פיקאסא האט געשריבן:כת ששי מדמיינת: דער כת גייט אויך בדעה אז ס'זאל זיין א שיינעם מעגעזין, אבער נישט סתם א מעגעזין נאר אן עכטע מעגעזין. דהייני מ'וועט נישט אריין לייגען די קאנטרעווירשעל ארטילעך, נאר קלויבען אזאנע ארטיקלעך וואס פארט מיט מיט די מעינסטרים אולטרא ארטדאקס יודעלעך, כדאי שלא לבייש את מי שאין לו שכל ושלא להרגיז את הרבנים ח"ו.
פיקאסא האט געשריבן:כת שלישי מדברת: בערך אזוי ווי כת שניה, נאר נישט אזוי עקסטרים. זיי האלטען אז ס'קען האבן ביז 12 בלעטער לדוגמא. ס'מוז נישט אריינפיטען אין פאקעט, ס'גענוג אויב ס'גייט אריין אין טלית בייטעל אויך.. מ'דארף זיך נישט נארן, עס איז שווער פאר יעדן ארויסצודרוקן א סאך זייטן, און גאר א סך זענען מחליט ליבערשט צו געבן א שנעלן מיש דורך דעם פי-די-עף אויפ'ן קאמפיוטער, און דרוקן עס קיינמאל נישט ארויס. אנדערש איז אבער ווען עס איז בלויז געציילטע זייטן, אנגעפאקט מיט חומר, וועלן פיל מער מענטשן נעמען די מי ארויסצודרוקן.
פיקאסא האט געשריבן:כת רביעי טוענת: מ'זאל ארויסגעבען א געהעריגע אויסגאבע א שטייגער ווי פה-סח. ווייל די חומר וואס איז דא און שטיבעל ליינט זיך פשוט אסאך שענער ווען ס'איז ארום גענומען מיט בילדער און ווען ס'איז און שיינעם לעיאוט. ס'איז נישט מער ווי יושר פאר די טאלאנטפולער שרייבערס אז זייער ווערק זאל זיין מלא חיות אין פיל מער ליינבאר. ווי אויך האלט זיך עס למשמרת. דאז טוהט הייבן די אימעדזש פון קאווע שטיבל. מ'קען עס דאונלאודען אויפן קאמפיוטער מיט יישוב הדעת. אדער גאר ארויספרינטן אויב מעגליך ביי זיך אדער אין געשעפט. מ'קען עס אפשר פארקויפן אויף עמעזאן פאר ווער ס'וויל צאלן אפאר רייניש פאר א שיינעם פארמאט. א געהעריגע דיסטריביושען איז אויך אן אפציע, למה לא. מ'קען עס לייכטערהייט שיקען פאר אלע ידידים און קרובים מקרוב ומרחוק. ועל כולם וועט עס געבן א בוסט פאר די שרייבערס צו שרייבן. די חומר וועט עפ"י רוב זיין פלעין צוזאמגענומן פון די אלע לענגערע שיינע מאמרים פון די לעצטע חודש צייט, לאו דווקא נאר די שפיץ סחורה, נאר אויך סתם עינינים שונים וואס האט געדריקט איינעם אויפן הארץ א לענגערע צייט און האט זיך גענומען די מיה עס אראפצושרייבן, פארדינט אויך זיין פלאץ אין דעם אויסגאבע. בקיצור אלע חומר פון די וועבסייט פשוט אריינבלאזן דערין א חיות. דערנאך קעמען פארשטטייט זיך צולייגען פרישע חומר אויב ס'וועט זיין ווער עס וועט וועלן טוהן, כדאי ס'זאל אינטערסאנט אויך פאר די וואס האבן שוין געליינט אלעס. בקיצור א פה-סח סטייל חודש'לעך נאר נישט אלע ארטיקלן וועלען זיין די סאמע אויסדערוועהלטע חומר, און אהן די פרעשור.
געוואלדיג האט געשריבן:ווען נישט די גילוי פראבלעם.
סמבטיון האט געשריבן:דאס האט דאך שוין פיקאסא געזאגט. עני דיטעילס ??
א איד האט געשריבן:איך האב איין שאלה נאר
מען האט דא געמאכט א כמו אנקעטע, וויאזוי די מאגאזין/דזשורנאל זאל זיין, מיט זעקס אפציעס, לויט די לייקס לעת עתה האט אפציע 2 און 3 די מערסטע לייקס.
ווען האט זיך געטוישט די מהלך פונעם מאגאזין/דזשורנאל?
עס איז בכלל נישט לויט קיין איינער פון די מהלכים?
שלום וברכה לכל אנשי שלומינו חברי ק"ק קאווע שטיבל הע"י
קודם א יישר כח פאר די אלע וואס האבן אפגעגעבן זייער שטומע. ווי עס קוקט אויס גייט די עולם דא מער פאר די פשוטע גיליון וואס זאל ערהאלטן 4 אדער 12 זייטן מדי שבת בשבתו. איך האב שטארק מיטלייד אז איך קען נישט צופרידען שטעלען דעם עולם מיט אזא פלאן מחמת כמה סיבות, והעיקר אז איך האב נישט קיין צייט זיך אונטערצונעמען אזא עול א יעדע וואך, ס'איז פשוט נישט במציאות ב"ה. אשר על כן נפשי בשאלתי, אז ווער עס קען זיך יא אונטערנעמען אזא ארבעט זאל עס טוהן בחפץ לב, ויצליח ה' את דרכו.
פארט זעה איך דא אז די עולם איז יא אינטערסירט און עפעס אן אויסגאבע, פארשטייט זיך אז יעדע יחיד האט זיך זיין אייגענע מיינונג ווי אזוי עס וואלט געקענט זיין בפרטיות, ווי אויבן דערמאנט, אבער בכלליות וויל דער עולם יא האבן א שיינעם אויסגאבע וואס וועט אי"ה הייבן די פרעסטידזש פון אונזער שטיבל און שטופן די שרייבערס צו שרייבן מער אפט. ובכן נאכן באקומען שטיצע ברבים ובאישי, וועל איך בלי נדר ווייטער ארבעטען אויף מיין ארידזשינעל פלאן, צו בעיסיקעלי צאמנעמען די גוטע ארטיקלען וואס זאמעלסט זיך אהן במשך'ן חודש, און אריינבלאזען דערין א חיות דגרעפיקס, לשם ולתפארת, וליהנות מהם בני אדם.
איך בין זיכער אז די עולם דא וועט הנאה האבן דערפון בס"ד, און איך האף און איך בעהט אז די אלע חברי השטיבעל וועלן מיר שטיין צו די רעכטע האנט מיט וואס אימער זיי קענען.
