וועלכע היימישע צדקה ארגעניזאציע איז די מערסטע עהרליך

זונטאג אקטאבער 02, 2022 2:02 pm#509945

אסאך מאל וויל איך מנדב זיין געלט פאר צדקה, בפרט יעצט אין די ימי הרחמים והרצון, און איך וואלט געוואלט געבן פאר א היימישע ארגעניזאציע וואס איך ווייס איז עהרליך און ניצט די געלט פאר עכטע צדקה צוועקן.

פארשטייט זיך אז די צוועק דארף זיין א נארמאלע צוועק (נישט מקוואות אין די הרי הררט), אבער וואס פינקטליך עס איז איז נישט אזוי וויכטיג. די עיקר אז איך קען וויסן אז זיי זענען עהרליכע מענטשן און אז עט ליסט 80-90 פראצענט פון די געלט גייט טאקע פאר די צוועק וואס זיי זאגן צו.

איז וועלכע היימישע ארגעניזאציע האט א נארמאלע עהרליכע באורד וואס מ'קען טראסטן, אדער האט אפענע ביכער, און מ'קען וויסן אז זיי זענען א עהרליכע ארגעניזאציע? און אויב ס'איז נישט דא איינס וואס האט א נארמאלע אפענע חשבון, וואס איז די נענטסטע צו דעם וואס כ'קען די מערסטע זיך פארלאזן אז זיי זענען עהרליך?

אלע הודעות פון ששון ושמחה

זונטאג אקטאבער 02, 2022 2:13 pm#509946

לויפערס ארגאניזציע פאר אלמנות און יתומים איז לעגיט

אלע הודעות פון מר. קלונימוס

זונטאג אקטאבער 02, 2022 2:30 pm#509947

מר. קלונימוס האט געשריבן:לויפערס ארגאניזציע פאר אלמנות און יתומים איז לעגיט

עס האט די נאמען לויפער אין זיך.. שמעקט שוין נישט לעגיט...

אלע הודעות פון שמן למאור

זונטאג אקטאבער 02, 2022 2:59 pm#509948

מר. קלונימוס האט געשריבן:לויפערס ארגאניזציע פאר אלמנות און יתומים איז לעגיט

ביסט ערענסט אדער ליצנות? איך פרעג ווייל איך ווייס נישט. (און איך זוך ערענסטע ענטפערס און נישט ליצנות)

אלע הודעות פון ששון ושמחה

זונטאג אקטאבער 02, 2022 3:08 pm#509950

ששון ושמחה האט געשריבן:
מר. קלונימוס האט געשריבן:לויפערס ארגאניזציע פאר אלמנות און יתומים איז לעגיט

ביסט ערענסט אדער ליצנות? איך פרעג ווייל איך ווייס נישט. (און איך זוך ערענסטע ענטפערס און נישט ליצנות)

זייער ערנסט. יעדער וואס מעלדט זיך דארט באקומט פיש און פלייש א גאנץ יאר בדרך כבוד דעליווערט, אויך מצות אויף פסח ד' מינים אא''וו און דאס איז איבער גאנץ אמעריקע און קאנאדא נישט נאר ''היימישע''... כ'גלייב רוב צדקות זענען ערליך אבער די איינע האב איך מיטגעהאלטן און כ'בין נתפעל געווארן.

אלע הודעות פון מר. קלונימוס

זונטאג אקטאבער 02, 2022 3:13 pm#509952

אבער וויאזוי קען מען וויסן אז ער איז ערליך מיט געלט? אפשר טאקע טיילט ער צוויי מיליאן דאלער אין עסן פאר מענטשן אבער ער שנארט 5 מיליאן, און 3 דערפון גייט אין טאש?

ווען איך רעד פון עהרליכקייט רעד איך נישט פון טאקע טוהן צדקה וחסד, ווייל איך בין זיכער אז אלע ארגעניזאציעס טוען. נאר די שאלה איז וויפיל נדבות זיי באקומען א יאר און וויפיל דערפון גייט טאקע פאר נצרכים.

אלע הודעות פון ששון ושמחה

זונטאג אקטאבער 02, 2022 3:25 pm#509953

קופת עזרה אין מאנסי. 100 פראצענט גייט פאר נצרכים (אלע זייטיגע הוצאות ווערט געדעקט פון זייער געשעפט nearly new thrift shop,
aka מציאות

אלע הודעות פון יין שרף

זונטאג אקטאבער 02, 2022 3:43 pm#509954

האסט טאקע נישט עפעס א פעטער/ברודער/שוואגער וואס קען נוצן די געלט??

Family first איז אויך א פסוק וואס מענטשן (האבן ליב צו) פארגעסן, מבשרך אל תתעלם.

(מיר האט א יוד פארציילט ווי נאכ’ן געבן זיין מעשר פארן דיין צו אויסטיילן פאר אידן וואס קענען עס נוצן האט די דיין ארויפגעשריבן אויפן ענוועלאפ מרת.. זיין ווייבס נאמען און אים געבעטן טראג עס ביטע אריבער צו די משפחה..)

אלע הודעות פון מתבודד

זונטאג אקטאבער 02, 2022 4:02 pm#509955

לויפער'ס קאסע פאר אלמנות איז לעגיט און איז די מערסטע בדרך כבוד. איינע פון זיינע פאנדרעיזערס זאגט מיך אז ער איז אויף פעיראל און באקומט נישט קאמישאן וואס מיינט אז מער געלט קומט אן צו די נצרכים. איך פערזענדליך געב פאר קרובי משפחה דורך איינע פון מיינע שוואגערס וואס האט א קאסע ספיציעל פאר קרובים.

אלע הודעות פון תנחום

זונטאג אקטאבער 02, 2022 4:20 pm#509956

זארג זיך נישט ווי די געלט גייט, דו טוה דיינס און די אייבערשטער וועט טוהן די רעשט, עס איז נישט דיין פליכט צו בודק זיין די ציצות פון יעדע נצרך צו ער איז לעדזשיט, אז דו געבסט צדקה מיט א גיטע כוונה, איז די זכות פינקט אזוי גרויס כאטש סעגייט פאר עפעס אן עסקן אין טאש.

