עדה החרדית - קנאים - סיקריקים תשע"ז ע"ח - ארויף אדער אראפ?

ער האט געהאלטען אז ציונות איז נישט קיין כפירה, נאר אז עבריינים טארען זיך נישט אריינמישען אין ישיבות, ממילא זאל מען פון זיי קיין געלט נישט נעמען. זייענדיג א חשדן, האט ער געהאלטען אז מ'קען נישט טרויערען די עסקנים און מ'קען נישט טראגען די אחריות אויף וואס זיי גייען מעגליך טוהן ווען זיי גייען אין כנסת, דעריבער האט ער גארנישט געזאגט אז מ'דארף גייען אין כנסת. אין מאל, מחמת נחיצות הענין, האט ער מחליט געווען צו געבען א בריוו פאר בחירות, ונטרפה השעה ווייל ער איז אוועק איידער ער האט עס ארויס געגעבען. ער האט אויך געהאלטען צום עקסטרעם אז גוט'ס פארלעשט נישט קיין שלעכטס, ממילא ווען די חברי כנסת גייען ראטעווען אלץ, אבער איין זאך טוהן נישט ריכטיג, טאר מען שוין נישט מאכען קיין חשבונות. יעדער האלט עטוואס אזוי, נאר ער האט עס גענומען מער עקסטרעם ווי אנדערע.

דיין פראבלעם איז, דו ווייסט נאר פון אנדערע דעות פון דיין צייטונגען. דו ווייסט עס נישט פון די מקור. דער איד און דער בלאט קענען זיין באגלויבט אויף סאטמאר, אבער נישט אויף אנדערע. די 'מתירי הבחירות' זענען נישט געווען פארעוו צו ציונים, זיי האבען געקעמפט קעגען זיי, און אסאך מער ווי סאטמאר וואס איז געשטאנען אין די זייט, און ווייניג זיך געקימערט מיט די אלע פראבלעמען וואס די רשעים האבען געטוהן.

אז דו ווילסט ליינען ליטווישע פראפאגאנדא, ליין השקפתינו. אדער קענסטו קוקען אין בעיות הזמן און מכתבים ומאמרים פאר די שיטות פון גדולי ישראל אין דעם.

און אין דער עיקר, אז די איינציגסטע פארזיכערטע הצלה איז ישיבות ווי מ'לערנט תורה, נישט קהלות און שיטות, איז דער בריסקער רב גארנישט אנדערש געווען ווי די ראשי ישיבות אין א"י.

עס איז געקימען צייט צו גיין א טריט ווייטער....
קורצע חזרה, סאטמאר רב האט מחדש געווען קנאות, וואס איז געווען געשעצט ביים היימישן ציבור, מ'האט נישט אים אראפ געקיקט אדרבה מ'האט אים מכבד געווען און מחשיב געווען, מער ווי אלע אנדערע חסידישע רבי מער ווי אלע אנדערע קרייזען וויסענדיג אז סדא אין אים תורה ויראה וחכמה ואמת,
וואס איז געווען נאך יום הכוא"ב תשל"ט, איז קנאות געבליבען געשעצט? האט מען געהאלטען די מאראל הויעך?
איז אזוי דער בן אחיו הגה"צ בעל ברך משה איז געווארען די קרוין פון קנאות און פון עדה החרדית און פון התאחדות הרבנים נשיא כל ממלאכת סאטמאר, נשיא שומרי החומות ועוד ועוד, באקימען די העכסטע היימישע פאסטען וואס איז שייך געווען אין אמעירקע,
אבער..... מיום ליום איז געווען שרעקליכע פרשיות אין סאטמאר, אז די אלע זאכען האט ארויסגברענגט די שווערע נאטירען פון דער נייער מנהיג, הגם ער איז געווען א פארצייטישע איד א אוהב תורה א מתמיד א ת"ח, גראדע א עניו און א פשטן, און אלטץ סיגטער רב א שיינע חכם, פארשטאנען א עסק, אבער צו זיצען אפען שטיל פון זיין פעטער, האט מען ערווארטעט א חידוש א בחינה סאטמער פארקויפט מער ווי סתם א יורפעשיער רב מהאט ערווארטעט א רב וואס טראכט ווייניגער פון זעך מער פארנימען מיט העלפען אידישע קינדער בליטיגען פאר כבוד שמים כאטש ווי דער קאשויער רב, שרייבען תשובות ווי פאפער רב חסדים מאכען ווי דער טאהשער רבי א עובד ד' כאטש ווי רבי הערשלע ספינקאר,
און למעשה ער האט געדאווענט פיין, אבער גארנישט מער ווי מר' הערשקאוויטש, גלערינט פיין, נישט מער א ווי רבי יונה האלפערט, געטון ביזנעס נישט ווייניגער ווי ר' לייבוש לעפקאוויטש, א באטשי ווי אלע באטשיס וואילע פיינע אבער נישט קאכענדיג נישט עפעס יוניק,
און ליידט אויף בליט דרוק, און ארומגענימען מיט א משה גאבי מיט א בן יקיר אהרננן און דער זענטער רב וואס קענען אויפקאכען ביז הונדרעט און אכטציג, סוי וואט יוא וואנט, איין טאג האט מען אים אנגעדרייט אקעגין די מומע, מארגען אקעגין שלום יודא גראס ווייל די וויינשטאקס האבען אזוי געוואלט, ולמחר האט מען געדארפט קעיר נעמען פון בעלזא, און די פרשה ווי איך זיך יא אפשטעלען,
נישט קיין ספק מהרי"ד מבעלזא איז געווען סך הכל 32 יאר אלט תש"מ און גענימען פירען קריג מיט סאטמאר לאחר פטירתו פון סאטמאר רב, קען זיין ער האט געהאט טענות, אבער ווער אקעגעין וועים? און שפראך האט ער געניצט ווי ווייסיך וואס,
מהאט אים געדארפט שטעלען אין פלאץ, יעדער האט גקענט ביישטיין, נישט נאר קנאים יעדער מיינט יעדער, אנגעהויבען פון זיין שווער פון די אגודה מיט די גורע רבי יעדער האט שוין געהאט זיין פעקעלע א קעגין אים, יעדר האט געוויסט דעטס א טראבעל מעיקער,
איז געקימען דער ברך משה און געפירט א קריג ווי מהאנדעלט דא מיט מענדלסאן אליינס גענאכט פאר א נעאלאג א משכיל ניסח סיגוט, ס'האט פיין גארבעט, אבער ווען מ'קיקט איבער דער הלך ילך, זאגט מען וועיט א מיניט, דער בעלזאר איז זיך געקימען מכות אבער נישט אזעליכע אפנארמאלע, וואס וואלט געווען ווען מ'מאכט א מחאה אויף חוצפה און מ'גייט ווייטער, וואס האט מען ג'אסרט זיינע שחיטה, משכיל נעאלאג וואסערע שפראך איז דאס פארוואס פארווען?
דאס איז געווען ניסח ברך משה, אביסעל האט ער געמיינט ערינסט, אביסעל נקמה, מיט אסך גוזמה וואס איז געווען לבסוף סהאט געבעק פייערד אז מהאט נישט גטראסט דער ברך מיט זייענע מערכות ווי איר וועט זעהן ווייטער בס"ד

