לכבוד הרב @טמיר מוז איך אריינקומען מיט אפאר ווערטער.
דאס אז דו טרעפסט נישט די פלאץ אין קאנטרי איז זייער נארמאל. עפטער אלל גייט מען דארט ווי די ווייב וויל און ס׳מוז נישט זיין אז יענער עולם זאל פונקט זיין צו דיין געשמאק. אויב ביזטו פעשליך און וואלי איז נישט פאר דיר, און גייסט פונקט אויף דייעט און די מלוה מלכה/קידוש מעניו איז אויך נישט פאר דיר ביזטו שוין אויסגעשלאסן פון האלב פון די קאנטרי שמועסן.
און צו די פראבלעם גופא, קודם לאמיר דיר זאגן וואס נישט צו טוהן,
פרעג נישט יענעם קיין קשיות וואס איז נישט נוגע, ווייל דאס רעגט אויף. (סארי @כוכב) איך האב מענטשן וואס פרעגן מיר יעדע צוויי וואכן די זעלבע קשיות און איך קוק זיי אן ווי קלעבעדיגע שליים, ווי למשל איינער פרעגט מיר שוין די לעצטע פאר חדשים עטליכע מאל וואס האט דיין שווער נעקסט, א בחור אדער א מיידל? ער מאכט א אנשטעל כאילו ער טראכט פון א שידוך, אבער היות ער פרעגט עס שוין צום זיבעטן מאל זעה איך אז ער וויל סתם דרייען א קאפ.
אנדערע הייבן אן בערך אזוי: וויאזוי איז יאנקעל לעמענאוויטש רילעטעד צו דיר, ער איז דיין פעטער אדער עלטער פעטער, אהה, בכלל נישט ענקער משפחה.... הייסטעס אן אנדערער לעמענאוויטש אינגאנצן... א מינוט, ענק זענען כהנים, זיי לוויים. גאט איט! גראדע דיין פעטער משה געדענק איך פון ישיבה... ס׳דיין ברודער גאר, ער איז דאך סך עלטער פון דיר, הייסטעס ער איז די עלטסטער און די די יונגסטער... אהה, איינס פאר די יונגסטער. אנדערע הייבן אן, געב מיר דיין שוואגערס זרח׳ס נומבער, דו ווייסט צו ער טוט נאך בראוקערידזש? ער האט נישט מצליח געווען? דו ווייסט ווער ס׳איז ערענסט מצליח דערין? גראדע אלע ווייענען יעצט...
אזוי פארפירט זיך נישט קיין שמועס, און אויב ווילסטו האבן אזעלעכע שמועסן גאו פאר איט
דאס אלעס איז נישט די וועג צו מאכן פריינד! פינטל! אויף דעם וועג מאכט מען שונאים, מ׳קויפט זיך איין א נאמען פון א פגע רע
נאר וואס דען יא...
די וועג צו מאכן פריינד איז רעדן פון עכטע רעלעווענט סאבדזשעקטס, אין די צייט ווען די אנדערער מענטש האט צייט און וויל כאפן א שמועס. נישט ווען ער שטייט צווישן די מקוה געיט און די קאווע רום און ער זוכט די מקוה קארטל, נאר אין בור ווען ער האט א רואיגע מינוט. נישט נאכן זייפן זיין פנים אינמיטן טעסטן צו די שויער איז קאלט אדער הייס. נאר פארן זיך אנהייבן זייפן. און אויך נישט פרייטאג נאכמיטאג אין גראסערי, נאר דאנערשטאג נאכט אין גראסערי, און איינמאל ער טוט אויס די רבינו תם תפילין שטיי ווייט, ער וויל שוין גיין, רעד צו אים צווישן רש״י און ר״ת. געט די פוינט.
וואס רעדט מען?
האסט אים נישט געזעהן א שטיק צייט געב אים שלום, פרעג אים נישט ווי ער איז געווען ווייל דאן ביזטו ווייטער א נודזש, (שטייצעך, ווענדט זיך ווי גוט די ביזט מיט אים) ענדערשט דערצייל פון דיר אז דו ביזט יעצט געווען אין האצנפלאץ און די לבנה קוקט דארט אויס בלו, און דאן וועט ער שוין אנהייבן רעדן
אדער דערצייל אים אז דיין ברודער קוים ניין חדשים עלטער פון דיר האט פאריגע וואך געהאט די צענטע קינד עלף יאר נאך זיין חתונה, ער וועט שוין דערציילן די איבריגע, ער קען א חבר׳ס ברודער׳ס שכן אין אזא מצב, ס׳קומט א גוטע גאסיפ, דאנט ווארי.
אויב האט ער יעצט א שידוך געטוהן דערצייל אים אז דו האסט געמאכט שבע ברכות אין קראסנא, האסט געמאכט א חשבון אז ס׳איז ביליגער פון סעליש. דאן וועט ער אנהייבן דערציילן וואס זיין מחותן האלט דערוועגן...
אויב איז נישטא עפעס ספעציעל צו דערציילן הייב אן מיט עפעס וואס שטייט פאר דיינע אויגן און לייג צו דיינע צוויי צענט. (נישט פרעג אים וואס ער האלט) ווי למשל דער וואס מאכט די אפיעל היינט רעדט באמת מיט הארץ, אבער איך האב נישט קיין פרוטה אויף מיר ווען איך האב ווען איז ער פון די ערשטע אויף די ליסט (זאג נישט אז איך האב נישט קיין דזשאב יעצט ווייל דו מאכסט די סיטואציע טרויעריג, און יענער וועט ענדערשט רעדן מיט איינעם וואס מאכט אים גוטמוטיג)
די נקודה איז הייב אן מיטיילן געפילישע/אנאלעזירטע אינפארמאציע און יענער וועט שוין אנהייבן א שמועס, זאלסט קיינמאל נישט אנהייבן מיט א קשיא, (חוץ ווען דו האסט באמת א קשיא) קום אריין מיט א מיינונג, א שפעקולאציע, און לאז יענעם פרעגן