אלע הודעות פון סמבטיון

זונטאג אקטאבער 02, 2022 4:40 pm#509957

1+ פאר לויפער. נישט אז ער גיבט אפ דין וחשבון פארן פובליק אבער עס לאזט זיך זייער שווער גלייבען אז ער טיילט צוויי און שנארט פינף. ער גייט אליינס ארום צוזאמשטעלן די געלט אן קיין מארקעטינג, דינערס, אדער גאו פאנד מי׳ס. יעדער אידישע עסן געשעפט און ניו יארק און קיובעק וואס האלט א טעב האט א לויפער אקאונט וואו נצרכים קענען אויפשרייבען, no limits, no judging . עכט א סעמפל פון אמאליגע טיפישע סאטמארע צדקה.

ס׳וואלט געווען טאקע אינטערעסאנט אויב ס׳איז דא א מהלך צו רעיטן צדקה ארגעניזאציעס און אויב עס קען ארבעטען ביי אונז אויך.

אלע הודעות פון מונטסורי

זונטאג אקטאבער 02, 2022 4:56 pm#509958

Re: וועלכע היימישע צדקה ארגעניזאציע איז די מערסטע עהרליך

קיינמאל געהערט פון דעם לויפער, ווי קען מען מנדב זיין?

אלע הודעות פון פאליטיקאנט

זונטאג אקטאבער 02, 2022 5:18 pm#509959

איז דעיס די זעלבע לויפער פון די אריזאנע ווייץ מערכה?

אלע הודעות פון חב''ד הויזן

זונטאג אקטאבער 02, 2022 6:16 pm#509960

סמבטיון האט געשריבן:זארג זיך נישט ווי די געלט גייט, דו טוה דיינס און די אייבערשטער וועט טוהן די רעשט, עס איז נישט דיין פליכט צו בודק זיין די ציצות פון יעדע נצרך צו ער איז לעדזשיט, אז דו געבסט צדקה מיט א גיטע כוונה, איז די זכות פינקט אזוי גרויס כאטש סעגייט פאר עפעס אן עסקן אין טאש.

סמבטיון: לאוו דווקא. ווייל ווען א מענטש געט צדקה/מעשר וויל ער וויסן אז ס'גייט נישט צו עפעס א געריבענעם סוחר אין די קעשענע.

איך בין בד"כ מבחין צווישן א יחיד וואס גייט נאך געלט (פאר זיך) און אן ארגאניזאציע. אויב א איד קומט בעטן א נדבה, וועל איך איהם געבן אפילו איך בין נישט זיכער אז ער זאגט דעם גאנצן אמת. ווייל לאמיר זאגן ער וועט זיך קויפן א סענדוויטש אדער אן אייז קריעם. האביך מחיה געווען א איד. משא"כ אן ארגאניזאציע וועלכע געט נישט איבער די מערסטע פון די געלטער פאר נצרכים זענען סתם א ביזנעס. וואס עטליכע מענטשן האבן פרנסה. איך קען (ליידער) מער ווי איין אזא ארגאניזאציע. אלעס מיט שיין קלינגענדיגע נעמען, פארשטייצעך.

ס'איז דא איין (צווישן אנדערע) אזא ארגאניזאציע וועלכע גייען ארום שנארן ביים היימישן עולם. זיי האבן זייער א שיין קלינגענדיגן נאמען. גראד ארויס פון סידור'ל. נאר איך ווייס נישט ווען ס'איז געווען די לעצטע מאל זיי האבן געטון א טובה פאר א איד. מעגליך אז זיי האבן אנגעהויבן אלס אן אמת'ע הילף ארגאניזאציע. אבער מיט די צייט האבן זיך די וועלכע זיצן ביי די שיסל געבויט שיינע הייזער. און געהאט טריפס קיין פלארידע און ארץ ישראל. נאר פרוביר בעטן א טובה פון זיי לשם די מטרה וואס זיי געבן אן. וועסטו באקומען 1001 תירוצים. אבער קיין הילף וועסטו נישט באקומען.

אלע הודעות פון berlbalaguleh

זונטאג אקטאבער 02, 2022 6:42 pm#509961

פאליטיקאנט האט געשריבן:קיינמאל געהערט פון דעם לויפער, ווי קען מען מנדב זיין?

אלע הודעות פון מר. קלונימוס

זונטאג אקטאבער 02, 2022 7:35 pm#509970

חב''ד הויזן האט געשריבן:איז דעיס די זעלבע לויפער פון די אריזאנע ווייץ מערכה?

יאפס, דער זעלביגע. ער האט אויך א מערכה מיט די לולבי שביעית, אויך האט ער גע׳רודפ׳ט על לא דבר דעם ניקעלשבורגער רבי׳ן און זיינע חסידים עד חרמה. אזוי איז עס, מענטשען זענען קאמפליצירט און ער איז אויך א פעקעדזש דיל, the good the bad & the ugly, אן אינטערעסאנטער קיצוני, אלטע סאטמארע מאטריאל וואס איז ווערט אן אפהאנדלונג פאר זיך.

אלע הודעות פון מונטסורי

זונטאג אקטאבער 02, 2022 8:33 pm#509971

ר' אברהם לויפער האט זיך זיינע אישוס אבער ער איז א צדיק פון א איד ער טייט מיליאנען אן פרעגן א שאלה!
איך האלט עס מיט יעדן ערב פסח זיין חלוקה [א קרוב מיינס בייקימט]
ער האט אויך אינטערסאנטע פי אר...
יעדע וואך א אנדערע בלעק אין ווייט טריקענע בריוו פון עפעס א גדול פון א אנדערע קרייז...
אין א בריוו פון א מקבל אויך יעדע וואך פון א צווייטע קרייז...

אלע הודעות פון מחצה''ק

זונטאג אקטאבער 02, 2022 9:13 pm#509975

מתבודד האט געשריבן:האסט טאקע נישט עפעס א פעטער/ברודער/שוואגער וואס קען נוצן די געלט??

Family first איז אויך א פסוק וואס מענטשן (האבן ליב צו) פארגעסן, מבשרך אל תתעלם.

(מיר האט א יוד פארציילט ווי נאכ’ן געבן זיין מעשר פארן דיין צו אויסטיילן פאר אידן וואס קענען עס נוצן האט די דיין ארויפגעשריבן אויפן ענוועלאפ מרת.. זיין ווייבס נאמען און אים געבעטן טראג עס ביטע אריבער צו די משפחה..)

אמת, אבער אז כ'האב א פינעווער פאר צדקה קען איך עס נישט געבן פאר מיין פעטער. אוודאי אויב וויל איך אמאל מנדב זיין א ערענסטע סכום וועט עס גיין פאר קרובים.