מעגסט אזוי ווילען, אבער דער דבר"י האט אויך נישט געקענט אויפרודערען אנדערע צו זיין מערכות. ווען מ׳האט פארצופאל מסכים געווען, איז מען מיטגעגאנגען. ווען מ׳האט נישט געהאט קיין אייגענעם סבה מסכים צו זיין, האט ער נאר געקענט שלעפען זיין מענטשען. פונקט ווי ביים ברך משה און זיין פיהר זין, איש בשמו יבורך. ווען פארצופאל שטימט דער שבט יהודה׳ס אגענדע מיט הרב מלכיאל קוטלר׳ס, גייען זיי צוזאמען. ווען דער מטה אהרן׳ס אגענדע שטימט בעסער, איז ער דארט. און ווען דער פאר המשפחה ר׳ שלום לעיזר׳ל וועט טרעפען א מערכה וואס שטימט, וועט מען מיט איהם גייען. אטאריטעט האט קיינער פון זיי אויף קרייזען אינדערויסען פון זיי.

Sent from my LG-K373 using Tapatalk

ליטוואק, סייג לחכמה שתיקה, שבעה דברים בחכם וחלופיהן וכו', מוזט נישט אלעמאל זיין דער ערשטער וואס קריגט זיך, אז די וועסט בלייבן אמאל שטיל וועט דיך קיינער נישט אראפ קוקן....

כבוד מר' ימים ידברו, איך האב נישט די צייט אין געדילט צו ענטפרן אין זיך טענה'ן נאכדערצו ווען די רעדסט פין היסטארי וואס א גרויסע פראצענט דענקט אפילו נישט, אין וועלן עס דווקא אפקויפן אלס שנאה צו סאטמאר צו אנדערע אגענדעס, אבער דאס איז זיכער ביי די וואס געדענקען יא אז די שרייבסט אסאך פשוט'ע ליגענט, ממש לא דובים ולא יער, ס'קומט ממש א פארמעגליך געמויזעכטס פין טוישן היסטאריע יארען שפעטער, ווער ס'גלייבט דיינע געשרייבעכטס איז א רחמנות, האפענטלוך איז דאס מיין לעצטע תגובה דא

איך בין א שונא לסאטמאר?
איך פארצייל ליגענט?
איך האב א אגענדע?
אדרבה, ווי זעהסטו שנאה? וואסערע ליגענט? וואסערע און וועליכע אגענדע? מיר אויס, יא אדער ניין מעגסט מעיר זיין, אבער דיינע הערה איז ממש כרחוק מזרח למערב, צום מציאות, כהאב זייער ליב סאטמאר זייער ליב דער ברך משה, איך פארצייל פלעין אמת אדרבה פרעג דיך נאך מאך א סורוועי צו איך בין מגזים איין ווארט שכוח

יהודי פשוט האט געשריבן:ליטוואק, סייג לחכמה שתיקה, שבעה דברים בחכם וחלופיהן וכו', מוזט נישט אלעמאל זיין דער ערשטער וואס קריגט זיך, אז די וועסט בלייבן אמאל שטיל וועט דיך קיינער נישט אראפ קוקן....

יעצט האסטו אפגע׳ענטפערט אלץ.

קענסט אפשר ברענגען אן ענין וואס די גדולי ישראל, סיי דאהי סיי אין א"י, האבען עפעס געטוהן אויפ׳ן פארלאנג פון דער סאטמארער רב? מ׳האט עפעס געטוהן בנוגע א"י אן דער ווילען צו גאר בקשה פון די א"י׳דיגע גדולים, צוליעב דער סאטמארער רב?

אז דו ווילסט, קענסטו ווייטער אראפ קוקען, אבער פון גרוב איז גאנץ שווער צו קוקען אראפ.

Sent from my LG-K373 using Tapatalk

signout האט געשריבן:כבוד מר' ימים ידברו, איך האב נישט די צייט אין געדילט צו ענטפרן אין זיך טענה'ן נאכדערצו ווען די רעדסט פין היסטארי וואס א גרויסע פראצענט דענקט אפילו נישט, אין וועלן עס דווקא אפקויפן אלס שנאה צו סאטמאר צו אנדערע אגענדעס, אבער דאס איז זיכער ביי די וואס געדענקען יא אז די שרייבסט אסאך פשוט'ע ליגענט, ממש לא דובים ולא יער, ס'קומט ממש א פארמעגליך געמויזעכטס פין טוישן היסטאריע יארען שפעטער, ווער ס'גלייבט דיינע געשרייבעכטס איז א רחמנות, האפענטלוך איז דאס מיין לעצטע תגובה דא

