רבותי! איך האלט עס שוין נישט אויס!
איך האלט מיט זינט נעכטן די שמחה אין מירון ביים תנא קדישא, פון איין זייט קוקט עס אויס ווי עס איז טאקע א שמחה שלא כדרך הטבע (כדברי הבני יששכר הנ"ל) אבער מצד שני ריקן זיך אן א יעדע פאר שעה אן אנדערער כ"ק אדמו"ר, אדער משפיע, און ער נעמט די גאנצע התעוררות און שמחה וואס עס איז דא דארט אין מירון, פאר זיין כבוד און אטענטשען, ער דרייט מיטן עולם לויט זיין געשמאק, ווען ער וויל מען זאל וויינען, וויינט מען, ווען ער הייסט טאנצן, טאנצט מען. פארוואס? פארווען? אויב עס איז טאקע אזא העכערע טאג דארט, לאז עס נאטורלך, יעדע זאל זיך אויסגעבן ווען ער וויל, און ווי אזוי ער וויל, יעדער ווייסט אז אידן דארפן רפואות ישועות, און יעדער ווייסט אז ביי האי תנא קדישא קען מען געהאלפן ווערן, קיינער דארף עס נישט מודיע זיין, דער אייבישטער ווערט נישט דערשראקן ווען מען שרייט עס אין א מייק, רחמנא ליבא בעי. מען זאגט אז אין מערה איז יום כיפור און אין אינדרויסן איז שמחת תורה, עס הייבט זיך נישט אן, ר' דוד קאהן און ר' מילך בידערמאן וכדו' זיי פירן די געפילן פונעם עולם, און צודעם קומט נאך ווי יעדער פון זיי ברענגן זיך מיט עפעס אן אנדערע אנגעפרעסענע עושר פון חו"ל און ער איז דער וואס שטייט לעבן דער מדליק און ער באקומט די זכייה צו איבער געבן די צינדער פארן רבי'ן, רבוש"ע ! אביסל רעספעקט פארן הייליגן תנא, מיש נישט אריין דיין פרנסה און חניפה אויפן חשבון פון אזא הייליגע טאג, ווי די געפילן און הרגשים זענען מלא פאר אונזער הייליגער באשעפער.
איך ווייס אסאך פארשטייען בכלל נישט וואס איך וויל דא, איי קענ'ט העלפ יאו.