א פרישע גזרה אויף סמארטפאונס

איש חזון, יו נעווער דיסאפאוינט. האסט נאך קיין איין תגובה וואס איז נישט קיין פערזענליכע שטאך קעגן די מגיב נישט געשריבן.

עס זעט אויס אז דיין שטעלונג איז אז דער בעלזער רבי איז א גארנישט, אבער וויבאלד ניקס אויף קאוועשטיבעל טויגען אזוי נישט, ממילא איז עס גענוג אז ער זאל זיין עפעס און אזוי ביסטו זיין חסיד.

עס איז א רחמנות אויף דיר אז די אייניציגסטע סמיכה וואס דיין רבי דארף האבען איז ׳בעסער ווי קאוועשטיבעל ניקס׳. עפען דיר די אויגען, קענסט טרעפן בעסער אין דער וועלט. דארפסט זיך נישט מוטשען אזוי שטארק.

Sent from my LG-K373 using Tapatalk

ש'כח
א ניק וואס שיסט הנחות סתם פאר די פאן אוו איט, פארשעמט זיך אליין, איך בין עס נאר מחדד...
פארשטייט זיך איך מיין נישט אייך (ווייל מען דארף עס ניטאמאל מחדד זיין, כידוע לכל באי שערי קאווע שטיבל...)

ליטוואק פון בודאפעסט האט געשריבן:ווען עס קומט מיר אויס צו טרעפן עסקנים און שוויצערס, זעט מען גארנישט די גרויסע מענטשליכע אדער אידישליכע מעלות זייערע. עס איז אזא טבע פון זיין א טוטזיך, און וועלן בויען זאכען. דאס קענן טון זאכען איז קיינמאל נישט קיין באווייז אויף גדלות צו חכמה, עס איז א נאטור. יא, מיר דארפען אנקומען צו אזעלכע מענטשן און פון די תועלת פון זייערע מעשים דארף מען זיי זיין דאנקבאר, אבער דאס קען גאר זיין די היפך פון צדקות. עס ליגט מיר אין קאפ אז דער חזו"א אין אמונה ובטחון דערמאנט די נקודה.

עכ"פ ארגאניזאציעס ווייזט נאר אויף ארגאניזאציעס

Sent from my LG-K373 using Tapatalk

מ'רעדט נישט דא פון גדלות , מ'איז דן אויב ער איז מקרב זיינע מענטשען אדער נישט
און אויף דעם האט מען גערעדט פון די ארגעניזאציעס,
וואס די זאגסט וועגן עסקנוות איז שייך וויל מען רעדט פון א עסקן א שוויצער וואס טוט וואס איז זיין נאטור און נישט ווען עפעס איז עם שווער ,
דא רעדט מען פון זאכן וואס קומט אן זייער שווער און ער האט גענוג אנדערע זאכן וואס מ'קען און מ'דארף ניצן די עסקנוות ,
אבער ער זעהט פאר וויכטיג צו נעמען נאך דאגות און פראיעקטן אויף זיך וואס זעהט אויס ווי א איבריגע זאך אבער ער האלט עס פאר וויכטיג ווייל מיט דעם ווען מען העלפן נאך מענטשען
נאך א נקודה ס'איז נישט א עסקן וואס נעמט א פראיעקט אויף זיך און פירט עס אויס
עס איז זיין מהלך החיים און זיין הדרכה וואס ער רעדט און טוט כסדר אין דעם

ליפא האט געשריבן:סמבטיון ס'איז מער ווי סתם א פילטער. אויב איז די צעטל פון וואס די אשכול רעדט

IMG-20181231-WA0022.jpg

גראדע איך הנאה פון די צעטל, עס זעהט אויס דאס איז פאר בחורים וואס ארבעטן. און אנדערע ווערטער לאזט די בעלזא קהלה א בחור וואס ארבעט האבן אפציעל א סמארטפאון. זיי בעטן נאר צו האבן א פילטער און נישט עס געבן אנדערע חברים.