מר. סיינאוט דו ביזט טאקע געבוירן שפעט ? דו האסט נישט געוואוסט די ערשטע מינוט וואס ער וויל דא ? איך האב דאך שוין לאנג געפנט א אשכול מיט'ן נאמען ימים ידברו אז דארט זאל ער עס אלעס אויסברעכן זענען געגאנגען די מנהלים און פארשפארט............ חכמים וואס זיי זענען ווארט נאר ווארט ווען ער גייט צוקומען צו ר' אהרן וואס דא גייט זיך טון ? איך קען דיר שוין פאראויסזאגן ר' אהרן האט אונטערגעברענגט די קנאות כי כי כי גוט מארגן כאילו מ'גייט דא ממציא זיין א נייע זאך
די גאנצע זאך וואס ער האט מסכים געווען צו זאגן אז ביי בעלזע מהרא איז מען אים געגאנגען איבעבעטן איז דאך נאר מקיים צו זיין וואס שטייט אין פסוק ביי די מרגלים ווי רש"י לייגט צו אז כדי שטארק צו מאכן דעם ליגענט מוז מען זאגן עפעס אמת

לאז דיך אפ לאז אים רעדן זינט זייער גרויס געווינס פון קענען צאםשטעלן דעם כנוס ברבבה מיט אלע קרייזן און נאכדעם וואס ר' אהרן האט זיך באנארישט און באמאכט מיט אלע זייערע שמוציגע לשונות א' בלק בלוטיגן די חברה אויס און ווילן נאר האקן קאפ אין וואנט און איבערחזר'ן נאכאמאל און נאכאמאל אהרן ציוני אהרן שייגעץ די זעלבע אלטע חזעריי

לאז אים זיך אויסגעבן און אנקומען ביז צום סוף

אגב איך קען ניט אויפהען לאכן ווי זוי ער וויל דא אראפרייסן דעם ברך משה כאילו מ'רעדט פון עפעס א פשוטע רב סיגוטע רב מיט'ן ארשיווע רב אויף איין פעיזש ווייל ער איז נישט געווען ווי פאפא אדער טאהש אדער ספינקא

סיי די פאפא רב זצ"ל און סיי דער ספינקע רבי זצ"ל און סיי דער טאהשע רבי זצ"ל האבן זיך אונטערגעווארפן אונטער זיין הנהגה און געשריגען אז סאטמאר וועט נאר זיין סאטמאר אויב סיגוטע רב וועט איבערנעמען דעס איז אלעס זאכן וואס זיי האבן געזאגט ברבים דער תולדות אהרן רבי זצ"ל פון די שענסטע תלמידים פון דברי יואל ז"ל (איינס נאך שארמאשע רב........................... פארשטייט זיך ) האט געשריגען מ'זאל זיך אונטערווארפן אונטער סיגוטע רב ר' יענקעלע פשעווארסקער די שענסטע רבנים וואס האבן זיך נאנט געהאלטן מיט'ן דברי יואל האבן געפאדערט און געמאנט מ'זאל זיך אונטערווארפן אונטער דעם צווייטן סאטמאר רב ז"ל

און דער יונגער ראצער דער היסטאריע פארדרייער וויל דא דרייען די קאפ מיט זיינע אויסברוכן

לאז אים רעדן און בלוטיגן און השי"ת זאל זיך מרחם זיין אויף זיי און זיי מנחם זיין

גאנצל: עיין מה שבתבתי ל'ימים ידברו באשכול..."יהא זכרו ברוך"...!

ימים ידברו האט געשריבן:קודם צו שבת אחים הייסט אזוי צום בעלזא רב א באזוך איז געווען צייט און צום כותל נישט?וועם פארשעמסטו?
צום ליטוואק.דער בריסקער רב איז נישט געגאנגען צום בעלזא רבס לוי' און געשיקט אלע קינדער מקבל פנים זיין סאטמאר רב פליז רעד צום זאך

כבין נישט זיכער צי ער איז דעמאלטס געגאנגען צו בעלזער רב, דאכצעך אז נישט. און איך בין נישט זיכער צי די אישו איז געוועהן צייט אדער עפעס אנדערש. איין זאך איז זיכער אז ר׳ מאטעלע איז אפאר מאל געגעאנגען צום כותל נאכדעם וואס סאטמארער רב האט געזאגט מ׳זאל נישט גיין. די צווייטע זאך איז זיכער אז אויב האלט ער אז עפעס איז נישט הונדרעט פראצענט גלאטיג וואלט ער עס קיינמאל נישט געטוהן. ביסט למעשה גערעכט אז ער איז א סאטמארער חסיד אבער ביז א גבול. אלעס ביז ס׳רירט נישט אן זיין טאטעס און זיידעס כבוד.

סאיז באוויסט אז ר׳ מאטעלע האט אויפגעהערט צוגיין צו סאטמארער רב פאר איבער א יאר צייט נאכדעם וואס איינער איז אים געקומען זאגן אז ער האט געהערט ווי סאטמארער רב רעדט מיט לשון גנאי קעגן זיין טאטען און זיין פעטער (דער סערט-וויזניצער). ר׳ מאטעלע האט אים באגעגענט ביי א שמחה האט אים ר׳ יואליש געפרעגט הלמאי איר קומט מעהר נישט? האט ר׳ מאטעלע געזאגט איך הער איר רעדט אויף מיין טאטען, האט אים סאטמארער רב געזאגט ״וואס מ׳רעדט אינדערהיים הייסט נישט גערעדט״.
אויב פארשטיי איך גוט מיינט עס: אפציעאל ברבים האב איך נישט גערעדט אויף אים- נאר געזאגט ״מיין מיינונג״ אויף אים ביי מיר אינדערהיים.

ר׳ מאטעלע איז ווייטער געגאנגען צו אים נאך די באגעגניש.

מיין טאטע זאגט מיר אז ר׳ יואליש האט אמאל געזאגט
ווילאנג סאיז דא ר׳ הערשלע, ר׳ מאטעלע, ר׳ יחזקלע (ר׳ יחזקאל מערץ) וועט אידישקייט אין אמעריקע בליען.

