אזוי גערעגט אויף אים אז איך האב עס געגעבען צו הערן פאר ר' משה עלעפאנט פארענדיג אויפן סאבוועי צו די ארבעט, (ר' משה גייט יעדען טאג צו די ארבייט מיטן ענ טרעין אויף 17 און 63 בערך אכט אזייגער אינדערפרי, איך באמפ צומאל אריין אין אים)

איך ווייס אז ר' יושע האט שוין געזיג זעגט אויף דעם עטליכע מאל, גראדע לעצטע יאר פסח צייט האט ער אויך געגעבן א שיעור אין ב''פ ביי ארגון שיעורי תורה ווי ער האט מיט זיין צוקנייטשטען שטערן געטענה'ט בשם ר' משה לייב לנדא אז מקען נישט טרינקען קיין קוקה קולה אפילו בשעת הדחק, נאר ספרייט קען מען זיך מקיל זיין לצורך גדול,

אבער איך וויל נישט יעצט אריינגיין אין א וואׇרט פאר וואׇרט קאמף בעת ווען איך קען ר' יושע מיט מהדרין מיט יעדען איינצעלהייט און זיינע כשרות פארשריפטען פון אינפארמאציע וואס מיינע צוויי אויגען האבען אליינס געזעהן בעת מיינע מערערע באזוכן אין מהדרין פאסיליטיס, און איך קען [אפילו נאכען צענזורירן מיינע ווערטער] ברענגען גענוג גוטע ראיות אז מרעדט דא פון א פראודסטער אוו פירסט דעגרי

וזה לך האות, איר קענט אייך אליינס איבערצייגען אין מיינע ווערטער, אויב איר פארט אמאל קיין טאראנטא קענט איר אריינלייגען אין אייער זשי פי עס די אדרעס פון Lamb farms inc פון ווי מהדרין נעמט רוב פון זייער מילך, (זיי האבען נאך איינס נישט ווייט, אבער לעמב פארם איז די מעין) סאיז נישט קיין גרויסע אומוועיג, מגייט אראפ פון טרוועי (90) ביי די באטאוויע/Batavia געגענט, איר קענט דארט אריין סטאפען 3 פארטאגס אדער 3 נאכמיטאג עס איז אפיציעל אפען פאר וויזיטערס 24 שעה א טאג, 7 טעג א וואך, עס איז דא א סאדע מאשין אויפען ערשטען שטאק וואס פארקויפט סאדע זיך צו דערקוויקען דאס הארץ פונעם וועיג, און עס איז אפילו דא דארט א דעזיגנעטעד עריע אויפן צווייטען שטאק נעבען די משגיח'ס שלאף צימער פאר וויזיטערס, ווי סדא דריי גרויסע פענסטערס פון ווי מקען אלעס זעהן און מיטהאלטען, אויפן לינקען זייט איז דא א צימער וואס דארט שלאפט די משגיח, עס האט נאך אויפן טיר בהשגחת הרה''ג מוואלאווע, פונעם צימער האט ער א פענצטער פון ווי ער קען זעהן די מעלקען (אינטערעסאנט איז אז די משגיחים ווייסען ניטאמאל אז דער וואלאווער איז געפלויגען, ווייל די חותמות/טעיפ זענען נאך אלס וואלאווע, אין הרב כ''ץ האט דאך אלס געהאט שייכות מיט די קאמפאני, איז אויב ער רופט אמאל מיינען זיי אז ער רופט בשם דער וואלאווער)

פאריאר פסח (אדער שוין פאר צוויי יאר פסח) האט ר' יושע ארויסגעגעבען א ספעציעלע קונטרס אין אידיש פון 48 זייטען מיטען נאמען מהדרין, מלא שקרים וכזבים והוצאת שם רע אויף כמעט יעדן בלאט כדרכו בקודש, אויף דף 6 און 7 רעדט ער פון די שאלה אויב מקען מאכען חלב ישראל דורך א ווידיאו קעמערא, סדא תשובות להתיר פון ר' שמואל ואזנר, ר' מנחם מאיר ווייסמנדל און אנדערע, אנדערע (ר' משה שטערנבוך ועוד) אסר'ן,

איבעריג צו זאגען אז ר' יושע באגענוגט זיך נישט מיטען זאגען אז אין מהדרין איז מען מחמיר, נאר כדרכם של האכשר דרא'ניקעס מוז ער צולייגען אז אפילו די מתירים האבען שוין לאנג צוריקגעצויגען ווייל היינט פעלשטען די פירמעס די קאמערעס, עיי''ש פאר זיינע איבעריגע דברים תמהוניים,

איך וויל מקדים זיין אז לדעתי איז דארט אלעס כשר כדת וכדין איך וויל נאר אויפדעקען די אפענע ליגענטס פון ר' יושע