אלע הודעות פון ששון ושמחה

זונטאג אקטאבער 02, 2022 9:14 pm#509977

סמבטיון האט געשריבן:זארג זיך נישט ווי די געלט גייט, דו טוה דיינס און די אייבערשטער וועט טוהן די רעשט, עס איז נישט דיין פליכט צו בודק זיין די ציצות פון יעדע נצרך צו ער איז לעדזשיט, אז דו געבסט צדקה מיט א גיטע כוונה, איז די זכות פינקט אזוי גרויס כאטש סעגייט פאר עפעס אן עסקן אין טאש.

מ'דארף אבער טוהן השתדלות, און מ'מעג פרעגן ווער עס איז עהרליך. ס'איז דא א ענין צו געבן פאר עניים מהוגנים ווי די גמרא זאגט. און איך בין נישט די גרויסע גביר, אז כ'געב אפאר דאלער וויל איך אז ס'זאל כאטש אנקומען

אלע הודעות פון ששון ושמחה

זונטאג אקטאבער 02, 2022 9:23 pm#509978

מונטסורי האט געשריבן:
חב''ד הויזן האט געשריבן:איז דעיס די זעלבע לויפער פון די אריזאנע ווייץ מערכה?

יאפס, דער זעלביגע. ער האט אויך א מערכה מיט די לולבי שביעית, אויך האט ער גע׳רודפ׳ט על לא דבר דעם ניקעלשבורגער רבי׳ן און זיינע חסידים עד חרמה. אזוי איז עס, מענטשען זענען קאמפליצירט און ער איז אויך א פעקעדזש דיל, the good the bad & the ugly, אן אינטערעסאנטער קיצוני, אלטע סאטמארע מאטריאל וואס איז ווערט אן אפהאנדלונג פאר זיך.

דער שליסל ווארט איז ..."אלטע סאטמאר'ע מאטריאל"...ער טוט (לכאורה) חסד. אבער פון די אנדערע זייט האט ער א רעכט דיך צו טעראריזירן...!
ווי די הייליגע רש"י זאגט אויפ'ן פסוק..."חסידה. למה נקרא שמה חסידה? שעושה חסד עם חברותיה...! דערפאר איז זי אן עוף טמא. ווייל זי טוט נאר חסד מיט איהרע חבר'טעס. אבער נישט מיט אנדערע. פאר אנדערע האט זי שמות של גנאי און ריין טעראר...! ציוני. ארוני. שייגעץ.

אלע הודעות פון berlbalaguleh

זונטאג אקטאבער 02, 2022 10:59 pm#509980

berlbalaguleh האט געשריבן:
מונטסורי האט געשריבן:
חב''ד הויזן האט געשריבן:איז דעיס די זעלבע לויפער פון די אריזאנע ווייץ מערכה?

יאפס, דער זעלביגע. ער האט אויך א מערכה מיט די לולבי שביעית, אויך האט ער גע׳רודפ׳ט על לא דבר דעם ניקעלשבורגער רבי׳ן און זיינע חסידים עד חרמה. אזוי איז עס, מענטשען זענען קאמפליצירט און ער איז אויך א פעקעדזש דיל, the good the bad & the ugly, אן אינטערעסאנטער קיצוני, אלטע סאטמארע מאטריאל וואס איז ווערט אן אפהאנדלונג פאר זיך.

דער שליסל ווארט איז ..."אלטע סאטמאר'ע מאטריאל"...ער טוט (לכאורה) חסד. אבער פון די אנדערע זייט האט ער א רעכט דיך צו טעראריזירן...!
ווי די הייליגע רש"י זאגט אויפ'ן פסוק..."חסידה. למה נקרא שמה חסידה? שעושה חסד עם חברותיה...! דערפאר איז זי אן עוף טמא. ווייל זי טוט נאר חסד מיט איהרע חבר'טעס. אבער נישט מיט אנדערע. פאר אנדערע האט זי שמות של גנאי און ריין טעראר...! ציוני. ארוני. שייגעץ.

נישט ממש אמת ווייל העלפן העלפט ער יעדן

אלע הודעות פון מחצה''ק

זונטאג אקטאבער 02, 2022 11:10 pm#509981

ששון ושמחה האט געשריבן:
מתבודד האט געשריבן:האסט טאקע נישט עפעס א פעטער/ברודער/שוואגער וואס קען נוצן די געלט??

Family first איז אויך א פסוק וואס מענטשן (האבן ליב צו) פארגעסן, מבשרך אל תתעלם.

(מיר האט א יוד פארציילט ווי נאכ’ן געבן זיין מעשר פארן דיין צו אויסטיילן פאר אידן וואס קענען עס נוצן האט די דיין ארויפגעשריבן אויפן ענוועלאפ מרת.. זיין ווייבס נאמען און אים געבעטן טראג עס ביטע אריבער צו די משפחה..)

אמת, אבער אז כ'האב א פינעווער פאר צדקה קען איך עס נישט געבן פאר מיין פעטער. אוודאי אויב וויל איך אמאל מנדב זיין א ערענסטע סכום וועט עס גיין פאר קרובים.

הייסט דו האסט געעפנט דעי אשכול פאר א פינעווער? ס'קאסט דאך שוין מער געלט צו מעינטענען דעי אשכול ווי דיין פינעווער...

אלע הודעות פון חב''ד הויזן

מאנטאג אקטאבער 03, 2022 12:56 am#509983

איך בין נישט קיין חסיד פון אברהם לויפער, און זינט ס'איז שלש עשרה מדות איז ממש נישט פאסיג צו אויסקנעטן צו ער (אדער סיי ווער) איז עכט ערליך בינו לבין קונו. אבער, ער איז באמת גרייט צו העלפן יעדן איינעם אן אויסנאם. ער טיילט פעקלעך פאר פסח, און כ'פלעג אלס בחור גיין אויספולן די אפליקאציע, דארט פלעגט אנקומען כל צרוע וכל זב און ער האט יעדן אויפגענומען. געהאט אפאר גיידליינס פשוט נישט צו אביוזן די קאסע (נאטינג אבאוט חסידות אדער מענטאליטי, דזשאסט זיכער צו מאכן אז ער האט א לעדזשיט נאמען, אדרעס און טעלעפאן נומבער, און מכסת הנפשות האוכלות אין די משפחה) און ביסט געווארן אפראווט אקארדינגלי - אינסטענטלי אויפן ספאט.