אבער טייערע אידען ס'דא א שטארקע לימוד זכות אויף דער ברך משה זצ"ל, ער איז געווען א שיינער ת"ח וואס איז געווען א זעלטענע אוהב ת"ח ותורה, און א פשטן נישט איינגרעדט קיינעם אז ער פליט אין הימעל, אבער ווען מ'האט אים אנגעדרייט און ס'געווען ווער ווי אויבענדערמאנט, זיי זענען שילדיג און די אימעדזש פון סאטמאר, און די יארען פון תש"מ ביז תשנ"ט, וועט גלייך שרייען בערל בעל עגלה יא הוא אשר דברנו, ער זיכט צו ציקעמען צום מהר"א, ער מיינט נישט די זיפף ער מיינט די קניידליך, ער וויל זאגען ביז תשנ"ט ווען מהר"א איז געווען אין קאנטראל, יא ליידער איז דאס די טריקענער אמת, גראדע איך האב הנאה אז גאנצעל מיט בערל ווייסען פיין דער אמת, איך האב געמיינט אז כאטש די צוויי זענען חסידי מהר"א, זעה איך ממיז זיך פריש אפירנעמען טרעפען פרישע שרייבערס ווייל אדער איז ק"ש באנקראט, אדער מהר"א איז באנקראט, ס'מיז זיין צוויי זייטען פון די מטבעה,
איך ליידען אן יעדען איינעם זאגט'ס מיר איז סאטמאר בימי הברך משה געווען מכובד'יג ?
וועט דער ליטוואק שרייען בימי יואל אויך נישט, וועל איך אים ענטפערין די רעדסט נגד המציאות, גיי נאך היינט כוא"ב צום ציון הק', זאג מיר וועליכער גדול האט די אנערקענוג פון די גאנצע וועלט חסידים ליטאים וכו' וכו' גראדע ריבניץ איז שטארק, אבער קעגין סאטמאר?
דער סאטמאר רב איז געבליבען א מעכטיגע זאך, יא איך ווייס קלויזענבורגע חסידים גלייכען אים נישט די בעלזא אויכעט נישט, אבער ביים כלל ישראל מיינט מען אלע באבוב וויזניץ פאפא ליטא ספרדים אויסער די צוויי דריי אפענע פארווייטאגטע אויף סאטמאר, אבער דער ברך משה איז ליידער נישטא אין סאטמאר קיין אנערקענוג, אפי' וואס קומט אים יא, נישט די ארונים נישט די זאלונים קיינער איז אים נישט מחשיב ווי מדארף מחשיב זיין א חשובער רב עטליסט ווי דער באבובע חסיד איז מחשיב מהר"ש און מהרנ"ץ וואס ער איז נישט געווען ווייניגער פון זיי, פארוואס למה ? ווער איז שילדיג? מיין צוויי סענדס איז די מערכות און פרשיות וואס איז אלעס געווען אנגעפילט מיט פריוואטע משפחה חשבונות די מימע די רבנות אין קרית יואל די בני יואל וכו' וכו' אלעס איז געווען נישט כבוד שמים,
ס'אמת בימי רבינו יואל איז געווען א פרשה פון רויזעלע איך גיי דערין נישט אריין קיינער און די וועלט זאגט נישט אז רבינו יואל האט געהאנדעלט שלא לשם שמים, ליידער ביים ברך משה זאגט מען ער האט פערזענדליך אטאקירט די קאשוי רב מיט מהר"א לייטנער אז דאס איז געווען ריין נקמה נצחון, וואס הגם ער פערזענדליך איז נישט געווען אזוי מיט השחתה, אבער די באבעל ארום פון סגנו וגבאיו ומקרוביו, האט אים אלעדיגט אלטץ נוקם ונוטר בעל מחלוקה ואיש מלחמה, נו ווען א צווייטער טוט א עוולה לשיטת סאטמאר, ווער רעכענט זיך נאך מיט זיין מיינוג, ממילא איז סאטמאר געווען נישט אויף די מאפע, צו זאגען א דעה בעניני הכלל והפרט, און מזמן לזמן איז געווען געטון עוולה'ס אין סאטמאר, חוץ מהאט נישט גקענט רעדען נארמאל צו קיינעם, איז געווען א שלאכט פעלד, און די ישיבה און די מוסדות ס'האט נישט געהאט קיין יודיש טעם, הארגנען מענטשען שלאגען ברעכען קארס וכו' איז געווען מנת חלקם פון די סאטמארע מיליטער,
איז ממילא די קנאות געווארען אומוויכטיג, סגעווארען איינס סאטמארע שלעגערס, ווער געדענקט נישט ווען מהר"א לייטנער האט מען יעדן טאג נאכגעשריגען פון קינגס טעראס, בערל בעל עגלה איך פרעג דיך, דאס איז תורה'דיג, דאס איז מענטשליך, דאס איז חינוך, דאס האט מרים געווען כבודו של הברך משה ?
ווער איז געווען שילדיג, איך מיין בעיקר מהר"א טייטלבוים, ווייל זיין טאן איז געועון הרגטס מענטשעין, יעדר געדענק די דרשה פון כהנים ארויס, איך וועל נישט לייקענען אז משה גבאי איז געועון געשולט און מלחמה, איך מיין אבער זיין מהלך איז געווען קליגער און אינטערערדיש נוסח ליפא פרידמאן נישט געמיין און אפען און פרעך ווי מהר"א, ווילסט דיך קריגען אדרבה לאמיר דעבאטירען די זאך, אבער זאגען אז בימי הברך משה האט סאטטמאר גענאסען הערצה אין די גאס איז אבסורד,
אודאי האבען ערליכע אידען זיך אפגעשאקעלט פון סאטמאר, און ערליכע אידען מיינט פון רבי משה ארי' קאשוי רב מונטיוודיעא רב וויזניצער רבי רבי יחזקאל רוטה רבי לייבוש לייזער איז געווען אויף די שווארצע ליסטע, סאלקע רבי ווער נישט, אפי' רבי שלמה לייב וויינבערגער מיט רבי זלמן לייב פיליאפף יעדער ערליכע סאטמארע דיין ורב רבי יחזקאל גאלד רבי שמחה בונים וואלדענבערג האט מען גהרגט פאר טראכטען אנדערשט ווי די הנהגה,
די איינציגסטער וואס איז באמת געטריי מיט געשטאנען אלל דיוועי איז געועון רבי משה מנחם טירנויער, פרעג אים יעצט איז דאס געווען ריכטיג ער באוויינט נעבאך זיינע יארען, ועוד חזון למועד הבא

ימים ידברו האט געשריבן:וועט דער ליטוואק שרייען בימי יואל אויך נישט, וועל איך אים ענטפערין די רעדסט נגד המציאות, גיי נאך היינט כוא"ב צום ציון הק', זאג מיר וועליכער גדול האט די אנערקענוג פון די גאנצע וועלט חסידים ליטאים וכו' וכו' גראדע ריבניץ איז שטארק, אבער קעגין סאטמאר?