ביבער האט געשריבן:די גוטע נייעס איז אז סמארטפאון'ס איז טאקע א גרויסע סכנה. נישט פאר אידישקייט אבער פאר חרדיזם יא. אנדערש ווי ביי אלע פריערדיגע מערכות וואס איז לכתחילה געווען דעזיינט צו קאנטראלן די מאסן (עיין 1984) איז אבער דער סמארטפאון א ערנסטע געפאר פאר חרדיזם ווייל "אינפארמאציע איז מאכט", חרדיזם וואס איז געבויט אויף פארמאכטקייט וועט נישט קענען אויסשטיין צו לאנג אקעגן אן אפענע וועלט. יעצט שיסט עס די לעצטע קוילן וואס עס האט נאך אבער נאך אביסל וועט שוין זיין והשיב לב בנים על אבותם, די קהלות וועלן צוריק אנפאנגען צו סערווירן זייערע מעמבער'ס אנשטאט די מעמבער'ס זאלן דינען דעם קהלה.

איך בין נישט זיכער צו דו אליינס פארשטייסט יא די טשולענט וואס דו האסט צאמגעווארפען.

זייט ווען איז חרידיזם א סיסטעם ווי מענטשען 'דינען' א אינסטיטוציע?

איך האב אלץ געוואוסט אז חרידיזם איז א געוויסע לעוועל אידישקייט וואס א מענטש פראקטיצירט, און איז גענצליך אומפארבינדן צו וועלכע קהילה דער מענטש אנבאלאנגט (אויב בכלל).

חרידיזם איז געבויעט אויף פארמאכקייט? זיי מסביר ביטע.

אפשר מיינסטו די וועג וויאזוי מ'פלעגט מחנך זיין די קינדער (צו חרידיזם און אידישקייט בכלל) איז געווען געבויעט אויף שיצן די מוחות פון זעהן אנדערע מיינונגען? דאס קען זיין, און איז אלץ געווען א אנגענומענע שיטה, און איז עפעס וואס וועט זיך מוזן עטוואס טוישן, מ'וועט מוזן אנהייבן פאקטיש צו 'מחנך' זיין אונזערע קינדער.

אבער רעד דיך נישט איין אז די רגע וואס דער עולם האט צוטריט צו יששכר כ"ץ'ס תורות (אדער עני אנדערע לינקער פאר דעט מעטטער) גייט מען אלץ דראפען. אונזערע מנהגים און מסורות זענען געבויעט געווארן אויף קלוגערע און הייליגערע אידן ווי די אפענע און אנאנימע אונטערנעט שרייבערלעך.

"אונזערע מנהגים און מסורות זענען געבויעט געווארן אויף קלוגערע און הייליגערע אידן ווי די אפענע און אנאנימע אונטערנעט שרייבערלעך."

אזוי? פששש.

יעקב מענטש האט געשריבן:אונזערע מנהגים און מסורות זענען געבויעט געווארן אויף קלוגערע און הייליגערע אידן ווי די אפענע און אנאנימע אונטערנעט שרייבערלעך.

קלוגערע און הייליגערע יא, אבער נישט consistent. קענסט זיין ווי הייליג און קלוג דו ווילסט, אבער אז דו ביזט נישט קאנסיסטענט, אויפריכטיג און אמת'דיג (עיין ערך אמונות הכרחיות), וועט דיך עס גארנישט העלפן. איינמאל מ'עפנט זיך די אויגן איז נישט מעגליך אז מ'זאל נישט זען די סתירות, וכך עונשו של בדאי, שאפילו דובר אמת אין שומעין לו.