כ'האב מיטגעהאלטן פערזענליך ווי ער דעקט געהעריגע פיש און בוטשער אקאונטס פאר אלמנות, מיט א בלענק טשעק (כמעט - דעקט נישט קיין טשיקארי בארדס צב"ש, אבער יא א געהעריגע נארמאלע וועכנטליכע פלייש ארדער, עוף און בשר פאר שבת און אינדערוואכן). און געזעהן ווי ער רעדט צו א באבוב'ער אינגערמאן פון לעיקוואוד, וואס זיין מאמע איז אן אלמנה, זיראו מיט סאטמאר, וועגן דעם פלייש אקאונט פאר די מוטער זיינע.

און ווי איינער האט דא ערווענט, ער גייט פאר קוואדערס אין ביהמ"ד, און מאכט נישט קיין פענסי דינערס, קיין גאו פאנד מיס און קיין בארביקיו'ס, ער האט נישט קיין גרויסע פריצישע הויז און ניטאמאל זיין ביהמ"ד איז מער ווי א ד' על ד' בעיסמענט. סאו קיין סאך געלט מאכט ער נישט, און ציצית איז ער נישט בודק, ע"כ לענ"ד שטומט ער מיט די "ערליך" קריטעריע פונעם פותח האשכול, און וואס דער בר נש טוט אלס אפ אויסער די ראמען פון זיינע מעשי צדקה איז טאטאלי אירעלעווענט.

אלע הודעות פון סביב העולם

מאנטאג אקטאבער 03, 2022 4:12 am#509985

ששון ושמחה האט געשריבן:אמת, אבער אז כ'האב א פינעווער פאר צדקה קען איך עס נישט געבן פאר מיין פעטער. אוודאי אויב וויל איך אמאל מנדב זיין א ערענסטע סכום וועט עס גיין פאר קרובים.

ס'גייט זיך הערן זייער petty, אבער די פינעווער פאר צדקה קענסטו יא געבן פאר דיין פעטער. פארוואס נאר אן ערענסטער סכום? ווען די טיילסט פאר יענעם געסטו א פינעווער, אפילו ס'איז א קליינע סכום, ווייל פרוטה לפרוטה מצטרפת, מילא פארדינט דער מקבל עפעס צום זאך, און ס'מאכט עם גוט פילען.

דיין קרוב דעזערווט די זעלבע. מאך עם גוט פילן. גייסט קויפן וויין לכבוד יום טוב? קויף א באטל פאר עם אויך, ס'מוז נישט זיין טייער, און בדרך כבוד אומגזאגט, געסטו עם די גוטע געפול אז ווען דו ביסט געווען אין וויין געשעפט האסטו געטראכט פון עם אין זיין מצב. דא איז אויך פרוטה לפרוטה מצטרפת, טוה עס נישט נאר איינמאל א יאהר, ווייל די קליינע רעקאגנישאנס קומען אן גאנץ ווייט, פארשטייט זיך נאר מיט שכל און בדרך כבוד.

גייסט חול המועד האלטן? נעם מיט דיין ברודער'ס קינדער מיט עפעס א תירוץ אז דיין קינדער דארפן קאמפעני. בדרך כלל קען מען דערשמעקן ווי מ'קען מאכן א גוט געפול בדרך כבוד פאר א משפחה מיטגליד.

דאס איז ריכטיגע מבשרך אל "תתעלם". די חיזוק פון דעם "נארישע" פינווער וכדומה, קען גיין זייער ווייט. ס'איז נישט די דאלאר amount, ס'איז די תתעלם זאך, א קליינס א וויכטיגס, כמאמר חז"ל (ב"ב אז ע"ב) אמר רבי יצחק כל הנותן פרוטה לעני מתברך בשש ברכות והמפייסו בדברים מתברך בי"א וכו', עיי"ש. א יעדער ווייסט ביי עם אין משפחה וועלעכע קלייניגקייט איז גאנגבאר. האסט דא סיי צדקה מיט געלט און סיי צדקה בגוף.

אלע הודעות פון וואלווי

מאנטאג אקטאבער 03, 2022 8:17 am#509988

סביב העולם האט געשריבן:איך בין נישט קיין חסיד פון אברהם לויפער, און זינט ס'איז שלש עשרה מדות איז ממש נישט פאסיג צו אויסקנעטן צו ער (אדער סיי ווער) איז עכט ערליך בינו לבין קונו. אבער, ער איז באמת גרייט צו העלפן יעדן איינעם אן אויסנאם. ער טיילט פעקלעך פאר פסח, און כ'פלעג אלס בחור גיין אויספולן די אפליקאציע, דארט פלעגט אנקומען כל צרוע וכל זב און ער האט יעדן אויפגענומען. געהאט אפאר גיידליינס פשוט נישט צו אביוזן די קאסע (נאטינג אבאוט חסידות אדער מענטאליטי, דזשאסט זיכער צו מאכן אז ער האט א לעדזשיט נאמען, אדרעס און טעלעפאן נומבער, און מכסת הנפשות האוכלות אין די משפחה) און ביסט געווארן אפראווט אקארדינגלי - אינסטענטלי אויפן ספאט.

כ'האב מיטגעהאלטן פערזענליך ווי ער דעקט געהעריגע פיש און בוטשער אקאונטס פאר אלמנות, מיט א בלענק טשעק (כמעט - דעקט נישט קיין טשיקארי בארדס צב"ש, אבער יא א געהעריגע נארמאלע וועכנטליכע פלייש ארדער, עוף און בשר פאר שבת און אינדערוואכן). און געזעהן ווי ער רעדט צו א באבוב'ער אינגערמאן פון לעיקוואוד, וואס זיין מאמע איז אן אלמנה, זיראו מיט סאטמאר, וועגן דעם פלייש אקאונט פאר די מוטער זיינע.

און ווי איינער האט דא ערווענט, ער גייט פאר קוואדערס אין ביהמ"ד, און מאכט נישט קיין פענסי דינערס, קיין גאו פאנד מיס און קיין בארביקיו'ס, ער האט נישט קיין גרויסע פריצישע הויז און ניטאמאל זיין ביהמ"ד איז מער ווי א ד' על ד' בעיסמענט. סאו קיין סאך געלט מאכט ער נישט, און ציצית איז ער נישט בודק, ע"כ לענ"ד שטומט ער מיט די "ערליך" קריטעריע פונעם פותח האשכול, און וואס דער בר נש טוט אלס אפ אויסער די ראמען פון זיינע מעשי צדקה איז טאטאלי אירעלעווענט.