קודם די פאקטען:
די משגיחים וואס קומען פון די דערנעבענדיגע חב''ד קהילה אין באפעלאו (בערך א שעה אוועק) זענען דווקא טייערע איידעלע בחורים און אינגעלייט, דעס אז ער דרייט זיך ארום דארט מיט א משיח פלעג און יחי אדונינו קאפעל איז נישט מיינע געשעפטען און סאיז באמת נישט מעלה ומוריד לגבי כשרות,
עס איז נאר דא איין משגיח אויף אמאל, סאיז קיינמאל נישט דא דארט צוויי משגיחים אויף איינמאל,

ממעלקט דארט 24 שעה א טאג 7 טעג א וואך 365 טעג א יאר (הגם מהדרין קויפט נישט די שבת מילך, מוז אבער א משגיח זיין דארט אפילו שבת צו האלטען די מאשינערי כשר, מזאל נישט דארפען כשר'ן)

מטוישט משגיחים נאך דריי פיר טאג

אפעציעל דארף דער משגיח ארויסקוקען פון זיין שלאף צימער יעדע האלבע שעה במשך די מעת לעת,


דער פראבלעם איז אבער אז סאיז באמת נישט מעגליך פאר א מענטש -וואס מבאצאלט באפקעס- נישט צו שלאפען קיין גאנצע דרייסיג מינוט אויפאמאל פאר עטליכע טעג נאכאנאנד,

צוריק צו אונזער צדיק'ל, ר' יושע קומט אונז כסדר פארציילען איבער יעדענס פראבלעמען חוץ פון זיינע אייגענע, ר' יושע פארקויפט אונז א שקר גס אז דער פלענט שטייט נישט קיין רגע אׇן קיין משגיח ווען ביים דריטען, אין געווענליך שוין ביים צווייטען, מעת לעת שלאפט שוין דער משגיח ארום דעם זייגער רינדעכיגע בייגעלאך, איבעריג צו זאגען אז דער משגיח קען נישט אליינס ארום גיין אין פארם טשעקען אויב ממישט אויס מיט די גענידעלטע קיען און אויב זיי עסען נישט קיין חמץ מיט נאך אזעלכע סארט קריאוזע חומרות פון די פרומע וואס ר' יושע פארקויפט -פאר ווער עס גלייבט זיין געשליפען צונגעל- אז ער טוט,

פארוואס קען נישט ר' יושע ערלעדיגען יעדע 10 אדער צוועלעף שעה אן אנדער משגיח וואס זאל קענען א גאנצען צייט זיין אויף די וואך? פארוואס מוז מען זיך פארלאזען אויף יוצא ונכנס?
די ביסט דאך דער פרומער, ניין?
פארוואס זענען הרב רובין און הרב ווייסמנדל שקצים ווען די טוסט די זעלבע זאך און אפילו ערגער
פארוואס פיטערט מען דעם ציבור מיט ליגענט ? ווייל איר האט געמיינט אז קיינער וועט אייך נישט טשעלענזשען ווייל סאיז גענוג ווייט פון ברוקלין?

איך קען אים אוסטוהן נאקעט ווייל איך קען זיינע פירמעס מהדרין און פאזעטיוו אזוי ווי יעדען סקווער אינטש פון מיין הויז, איך וויל אבער נישט אז ארומע אידען זאלען פארלירען זייער זשאב, זאת ועוד, איך וויל האלטען מיין אידענטיטעיט אנאנים,
(וועט איר פרעגען פארוואס האב איך נישט מורא אז ר' משה עלעפאנט וועט ארויסגעבען מיין נאמען אז איך געב ארויס אפענע דעטאלען, ווייל ער און זיין סטעף זענען נארמאלע מענטשען און געבען נישט ארויס קיין נעמען)

איך מיין אבער אז עס פעלט נישט אויס מער, איך האב שוין גענוג אויפגעדעקט פון זיין פאלשען פרומען שלייער,

ולידיעה בעלמא, על פי עיקרא דדינא דארף מען בכלל נישט קיין משגיח תמידי אין א פלענט ווי מפארקויפט מילך פאר קעז כמבואר ברמ''א קט''ו ס''ג וע''ז סמך הרב שוואב כשנתן הכשר על גבינת ''מגדול'' מחלב סתם, ואפילו ר' משה שטרן הסכים להקל בזה, והיטב חרה לי על אלה שעושים מעשה זמרי ומחמירין להורות הוראת איסור לרבים בדבר שפשוט הדבר להיתירו בכמה וכמה ספיקות [מלבד הרמ''א הנ''ל, הרדב''ז והפר''ח הידועים דבמקומותינו לא שייך הגזירה, ודברי האג''מ שבפיקוח ממשלתי מותר לכל הדיעות, ועוד כמה צירופים] ובכגון דא באיסורא דרבנן ההיתר פשוט כביעותא בכותחא


ר' אשר עקשטיין איז טאקע יא א ת''ח און א גוטע קאפ וואס פארשטייט אן עסק, ירבו כמותו

הגם איך האב מיך פלענטי געהארגעט מיט אים (בעניני מניעת הריון ווי ער איז א מחמיר, עירובין ווי ער איז לענ''ד צו א גרויסע מקיל, פהב''כ שהודה לי במפורש שעושה שלא כדין ואמר שאם יעמוד על זה לא יועיל כלל כי ר' הלל ויינברגר יתן ההכשר) האב איך אבער שטארק הנאה געהאט פון זיין אפענקייט און זיינע ידיעות

...