ממש א השגחה פרטית! האסט פונקט געטראפען אז די קנה מדה פון אן אדם גדול און די מציאות האבען געשטימט! נישט אנדערש ווי גאנצל וחביריו! ווען א סאך מענטשען קומען צו זיין קבר, איז עס א ראיה אז יעדער איז געווען אונטערגעווארפען אונטער איהם, יעדער האט איהם געהאלטען גרעסער פון אלע אנדערע. ממש א צופאל אז דער סאטמארער רב האט אט די מעלה!

די איינפלוס פון א מענטש איז נישט פון פולע פארענטשעס און נישט פון קארניוואל'ס ביי זיין יארצייט. זיין כח איז געמאסטען מיט וויפיהל זיין ווערטער זענען ווערט ביי תלמידי חכמים, וועלכע סארט שאלות און פון וועמען קומען צו איהם, און די לאנג טערמיניגע השפעה פון זיין ספרים או תורה'ס.

און דער עיקר טעות דיינע אין טהעזע איז כאילו נאך דעם וואס מהר"א איז שולדיג, דארף מען שוין ווערען א זאלי. ניין, דאס איז פון דער פחת צום פח, ברח מן הארי ופגע בדוב. די זאלי שיטה איז אויך אז דער ציל פארהייליגט אלע מיטלען, דער זאלי שיטה איז אויך אז דער פארטיי, דער חסידות, דער קהל, דער הייליגע פקדון וכל שום וחניכא דאית להון צו דער פראפאגאנדא, איז א סבה מתיר צו זיין סיי וועלכע איסור און סיי וועלכע מדה מגונה.

ווילאנג זיי שאקלען זיך נישט אפ גענצליך, און זענען נישט מחמיר אין דער ענין פונקט ווי אין אתרוגי שביעית און אנדערע וויכטיגע חומרות, זענען זיי די זעלבע פראבלעם ווי אהרן און זיין שלעגערס. האסט א היתר צו גייען אין ערכאות אין א"י? אזא היתר איז דא אויף אתרוגי שביעית אויך. ווען דו ביסט מחמיר אין דעם, ווייסען מיר אז דו האסט זיך אפגעשאקעלט פון דער שמוץ. ווען זיי וואלטען נאכגעגעבען אהרנ'ן געלט מיט כבוד, אבי זיך אפשאקעלען פון איהם, וואלטען מיר פארשטאנען אז זיי טוהן עפעס בעסער. ביזדערווייל זענען זיי די זעלבע שלעגערס.

ימים ידברו: איך האב אדורכגעליינט דיין גאנץ פשט'ל. נאר איך האב נישט קיין נערוון זיך שטעללן און אפווענדן אלע דיינע נקודות. אבער אויף איין נקודה וועל איך מיך יא שטעללן...!

דו זאגסט בתוה"ד אז ...אמת, מיט חב"ד, בעלזא און קלויזנבורג איז מען געווען צוקריעגט. דאס מיינט ס'איז געווען הותר דמם. און מ'האט חוץ שימפן און שעלטן און גיסן קיתונות של שופכין מיט די גרעסטע בזיונות און זילזולים אויף גדולי וקדושי ארץ אויכעט געפיהרט א טעראר קאמפיין אקעיגן די אלע אויסגערעכנטע. אבער...פיהרסטו אויס, אז מיט באבוב און פאפא האט מען זיך גוט פארטראגן און מ'האט זיי רעספעקטירט. איז ווילל איך דיך אינפארמירן אז ס'איז נישט אזוי. נאר וויאזוי דען...(מיט'ן ניגון פון ואני.)...ס'איז געווען אמאל אום פורים ביים טיש פון ---- רבי'ן שליט"א ווען א יונגאטש א בריון פון די משפחה הידועה לשימצה, משפחת ר. וועלכע זענען קרובים מיט די גאר חשוב'ע משפחה ב. פון די שטאט ל. האטציך אנגעשיכור'ט אויפ'ן ---- רבינ'ס וויין און וויבאלד ס'איז נכנס יין יצא סוד אדער יצא המרצע מן השק. און דער מנוול ומוכה שחין האט אנגעהויבן אויפצו מאכן זיין טרייפענעם פיסק און ר'האט אנגעהויבן צו רעדן דברי בלע ונאצה אויף הרה"צ ר' ר' שלמה מ'באבוב זצוק"ל...און ר'האט אפגעלאכט און אפגעשפעט פון דעם צדיק אליינס און פון זיין גאנץ חסידות מיט אזא געמיינהייט און פרעכקייט. ווייל דער ---- רבי איז אויכעט א שטיקל קרוב משפחה מיט דעם באבוב'ער רב זצ"ל. וואס דער שייגעץ ומנוול האט נאר געהערט ביי זיין טאטן אין שטוב און אין זיין ישיבה און ביהמ"ד. און זיין טאטע איז אויכעט געזיצן דארט ביים טיש און ר'האט מיט קיין ווארט נישט מוחה געווען אויף דעם בזיון ת"ח וצדיק. ביז ס'זענען געקומען 2 גיבורים און זיי האבן איהם אראפגעבויגן דעם קאפ אויפ'ן טיש מיט כח אז ער זאלל פארשטאפן זיין טרייפענעם, טמא'נעם פיסק. און אויף דעם צדיק וקדוש בעל ויחי יוסף זצוק"ל האט עטץ נישט אויפגעהערט צו שעלטן, שימפן און חוזק מאכן...ראו גידולים שגידלתם...יעצט ענטפער מיר עפעס. אבער צו די זאך...!