WOW
ווען איך האב געעפענט די אשכול האב איך געמיינט אז למעשה וועט מען ארויסקומען מיט עפעס א פענסי ארגעניזאציע וואס האט אפענע ביכער. דערווייל האלט מיר ביי א וויליאמסבורגע אנטי אריזאנע ווייץ עקסטרעמיסט!! אבער אז עס איז אזוי גייט מיין צדקה גיין פאר אברהם לויפער!!

אלע הודעות פון ששון ושמחה

מאנטאג אקטאבער 03, 2022 8:18 am#509989

וואלווי האט געשריבן:
ששון ושמחה האט געשריבן:אמת, אבער אז כ'האב א פינעווער פאר צדקה קען איך עס נישט געבן פאר מיין פעטער. אוודאי אויב וויל איך אמאל מנדב זיין א ערענסטע סכום וועט עס גיין פאר קרובים.

ס'גייט זיך הערן זייער petty, אבער די פינעווער פאר צדקה קענסטו יא געבן פאר דיין פעטער. פארוואס נאר אן ערענסטער סכום? ווען די טיילסט פאר יענעם געסטו א פינעווער, אפילו ס'איז א קליינע סכום, ווייל פרוטה לפרוטה מצטרפת, מילא פארדינט דער מקבל עפעס צום זאך, און ס'מאכט עם גוט פילען.

דיין קרוב דעזערווט די זעלבע. מאך עם גוט פילן. גייסט קויפן וויין לכבוד יום טוב? קויף א באטל פאר עם אויך, ס'מוז נישט זיין טייער, און בדרך כבוד אומגזאגט, געסטו עם די גוטע געפול אז ווען דו ביסט געווען אין וויין געשעפט האסטו געטראכט פון עם אין זיין מצב. דא איז אויך פרוטה לפרוטה מצטרפת, טוה עס נישט נאר איינמאל א יאהר, ווייל די קליינע רעקאגנישאנס קומען אן גאנץ ווייט, פארשטייט זיך נאר מיט שכל און בדרך כבוד.

גייסט חול המועד האלטן? נעם מיט דיין ברודער'ס קינדער מיט עפעס א תירוץ אז דיין קינדער דארפן קאמפעני. בדרך כלל קען מען דערשמעקן ווי מ'קען מאכן א גוט געפול בדרך כבוד פאר א משפחה מיטגליד.

דאס איז ריכטיגע מבשרך אל "תתעלם". די חיזוק פון דעם "נארישע" פינווער וכדומה, קען גיין זייער ווייט. ס'איז נישט די דאלאר amount, ס'איז די תתעלם זאך, א קליינס א וויכטיגס, כמאמר חז"ל (ב"ב אז ע"ב) אמר רבי יצחק כל הנותן פרוטה לעני מתברך בשש ברכות והמפייסו בדברים מתברך בי"א וכו', עיי"ש. א יעדער ווייסט ביי עם אין משפחה וועלעכע קלייניגקייט איז גאנגבאר. האסט דא סיי צדקה מיט געלט און סיי צדקה בגוף.

ביסט גערעכט אבער ס'איז נישט אייביג שייך, און די תועלת פון די אשכול איז סתם אזוי גוט אז די ציבור זאל וויסן פון ארגעניזאציעס וואס מ'קען טראסטען

אלע הודעות פון ששון ושמחה

מאנטאג אקטאבער 03, 2022 8:23 am#509990

Re: וועלכע היימישע צדקה ארגעניזאציע איז די מערסטע עהרליך

סביב העולם האט געשריבן:
און ווי איינער האט דא ערווענט, ער גייט פאר קוואדערס אין ביהמ"ד, און מאכט נישט קיין פענסי דינערס, קיין גאו פאנד מיס און קיין בארביקיו'ס, ער האט נישט קיין גרויסע פריצישע הויז און ניטאמאל זיין ביהמ"ד איז מער ווי א ד' על ד' בעיסמענט. סאו קיין סאך געלט מאכט ער נישט, און ציצית איז ער נישט בודק, ע"כ לענ"ד שטומט ער מיט די "ערליך" קריטעריע פונעם פותח האשכול, און וואס דער בר נש טוט אלס אפ אויסער די ראמען פון זיינע מעשי צדקה איז טאטאלי אירעלעווענט.

פון קוואדערס קען מען נישט טיילן קיין מיליאנען. ער מוז האבן אפאר עשירים וואס שטיצן אים צוליב ווער ווייסט וואספארא אגענדעס און דאס צוזאמשנארן אין די שוהלן איז נאר אזא פאסאד. אכן אין לנו אלא מה שעינינו רואות און מעשים טוט ער מסתמא גוטע. נאכאלס אבער, פייניגן א צווייטן ווערט נישט אפגעוואשן מיט צדקה. זאל ער נאר וויסן.

Sent from my SM-G973F using Tapatalk

אלע הודעות פון טאמבל סאס

מאנטאג אקטאבער 03, 2022 9:16 am#509991

איך פארשטיי נישט פארוואס די עולם האט זיך ארויפגעכאפט אויף לויפער'ן אז דוקה ער איז די ערליכע ארגאניזאציע. פעלט דען ארגעניזאציעס וואס טוען חסד אגאנצן טאג? א שטייגער ווי הצלה, בוני עולם, rccs, רפואה, וכהנה..
לויט ווי איך האב פארשטאנען פון די פותח האשכול איז די שאלה וועליכע ארגאניזאציע האט אפענע ביכער און מען קען זיין זיכער אז ס'רוב פונעם געלט וועט טאקע אנקומען צו א נצרך און נישט אז איינער וועט פאקעטן די געלט.

איז זע איך נישט מיט וואס לויפער שטייט בעסער. הצלה לויפט אויך אויף קאלס נישט קיין נפק"מ וועליכע חסידות די ביסט. נאר וואס דען...? מען ווייסט נישט פינקטליך וואו די געלט גייט, און אזוי פיל ווייסט מען, אז אין די פירערשאפט איז דא היבש ביסל מחלוקת מיט קראפשאן, נו אויף לויפער'ס ערליכקייט ווייסט מען דאך אויך אביסל... ווייסט איינער וויפול ער פאקעט פאר זיך? פון וואו ווייס איך אז נאך ער קאווערט די באדזשעט פונעם חודש גייט נישט די גאנצע איבריגע אריין אין זיין קעשענע..? אדער גייט עס אויסציהאלטן זיינע קינדער און אייניקלעך..? איינער ווייסט? אדער אפשר גייט עס גאר צו דעקן די קנטרסים קעגן די אריזאנע ווייץ און אנצופירן די מערכות קעגן.. ווייסעך וואס.