יעקב מענטש האט געשריבן:

ביבער האט געשריבן:די גוטע נייעס איז אז סמארטפאון'ס איז טאקע א גרויסע סכנה. נישט פאר אידישקייט אבער פאר חרדיזם יא. אנדערש ווי ביי אלע פריערדיגע מערכות וואס איז לכתחילה געווען דעזיינט צו קאנטראלן די מאסן (עיין 1984) איז אבער דער סמארטפאון א ערנסטע געפאר פאר חרדיזם ווייל "אינפארמאציע איז מאכט", חרדיזם וואס איז געבויט אויף פארמאכטקייט וועט נישט קענען אויסשטיין צו לאנג אקעגן אן אפענע וועלט. יעצט שיסט עס די לעצטע קוילן וואס עס האט נאך אבער נאך אביסל וועט שוין זיין והשיב לב בנים על אבותם, די קהלות וועלן צוריק אנפאנגען צו סערווירן זייערע מעמבער'ס אנשטאט די מעמבער'ס זאלן דינען דעם קהלה.

איך בין נישט זיכער צו דו אליינס פארשטייסט יא די טשולענט וואס דו האסט צאמגעווארפען.

זייט ווען איז חרידיזם א סיסטעם ווי מענטשען 'דינען' א אינסטיטוציע?

איך האב אלץ געוואוסט אז חרידיזם איז א געוויסע לעוועל אידישקייט וואס א מענטש פראקטיצירט, און איז גענצליך אומפארבינדן צו וועלכע קהילה דער מענטש אנבאלאנגט (אויב בכלל).

חרידיזם איז געבויעט אויף פארמאכקייט? זיי מסביר ביטע.

ס'איז בערך אזוי ווי דו זאלסט פרעגן זייט ווען איז קאמיוניזם א סיסטעם וואס מ'דינט? איך האב אלס געוואוסט אז קאמוניזם איז א מין וועג פון גארווערמענט און איז גענצליך אומפארבינדן אין וועלכע לאנד מ'וואוינט.

חרדיזם איז געבויט אויף די דעה אז אונז זעמיר די איינציגסטע וואס זענען גוט, אמת, הייליג און די גאנצע וועלט איז שלעכט, שקר און טמא און יעדער איז אונז מקנא וכו' וכו'. כדי צו קענען אנהאלטן די אונז קעגן זיי מאטא טאר מען נישט זיין עקספאוזט צו פשוטע פאקטן פון די דרויסענדיגע וועלט.

מיר האט מען אויסגעלערנט אז איך פראקטיציר א מער אפגעהיטענע אידישקייט ווי דער מאדערן ארטאדאקס, מער חומרות און מער גדרים, אבער ס'מיינט אוודאי נישט אז זענען נישט קיין אידן, נאר זיי זענען 'שוואכערע' אידן (איך רעד אויף דעם ציבור בכלל, אוודאי ביחידות איז דא צדיקים ורשעים אין יעדע געזעלשאפט אויף די וועלט).

מיט וואס פונקטליך איז דאס Wראנג?

@רבינו הק'

איך האלט אינמיטן בליקן וואס דו צייכענסט צו, און איך ווייס נישט וואס דאס האט דייקא מיט 'חרידיזם'? דאכט זיך אז אין די יסודות היהדות איז נישט דא קיין אונטערשיד צווישן דעם חרידי און דעם מאדערן ארטאדאקס?

מיר דאכצעך אז יא, אוודאי גלייבן אונז אלע די זעלבע שטותים, אבער ביי זיי ווייסט מען כאטש אז ס'איז שטותים.

רביה''ק זי''ע האט געשריבן:

יעקב מענטש האט געשריבן:אונזערע מנהגים און מסורות זענען געבויעט געווארן אויף קלוגערע און הייליגערע אידן ווי די אפענע און אנאנימע אונטערנעט שרייבערלעך.

קלוגערע און הייליגערע יא, אבער נישט consistent. קענסט זיין ווי הייליג און קלוג דו ווילסט, אבער אז דו ביזט נישט קאנסיסטענט, אויפריכטיג און אמת'דיג (עיין ערך אמונות הכרחיות), וועט דיך עס גארנישט העלפן. איינמאל מ'עפנט זיך די אויגן איז נישט מעגליך אז מ'זאל נישט זען די סתירות, וכך עונשו של בדאי, שאפילו דובר אמת אין שומעין לו.

ווער פונקטליך פין אונזערע מנהיגים איז געווען קלוגער אדער הייליגער ווי מיך?
סאטמאר רבי?
פאפא רבי?
שאול יצחק ראבינאוויטש ?

