זונטאג דעצעמבער 01, 2019 12:09 pm#439368
פרישע נידריגע שטופע פאר אהרונים מיט מיאוס'ע אקציע קעגן הרז"ל
די אידישע וועלט האט אויפגענומען מיט שאק און שוידער די ידיעה איבער דער פרישער נידריגקייט וואו די אהרונים האבן דערגרייכט, מיט א מיאוס'ער אקציע קעגן זייערע קעגנער אין שפיץ פון האדמו"ר ר' זלמן לייב טייטלבוים מסאטמאר.
עס איז באקאנט אז האדמו"ר מסאטמאר האט נארוואס אפגעהאלטן א גאר סוקסעספולע נסיעה קיין ארץ ישראל, וואס האט געדינט מחזק צו זיין מיט געלט און מאראלישער שטיצע די ערליכע אידן אין ארצינו הק' וואס בוקן זיך נישט צום בעל. טויזנטער אידן פון אלע ערליכע שיכטן און קרייזן האבן אויפגענומען דעם רבי'ן מיט מלכות'דיגע אויפנאמעס אין פילע שטעט אין לאנד, טייטלנדיג מיט'ן פינגער אז אט דער רבי וועט בע"ה ברענגען משיח צו כלל ישראל.
אבער הרשעים כים נגרשו, די כת האהרונים וועלכע קריצט מיט די צייט יעדעס מאל וואס האדמו"ר ר' זלמן לייב איז מצליח אויפצוטון פאר כבוד שמים, האט נישט אויסגעהאלטן דער אומגלויבליכער סוקסעס פון דער נסיעה, און האט מחליט געווען אפצוטון א גאר מיאוס'ע אקציע וואס זאל שטעלן אין שאטן די גאנצע נסיעה, און פערזענליך טשעפען און באליידיגן דעם סאטמארער רבי'ן. כדי אפצוטון זייער געמיינעם שטיקל האבן זיי זיך נישט אפגעהאלטן פון פאלן עד דיוטא התחתונה, אויסגעבנדיג אלפים ורבבות אויף דער אקציע, אך ורק צו טשעפען מיט א מנהיג העדה, און זיינע צענדליגער טויזנטער חסידים.
וויסנדיג ווי ס'גייט בנפשו פונעם רבי'ן אז מ'זאל נישט דרוקן קיין בילדער פון צורתו הק', ווי דער משמש בקודש האט געשריבן אין א בריוו צו די רעדאקציעס פון אלע צייטונגען און אויסגאבעס, האבן די אהרונים מחליט געווען צו נוצן אט די ערליכקייט פון רבי'ן אים צו טשעפען דערמיט.
די כת האהרונים האבן אינפילטרירט די נסיעה, שיקנדיג פאטאגראפיסטן וועלכע זענען – פארשטעלט ווי חסידי האדמו"ר – מיטגעפארן מיט'ן רבי'ן אין יעדן פלאץ וואו ער איז נאר געווען, און אפגעכאפט גאר קלארע און פראפעסיאנאלע בילדער פון צורתו הק'. צו דעם האבן די אהרונים אונטערגעקויפט פאר גאר גרויסע געלטער אלע חרדישע אויסגאבעס אז זיי זאלן טרעטן בשאט נפש אויף דער הוראה און רצון פונעם סאטמארער רבי'ן, און זאלן פראמינענט דרוקן בילדער פון רבי'ן פונקט אין די וואכן פון דער נסיעה הרוממה! ס'איז זיי נישט גענוג געווען פשוט צו טרעטן אויפ'ן רבי'ן, נאר זיי האבן נאך גענוצט די סאמע בילדער וואס זענען געכאפט געווארן ביי דער נסיעה הרוממה מיט דעם גופא צו פייניגן און וויי טון דעם רבי'ן – פאר'ן בלויזן חטא פון מאכן א סוקסעספולער נסיעה לרומם קרן הדת. כדי מ'זאל נישט קענען נאכגיין זייערע שפורן, האבן זיי דייקא נישט געדרוקט בילדער פון רבי'ן אין זייער אייגענער צייטונג "דער בלאט", אז נאאיווע מענטשן פון איבער דער וועלט זאלן נישט כאפן אז ס'איז די אהרונים אליין וואס האבן אונטערגעשטעלט די גאנצע ווייטאגליכע בילדער-ספעקטאקל וואס טוט אזוי וויי פאר האדמו"ר מסאטמאר.
