חת"ם סופר: איך וואלט ענדערש אויסגערעכנט וואס זיי זאללן נישט טון. איך רעד שוין נישט פון גאנץ אין אנהייב ווען דער בלאט האט אנגעהויבן צו ערשיינען איז עס געווען אזוי ווי א קיהל ווינטל אין א הייסן תמוז'דיגן טאג. וויל נאכדעים וואס כלל ישראל איז געווען אויסגעמוטשעט פון דערליידן און טאלערירן די שטותים און שקרים (נאך מילד גערעדט) און שנאת ישראל וואס דער איד האט געפרעדיגט פאר יארן נאכאנאנד. איז געקומען א יונגער צייטונג און האט אויפגענומען שרייבערס אינטעליגענטע אינגעלייט תלמידי חכמים וועלכע האבן געהאט ברייטע ידיעות הן במילי דשמיא און הן במילי דעלמא. און זיי האבן נישט געפרעדיגט שנאת ישראל. (נישט אויסצומישן מיט שנאת מדינת ישראל). זיי האבן אייביג געברענגט באריכטן פון אידן איבער די גאנצע וועלט. ווייל ביים ..."איד"... איז נישט געווען אזא זאך ווי אידן. אויסער די ענגע קרייזן פונ'ם אייגענעם חצר. א יעדער אנדערער איז נישט געווען פאררעכנט אלס איד. איז געקומען דער יונגער בלאט (אויף וועלכן דער ברך משה האט מכלומרש'ט ארויסגעגעבן אן איסור.) און געברענגט באריכטן פון אידן איבער די וועלט...!
מיט די צייט. און אפשר אלס פחד וואס די קרייזן פונ'ם ..."איד"... וועללן זאגן. און ח"ו ארויפלייגן אויף זיי דעם סטמעפל פון ציונות, ל"ע רח"ל מהאי דעתא. האבן זיי אויפגענומען שרייבערס ווי הרב ש.ב. מרגליות (שמואל שלמה טעללער) וועלכער האט פרובירט נאכצומאכן דעם נוסח און סטייל פון הרב ישראל מ. סופר. (דעם אנדער'ן פאוני בעלאוני מנשה'לע פיליפ.). און זיי האבן אנגעהויבן צו שרייבן פארדרייטע און פאררוקטע ארטיקלען. און געשריבן מיט דעם סטייל וואס מ'רעדט צו א כיתה פון 5 יעריגע אינגעלעך...! אבער קיין אפענע שנאת ישראל, אזוי ווי זייער עלטערער קאזין דער איד, פרעדיגן זיי נאכנישט, ב"ה...!
אשר על כן. איז מיין פערזענליכע בקשה און וואונטש אז זיי זאללן ווייטער ממשיך זיין דעם דרך. און נישט נאכמאכן דעם..."איד"... זיי קענען נאר בעסער ווערן. און נישט ח"ו ערגער...!