זעיט מיר אויס אז אזוי ווי די שארמאשער איז שוין נישטא דארף מען יעצט א נייע צדיק וקדוש משים לילות כימים וימים כלילות הגדול והיחיד בדור בקדושה ובטהרה און בעיקר גרסער שענער פון ר' אהרןןןןןןןןןןןןןןןןןןןןןןן סאו זעיט אויס אז @ימים'ס גיסטע איז אז מ'זאל קרוינען רמ"מ טירנויער ערלעדיגט

ביי מיר איז קיין ספק אז רבינו הקדוש הדברי יואל איז כל מעשיו לש"ש אבער צו יעדע שרייבער אין צייטונג היינט שרייבער אויף קאווע שטיבל האט מסכים געווען קלאר אז נישט אינקלאדעט מיט די מעשה פון רויזעלע און די מעשה פון ר' אביש'ל קלארער און נאך אפילו ביים כותל האבן אזעלכע שרייבער ווי ימים געשריבען אז ער אסר'ט עס נאר ווייל ס'פאסט אים נישט אז די ציונים האבן דאס דערליווערט

די זעלבע ביי רבינו הקדוש הברך משה כל מעשיו לש"ש

יא: ימים ידברו: נאך א זאך. דער ברך משה זצ"ל דארף נישט דיין לימוד זכות. האלט עס ביי דיר. לייג עס אוועק אויף ווען דו וועסט עס דארפן. דו און די אנדערע מחרחרי ריב. און די בוזי יראי אלוקים ות"ח...!

גאנצעל טייערע איך ווייס ענקער קאפמאני ארבעט שווער צו נאכען דער בעל דברי יואל פינקט ווי דער בעל ברך משה דאן איז שוין דער מטה אהרן די סעים,
ווי אזוי האט דער חזון איש געזאגט כלל ישראל האט א גיטען שמעק אויף א גדול,
דער דברי יואל , יא כל מעשיו לשם שמים סיי ביי קראלע סיי ביי כותל סיי ביי רויזעלע ווייל ער איז געווען לשם שמים, איך דארף נישט דס אלץ מבאר זיין ווייל סיודע לכל הרוצה האמת,
דער ברך משה, איז געווען א רעגליער בשר ודם, גראדע נישט אזא געפערליכע, זיינע מעשים האט געהאט צו טוען מיט בלוט דריק און מעשי הגבאים והקרובים וואס האבען אין על פי רוב אריינגעפירט אין א טיפע בלאטע לדאבונו ולדאבון כל בית ישראל, און זייער פיל מאל האט ער זיך געכאפט דערנאך, למשל הגר"א לייטנער יעדער געדענקט יענעם פורים נעבאך, א צוויי טאג דעראויף האט איינער פון די מקורבים חוזק געמאכט פון הגר"א לייטנער און געגענווארט פון ברך משה, האט דער ברך משה געשריגען אויף יענעם מ'טאר נישט אזוי רעדען קעגין א תלמיד חכם, וואס מיינט דאס? נעכטען האט דאך די רבי גרעדט ערגער ווי מרעדט אין איך ווייס נישט ווי, דעמאלטס האט ער נישט גערעדט, די מעשי המקורבים וואס האבען אים נעבאך נישט געשוינט און געמאכט צו נער לעיני כל ישראל האט גרעדט, יעצט האט ער גרעדט פערזענדליך, ער איז געווען א וואילער איד,
מטה אהרן איז פערזענדליך, א קליינער חכם, א גרויסער עקלדיגער בעל גאווה, וואס מיינט ס'קימט אים אלעס, פארגינט נישט נישט נאר זיין ברידער נישט, אפי' זיין אייגענע ווייב אין קינדער פארגינט ער נישט, ווי אזוי פירט ער זיך אויף ביי הרב חיים הערש מייזליש חתונה'ס, דאס קימט נאר פון אני ואפסי ואין עוד,
איך האב געהערט פון א איד אזא מעשה, ער איז געווען אמאל אין אנטווערפין שבת הגדול ווען ר' מענדיל איז נאך געווען רב [ווער געדענקט נאך] און יענער איז זייער נתפעל געווארען פון זיין דרשה, נאך די דרשה זאגט ער מענדלען איך פאר א היים וועל איך איבערגעבען דיין טאטען א שיינע גריס אי"ה, ווערט מענדל רויט, און זאגט אים טוה מיר א טובה געב נישט איבער מיין טאטען גארנישט.... אויב די ווילסט מיר א טובה טהון זאג עס מיין מאמען... קאמטארען זענען איבעריג, און איר ווילט יענער זאל נאך זיין א חסיד פון אזא בריון.
א ארבטער פון ישיבה לצעירים האט פארציילט יעדע שטיק צייט האט ער געטשעקט זיין ברידער'ס סטאטוס אין ישיבה, סאך פאר משה גבאי האט געטראכט אז ער איז מער פאסיג,
ער איז א שרעקליכע אומפארגינער, אויף זייער א נערישע בעבישע אופן וואס פאסט נישט בכלל,
ער פירט אליינס אן אלע זיינע שייגעץ שטיק, זיינע גבאים מיט דאקטרוים פורבירען ער זאל נאר נישט וויסען, פינקט פארקערט בימי הברך, ווייל זיי קענען אים גאר גיט, גאנצעל! אט דאס איז די חילוק פון די דריי לשם שמימ'ס דא,
איי וועסטו פרעגען ווי אזויהאט משה דער גבאי צוגעלאזט מען זאל אים אזוי אנדרייען, געדענק משה האט גארבעט םאר אהרנען און פאר בערעל פרידמאן זיי זענען געווען די חכמי הדור מיט חסידים ווי יודעלע ווערצבערגע, און ווייסט וואס סאיז טאקע א קשיא אויף אים ער איז נישט מער ווי א גבאי איך ערווארט נישט פון אים גדלות במידות, אבער פון מטה אהרן וואס דארף זיין א עובד ד' א ת"ח וואס איר ווילט איך זאל גלייבען, פליז ביהעיוו!