דעס וואס ידידינו @דעת תורה שלאגט פאר אז מזאל ארוסגעבען א קונטרס איז נישט נאר כמעט אוממעגליך צוליב די פיפטע אמענדמענט וואס אונזערע רבנים אביוזען עד הסוף,
נאר עס וועט פשוט גארנישט אופטוהן אויך נישט,
איך האב דעם יו''ט נאכאמאל געליינט דעם ביטול מודעה פון ר' יוסף שאול וואס איז שוין געווען די פוסק הדור בימיו, האט איינער אין גאליציע אינטערעסירט ווי גוט ער האט עס צענומען און אראפגעלייגט, אדער די טעם הכמוס האט געוואנען

ליטוואק פון בודאפעסט האט געשריבן:נאר מעורר זיין, דער או.יו. אויף קוקא קולא איז דוכט זיך נאר אינ'ם מזרח ברעג פון אמעריקא. במרחקים האט עס נישט קיין או.יו.

Sent from my HTC Desire 510 using Tapatalk

ריכטיג, אזוי איז געווען אמאל אבער היינט לייגען זיי שוין דעם או יו סימבאל אין גאנצען לאנד (אבער אפילו דעמאלטס האבען זיי אויך קלאר געזאגט אז מקען עס רואיג טרינקען אין גאנצען לאנד אנעם סימבאל)

ווידעראמאל זענען די געשעפטן אנגעסטאקט מיט התאחדות וואסער, ווייל או-יו איז נישט גענוג גוט פאר אנגעשעפטע וואסער פון פאר פסח.

די געשעפטן שיקן אויטאמאטיש מים חיים וואסער פאר פסח. חלילה נישט נכשל ווערן מיט או-יו וואסער ר"ל.

איבער ליינענדיג דעם אשכול האב איך באשלאסן אז נאך יו"ט קומט א מאסיוו פעטיציע אז מור וקציעה מוז ממשיך זיין צו שרייבן איבער כשרות.

עס כאפט מיר א פחד, די וואסער האט שוין א גוטן הכשר ב"ה. וואס טוט זיך אבער מיט די צוויבל??? געוואלד עס האט נישט קיין שום הכשר! איך שטיי דא ערב פסח מיט א טרייפענעם קיך און אלעס איז אסור באכילה! ווער עס האט פלאץ אויף די ערשטע טעג פאר א משפחה אין אפסטעיט געגנט ביטע לאזט מיר וויסן. ייש"כ.

מיימון האט געשריבן:עס כאפט מיר א פחד, די וואסער האט שוין א גוטן הכשר ב"ה. וואס טוט זיך אבער מיט די צוויבל??? געוואלד עס האט נישט קיין שום הכשר! איך שטיי דא ערב פסח מיט א טרייפענעם קיך און אלעס איז אסור באכילה! ווער עס האט פלאץ אויף די ערשטע טעג פאר א משפחה אין אפסטעיט געגנט ביטע לאזט מיר וויסן. ייש"כ.

שגץ די! דיין טאטע און זיידע האבן זיך געמישט?!
ענדערש בלייב אינדערהיים אין עס שטרוי (מיט א הכשר שטייטסיך)...

פאריאר האב איך געזעהן אויף או יו'ס וועבסייט אז וואסער דארף בכלל נישט קיין הכשר אפילו פאר פסח. איך בין געווען אין די מרחקים און כ'האב אבער דאך געוואלט נאר מיט א הכשר, האב איך געטראפן ביי וואלגרינס זייער וואסער (nice) האט א ou p

מיימון האט געשריבן:עס כאפט מיר א פחד, די וואסער האט שוין א גוטן הכשר ב"ה. וואס טוט זיך אבער מיט די צוויבל??? געוואלד עס האט נישט קיין שום הכשר! איך שטיי דא ערב פסח מיט א טרייפענעם קיך און אלעס איז אסור באכילה! ווער עס האט פלאץ אויף די ערשטע טעג פאר א משפחה אין אפסטעיט געגנט ביטע לאזט מיר וויסן. ייש"כ.

צוויבל איז טאקע א פראבלעם, מ'קען עס נישט געהעריג שיילען, און ס'איז דומה צו קנאבל, ביידע זענען שארף און פסח איז נישט קיין זמן פון דין. איי מען נוצט חריין? שטייט דאך שוין פון פריערדיגע אז דאס איז נאר פאר'ן ליל הסדר אזוי ווי די בלעטלעך, ווייל דעמאלטס איז ליל שמורים, ווי די זהר זאגט, שמור מן החטא.

