מאנטאג אפריל 25, 2016 1:02 am#330557
בני חורין?
אין אזא גרויסער זמן
וואס איז יעצט פאראן
מיר געדענקען דאך נאך פון חדר
וועגן דעם הייליגן פסח סדר
ס'זענען יעצט אפן אלע טויערן
מיר זענען א בן חורין.
איבער די מצות א הייפל
קריכט אין קאפ א צווייפל
איז עס דען גענוי
ווי זיי זאגן אזוי
אוי, וואס האב איך דא פארלוירן
מיט'ן זיין א בן חורין.
פון א יום טוב זמן חירותינו
איז געווארן א גלות גופא לא עלינו
חומרות און טפשות אשר לא שערם אבותינו
מער עבודה זרה ווי ה' אלוקינו
צו שכל און דעת פארשטאפט די אויערן
אבער יא, כ'בין א בן חורין.
אין מיין לעבן גארנישט געקליבן
דורך מענטשן פחדנים פארגעשריבן
יעדע ריר, יעדער בגד, יעדע טראכט
וואס איך טו בייטאג און ביינאכט
אינדיווידואליטעט אוועקגעשוירן
אבער... כ'בין א בן חורין.
ליבשאפט האט א פרייז און באלוין
נאר אויב מ'טאנצט נאך דעם המון
גיין, קומען, טון ווי עס פאסט
פיינט האבן וואס מ'האסט
צו לעבנסלענגליכע קאנפארמיטעט באשוואוירן
אבער הע, כ'בין דאך א בן חורין.
מ'פוסטעוועט אין מבואות האפילות
אלעס נאר אמונות טפילות
ס'איז זאגאר א טענה וואס מ'האט
קעגן דער וואס וויל פארשטיין דעם גאט
נאר עמי-הארצות ווי בלינדע פויערן
אבער כ'בין דאך א בן חורין.
און אלעס מיט גאר א תמימות
אפילו טעראר און אלימות
ער איז גאר פרום, פארשטייט נישט דיין טענה
חלילה נישט קיין שורש פורה ראש ולענה
טענו חיטין, והודה לו בשעורין
אוי, מיר זענען דאך בני חורין.
טאטע אין הימל זיי מודה
פון דעם פינסטערן גלות זיי אונז פודה
חירות אפשר וואלט מיר געדארפט
אבער זעסט דאך מיר זענען פארשקלאפט
עפנ'זשע זייערע הערצער און אויגן
צו אידישקייט און אמונה זאלן זיי טויגן
דאן וועלן מיר צו דיר פאלן כורעין
ווייל מיר וועלן זיין בני חורין.
וואס איז יעצט פאראן
מיר געדענקען דאך נאך פון חדר
וועגן דעם הייליגן פסח סדר
ס'זענען יעצט אפן אלע טויערן
מיר זענען א בן חורין.
איבער די מצות א הייפל
קריכט אין קאפ א צווייפל
איז עס דען גענוי
ווי זיי זאגן אזוי
אוי, וואס האב איך דא פארלוירן
מיט'ן זיין א בן חורין.
פון א יום טוב זמן חירותינו
איז געווארן א גלות גופא לא עלינו
חומרות און טפשות אשר לא שערם אבותינו
מער עבודה זרה ווי ה' אלוקינו
צו שכל און דעת פארשטאפט די אויערן
אבער יא, כ'בין א בן חורין.
אין מיין לעבן גארנישט געקליבן
דורך מענטשן פחדנים פארגעשריבן
יעדע ריר, יעדער בגד, יעדע טראכט
וואס איך טו בייטאג און ביינאכט
אינדיווידואליטעט אוועקגעשוירן
אבער... כ'בין א בן חורין.
ליבשאפט האט א פרייז און באלוין
נאר אויב מ'טאנצט נאך דעם המון
גיין, קומען, טון ווי עס פאסט
פיינט האבן וואס מ'האסט
צו לעבנסלענגליכע קאנפארמיטעט באשוואוירן
אבער הע, כ'בין דאך א בן חורין.
מ'פוסטעוועט אין מבואות האפילות
אלעס נאר אמונות טפילות
ס'איז זאגאר א טענה וואס מ'האט
קעגן דער וואס וויל פארשטיין דעם גאט
נאר עמי-הארצות ווי בלינדע פויערן
אבער כ'בין דאך א בן חורין.
און אלעס מיט גאר א תמימות
אפילו טעראר און אלימות
ער איז גאר פרום, פארשטייט נישט דיין טענה
חלילה נישט קיין שורש פורה ראש ולענה
טענו חיטין, והודה לו בשעורין
אוי, מיר זענען דאך בני חורין.
טאטע אין הימל זיי מודה
פון דעם פינסטערן גלות זיי אונז פודה
חירות אפשר וואלט מיר געדארפט
אבער זעסט דאך מיר זענען פארשקלאפט
עפנ'זשע זייערע הערצער און אויגן
צו אידישקייט און אמונה זאלן זיי טויגן
דאן וועלן מיר צו דיר פאלן כורעין
ווייל מיר וועלן זיין בני חורין.