מיטוואך מאי 22, 2019 3:52 pm#430909
האדמו"ר מהרנ"צ מבאבוב זצ"ל בערוב ימיו
שטייענדיג א טאג פאר ל"ג בעומר, ווען עס ווערט געפירט א מאסיווע פראפאגאנדע-קאמפיין פון חצר באבוב-45 אז מ'זאל פוקד זיין אויפ'ן ציון פון זייער רבי'ן האדמו"ר מהרנ"צ מבאבוב זצ"ל, איז וויכטיג זיך אפצושטעלן און כאפן א בליק אויף דעם קאמפיין, און אויף דעם מציאות פון די לעצטע יארן פון רבי נפתל'טשע זצ"ל.
כ'וויל מקדים זיין אז איך בין נישט קיין באבובער חסיד, און כ'האב גארנישט קעגן האדמו"ר מהרנ"צ זצ"ל. פארקערט, כ'האלט אז רבי נפתל'טשע איז געווען א איד א צדיק, וועלכער האט זיך אוועקגעגעבן פאר אנדערע בלב ובנפש. א מענטש וועלכער האט ווייניג נהנה געהאט פון דער וועלט, און זיין גאנץ לעבן איז געווען אוועקגעגעבן צו זיין א יד ימין פון זיין טאטן, און העלפן יעדן איד וואס ער האט געקענט. אבער דאס נעמען א וואוילן איד, און בויען אויף אים אמונות טפילות, דארף קלאר דאקומענטירט ווערן. זאלן אונזערע קינדער וויסן אז ביים עם חכם ונבון, ווען שוטים און שארלאטאנען קומען מיט פרישע אמונות טפילות, זענען פאראן אזעלכע וואס קויפן נישט.
איז וואס גייט למעשה פאר? נאך פאר דער פטירה פון זיין טאטן, האדמו"ר בעל דברי שלמה זצ"ל, האט שוין ר' נפתל'טשע געליטן אויף פארשידענע מיחושים. נאכדעם וואס ער איז געווארן רבי האט באבוב שוין נישט געהאט די חיות פון אמאל, היות דער נייער רבי איז געווען שוואך און האט ווייניג געקענט טון. נאך א קורצער צייט איז דער מצב פון האדמו"ר מהרנ"צ געווארן ערגער סיי פיזיש און סיי גייסטיש, און זיין קלארקייט איז נישט אייביג געווען אמבעסטן. אידן וואס זענען אריין צום רב זצ"ל אין יענע יארן געדענקען גוט ווי ער איז ליידער אפט געווען צעמישט, האט געזאגט זאכן וואס האבן נישט געשטימט, און האט נישט אייביג געכאפט וואס עס קומט פאר.
דעמאלט, איינמאל ווען א איד איז אריין צו האדמו"ר מהרנ"צ פאר א ברכה, האט ער זיך גענומען רעדן צעמישט איבער ל"ג בעומר, מיינענדיג אז דער איד האט חתונה געהאט אום ל"ג בעומר. נאכדעם וואס דער איד האט פרובירט קלאר צו מאכן אז זיין חתונה איז בכלל נישט געווען ל"ג בעומר, האט דער רב זיך נעבעך געהאלטן ביי זיינס, און געזאגט "איך ווייס וואס איך רעד. איך האב א סימן."
דער חסיד איז נישט פון די גיבורי הדעת, אבער אפילו פאר אים האט גענומען 8 יאר אז אט דער צעמישעניש זאל זיך צעוואקסן אין א הוראה פון רבי'ן, און ער האט מחליט געווען אז ס'איז פאראן א סגולה צו דאווענען ביים קבר פון מהרנ"צ אום ל"ג בעומר. פארשטייט זיך, ווי דער סדר פון אלע אמונות טפילות, עס האט נישט גענומען לאנג און עס האבן זיך גענומען פליסן "מופתים", און קטני הדעת, בפרט פון חסידות באבוב-45, שטראמען אין די מאסן צום קבר של אותו צדיק, אפצוצייכענען די גייסטיש-שוואכע תקופה פון זייער רבי'ן.
איבער די יארן האט זיך די מעשה אביסל געטוישט. היינט דערציילט מען שוין נישט אז מהרנ"צ האט יענעם געזאגט אז ער האט חתונה געהאט אום ל"ג בעומר, היות מ'קען כאפן אז דער איד איז ליידער נישט אינגאנצן געווען דאהי.
הגם דער רבי פון באבוב-45, האדמו"ר ר' מרדכי דוד אונגאר, האלט זיך קליגער פון דעם און שטעלט זיך נישט צו די קטני הדעת, שמעקט אים אבער גאנץ פיין אז עס טוט זיך א פראפאגאנדע לטובת זיין שווער, כאילו זיין קבר איז א מקום פאר ישועות נפלאות.