אבער וואסער? דאס האט מען דאך אינדערהיים אויך גענוצט, מ'קען דאך עס יא שיילען.

חוץ מזה ס'דאך דומה לים, וים לרקיע, ורקיע לכסא הכבוד.

איך שטעל זיך צו צום פעטיציע, אז מרנן ורבנן ATUB @מור וקציעה ATUB , ATUB @ליטוואק פון בודאפעסט ATUB , ATUB @נהורא נפישא ATUB , און ATUB @שש משזר ATUB (תפילת שוא?), און אלע אנדערע וואס קענען זיך אויס, זאלן אונז ווייטער באלייכטן די אויגן בעניני כשרות והכשרים.
ארויסגעבן א קונטרס מיוחד, ווי ATUB @דעת תורה ATUB שלאגט פאר, איז א וואזשנע בייפאל. אבער אנצוהייבן מיט דעם איז בגדר תפסת מרובה. עפענען באזונדערע אשכולות לויט די הכשרים וועט ווידער נישט טויגן לענ"ד, מיט לשון הרע והוצאת שם רע פון איין זייט, און הכחשות וחרמות פון די צווייטע, והחוט המשולש די לוחשי לחישות וועלכע וועלן שמועסן בשיחת מלאכי השרת, מיט וד"לס ואכמ"לס ודו"קס ושאר מרעין בישין, צו ווייזן אז זיי ווייסן עפעס, אבער דער אומוויסנדער המון עם (ואני בתוכם) וועט ווייטער נישט וויסן.
בעסער איז, עפענען אשכולות לויט פראדוקטן: פלייש, פיש, מילך, פרוכט, און אזוי ווייטער. אנהייבן מיט די סוגיות און טרוקענע הלכות, דערנאך די שאלות וועלכע קענען זיך פאקטיש מאכן לויטן מציאות, ועלי' השלם וועלכע הכשרים באנוצן זיך מיט וועלכע קולות/חומרות און ווי שטרענג/לייכטזיניג זיי זענען.

דער שליח ברענגט האפענונג צו קאווע שטיבל, עוד לא אבדה תקוותינו

ATUB @מור וקציעה ATUB האט אין זיך די תכונות פונעם יעב"ץ

וועגן אויל איז אזוי, אויב א מענטש קוועטשט די אויל ביי זיך און שטוב, גייט עס אריין אין די אויבנדערמאנטע קאטאגאריע, אבער טאמער קויפט ער א באטטל אויל, איז א ערנסטע שאלה, ווייל אפשר וואלטן דיינע עלטערן נישט זיך פארלאזט אויף א הכשר ביי אזא קאמפליצירטע זאך ווי פראצעסירטע אויל? עס גייט דאך דורך אזויפיל סטעפס ביז די פינישד פראדאקט, אלעס ווערט געמאכט דורך גויים, און זייערע כלים, ווען מ'זאל ווען פונקטליך וויסן וואסערע גלגולים די אויל גייט דורך, וואלט פארגאנגן געווארן די אפעטיט דאס צו עסן פסח, כ'דערמאן נאר איין זאך, די אויל דארף אריינגיין און טראקס צו ווערן דעליווערט צו די באטטלינג קאמפאני, צו מיינט עטס אז מ'נוצט א נייע טראק? ניין, די טראק האט שוין געהאט פארדעם פארשידענע אוילן, נו, וואס טוהט מען? אדער כשר'ט מען די טראק, אדער טשעקט מען וואס מ'האט דעליווערט אינעם טראק די לעצטע 3 מאל, יעצט איז אזוי, די כשרן איז נישט אזוי איי איי איי, און די לעצטע 3 מאהל ווייס איך נישט פשט, וואס איז מיט די 4'טע 5'טע? דאס איז נאר אויפן שפיץ גאפל בנוגע דעליוועריס, עס איז דא נאך אסאך עקולי ופשורי מיטן עצם פראצעסירן די אויל.

אויב די פארלאזט דיר נישט אויף כשר'ן די טראק, דאן טרינק נישט קיין מילך, און ניץ נישט קיין אויל א גאנץ יאר, די זעלבע איז אויך מיט גרעיפ דזשוס

(קרעדיט "מלאכי" אייוועלט)

אגב, ס'דא אגאנצע ארטיקל מפי ראשון פון Yitz The Trucker אין די כשרות מאגאזין March 2007

m http://www.kashrusmagazine.com/magazine.php?do=133 m

Serious Problems in the Trucking of Kosher, as told by Yitz the Trucker -

This is the introduction to the penetrating article written by Yitzchok Vann, a Shomer Shabbos trucker baased on his delivery at the AKO Conventionin 2006 before the Association of Kashrus Organizations. The entire article is on pages 26-34 in issue #133. A great read.

My objective is to discuss the kosher supervision of bulk liquid food grade tanker trailers and containers used for the holding of and transporting of kosher liquids such as oils, milk, cream, liquid eggs, butter, margarines, shortenings, chocolate, flavorings, beef fat, and any and all food grade products that are contained in or hauled by tankers in a controlled heated or chilled environment.