אודאי מאכן די גרויסע מעגא ארגעניזאציעס קאמפיינס, ווייל זייער באדזשעט איז אסאך מער ווי לויפערס צדקה, אבער דאס מיינט נישט אז לויפער איז מער לעדזשיט. ווי איינער האט אויסגעשמועסט דעקט נישט לויפער די באדזשעט פון די קוואדערס אין שול, עטליכע עשירים האלטן עס זיכער אויס. אז עס גייט אהן פאר יארן איז א סימן אז עס ווערט געדעקט פון ערגעץ. ער מאכט נישט קיין דינערס ווייל עס פעלט אים ווארשיינליך נישט אויס, און ער איז נישט געניג גרויס צו מאכן א אלוועלטליכע דינער. אבער וואס ווייזט דאס וועגן וויפול געלט ער לייגט אין טאש?

אלזא ווייס איך נאכאלטס נישט וואו צו גיבן מיין צדקה.. אפשר טאקע קרובים.. ווען איך גיב פאר א ארעמע קרוב אדער אפילו איך גיי אריין אין גראסעריי און איך פרעג דעם מענעדזשער ווער עס האט אסאך חובות און איך צאל אויף זיין חשבון, גייט 100% פון מיין געלט פאר א נצרך. וואס קען זיין בעסער ווי דעם! פארוואס גיבן פאר ארגאניזאציעס וואס אביסל פראצענט גייט דאך לכתכילה אראפ פאר אנדערע אויסגאבן.
(נישט אז מען זאל אויפהערן שטיצן די וויכטיגע ארגאניזאציעס, זיי פעלן שטארק אויס פאר כלל ישראל. אבער אויב זיכסטו דוקה אז לכבוד די עשי"ת זאל דיין פינעווער אנקומען כל כלו לה' דאן איז די עצה אליין אפירצוזיכן א נצרך)

אלע הודעות פון שמן למאור

מאנטאג אקטאבער 03, 2022 9:40 am#509992

Re: וועלכע היימישע צדקה ארגעניזאציע איז די מערסטע עהרליך

עס איז דא א זאך ווי א not-for-Profit-Business דאס הייסט אן ארגאניזאציע וואס מאכט נישט קיין געלט אלס ארגאניזאציע, אבער די עיקר ציל איז אז די עומדים בראש זאלן מאכן שיינע wages און זיין שיינע אידן . איי וועם גייט אן צו די ארגאניזאציע מאכן געלט? הוי אומר די IRS.

אלע הודעות פון פרנס החודש

מאנטאג אקטאבער 03, 2022 7:19 pm#510010

עצי שיטים און פרנס החודש: לפענ"ד איז די אישו מיט אברהם לויפער ודוכותיה נישט די פארלעסליכקייט. און אויב ער לייגט געלט אין זיין פריוואטע קעשענע. מיין..."ביעף" מיט איהם איז אז ער מישט חסד מיט אידעאלאגיע. אזוי ווי איינער האט שוין פריער דערמאנט אז טייל מענטשן פון די געוויסע אידעאלאגיע מיינען אז חסד פון איין זייט איז מכפר אויף עקסטרעמיזם און טעראר פון די אנדערע זייט.

נאר אויסער אלעם איז אברהם לויפער פארלעסליך פינאנציעל. לפי זיכרוני, זענען די לויפער משפחה (טאטע/ברודער) קרובים מיט די (ר' געציל) בערגער משפחה.מסתמא ווערט ער אויך געשטיצט סיי אין ענייני צדקה וחסד און סיי אין אויספיהרן זיינע עקסטרעמיסטישע שטיק דורך עטליכע גבירים אין סאטמאר.

אלע הודעות פון berlbalaguleh

מאנטאג אקטאבער 03, 2022 7:25 pm#510011

נאר אזוי ווי עצי האט שוין פריער דערמאנט אז די בעסטע וועג צו מאכן זיכער אז דאס (גאנצע) געלט קומט אן צו די נצרכים, איז אויסצאללן די גראסערי ביל פון א משפחה וואס מוטשעט זיך.
איך קען א איד וואס האט טאקע אזוי געטון. ער האט באצאלט דעם גראסערי בילל און אויך שכר לימוד פון א משפחה וואס האט זיך שטארק געפלאגט פינאנציעל.

אלע הודעות פון berlbalaguleh

מאנטאג אקטאבער 03, 2022 10:45 pm#510019

berlbalaguleh האט געשריבן:איך בין בד"כ מבחין צווישן א יחיד וואס גייט נאך געלט (פאר זיך) און אן ארגאניזאציע. אויב א איד קומט בעטן א נדבה, וועל איך איהם געבן אפילו איך בין נישט זיכער אז ער זאגט דעם גאנצן אמת. ווייל לאמיר זאגן ער וועט זיך קויפן א סענדוויטש אדער אן אייז קריעם, האביך מחיה געווען א איד. משא"כ אן ארגאניזאציע וועלכע געט נישט איבער די מערסטע פון די געלטער פאר נצרכים זענען סתם א ביזנעס וואס עטליכע מענטשן האבן פרנסה.

פארשטיי איך נישט די חילוק, וואס איז א נפק"מ צי דו גיבסט דירעקט פאר א מענטש אייזקריעם אדער א סענדוויטש, אדער דו גיבסט געלט פאר א ארגאניזאציע און דער בעה"ב קויפט זיך דערמיט (אדער פאר זיינע קינדער) א סענדוויטש אדער אייזקריעם?

אלע הודעות פון שמעקעדיג

מאנטאג אקטאבער 03, 2022 11:33 pm#510021

ווייל ווען ס'איז אן ארגאניזאציע וועלכע זענען נישט אפן מיט זייערע געלטער, איז עס אויף א סאך א גרעסערן פארנעם. אזוי ווי ס'איז מיר באקאנט איבער א געוויסע ארגאניזאציע וועלכע זאמלט געלט ביים היימישן עולם, און זיי זענען בכלל נישט עפעקטיוו אין העלפן די מענטשן וועלכע וואלטן געקענט ניצן זייער הילף. דאס איז אויסער די (גרויסע) סכומים וואס זיי נעמען אריין. משא"כ ווען ס'איז א יחיד, איז עס אויף א קלענערן פארנעם.

