מיין איבערזיכט אויף די איסט סייד פילעם:
די תקופה איז זייער גוט, די מעשה איז גאר לאנגווייליג כמעט די גאנצע ערשטע שעה, דערנאך ווערט עס אביסל מער דראמאטיש.
עס האט מיר שרעקליך נערוועז געמאכט פון צייטן וואס מען זעהט נישט גארנישט אינטערסאנט, דהיינו מענטשען וואקען, פייגלעך טשיפקען, די בלעק סקרין פון איין צענע צו די נעקסטע איז צו לאנג, און בכלל די אקטיארן האבן עפעס די וועלטס צייט און יאגען זיך נישט אין קיין ערגעץ.
לויט מיינע חשבונות איז מינומם א האלבע שעה פון די פילעם געשטופט דאס צייט מיט שטותים וואס מען זעהט נישט גארנישט תכלית אין די מעשה דערפון, און עס וואלט אפילו מעגליך געווען צו שניידען פיל מער.
איך פארשטיי אז דאס איז געטוען געווארן אז עס זאל מער בארעכטיגן די געפעפערטע פרייז ווי זייער פריערדיגע פילעם, וואס איז בלויז געווען א שעה פאר פערציג טאללער אינדערצייט וואס איך קען ווען קוקן א מולטי מיליאן דאלערדיגע פראדוקציע פאר בלויז דריי. אבער נעקסטע מאהל ביטע כאטשיג אנפילען די צייט מיט תוכן.
נאך גאר א וויכטיגע פוינט וואס האט מיר געשטערט איז די שפיגעל ווי דער הויפט אקטיאר האלט און איין אריינקוקען, עס וואלט אינטערסאנט געווען פאר צוויי דריי מאהל, אבער איז און גאנצען ארויס פון די גרעניץ, און מאכט די גאנצע זאך גאר לאנגווייליג. איך האב מיר שוין אנגעהויבן פרייען ווען זילבער האט אים געווארפען פון זיין הויז, און אפילו געווען בשמחה אזער גייט זיין היימלאז אבי דעם שפיגעל גיי איך מער נישט דארפן זעהן, אבער איך בין געווארן אנטוישט צו זעהן אז זיין נייע כאטקע, וואס אפילו א בעט פארמאגט עס נישט האט זיך פארשאפט א שפיגל....
די פילעם פארמאגט כמעט ,אויב בכלל נישט קיין עקשאן, דראמא נאר אביסל און נאר צום סוף. די קאמעדי איז קינדעריש אהן קיין חדושים. עס בלייבט כמעט נישט איבער קיין שום אינטערסאנטקייט צו די גאנצע שפיל. עס איז גאר ענליך צו א לאנגווייליגע דאקמונטאציע.
די קאסטיום'ס פון דער אנדערע זייט זענען געווען זייער שיין און געשמאק. עס האט געפארבט א אויטענטישע און עכט בילד צו די ערא פון די מעשה. אויב עס איז דא איין עכטע אויטענטישע זאך אין די פילעם איז עס דאס.
די סעטס זענען דא אפאר שיינע זאכן, די מארק האט אויסגעקוקט זייער איסט סייד'יג מיט ארגינעלע פארצייטישע טאוולען און געשעפטן. די איינציגסטע זאך וואס שטימט נישט דארטן איז אז אין דער איסט סייד איז נישט געוועהן קיין מארק נאר געשעפטן, אבער מען קען דאס גרינג פארקוקן.
די סעט וואס איך גלייך די מערסטע איז דער ציגארן געשעפט פון ארי. עס איז מלכיותדיג און פארצייטיש, און דארט איז די איינציגסטע פלאץ וואס האט מיר ממש צירוק געטראגן אין א טיים מאשין צום גלארייכען אמאהל. מר. זילבערס דירה איז נישט שלעכט קוקט אויס גאנץ פאסיג. און יונה'ס דירה האב איך געגליכן די שימעל און די נאכגעלאזטקייט דערפון, כאטשיג עס קוקט נישט אויס בכלל ווי א דירה אין דער איסט סייד. ווי אויך האט מיר געשטערט אז מען קען זעהן דארטן א סורוועילענס קעמרא און די האללוועי, וואס קען ווען פארווישט ווערן דורך יעדער חדר אינגל נאר זיי האבן זיך אדער נישט געקימערט, אדער פארזעהן (איך ווייס נישט וועלעכע עס איז ערגער)
די כארעקטורן: די קארוקטור פון יונה איז אזוי אנגעבלאזן דער גאנצע צייט, מען קען נישט ארויס באקומען קיין שמייכעל פון אים פאר קיין געלט. לדעתי פארשטיי איך נישט פארוואס מען האט אים נישט געקענט מאכען פאר א פלעינע פרייליכע אידל וואס האלט זיך פעסט נישט צו מחלל שבת זיין, אבער פארוואס מוז ער זיין אזוי זויער? ער שטופט יעדן אוועק פון זיך און לאזט זיך נישט העלפן. אויב האבן דאס די דירעקטארס אזוי פארגעשריבן האט חיים ברוין געמאכט א מעסיוו ארבעט און עקט.
די דייטשע מאפיאנערן קוקט אויס ווי א ספאנישער אדער א חסידישע איד וואס רעדט ענגליש און האלט און איין צוהאקען זיינע ציינער. ווי אויך ווען די מאפיא פאלגט נאך יונה ממש געציילטע פיס טריט אפגערוקט פון אים און ער כאפט נישט, איז ממש א געלעכטער, ווען זיי וואלטען ווען דא געקענט מאכן א גוטע עקשאן צענע.
ארי מאכט א מאסיווע ארבעט ווי אייביג און איז א ריכטיגע שרעקאנווארפענדע פרעזידענט אוו דע שאול ווי אלעס ווערט געפירט אויף זיין אנווייזונג.
מר זילבער שפיעלט אויך גאר גוט זיין פארט ווי א גאט פארכטיגע ווארעמע איד וואס מיינט אמת'דיג דעם באשעפער, אבער קען ליידער נישט עומד בנסיון זיין צו ארבעטן אום שבת, אבער פירט נאך אלץ א געהויבענע שבת סעודה און וואקט צו דער ארבעט, וואס גיט אויף אים א ערנסטע בליק.
דער פאטאגרעפי איז טאקע קלאר און געשמאק, אבער האט נישט עפעס קיין באזונדערע קריעיטיוועטי.
סך הכל בין איך גאר פרייליך אז עס איז דא נאך היימישע אינטערטעינמעט אויסגעהאלטן לכל הדעות און דאס איז באגריסענד ביז גאר, און איך האף אז זיי און אנדערע וועלן מאכן געלט דערפון אז עס זאל זיך לוינען ארויס צוגעבן סאך מער פרעפעסיאנאלע זאכן אויפן היימישען שטייגער און ערפילען די חלל וואס עס הערשט ביי אונזער מארקעט. עס זאל זיך לוינען צו אינוועסטן מיר געלט אין די פראיעקטן.