This will include the supervision of:

1. The cleaning process and koshering process of liquid bulk tankers,

2. The loading of certified kosher and non-certified kosher products,

3. And the delivery of certified and non- certified kosher products.

I am here to inform the rabbinical organizations in this room, as well as all other supervisory organizations that are responsible to assure that the certified kosher products they are using and are consuming are indeed kosher lechatchila as compared to kosher bi’dieved, that there are indeed situations that are ongoing and unchecked and may be jeopardizing the foods thought to be kosher lechatchila to the kosher consumer.

Personal Background

My name is Yitzchak ben Avrohom and Shirley Vann, grandson of Reb Boruch Vann, zt”l, and great grandson of Reb Issur Reznick, zt”l, founder of Mesivta Tiferes Yerushalayim. I am also the grandson of Nettie Cancro who worked in kosher bakeries and cooked in kosher homes insuring full compliance with kosher law. I am also known on the Nachum Segal radio programs (“JM in the AM”, and the “Afternoon Program”) as Trucker Yitz.

And while there are some Shomer Shabbos long haul truckers and there is a Shomer Shabbos tanker driver in NY driving a tanker used exclusively for Kedem wines, I might be the only or one of the only Jewish truck drivers that works with a very large non-Jewish trucking company handling kosher liquids in their raw or finished status.

I should clarify that to say that there are Jewish drivers in the trucking business, and Orthodox as well, some in reefer operations and deliveries, some in dry freight – being food or non foods – and some in special hauling such as moving companies, car hauling etc. But as to bulk food grade hauling I might be the only one that is known as a Shomer Shabbos trucker. (Editor’s note: Reeferis slang for a conveyance, such as a railroad car or truck trailer, that carries cargo under refrigeration.)

I am considered an owner-operator of a power unit – a tractor – and I lease this tractor to a trucking company that has the trailers and the work load for them.

Educated Plant Personnel Help Kashrut

In the trucking business, the food processing business, the tanker washout business, and in the food retail and food service business, the general belief by the uninformed non-Jew is that the rabbi “blesses” the foods or tankers or washout equipment. This is a terrible setback for us, as they may truly feel they have done kosher properly since they have seen their rabbi walk through their plant, offices, service business etc...and do their annual “blessing”.

Yes, annually seems to describe the standard lapse of time between visits of some rabbis to their facilities. And for this yearly visit and annual fee they are now kosher-certified. How amazing it is that, all too often, the supervising rabbi has no idea of what’s happening, on a daily or hourly basis, let alone from one minute to the next minute.

The article continues from page 27 to page 34 in issue #133.

דא איז דער המשך פונעם ארטיקל:

The company personnel who know that the rabbi doesn't bless the process, but is the person entrusted to certify to the Jewish people that here is a real kosher product or manufacturing plant or washout service, will go beyond what an uninformed person will do when not being actually supervised.
I was delivering a refrigerated load for Dependable Egg and Frozen Foods to a bakery in Williamsburg, Brooklyn. It was early AM and the owner wasn't in yet. It was erev yom toy and the chalos have to be made early, so the Polish worker started the dough and went out to the street to look for a yid to take off challah from the dough.
He didn't find any yid on the street and so he came to me with his Polish broken English and asked me if I take challah? I had thought that he was missing a challah from inside so I said, "No, I didn't touch anything." He dragged me to the dough and said again, "You take challah."
Now I understood. I don't look chassidish, but he thought I am a kosher Jew and so that day I was the one who made the bracha "lehafrish chalah !fl ho-a," removed the challah, and wrote on the lirrie chart that challah had been taken.
You see. if the non-Jew knows the importance, then they will go beyond what is normal to assure kashrus.
It was amusing to me afterwards that when the bags of challah are sold with a kosher seal, indicating that challah is taken, in reality the hechsher should have been by the Polish worker, not the rabbi, or maybe by me.

Here's another real life example that is very important to tankers. John Bishop of McCain's foods in Easton, Maine, was explaining to me - me being the driver of his McDonald's beef fat oil delivery - that there was no room in the day tank and that the other tanks were kosher tanks and so he ouldn't.
NO WAY IN THE WORLD WOULD HE PUT THIS OIL IN A KOSHER TANK.
McDonalds had switched oils but they were still finishing a PO# order with the old oil and couldn't mix the non-kosher oil which I had with the new kosher oil they had already received.
John had no way to know that I knew exactly what he was talking about because, since 911, I don't let the people around me have any indication that I am a yid, unless I am in a ylddishe neighborhood.
The point is that even though the rabbi was not seen at all during the four days I was there, John Bishop, a non-Jewish worker in the plant, knew the reasons and respected the process of kosher and was careful to keep kosher and non- kosher totally separated, including hoses, couplings, pumps, etc.
But John Bishop knew that the tank delivering his oil had to be koshered.
We need more people like John Bishop, a non-Jew, in the kosher food business, people who respect the ways of G-d's chosen people and will call the rabbi if they made a mistake in handling of our foods.
Eid echod neeman b'isurim is a great policy, but when a non-Jew or an irreligious Jew says you can't eat it, then I know it's definitely not kosher!