אויך, דאס איז אן את"ל, אפילו אויב ער זאגט נישט אויס דעם גאנצן אמת. אבער איז דאך א נצרך.

לדוגמא, מיט עטליכע יאר צוריק איז געקומען א איד אין ביהמ"ד און פארציילט א מעשה אז ער דארף א סאך געלט פאר די אפעראציע פון זיין ווייב. איז געקומען א צווייטער און ר'האט מכחיש געווען זיין מעשה. איך האב איהם דאך געגעבן א סכום געלט, ווייל אפילו אויב ס'איז אן אויסגעטראכטע מעשה, איז ער נאכאלץ אן ארעמאן.

אלע הודעות פון berlbalaguleh

דאנערשטאג אקטאבער 06, 2022 2:55 am#510051

לעצטנס האב איך געזען עדס פון א ארגעניזאציע "נקי כפיים" וואס מען קען דארט געבן געלט ווען מען דארף געבן געלט לצרכי ציבור, ווי למשל איינער האט געשעדיגט איינעמס חפץ און ער געדענקט נישט וועמענס איז די הלכה אז מען דארף געבן די געלט לצרכי רבים.
בין איך נייגעריג וויפיל פון דער געלט וואס איך בין מנדב גייט פאר זייער מארקעטינג און אנדערע הוצאות, און ווי גייט די רעשט פונעם געלט?

אלע הודעות פון מרדכי מרדכי

דאנערשטאג אקטאבער 06, 2022 2:59 am#510052

מר. קלונימוס האט געשריבן:לויפערס ארגאניזציע פאר אלמנות און יתומים איז לעגיט

איך קען נישט דעם לויפער פערזענליך, אבער איך בין געווען בקשר מיט א געשעפט וואס אלמנות האבן באקומען דארט בחינם.

אלע הודעות פון מרדכי מרדכי

דאנערשטאג אקטאבער 06, 2022 7:10 am#510055

מרדכי מרדכי האט געשריבן:לעצטנס האב איך געזען עדס פון א ארגעניזאציע "נקי כפיים" וואס מען קען דארט געבן געלט ווען מען דארף געבן געלט לצרכי ציבור, ווי למשל איינער האט געשעדיגט איינעמס חפץ און ער געדענקט נישט וועמענס איז די הלכה אז מען דארף געבן די געלט לצרכי רבים.
בין איך נייגעריג וויפיל פון דער געלט וואס איך בין מנדב גייט פאר זייער מארקעטינג און אנדערע הוצאות, און ווי גייט די רעשט פונעם געלט?

מרדכי מרדכי: די שאלה איז אויב די בעלי נקי כפיים זענען טאקע נקיי כפיים...!

אלע הודעות פון berlbalaguleh

דאנערשטאג אקטאבער 06, 2022 9:26 am#510062

כאטש ליידער איז נישט דא קיין שום היימישע ארגאניזאציע וואס האט אפענע ביכער (ווי ווייט איך ווייס), וואלט איך אבער געזאגט אז בוני עולם קען מעגליך זיין די מערסטע ערליך. און די סיבה איז ר' שלמה באכנער.

קודם כל איז ר' שלמה א ערליכער מענטש, אן אמת'ער בעל חסד.

צווייטענס, בוני עולם איז נישט זיין פרנסה.

דריטענס, עס איז דאך פשוט אז די גרעסטע לעכער אין ארגאניזאציעס איז ווען די פירער טיילן מוציא'ס פאר די אייגענע משפחה און קינדער. ר' שלמה האט דאך נישט קיין קינדער.

פערטענס, בוני עולם איז ר' שלמה'ס קינד! דאס איז זיין לעגעסי און זיין גאנץ לעבן איז געווידמעט וואס מער אויפצוטוהן פאר אידן דורך בוני עולם. ממילא איז זייער שווער צו גלייבן אז ער איז נישט ערליך מיט די געלט וואס קומט אריין.

פינפטענס, נאך א לאָך וואס קען זיין איז אז דער פירער איז א נאַרעלע און מ'פירט אים ביי די נאז. כאטש מ'קען נישט וויסן וועלכע שלענג דרייען זיך ארום אים און נוצן אים אפשר אויס, איז אבער גוט צו וויסן אז ר' שלמה איז א חכם מחוכם, וואס מאכט עס ווייניגער יתכן אז מ'פירט אים ביי די נאז.

כ'קען נישט טראכטן פון נאך אן ארגאניזאציע וואס האט די אלע מעלות צוזאמען.

אלע הודעות פון נוח

דאנערשטאג אקטאבער 06, 2022 6:37 pm#510074

רופא חולים/RCCS האט אפענע ביכער, 9% גייט פאר אפיס עקספענסעס, 19% פאר די פאנדרעיזער און 71% פאר די נצרכים.

דאכט זיך אז זיי זענען די איינציגסטע היימישע ארגענעזאציע מיט אפענע ביכער.

אלע הודעות פון קהל'ס נער

מוצ"ש אקטאבער 08, 2022 7:52 pm#510114

ס'איז דא אן ארגאניזאציע וועלכע זאגן אז זיי העלפן אידישע קינדער. איך בין זיכער אז זיי העלפן טאקע. די שאלה איז נאר וויפיהל פון די געלטער וואס קומען אריין גייען טאקע אויף דעם צוועק וואס זיי זאגן. און וויפיהל גייט אויף זייטיגע (וויכטיגע) הוצאות. דער חשוב'ער ..."רב"... וואס פיהרט אן די ארגאניזאציע האטציך געלאזט אויבערבויען זיין הויז און געמאכט א נייעם סיידוואק. אויך דער פראנט (פאסאד) פון זיין הויז איז פרעכטיג אהערגעשטעלט. נישט ווי געווייליך אז ס'איז אריח על גבי לבנה (פאר די וועלכע ווייסן וואס דער אויסדרוק מיינט). נאר די פראנט בריקס/טיילס זענען אין א גראדע שורה. וואס איז א סאך טייערער. אמת. ס'שטייט נישט אין ערגעץ אז דער רב מוז וואוינען אין א חורבה. יא. שיער פארגעסן. דער חשוב'ער רב ומשפחתו נעמען א 3, 4 מעידזשאר טריפס איבער'ן יאר. קיין א"י, יוראפ און פלארידע אדער קאליפארניע.