עס איז באקאנט אז האדמו"ר מסאטמאר האט נארוואס אפגעהאלטן א גאר סוקסעספולע נסיעה קיין ארץ ישראל, וואס האט געדינט מחזק צו זיין מיט געלט און מאראלישער שטיצע די ערליכע אידן אין ארצינו הק' וואס בוקן זיך נישט צום בעל. טויזנטער אידן פון אלע ערליכע שיכטן און קרייזן האבן אויפגענומען דעם רבי'ן מיט מלכות'דיגע אויפנאמעס אין פילע שטעט אין לאנד, טייטלנדיג מיט'ן פינגער אז אט דער רבי וועט בע"ה ברענגען משיח צו כלל ישראל.
אבער הרשעים כים נגרשו, די כת האהרונים וועלכע קריצט מיט די צייט יעדעס מאל וואס האדמו"ר ר' זלמן לייב איז מצליח אויפצוטון פאר כבוד שמים, האט נישט אויסגעהאלטן דער אומגלויבליכער סוקסעס פון דער נסיעה, און האט מחליט געווען אפצוטון א גאר מיאוס'ע אקציע וואס זאל שטעלן אין שאטן די גאנצע נסיעה, און פערזענליך טשעפען און באליידיגן דעם סאטמארער רבי'ן. כדי אפצוטון זייער געמיינעם שטיקל האבן זיי זיך נישט אפגעהאלטן פון פאלן עד דיוטא התחתונה, אויסגעבנדיג אלפים ורבבות אויף דער אקציע, אך ורק צו טשעפען מיט א מנהיג העדה, און זיינע צענדליגער טויזנטער חסידים.
וויסנדיג ווי ס'גייט בנפשו פונעם רבי'ן אז מ'זאל נישט דרוקן קיין בילדער פון צורתו הק', ווי דער משמש בקודש האט געשריבן אין א בריוו צו די רעדאקציעס פון אלע צייטונגען און אויסגאבעס, האבן די אהרונים מחליט געווען צו נוצן אט די ערליכקייט פון רבי'ן אים צו טשעפען דערמיט.
די כת האהרונים האבן אינפילטרירט די נסיעה, שיקנדיג פאטאגראפיסטן וועלכע זענען – פארשטעלט ווי חסידי האדמו"ר – מיטגעפארן מיט'ן רבי'ן אין יעדן פלאץ וואו ער איז נאר געווען, און אפגעכאפט גאר קלארע און פראפעסיאנאלע בילדער פון צורתו הק'. צו דעם האבן די אהרונים אונטערגעקויפט פאר גאר גרויסע געלטער אלע חרדישע אויסגאבעס אז זיי זאלן טרעטן בשאט נפש אויף דער הוראה און רצון פונעם סאטמארער רבי'ן, און זאלן פראמינענט דרוקן בילדער פון רבי'ן פונקט אין די וואכן פון דער נסיעה הרוממה! ס'איז זיי נישט גענוג געווען פשוט צו טרעטן אויפ'ן רבי'ן, נאר זיי האבן נאך גענוצט די סאמע בילדער וואס זענען געכאפט געווארן ביי דער נסיעה הרוממה מיט דעם גופא צו פייניגן און וויי טון דעם רבי'ן – פאר'ן בלויזן חטא פון מאכן א סוקסעספולער נסיעה לרומם קרן הדת. כדי מ'זאל נישט קענען נאכגיין זייערע שפורן, האבן זיי דייקא נישט געדרוקט בילדער פון רבי'ן אין זייער אייגענער צייטונג "דער בלאט", אז נאאיווע מענטשן פון איבער דער וועלט זאלן נישט כאפן אז ס'איז די אהרונים אליין וואס האבן אונטערגעשטעלט די גאנצע ווייטאגליכע בילדער-ספעקטאקל וואס טוט אזוי וויי פאר האדמו"ר מסאטמאר.