Robert L., the owner of a major company,
in a meeting in his office, assured me that he definitely wanted his company to do kosher the correct way.
The sales coordinator, the dispatcher, and the kashrus administrator of a major kashrus organization which certifies that the tankers of Mr. L's company are kosher tanks did not know that a tanker with a full load of chocolate going to the Good Humor plant in Henderson, Nevada, had previously hauled hot beef fat oil.
Now it was hauling hot chocolate in a tank certified by that kashrus agency which was not kosher-supervised by a rabbi or a certified-kosher washout company since that beef fat was not kosher
What happened was that a washout company which is not entitled to do kosher washouts had stamped "Kosher Washout to the ar'erwcrk They aren't a kosher-certified cem:er because they don't want to pay $5,000 a year to acert Toher- certification. Robert L. didn't know that the kosher washout was a fake.
The large kashrus agency felt they were innocent since in their letter of certification to Robert L.'s trailers they state that their certification is valid "only if the tanker is maintained kosher or parve by a kosher washout from a kosher-certified washout facility, accompanied by a letter of certification from the rabbi of the washout facility."
I'd like to also let you know that this load of chocolate for Robert L. was driven by me. I was assured by many that indeed the product was kosher hi'dieved (after the fact) because of bitul (nullification). But Hal yisroel doesn't know that their products may be only kosher bidievea', and that is why I am here today.

Piffalls in Kosher Trailers
A. RELYING ON BITUL
B. KOSHER SEALS GIVEN TO THE DRIVER
One well-meaning rabbi told me that at his organization they have very tight controls. For the kosher washouts which he certifies, he wouldn't iust hand the drivers the seals. In no way is the tzns status jeopardized in transit to the shipper.
WelL guess what? S. Trailer Washout Co. tic the seals, and told me to seal up the --ce before I got to the next shipper.
The reason for this practice of having the sa1 up later is so that the tank gets a chance aE th-c as a shipper won't load it if it sweated or has so of water.
But a driver has a wash ticket that is already sazutec. -Kosher Wash", he can reload that tank with anything, deliver it in route to the next desti- nation, get the tanker washed and towel dried at any washing station and then seal it before arriving at the real shipper and display the kosher wash
You will never know it happened and neither does the USDA, the trucking company owner, nor the shipper. And the terrorists can have a perfect opportunity to taint the inside of a food grade tanker and no one would discover. With good kosher supervision we should be protected from this too.

EXTRA MONEY
If you think a driver wouldn't jump at the opportunity to cash in on an extra load en route, I will be the first to admit to you, if offered, I would jump at it, no questions asked. And it's your responsibility for the kashrus of my next load.
And, if it's not me, then it is some uninformed non-Jew who just trefèd up your kosher tanker and food product. The driver drives straight to a few blocks from the next shipper. He/she goes to a nearby truck stop, gets a ham and cheese sandwich, eats some of it on the way out to the tanker, climbs up the ladder, that is on the side of the tanker, to get to the top lid, the dome, sandwich in one hand, seals in the other, opens the dome to check if tanker is dry and trief and chometzdike crumbs fall into the tank and now we all have slightly ham flavored vegetable oil, certified kosher for Passover. And is this kosher lechatchila all year round?
D. KOVUSH
There is a problem with cold liquids like milk and butter fats and cream: kovush ("pickling", letting a non-kosher product sit in utensil for 24hours). You know about that, but you just don't know when a tanker filled with cold cream crosses this country by a solo driver and it takes 3 or 4 days till the receiver unloads. Then it just gets washed out - kosher style of course.

Kosher Washes
Next, lets discuss kosher washouts.
E. COUPLINGS
Trucking companies use their own trucks and their own trailers and owner-operators use either their own trailer or they use company trailers. With a company using exclusively company drivers, parts and supplies for trailers can remain with the trailer. A company that utilizes owner operators, parts and supplies remain with the driver, as the driver is charged up front for parts and supplies, or owner operator supply's their own parts and supplies.
When I would bring the tank for a kosher washout, I never had my couplings kosher- washed, and neither the receiver nor the shippers ever asked if they were cleaned or koshered, but used them anyway. If the product was kosher, now it's traveling through my metal coupling into the receiver's tank. It's a hot product going through a rinsed off metal coupling. And I almost guarantee that other drivers are not turning in their couplings to be koshered. Remember they were "blessed" by a rabbi this year and anyway the driver cleaned them with a rag.