מיר האלטן מיט ווי א נייער ענין ווערט געבוירן אונטער אונזער נאז, אלעס געבויט אויף צעמישטע פראזן פון א הייליגן איד מיט דעמענציע. די חסידים שוטים לאזן נישט איבער קיין ברירה, נאר אז מ'זאל דאקומענטירן פאר היסטאריע וויאזוי גענוי די לעצטע יארן ביי האדמו"ר מהרנ"צ זצ"ל האבן ליידער אויסגעקוקט - והוא מחולל מפשענו.
כ'וויל מקדים זיין אז איך בין נישט קיין באבובער חסיד, און כ'האב גארנישט קעגן האדמו"ר מהרנ"צ זצ"ל. פארקערט, כ'האלט אז רבי נפתל'טשע איז געווען א איד א צדיק, וועלכער האט זיך אוועקגעגעבן פאר אנדערע בלב ובנפש. א מענטש וועלכער האט ווייניג נהנה געהאט פון דער וועלט, און זיין גאנץ לעבן איז געווען אוועקגעגעבן צו זיין א יד ימין פון זיין טאטן, און העלפן יעדן איד וואס ער האט געקענט. אבער דאס נעמען א וואוילן איד, און בויען אויף אים אמונות טפילות, דארף קלאר דאקומענטירט ווערן. זאלן אונזערע קינדער וויסן אז ביים עם חכם ונבון, ווען שוטים און שארלאטאנען קומען מיט פרישע אמונות טפילות, זענען פאראן אזעלכע וואס קויפן נישט.
איז וואס גייט למעשה פאר? נאך פאר דער פטירה פון זיין טאטן, האדמו"ר בעל דברי שלמה זצ"ל, האט שוין ר' נפתל'טשע געליטן אויף פארשידענע מיחושים. נאכדעם וואס ער איז געווארן רבי האט באבוב שוין נישט געהאט די חיות פון אמאל, היות דער נייער רבי איז געווען שוואך און האט ווייניג געקענט טון. נאך א קורצער צייט איז דער מצב פון האדמו"ר מהרנ"צ געווארן ערגער סיי פיזיש און סיי גייסטיש, און זיין קלארקייט איז נישט אייביג געווען אמבעסטן. אידן וואס זענען אריין צום רב זצ"ל אין יענע יארן געדענקען גוט ווי ער איז ליידער אפט געווען צעמישט, האט געזאגט זאכן וואס האבן נישט געשטימט, און האט נישט אייביג געכאפט וואס עס קומט פאר.
דעמאלט, איינמאל ווען א איד איז אריין צו האדמו"ר מהרנ"צ פאר א ברכה, האט ער זיך גענומען רעדן צעמישט איבער ל"ג בעומר, מיינענדיג אז דער איד האט חתונה געהאט אום ל"ג בעומר. נאכדעם וואס דער איד האט פרובירט קלאר צו מאכן אז זיין חתונה איז בכלל נישט געווען ל"ג בעומר, האט דער רב זיך נעבעך געהאלטן ביי זיינס, און געזאגט "איך ווייס וואס איך רעד. איך האב א סימן."
דער חסיד איז נישט פון די גיבורי הדעת, אבער אפילו פאר אים האט גענומען 8 יאר אז אט דער צעמישעניש זאל זיך צעוואקסן אין א הוראה פון רבי'ן, און ער האט מחליט געווען אז ס'איז פאראן א סגולה צו דאווענען ביים קבר פון מהרנ"צ אום ל"ג בעומר. פארשטייט זיך, ווי דער סדר פון אלע אמונות טפילות, עס האט נישט גענומען לאנג און עס האבן זיך גענומען פליסן "מופתים", און קטני הדעת, בפרט פון חסידות באבוב-45, שטראמען אין די מאסן צום קבר של אותו צדיק, אפצוצייכענען די גייסטיש-שוואכע תקופה פון זייער רבי'ן.
איבער די יארן האט זיך די מעשה אביסל געטוישט. היינט דערציילט מען שוין נישט אז מהרנ"צ האט יענעם געזאגט אז ער האט חתונה געהאט אום ל"ג בעומר, היות מ'קען כאפן אז דער איד איז ליידער נישט אינגאנצן געווען דאהי.
הגם דער רבי פון באבוב-45, האדמו"ר ר' מרדכי דוד אונגאר, האלט זיך קליגער פון דעם און שטעלט זיך נישט צו די קטני הדעת, שמעקט אים אבער גאנץ פיין אז עס טוט זיך א פראפאגאנדע לטובת זיין שווער, כאילו זיין קבר איז א מקום פאר ישועות נפלאות.
מיר האלטן מיט ווי א נייער ענין ווערט געבוירן אונטער אונזער נאז, אלעס געבויט אויף צעמישטע פראזן פון א הייליגן איד מיט דעמענציע. די חסידים שוטים לאזן נישט איבער קיין ברירה, נאר אז מ'זאל דאקומענטירן פאר היסטאריע וויאזוי גענוי די לעצטע יארן ביי האדמו"ר מהרנ"צ זצ"ל האבן ליידער אויסגעקוקט - והוא מחולל מפשענו.