סאטמאר רב האט געהאט אכצן דורות.
די ראבינאוויטש אנהענגער טענה'ן אז ער האט געהאט ניינצן דורות נאר משום עונה ומשום כבודו דסאטמאר רב האט ער עס נישט מפרסם געווען.

די לעצטע מאל כ'האב געטשעקט, האט ער געהאט 16 דורות...! נאר ס'איז שוין אריבער א לאנגע צייט זייט דאמאלס...!

berlbalaguleh האט געשריבן:די לעצטע מאל כ'האב געטשעקט, האט ער געהאט 16 דורות...! נאר ס'איז שוין אריבער א לאנגע צייט זייט דאמאלס...!

גערעכט, יעצט טאקע איבערגעקוקט און באמערקט אז די זיבעצענטע דור האט שטארק פוגם געווען רח"ל.

חסיד פון ליטא האט געשריבן:סאטמאר רב האט געהאט אכצן דורות.
די ראבינאוויטש אנהענגער טענה'ן אז ער האט געהאט ניינצן דורות נאר משום עונה ומשום כבודו דסאטמאר רב האט ער עס נישט מפרסם געווען.

איך האב גענומען א DNA טעסט וואס האט געצייגט אז איך בין אפשטאמיג פין 2024 דורות נוטרי ברית קודש.

און דיין בארד האט מען אויך נישט אפגעשניטן ביים קריג
(אגב, די יחוס העלפט נאר אויב מ'איז זעלבסט אפגעהיטן, לידיעה בעלמא)

גראדע האב איך נאכנישט געהאט א בארד ווען די קריג איז אויסגעבראכן

חסיד פון ליטא האט געשריבן:סאטמאר רב האט געהאט אכצן דורות.
.

שוין יארן וואס איך פארש ווער די חזיר פון די נייצעטן דור איז געווען, עני העלפ?

יעקב מענטש האט געשריבן:מיר האט מען אויסגעלערנט אז איך פראקטיציר א מער אפגעהיטענע אידישקייט ווי דער מאדערן ארטאדאקס, מער חומרות און מער גדרים, אבער ס'מיינט אוודאי נישט אז זענען נישט קיין אידן, נאר זיי זענען 'שוואכערע' אידן (איך רעד אויף דעם ציבור בכלל, אוודאי ביחידות איז דא צדיקים ורשעים אין יעדע געזעלשאפט אויף די וועלט).

מיט וואס פונקטליך איז דאס Wראנג?

פשוט, נישט אלעס איז מער חומרהדיג. אסאך זענען געמאכט געווארן פאר גאנץ אנדערע סיבות ווי אידישקייט. אסאך זענען פלעינע טעותים. אסאך זענען גאר קעגן די שו"ע. אסאך האבן פלעין געמיינט זייער עגא. און בכלל גארנישט איז אזוי שווארץ און ווייס ווי מ'האט אונז אויסגעלערנט. חרדיזם (כהיום) איז נישט קיין לעוועל פון אידישקייט נאר א סיסטעם פון קאנטראלן א געזעלשאפט. ועל זה אנו דנין.

רביה''ק זי''ע האט געשריבן:מיר דאכצעך אז יא, אוודאי גלייבן אונז אלע די זעלבע שטותים, אבער ביי זיי ווייסט מען כאטש אז ס'איז שטותים.

שווער צו גלייבן אז ס'איז אזוי.

די רגע וואס א מענטש איז מחליט אז ס'איז שטותים (כלשונך) האלט מען גארניקס.


א יעדער איינער וואס פיהרט זיך אידיש -אפגעזעהן וועלכע לעוועל אידישקייט מ'פראקטיצירט- מיט א ערנסטקייט, האט א געוויסע צוטרוי צו אבותינו ורבותינו אז וואס מיר טוען איז 'אמת', וויפיל קענסטו וואס הייבן אן פון סקרעטש און פראבירן מוכיח זיין יעדע זאך מיט שכל, און וואס גייט נישט אריין אין מוח (מחמת קוצר המשיג ועומק המושג) היט מען נישט?