F. IDENTIFYING A KOSHER TANKER
The kosher certification of the large kashrus agency mentioned above says that they only certified tanks if they remain kosher or were kosher- washed by a certified kosher washout facility. And still they must be accompanied by a letter of certification from the washout place, not just an invoice or receipt. Sounds good.
But what about a tanker that isn't kosher anymore or has never been kosher at all? If there isn't a rabbi coming to the trucking company on a regular basis that understands and is totally familiar with its operations, imagine what can happen with its operations, imagine what can happen with a trailer. The unit number isn't on the letter of certification. No problem, just label, identify a new tanker with a number from a tanker no longer in service.
Perfect solution, for trucking company that is. After all, a tanker sitting still waiting for certification, isn't making money, and without having a way to get more of it, business stops, because food companies are in it for the money. Trucking companies are in it for the money. Workers are in it for the money and I am also in it for the money.
Let's face reality here for a moment. Rabbinic supervision organizations and the 3. ininistrative staff are also in it for the money. Thev have to report where and how the money came and how it was spent. No kashrus adcraIor wants to report that money was lost.

G. RABBINIC INDIFFERENCE
Back to the tanker that hauled non kosher hot products. Even the rabbis didn't know, so the trucking company just gets kosher wash - a wash that means absolutely nothing, since any trailer washout place can stamp kosher wash out. The shipper got copy of the original certification for the product hauled and the current kosher stamped wash ticket. Therefore, the trailer is considered kosher and again is loaded with a kosher product.
The rabbis' response to all this: kosher bidieved?
So know I have a question that needs to be addressed. Why not let a mashgiach visit once in a while, and sit and learn the rest of the time. When I called the large kashrus agency to report a trailer on the list that was being used at Tyson to load beef fat and was then removed from being used by Tyson, and now in use for kosher foods, it took six weeks for someone to go to Springfield, MO to check the records.
Six weeks! Everyone in this room should be jumping and screaming!
Why does this happen. A yid complains to the agency and six weeks go by. Every erev Shabbos I call the administrator and each week another excuse is given. 1. "I had a flat tire." 2. "I had to go to New York for Shabbos." 3. "I'm going to wait till someone can go along with him to Springfield, MO." You know that there is a Greyhound bus that goes directly there. (Plus three more excuses—I won't bore you.)
The trucking company got a kosher certification so they can also haul certified kosher products. The washout companies paid a fee so they can also get a piece of the big pot of money and to protect their portion of the kosher consumer market The shippers of kosher bulk liquids got a copy of the kosher tank list and a copy of the washout ticket, and the receiver gets a product that is now called kosher bidieved.
And I ask, "Why?"