ימים ידברו: יישר כח פאר די שיינע פורים טוירעה וואס דו האסט דא אראפגעלייגט. איך מיין דו זאלסט עס בעסער אוועקלייגן אויף פורים נאכמיטאג נאך די טרונק סעודה ווען מ'האלט שוין ביי דעם עד דלא ידע. דו ווארפסט דא צוזאמען הרים וגבעות. רעדסט פאר פייער און וואסער. ר' אברהם לייטנער, ברך משה מטה אהרן משה גבאי. מידות טובות, בעלי מדרגה, אומפארגינערס בעיביס טאטע, מאמע. מיין ווייב קען נישט מאכן אזא גוטן קוגל מיט'ן בעסטן רצון און די בעסטע רעסיפי. ס'איז קלאר ווי דער טאג אז שנאה מבצבצת ויוצאה ממך. דאס איז נישט נאר מקלקלת את השורה נאר דעם מאגן אויך. איך האב געדארפט נעמען זענטעק אדער טאמס נאכ'ן איבערליינען דיין שלל פון נארישקייטן און שטותים וואס דו האסט דא צוזאמגעווארפן. און די שענסטע זאך איז אז דו האלטסט דיך נאך פאר עפעס אן היסטאריקער פון חסידות סאטמאר. איך וואלט געקענט זיך שטעללן און אפווענדן אלע דיינע שטותים וואס דו האסט דא אויסגערעכנט. נאר איך האב פשוט נישט .קיין נערוון דערצו

ימים ידברו: המשך...איך וועלל דיר נאר געבן א קליינעם משל אויף דעם גאנצן מצב וואס איך קען קוים ארויסקריכן וואס דו ווילסט דא זאגן. משל למה"ד. א איד א גביר, וועלכער איז אויכעט געווען א גרויסער מכניס אורח.ער האט א יעדן אריינגענומען און געמאכט א יעדן זיך שפירן באקוועם.זענען געקומען כל'ערליי אורחי פורחי אן האבן זיך צושפרייט דארט און זיך גענומען פיהרן מעשה בעה"ב. ביז זיי האבן אנגעהויבן ענג צו מאכן פאר די בני המשפחה פון דעם גביר. ווען ס'איז געקומען די צייט פון די פטירה פון דעם עושר האבן זיך געיאוועט די אלע אורחי פורחי און גענומען זוכן פעלערס אויף דעם עושר'ס קינדער. און געזאגט דער זוהן טויג נישט. דער אנדערער טויג אויכעט נישט. אונז זעמיר די מושלמים. און פאר אונז קומט זיך די ירושה...און זיי האבן אנגעהויבן טון למעשה. ארויסצושטופן דעם עלטסטן זון, דעם יורש עפ"י התורה. אין אנהויב האט אויסגעזעהן אז דער זוהן גייט אלעס פארלירן. און ער וועט מוזן ווערן א טעקסי דרייווער אדער אנהייבן פאררעכטן שיך. ווייל די רשעים די אנגעלאפענע האבן איהם נישט צוגעלאזט נהנה צו זיין פון די ירושה פון זיין רייכן טאטן. ביז דער זון האט צוזאמגענומען א פאר גוטע פריינט און ער האט אנגעהויבן קעמפן אקעיגן די אלע רשעים. און בחסדי השם האט ער זיך גובר געווען אויף זיי. און ער האט זיי אלע פארטריבן. ניין. ער האט זיי נישט פארטריבן. אזוי ווי ס'וואלט זיך זיי געקומען. ער האט זיי געלאזט ווייטער אטעמען. נאר די שליטה האט ער ב"ה צוריק איבערגענומען. און טויזנטער מענטשן האבן איינגעזעהן זיין גערעכטיגקייט. די פאר (געוועזענע) רשעים האבן דאס נישט געקענט אראפשלינגען האבן זיי פראטעסטירט. עד שבא פיקח אחד. ביז מ'האט זיי געזאגט וואס רודערט עטץ ארום. עטץ האטץ דאך נישט קיין רעכט אויף גארנישט. עטץ זענטץ דאך נישט די יורשים...!

נמשל כבהמות נדמו. האט אמאל דער דובנער מגיד געזאגט, ווען ער איז געקומען אין א שטאט און די שטאט'ס מענטשן האבן איהם געבעטן ער זאלל נאר זאגן דעם משל וואס איז געווען זייער שטארק זיסע מעשיות. דעם נמשל וויללן זיי שוין נישט הערן. האט ער געזאגט אז יעצט פארשטייט ער פשט אין פסוק..."נמשל, כבהמות נדמו"... אז ווען ס'קומט צום נמשל ווערן זיי פארשוויגן אזוי ווי די בהמות וואס קענען נישט רעדן. דער פראבלעים איז אז אונזערע בהמות קענען יא רעדן...!...

מענטשען זענען נישט קיין ירושה

Sent from my LG-K373 using Tapatalk

ליטוואק! איך ווייס נישט ווי אזוי מ'לייקט ס'קימט דיר איינס, איך וויל נאר מוסיף זיין ס'געווען א דין תורה נאך א פטירה פון א געוויסע מנהיג וואס די חסידים האבען איבערגעלאזט דער זון, און גענימען דעם איידעם מיט א צווייטע פירמע נאמען, און דער זון האט גטענהט אין בית דין עס קימט אים די טאטענס ירושה, האט דער טוען א ליטוואק וואס ה אט גטענהט פארן זון גטענהט אזוי אויב חסידים זענען שורו וחמורו איז דער זון גרעכעט, אויב זיי זענען בני אדם האבען זיי דעת צו וויסען וועמענס זיי זענען,
און צו דיר בערל! די ווילסט זיך מפלפל זיין און דיני ירושה איך בין רעדי! ס'קיינמאל נישט געווען אין חסידישע היסטארי דער עלטעסטער זון דווקא!!
אדרבה דער אמרי חיים איז געוועון דער צווייטער זון! דער קדושת יום טוב איז געווען דער צווייטער זון! רבי יושעלע בעלזאר דער צווייטער זון ! דער קרייזער רב דער וויפלטער זון? דער סאדיגערער איז געווען דער צווייטער זון! און יעדע הויף יעדע חצר איז געווען בכלל נישט קיין כלל פון עלטסטער זין יורש הכל לא הי' ולא נהיה, שכוח דיר

ליטוואק פון בודאפעסט האט געשריבן:מענטשען זענען נישט קיין ירושה

Sent from my LG-K373 using Tapatalk

אבער בילדינגס און מוסדות, נכסי דלא ניידי זענען יא ירושה. און ביי חסידים זענען די מענטשן וועלכע גייען דארט אריין אויכעט א חלק פון די ירושה. (אויב זיי וויללן.)...!