ביבער האט געשריבן:חרדיזם איז געבויט אויף די דעה אז אונז זעמיר די איינציגסטע וואס זענען גוט, אמת, הייליג און די גאנצע וועלט איז שלעכט, שקר און טמא און יעדער איז אונז מקנא וכו' וכו'. כדי צו קענען אנהאלטן די אונז קעגן זיי מאטא טאר מען נישט זיין עקספאוזט צו פשוטע פאקטן פון די דרויסענדיגע וועלט.

איך באמערק דא איינער וואס האלט ער איז גוט און אמת און וואס ער ריפט חרדיזם איז שקר און שלעכט!
ער איז עקספאוזט צו פשוטע פאקטן פון די דרויסענדיגע וועלט, אבער סיי ווער וואס געהרט צי חרדיזם ווייסט פשוט נישט די פאקטען!

נישט שיין!

איך האב נישט דורך געליינט די גאנצע אשכול, אבער וואס איז די גרויסע געטומל?
ער זאגט נישט אז מען טאר נישט האבן א סמארטפאן, ער זאגט בסך הכל אז כדי צו מאכן א שמחה אין די קהל'ישע בנין דארף מען צושטעלן צו די תקנות הקהלה בנוגע פילטערס וכו'. פונקט ווי די פארשטייסט אז די קהלה האט רעכט צו מאכן א תקנה אז מען טאר נישט סערווירן טשולענט ביי א קידוש, מעגן זיי אויך מאכן די תקנה.

Sent from my Moto E (4) using Tapatalk

איר האט פארלעצט צוויי לעצטיגע ק"ש כללים;
1. איר האט זיך מתייחס געווען לעצם הענין, דאס איז א הארבע פארברעך דאהי.
2. איר האט גענוצט אייער שכל.

קלוגע יודל האט געשריבן:איך האב נישט דורך געליינט די גאנצע אשכול, אבער וואס איז די גרויסע געטומל?
ער זאגט נישט אז מען טאר נישט האבן א סמארטפאן, ער זאגט בסך הכל אז כדי צו מאכן א שמחה אין די קהל'ישע בנין דארף מען צושטעלן צו די תקנות הקהלה בנוגע פילטערס וכו'. פונקט ווי די פארשטייסט אז די קהלה האט רעכט צו מאכן א תקנה אז מען טאר נישט סערווירן טשולענט ביי א קידוש, מעגן זיי אויך מאכן די תקנה.

אפשר וואלט כדאי געווען יא ערשט דורכצולייענען דער אשכול בפרט מיט א ניק ווי אייערס. נאר אז איר האלט אז ארויסשטעלן א יונגערמאן פון בית מדרש איז ווי נישט סערווירן טשולנט איז אפשר טאקע נישט כדאי צו לייענען ווייל עס וועט אייך לכאורה נישט העלפן.

נאר איין קליינער חילוק: די תקנה פון טשולנט איז בגדר חפצא און איז מנוסח אז אין ביהמ"ד ביי א קידוש טאר מען נישט געבן טשולנט. משא"כ די תקנה פון סמארטפאונס זענען א גברא און זאגט אז טאמער האט מען א סמארטפאון האט מען אין ביהמ"ד נישט קיין פלאץ. נאר היות זיי וועלן דארפן ארויסווארפן צופיל יונגעלייט קומען זיי בעקיפין און זיי זאגן דו טארסט ביי אונז נישט מאכן א ברית און שמחה.

און אז דו פארשטייסט נאך אלץ נישט דער חילוק, טשולנט האט נישט בלוט און האט נישט קיין רעכטן, און א מענטש האט יא.

יעפ, סאמהאו האט זיך לעצטענס שטארק פארמערט די מוח דחוק'ס, קטנות און עקסטרעם טפשות איז די גייענדיג קארענסי דא. גראדע מיין איך אז עטליכע האלטן שוין ביי כל מקדש ניק שביעי.