מאזאאיק: אותיות און פיקסלען (וועקער)

אינעם נייעם וועקער ערשיינט א נייעם קאלום מיט'ן נאמען "מאזאאיק: אותיות און פיקסלען". דער קאלום שטעלט פאר בילדער און ציטאטן פון פארשידענע צייטשריפטן און ביכער וועלכע זענען טשיקאוו און חידוש'דיג. ציטאטן פון דעם חודש לויפן פון דעם ניו יארק טיימס ביז'ן סאטמארער גינת ורדים.

הערות זענען וועלקאם, אזוי אויך, ווער עס זעט עפעס אינטערעסאנט וואס קען אריין אין דעם קאלום, קען מיר שיקן אין אישית.

יודיש גערעדט וואס מיינט מאאזאאיק?
איך האב שטארק הנאה געהאט דערפון איך בין אבער מסופק געוועין צו איך וואלט מער הנאה געהאט ווען אלעס איז איבער איין נושא? אדער די קאלירפאל נושאים איז געוועין אינטערסאנט.

m https://en.wikipedia.org/wiki/Mosaic?wprov=sfla1 m

לדעתי איז דער גרעסטער חידוש פון מאזאאיק אין דער ניסן אויסגאבע, דער ציטאט פון בעלזער רבי'ן.

ראובן האט געשריבן:לדעתי איז דער גרעסטער חידוש פון מאזאאיק אין דער ניסן אויסגאבע, דער ציטאט פון בעלזער רבי'ן.

יאפ, געקלערט דאס זעלבע.

וואס איז דער באדייט פונ׳ם מונקאטשער בילד? א בילד ווי אלע בילדער, א רבי ווי אלע רבי׳ס, און א צייטונג ווי אלע צייטונגען

Sent from my LG-K373 using Tapatalk

די קונץ איז צו טרעפן דעם "וגילוי" אינעם בילד, כנלע"ד. אויב טרעפט איר עס לאזט מיך וויסן.

איך דארף וויסען וואס איז דער מונקאטשער רבי׳ס ניק אויף קאוועשטיבעל? אפשר יואב, איך ווייס

Sent from my LG-K373 using Tapatalk

ניין, נישט דאס מיין איך. וגילו צדיקים מיינט מ'איז פרייליך, אבער די חברה זענען גאר ערענסט אינעם בילד.

ער זאגט נישט אז ס'איז א ספק ביי די חוקרים ווען ס'איז - און ווער עס האט - מחבר געווען דעם זוהר, נאר ווען ס'איז נתגלה געווארן.

כ'ווייס, אבער ווען עס איז נתגלה געווארן איז נישט באמת דא קיין ספיקות. ועוד, דעם בעלזער רבינ'ס ענטפער מאכט נאר סענס אויב זענען דא ספיקות וואס ציען זיך כאטש הונדערטער יארן.

ס'איז קלאר אז ס'ליגט דא עפעס באגראבן איבער דעם רבינ'ס ידיעות (אדער האלבע ידיעות) אין דער נושא.

ליטוואק פון בודאפעסט האט געשריבן:וואס איז דער באדייט פונ׳ם מונקאטשער בילד? א בילד ווי אלע בילדער, א רבי ווי אלע רבי׳ס, און א צייטונג ווי אלע צייטונגען

Sent from my LG-K373 using Tapatalk

די חתן איז עפעס זייער ב'חנ'ט

רויטע וואנצעס האט געשריבן:די קונץ איז צו טרעפן דעם "וגילוי" אינעם בילד, כנלע"ד. אויב טרעפט איר עס לאזט מיך וויסן.

און אויך צוטרעפן די "צדיקים". זייט ווען צדיקל'ט זיך א קליינער שנעקל?

נאכ'ן געבן א קוק איבער האב איך באמערקט אז דער ר"י ר' חיים לאזער'ל איז מדקדק אויף שמירת עינים לכל הדעות, אבער זיין פאטער די רבי זז"ג דערזעט זיך דארט מיט עפעס א זיידע (אדער באבע?)

כ'האב געוואלט אז מ'זאל זען דעם גאנצן קאווער, און טאקע ווייזן אויף דעם קוריאז אז דאס האט מען אויסגעוועלט פאר דעם הויפט בילד פון דער וואך צו ווייזן שמחה און גילה פון צדיקים. למעשה האט נישט אריינגעפאסט דער גאנצער קאווער, איז גוט אזוי בדיעבד.