ימים ידברו: ביי א יעדן איינעם פון די רבישע הויפן וואס דו האסט אויסגערעכנט איז געווען א סיבה פארוואס דער עלטסטער זוהן איז נישט געווארן דער יורש/ממלא מקום פון די רבנות/רבי'סטווע. ספעציעל ביים קרייזער רב ר' אהרן, וועלכער איז נאך געווארן רב אין צאנז והגלילות בחיי אביו. דערפאר האט מען איהם גערופן קרייזער רב. מ'האט איהם נישט געוואלט רופן צאנזער רב...!
אבער דא איז געווען די פשוט'ע סיבה ווייל ר' אהרן טייטלבוים שליט"א האטציך צוקריעגט מיט משה גבאי. און ער האט איהם געסטראשעט אז ער וועט נישט ווערן סאטמאר'ע רבי. אפשר א רב אין א קליין ביהמ"ד ערגעץ אין פלעטבוש...! נאך גאנץ שיין אז ער האט איהם דאס פארגינען...!

מיר וואלטן זייער געבעטן @ימים זאל שוין צוקומען צו זיין פוינט און ארויסברענגען די חידוש פון דעם ארטיקל וואס ער וויל דא מחדש זיין וואס איז זיין wow פון דעם אשכול עפעס סודות וואס מיר ווייסן נאך נישט ביז היינט, איז דא עפעס א נייע זאך וואס ער וויל דא ארויפברענגען אדער קען אריין גיין די גאנצע אשכול אינעם אפגעשפארטן ימים ידברו אשכול

ווייל דעס אז אהרןןןןןןןןן איז דער ציוני ווייסן מיר שוין לאנג

דעס אז אהרןןןןןןןןן איז א רוצח און האט בלויז אבזעקווירט אויף יעדעם ווייסן מיר שוין לאנג

דעס אז אהרןןןןןןןןןןן זוכט צו זיין הייליגער ווי דברי יואל ווייסן מיר שוין לאנג

ועוד ועוד די ליסטע איז גרויס

וע"כ דעס אז משה גבאי איז דער גרעסטער ישרן וואס די אידישע וועלט האט נאך געזען אין די היסטארי דאס ווייס מיר שוין לאנג

סאו בלייב מיר ביי די קשיא חידוש האשכול מאי היא ?

די חלוק איז נאר אז איך האב דאס אלעס געליינט פון צייטונג שרייבער אויפ'ן דברי יואל נאך אין קראלי צייטן ווען מ'האט זיך געווארפן מיט ר' אביש'ל ערגער ווי מ'ווארפט זיך מיט א סקאנק

איך האב דאס אלעס געליינט אין פאשקעווילן און אין צייטונגען בימי הברך משה

און היינט ליין איך דאס אין צייטונגען און אין סאושעל מידיע בימי הלב אהרן

מ'רעדט נישט איין ווארט ערגער אויפ'ן לב אהרן ווי מ'האט גערעדט אויפ'ן דברי יואל אלעס קען מען היינט זעהן פון נישטערן אלעס איז הלא המה כתובים מ'דארף נאר זוכן און מ'טרעפט מ'האט אויפ'ן דברי יואל אויך געהאט א שפעט נאמען נאר דעמאלט האט געשריבען אין טראלסניוויע און יעצט שרייבט עס @ימים איך זעי נישט די נפק"מ

אינטערסאנט איך דערמאן מיך ווען מ'האט אמאל געפרעגט איינע פון די באקאנטע צייטונג שרייבער פ"וו עפעס דעם קלויזענבארגער האט מען געמעגט פייניגן און לייטנער נישט האט ער גענטפערט שתי תשובות

איינס אז די רבי ז,ל האט געמיינט לש"ש און דער סיגעטער נישט פון ווי ווייסטו דאס איז די מציאות

צווייטנס אז דער סיגוטער מיינט נאר זיך

אלתר משה איז דאך פארנומען מיט דעם אז דער סיגעטער האט גלייך אנגעהויבן נעמען וועיזשעס און גלייך אריינגעשטעלט זיינע קינדער משא"כ די רבי ז"ל האט קיינמאל גענומען קיין וועיזשעס און נישט אריינגעשטעלט זיינע קינדער ווייל ער האט נישט געהאלטן אז די קהלה איז זיינס

נאר וואס יעצט איז א דור ווייטער יעצט וויל@ימים זאגן ניין דער ברך משה איז דאך געווען עפעס אבער דער אהרןןןןןןןןן איז אני ואפסי די זעלבע חזעריי

דער העצער פון נעקסטע דור גייט שרייבן אהרן איז כאטש איך ווייס וואס אבער דער מענדל איז דאך איך ווייס וואס

בקיצור היסטארי גייט איבער מיט אנדערע נעמען און אנדערע שרייבער

כל מה שאירע אישע

גיי מיר צוריק צום זעלבן קשיא

חידוש האשכול מאי היא ??????????????

ליטוואק פון בודאפעסט האט געשריבן:איך זוך טאקע די תשובה להלכה וועגען גייען אין כותל, ווי קען איך עס טרעפען? ?

איך ענטפער פאר די וואס ווילן וויסן, נישט פאר דעם בודאפעסטער ליטוואק, די בירור הלכה וועגין גיין צום כותל איז אין עה׳ג ועה"ת פון סימן פ"ח און ווייטער

Sent from my LG-K120 using Tapatalk