פרישע רוסישע קאנספיראציע אויפן האריזאנט אין וואשינגטאן.

קאך_לעפל האט געשריבן:

לאמיר שוין זאגן אז עס איז יא קראנט.

אין די נישט ווייטע פארגאנגנהייט האט רוסלאנד אינוואנדירט אפגאניסטאן. אמעריקע האט דאן געצאלט שווערע געלטער פאר די איסלאמישע מאדזשהאדין, דאן האט מען זיי גערופן פרייהייט קעמפער, צו הרג'נען רוסישע זעלנער. 15 טויזענט רוסישע קעמפער זענען ברוטאליש גע'הרג'עט געווארן אויף די פארשנייטע בערג פון אפגאניסטאן, מיט די דירעקטע הילף און גוטהייסונג פון די סי. איי.עי. ווי איז דאן געווען די ווייגעשריי פון ניו יארק טוילעט פעפער טיימס? אמעריקע מעג שיקן געלט פאר לענדער צו הרג'נען רוסן, און רוסלאנד טאר נישט? די היפאקראטיע שרייט דאך ביז צום הימל...
סארא מין טענה איז דאס?? אמעריקע זאל טוהן וואס איז גוט פאר איר, און רוסלאנד וועט טוהן וואס איז גוט פאר איר, אבער נאכאלס וועלן זיי ליידן קאנסעקווענצן איינער פון אנדערן.

און לאמיר שוין זאגן אז די געשיכטע איז אמת. זאל שוין זיין. וואס גענוי דארף פרעזידענט טראמפ איצט טאן? אמעריקע זאל אריינשיקן טאנקן אין מאָסקווע, פראטרופן אין פעטערבורג? אנהייבן א נוקליערע קריג מיטן געוועזענעם רויטן פארבאנד?
ניין אבער ער מעג ווערן פארגעהאלטן אויף אזא באריכט אויב עס שטעלט זיך ארויס אלס אמת (אין דעם בין איך שוין נישט אזוי זיכער, עס איז שטארק יתכן אז דאס איז נאך א פארברענטע לאטקע אויף אים)

די סאציאליסטישע דעמאקראטן בלאזן אויף די געשיכטע ווי ס'וואלט ווען געווען דער גרעסטער סקאנדאל אין די געשיכטע. דער באוויסטער שארלאט און ליגנער, קאמעראד אדם שי''ט פון קארליפארניע, איז גאר אויפגעשטאנען פון זיין לאנגען בערן שלאף אין וועלכע ער איז נאך טיף פארזינקן זינט מען האט אים געכאפט מיט די הויזן אראפ ביי זיי פריערדיגער רוסישע פיקציע וואס קאמאראד מוללער האט געברענגט צו איר צוזאמפאל. ער קאמאנדעוועט ארום אז ער גייט אויספארשן און דערגיין צי די טוילעט פעפער טיימס געשיכטע האט עפעס האפט... און אז יא וואס? נאכאמאל אימפיטשען? מיר זענען אלע פאר דעם.... דער ספעקטאל ווי דער ליגנער שטייט פארן סענאט און פראבירט זיי צו באיינפלוסן אז זיינע פיקציעס זענען גאר רעאליטעט איז געווען להחיות כל חי....

קאך_לעפל האט געשריבן:דו טראכסט קרים, דו רעדסט קרים, און די שרייבסט קרים!

וואס איך זאג איז, אז נישט אמעריקע און נישט רוסלאנד מעג! א לאנד וואס האט באצאלט פאר מענטשען צו הרג'נען זייערע פיינט, האט נישט וואס צו שרייען אז עס קומט צוריק אהיים!
צווייטנס שגץ שטיק קומט פאר איבעראל, ס''איז נישט קיין נייע ערשיינונג. און אזוי גייט די וועלט, און מ'קען גארנישט טאן.....
וואס פאר א רעאקציע שלאגן די דעמאקראטן פאר צו טאן? סאנקסיעס? כ'ווייס נישט וועלכע סארט סאנקיציעס מען קען נאך נוצן.... מ'האט שון אלע פארנוצט....

ליטוואק פון בודאפעסט האט געשריבן:עס טוט זיך דא א גאנצע ספין.

דער נ.י. טיימס באריכט א מעשה. פיין. דאס איז זיכער א וויכטיגע אינטרעסאנטע מעשה פאר יעדער בירגער, לינק אדער רעכט. די מעשה איז טאקע א שרעק, ווייל אפיציעל איז אמעריקא נישט אין א מצב פון מלחמה מיט רוסלאנד, און דא זעט מען אז רוסלאנד האט געפירט א מלחמה מיט אמעריקא. ווי קומט לינק דא אריין? נאר היינט מיינט 'רעכט' גלויבן וואס טראמפ זאגט, אנשטאטס די אלטע טייטש פון דער טערמין.


האט טראמפ דערפון געוואוסט?
לכאורה נישט, ווייל ער ווייסט דאך גארנישט. ער הערט דאך נישט אויס די טעגליכע באריכטן, כפי שהודה מעצמו והעידו עליו כמה מהמקורבים. אבער פאר די אלע וואס מיינן אז זיין גארנישט וויסן איז נישט קיין פראבלעם, זאלן יעצט פארשטיין אז פון נישט וויסן וואס טוט זיך, האט מען א רוסישע מיליטער וואס פירט זיך מיט impunity.

שוין, וואס האט טראמפ געקענט טון דערוועגן? איך בין נישט קיין מיליטער מענטש, ממילא ווייס איך נישט. אבער זאל ער אויסרופן הויעך און קלאר אז רוסלאנד טוט וואס זי וויל מיט אמעריקאנער זעלנער, און מיר קענען גארנישט טון. מיר זענען אן אומבאלומפעטע מדינה, וואס מוז לאזן יעדעם טון מיט אונז וואס זיי ווילן. און נאך דעם קושן די קאנטשיק און זאגן אז פוטין איז אונזער פריינט, נאמנים פצעי אוהב.

MAGA

ליטוואק פון בודאפעסט האט געשריבן:די סבה פארוואס דאס אזי א באמב שעל איז דייקא פון די רעכטע זייט.
א לינקע פארשטייט אז די זאכן זענען קיינמאל נישט פשוט, און מ'קען נישט סתם אפפסקנ'ן פון א מעשה'לע. עס איז פונקט ווי בענגאזי.
עס איז נאר א באמב שעל פאר די רעכטע, וואס האלטן בשיטה אז מ'טאר נישט אריין גראבן אין א מעשה צו זען די פרטי פרטים, נאר אויבערפלעכליכעהייט. און אויבערפלעכליך איז דאס א פאטש פאר טראמפ, ווען ער חבר'ט זיך אזוי מיט פוטין בשם עם אמעריקא, און דערווייל האט ער צוריק געשטויסן. נישט פאר טראמפ פערזענליך זיין באון ספעירס זענען נאך אין די בעסטע ארדנונג, ווי אויך זיין הלוואות פון די רוסישע באנקן. נאר אמעריקאנער זעלנער האבן באצאלט די פרייז פאר זיין נאכלעסיגקייט. דער וואס האלט בענגאזי איז א פראבלעם, דארף דא זיך אויך שרעקן.

ליפא האט געשריבן:ווער געדענקט נאך ווי אבומא מיט די מידיע האבן אפגעלאכט פון ראמני ווען ער האט געזאגט אז רוסלאנד איז די נומבער 1 Foe פון אמעריקע.