ליטוואק פון בודאפעסט האט געשריבן:וואס איז דער באדייט פונ׳ם מונקאטשער בילד? א בילד ווי אלע בילדער, א רבי ווי אלע רבי׳ס, און א צייטונג ווי אלע צייטונגען

Sent from my LG-K373 using Tapatalk

הוא הדבר אשר דברתי

Sent from my LG-K373 using Tapatalk

ליטוואק פון בודאפעסט האט געשריבן:

ליטוואק פון בודאפעסט האט געשריבן:וואס איז דער באדייט פונ׳ם מונקאטשער בילד? א בילד ווי אלע בילדער, א רבי ווי אלע רבי׳ס, און א צייטונג ווי אלע צייטונגען

Sent from my LG-K373 using Tapatalk

הוא הדבר אשר דברתי

Sent from my LG-K373 using Tapatalk

דו האסט נישט געכאפט ראובנ'ס נקודה! דיין מח האט נישט געקענט טראכטן עפעס אנדערש ווי דיין ליטווישן גירסא דינקותא.

וגילו ברעדה כתיב

ראובן האט געשריבן:לדעתי איז דער גרעסטער חידוש פון מאזאאיק אין דער ניסן אויסגאבע, דער ציטאט פון בעלזער רבי'ן.

איך זע נישט דער הו"א אז ער זאל האבן געמיינט פראפעסאר שלום.

ער קען מיינען פון הרד"ל ביז ר"ר מרגליות און רמ"מ כשר.
סה"כ לאזט ער א צד אז דער רמב"ם איז געווען א מקובל, עפעס וואס איז אפגעפרעגט לויט שלום.

אוודאי מוז נישט זיין אז ער זאל האבן געמיינט שלום. די אויפגאבע פונעם בילד איז נאר צוצוגעבן אינפארמאציע, נישט צו דערגענצן. אבער עס איז קלאר אז ער קען עפעס ארום דער נושא. בכל אופן איז א שטארקער חידוש אז א רבי זאל דערמאנען "זוהר" און "חוקרים" בהעלם אחד.

לעצטענס איז דער בעלזער רבי מגלה זיינע קענטעניסן, נישט צו לאנג צוריק האמיר געהערט אז ער גלייכט ״נובהרדוק״ פון בן ארצי.

כ'האב געהערט בשם דעם בורשטינער אז ר' בנימין ראבינאוויטש האט עם געזאגט אז דער בעלזער איז א אנגעליינטער ר"ל! איז קען זיין אז יעצט גייט שוין דער בעלזער רב א טריט ווייטער ל"ע, צו אויפקלערן דעם היימושן עולם חס וחלילה ר"ל.

קען זיין אז דער בעלזער האט געליינט שלום. ער איז א נייגעריגער און האלט זיך א ברייטער. אבער אזוי ברייט איז ער נישט, כאטש געוויס מער ווי ר"ב ראבינאוויטש. מ'קען זיכער זיין אז ער גלייבט אין קדמות הזוהר און איז אפילו איבערצייגט אז ס'איז געווען באקאנט פארן רמב"ן - עפעס וואס די פרומע חוקרים פרובירן צו שטיפן אקעגן די אקעדעמיע. קען אפילו זיין אז ער גלייבט די מעשה פונעם חיד"א אז דער רמב"ם בסוף ימיו איז אים אנטפלעקט געווארן סודות הקבלה.

און דער טיטל חוקרים בײ היימישע אידן מיינט איינער וואס גייט נישט בתמימות קאפ אין וואנט, א שטייגער, פון דער יעבץ און חיד"א, ביז ר' שמעיה גרינבוים און ר' ירמיה כהן. דער מנחת אלעזר האט זיך געהאלטן א חוקר און מסתמא האלט זיך דער רב אויך, פארט א מהלך ביזן אקעדעמיע.

הוגה האט געשריבן:

איך האב נאר נישט געכאפט די טיפקייט פון די מעשה וואס איר ברענגט אראפ בשם רבי אלימלך בידערמאן. איז דא עפעס טיפער ווי דאס אז ס'איז א מאדנע מעשה?


.

עס זענען דא צענדליגער אזעלכע מעשיות. אבער א מעשה וואו דער וואס האט נישט באקומען די שיריים האט איבערגעלעבט, און אלע וואס האבן יא באקומען זענען געשטארבן, איז שוין א חידוש נפלא...