נ"י טיימס: מסירת נפש פאר מצות שופר אין אוישוויץ

דער ניו-יארק טיימס האט פארעפנטליכט אן ארטיקל איבער מסירת נפש וואס אידן האבן געהאט מקיים צו זיין תורה ומצוות אינעם אוישוויץ טויט-לאגער, און בפרט די מצוה פון שופר. דער ארטיקל איז צענטרירט איבער א שופר וואס ווערט יעצט אריינגעשטעלט אינעם האלאקאסט מוזעאום אין מאנהעטן, וואס איז געבלאזן געווארן אין די שווערסטע מענטשליכע אומשטענדן.

א געוויסער מר. יחזקאל טידאר האט באקומען דעם שופר פון עמיצן אין אוישוויץ פאר די טויט-מארשן. יענער האט אים געזאגט, "איך גיי נישט איבערלעבן דעם מארש. אויב דו בלייבסט לעבן, נעם דעם שופר. זאג זיי אז מיר האבן געבלאזן דעם שופר אין אוישוויץ."