Trailers
Let's talk about the trailers.
The trailers are essentially big tanks with smooth walls, a lid or dome cover, and an outlet of yJ of product. the tank walls have commoraar antifreeze lines, that when connected to the acror keep the walls hot - very hot, so that the rcc don't freeze in the winter and so that the prcáicr will flow smoothly. To keep the product cold.. a blanket of nitrogen is put on top of the product and the tank walls stay cold, very cold.
The outlet has some sort of ball valve or flap- per to hold liquid from leaking out till it gets to receiver There are rubber seals to seal tightly; they fit between metal parts.
There is also a pump of some sort to pump on and off the product.
There are hoses and fittings couplings that get attached to tanker and to the buildings inlets that lead to the storage tanks.
The washout procedure is as follows.
A kettle that is narrow on bottom and wider at top - wider then the dome opening - is lowered in to the tank and washed out with steam or hot water, drained through the outlet and sometimes through the pump and hoses. The first washout is dirty hot liquids which drain through the pump and hoses. Assuming the tank is clean, in the next washout the hoses get hot clean liquid through them. The third time the hoses get clean water through them a second time.
The hoses are never scrubbed and the pump.
let me set up a scenario for you. It is November 16 and it is raining like a mabul. The leaves along the curb, get stuck behind car tires, or behind a little stick on the ground and the gushing stream of water goes on its way. As you might say, water is lazy; it will flow to the weakest link or path with least resistance. So do you think the 3 inch diameter hoses are totally cleaned and the pumps? I have often seen dirty pumps even after they were washed out.
There are rubber rings that sit between every metal to metal fitting and some of them are a plastic ring? Mostly they are in line when that water comes flowing through the outlet of the tank and that dome never gets the wash treatment like the tanker besides getting rinsed off. On many tankers, there is a rubber ring to help seal the dome to the tanker during transit. It sits on the lid of the tanker and gets rinsed with a rag.
And then there is the couplings, most never ever cleaned by a washout. They stay in the operators truck.
You are the rabbis. You have to decide what is a qualified kosher wash and what is not. But you must know the facts of what is and what isn't being washed and by whom it is being washed. Whether it's being done by a washout company that some rabbi gives a certification letter to (and maybe that rabbi should have tankers actually supervised while they are washed and sealed, positively determining what was carried in this tanker since it was koshered) or by a washout company that does kosher washouts without certification.
As far as the loading and unloading of these tanker trailers, there is a very big problem of what
hoses or tubes the shipper is using to get the supposedly kosher oil into the tanker. I've seen a shipper use the same hose to top deliver oil into tankers that had tref oil just minutes before loading kosher oil into another tanker and these oils are put into the tankers hot.
As far as receivers, there is a very big problem of back- washing product when they unload with their own pumps. To start a good flow of oil from the tanker all the way upstairs across a warehouse and into a holding tank, a suction has to be started. What better way than to backflow product into a supposedly kosher tanker and get all the air bubbles plus product into the tanker then reverse flow and wala! The tanker is empty.
Do you maybe see a reason for total supervision on kial yisroel's food supply?
I understand that kosher supervision is a tough business. It could take many hours away from being with your family and many hours away from the beis-medrash. Yet that supervision should be done when it is needed and not just between 9AM-5PM.
I too can't always be home; therefore, I have no sympathy for a mashgiach that uses excuses for failure. If I can't get my loads on time and safe, then a company doesn't need me. I take what I do
very seriously, and I expect the entire kosher supervision business to take that job very seriously. If some part of the kosher supervision business can't do their job 100%, then maybe we don't need them either.
In my business, one mistake, even for one second, can be fatal. You've all had to wait on the highway for an accident to be cleaned up. In your business, one minute not watching and, at best, our foods are kosher only bidieved (at best).
It has been a year since I saw these problems happening and started to call the various kosher organizations. Now here are my suggestions?
1. Educate the people involved in food handling, as to what is required from them.
2. Have real supervision from the beginning to end. You will know when a pallet of kosher meats boxed-up, double- sealed arrives at receiver when it is broken and you won't accept it. If Kedem receives their tanker with a broken seal, they won't accept it. It should be the same with raw food grade liquid product as well. Have it sealed by a mashgiach. Have a mashgiach verify the seal and have a mashgiach supervise the washout and the seals being applied after the washout.
3. And have dedicated trailers from shipper to receiverand returned empty to shipper, all under seals. Keep the trailer 100% kosher. In the railroad tankers, that is exactly what happens. The receiver seals it back up and shipper gets empty trailer back.
4. Can you rely on just a letter of certification from a rabbi that a trailer number so and so is on the list. A kid in fourth grade can cut and paste on a computer today and in fifteen seconds flat a new letter is generated, with a footnote as to the date of update. And you know workers in plants only need to staple a copy of a letter that looks legit to a bill of lading, and they have covered their track. A better guarantee would be that a dedicated trailer should be stamped on the outside "Koshered by Rabbi XYZ" and the date with his signature. You know his Hebrew signature. Not in English! Put English nearby, but my suggestion is to try at all costs to keep this stuff legit and secure from fraud.
5. Let's get some Jewish drivers into this industry. While they drive they can be the ears and eyes for you and for klal yisroel. As you know, you can't be everywhere.
6. Set up a system that lets a driver or other person notify you when a trailer's kashrus status is possibly jeopardized so that it can be looked into immediately before that tanker gets used again.
7. And, in all fairness to the people I've mentioned, they are only working the system as it is set up now, and are not evil people with bad intent. That large kashrus agency had a phone conversation with the sales director of the tanker company and asked them to keep a dedicated kosher trailer system. Their answer was, "but the other companies don't have to have dedicated trailers." And so it remains status quo.
8. Get me into other companies and I will prove to you that what's happening at Robert L.'s trucking company is happening at all the trucking tanker companies.
9. In closing I thank AKO for taking me very seriously about what was and is still going on. I realize that in this room I am in front of the top rabbonim and people in the kashrus world. I am humbled and thank you for listening. I hope that things will change for the better. Kial yisroel deserves the best.

Yitzchok Vann's presentation at AKO was electrifying. This article is almost verbatim what he said. It is remarkable that AKO invited him to give this first hand report about a major concern in the industry. We thank AKO for permitting us to print this as an article in KASHRUS. Readers are requested to ask their community vaadim to investigate the extent of the problems and to make recommendations to their community.

עס איז גענוי פיר יאר שפעטער, און היינט איז נפטר געווארן דער ממלא מקום, הגה"צ מיאקע ז"ל. אבער די סיבה פארוואס איך ברענג ארויף דעם אשכול איז נישט צוליב זיין פטירה, נאר צוליב דער היינטיגער פטירה פון הגה"צ ר' אשר יעקב וועסטהיים זצ"ל, דומ"ץ במאנשעסטער, וועלכער איז אויך געווען א בעל מכשיר אויף פילע פראדוקטן, און ביי פילע יוהרא'ניקעס האט ער געטיילט דעם זעלבן גורל ווי דעם יאקער רב ז"ל, ווי אויסגעשמועסט אין דעם ארטיקל.

אוי מה עלתה בימינו?! איך האב אמאל זייער גוט געקענט ר׳ אשר וועסטהיים. אלס בחור פלעג איך גיין ליל ששי לערנען מיט איהם יעדער וואך. א צוגעלאזענער מענטש, און זיין כשרות האט ער אלס מסביר געווען, מיט זיין מקורות.