מיין שאלה איז אויב דער הונדערטער אדער טויזנטער וואס מ'איז מיך מחייב גייט טאקע פאר די וועלכע באדארפן הילף. אדער אויף אנדערע נויטיגע צרכים.

ס'איז געווען אמאל ביים הייליגן ריזשינער זי"ע. (אזוי פארציילט מען.) א איד איז אריינגעקומען מיט א קוויטל און איבערגעלאזט א שיינעם פדיון. ער האט באמערקט די גרויסע אויפפאלענדע לוקסוס (הנראה לעין). האט ער אנגעהויבן טראכטן. אויף די אלע זאכן גייט מיין געלט. דער ריזשינער האט גלייך תופס געווען זיין מחשבה. (דו מוזסט נישט גלייבן.) האט ער איהם געזאגט. הער, רעב איד. ווען א איד קומט מיט א קוויטל און געט א פדיון ביניך מרגיש וואספארא געלט דאס איז. אויב ס'איז אינגאנצן ערליך פארדינט געלט. גייט עס אויף אויסהאלטן דעם ביהמ"ד. אויב ס'איז א ביסל שוואכער גייט עס אויף פוצן די שטוב. אויב איז עס גאר שוואך. אבער דער איד דארף דאך א ישועה. גייט דאס געלט פאר די שטאל פון די פערד. לענייננו. איך האף אז מיין התחייבות גייט לכה"פ אויף אויסשטאפיהרן די משפחה פון דעם חשוב'ן רב שליט"א אויף יו"ט. און נישט אויף קויפן אשר יצר פאפיר.

אלע הודעות פון berlbalaguleh

זונטאג אקטאבער 09, 2022 2:10 am#510123

איין זאך איז זיכער אז נקי כפיים איז א סקעם ווייל אויב דו האסט געמאכט שאדן און דו וויייסט נישט פאר וועם ברויך מען געבן פאר צרכי רבים איז אויב גיבסטו פאר עני קהילה בית מדרש וואס גיבט קהלישע סערוויסעס ביסטו פונקט אזוי יוצא

אלע הודעות פון דוד שריפטליך

זונטאג אקטאבער 09, 2022 5:26 pm#510133

קהל'ס נער האט געשריבן:רופא חולים/RCCS האט אפענע ביכער, 9% גייט פאר אפיס עקספענסעס, 19% פאר די פאנדרעיזער און 71% פאר די נצרכים.

דאכט זיך אז זיי זענען די איינציגסטע היימישע ארגענעזאציע מיט אפענע ביכער.

And who is pocketing the extra 1% ?

אלע הודעות פון me smart

דינסטאג אקטאבער 11, 2022 8:52 pm#510139

אלעס איז געקימען מיט אפאר בעסיס פוינטס וואס איך האב נישט אריינגעלייגט מפני חוסר געדולט.
אדרבה קוק עס אליין נאך, סאיז פאבליק אינפאו.

אלע הודעות פון קהל'ס נער

מיטוואך אקטאבער 12, 2022 2:48 pm#510165

קהל'ס נער: איך וויל (דוקא) נישט רעדן פון דעם פינאנציעלן חלק פון רופא חולים...RCCS...נאר פון די פראקטישע זייט. מיין אייניקל איז אמאל געווען אין שפיטאל זענען אדורך געגאנגען די עסקניות פון די ארגאניזאציע. זיי האבן זיך נאכגעפרעגט וואס דער מצב איז. און מיט וואס זיי קענען העלפן. זיי האבן טאקע געהאלפן. ס'האט אויסגעפעהלט א פארבעסרונג אין סערוויס. זענען זיי געגאנגען שתדל'ן און ערלעדיגט דעם פראבלעם.

אלע הודעות פון berlbalaguleh

דאנערשטאג אקטאבער 20, 2022 2:13 pm#510403

לויפער איז באמת א חידוש פון א ארגענעזאציע.

ער האט נאר נישט קיין אפענע ביכער, אבער זיין תפקיד איז 100% ערפילט, ער קוקט נישט צו די אלמנה האט קינדער וואס זענען רייך וכו' (עפעס וואס איז גאנץ קאמאן ביי אנדערע ארג.).

איך קען מעיד אזוי אויף א אלמנה וואס האט בחייו פון איר מאן זיך קיינמאל נישט געקענט ערלויבן צו רופן אירע קאפלס אויף א סעודה, זינט איר מאן איז אוועק, און זי קויפט אויף לויפערס חשבון רופט זי אן קיין חשבון.

און דער לויפער רופט פערזענליך די אלמנה אינמיטן די שבעה זיך 'בעטן' אז זי זאל נעמן (מיטגעהאלטן)

ס'איז באמת א זעלטענהייט

אלע הודעות פון יעקב מענטש

מאנטאג אקטאבער 24, 2022 4:47 am#510557

me smart האט געשריבן:
קהל'ס נער האט געשריבן:רופא חולים/RCCS האט אפענע ביכער, 9% גייט פאר אפיס עקספענסעס, 19% פאר די פאנדרעיזער און 71% פאר די נצרכים.

דאכט זיך אז זיי זענען די איינציגסטע היימישע ארגענעזאציע מיט אפענע ביכער.

And who is pocketing the extra 1% ?

די קרעדיט קארד טשארזש

אלע הודעות פון מרדכי מרדכי

מאנטאג אקטאבער 24, 2022 4:48 am#510558

קהל'ס נער האט געשריבן:רופא חולים/RCCS האט אפענע ביכער, 9% גייט פאר אפיס עקספענסעס, 19% פאר די פאנדרעיזער און 71% פאר די נצרכים.

דאכט זיך אז זיי זענען די איינציגסטע היימישע ארגענעזאציע מיט אפענע ביכער.

ווי קען מען זעהן די אפענע ביכער?
דארף איך גיין צי זיי אין אפיס אדער איז עס עוועילעבל אנליין?

אלע הודעות פון מרדכי מרדכי

מאנטאג אקטאבער 24, 2022 3:17 pm#510589

מרדכי מרדכי האט געשריבן:
קהל'ס נער האט געשריבן:רופא חולים/RCCS האט אפענע ביכער, 9% גייט פאר אפיס עקספענסעס, 19% פאר די פאנדרעיזער און 71% פאר די נצרכים.

דאכט זיך אז זיי זענען די איינציגסטע היימישע ארגענעזאציע מיט אפענע ביכער.

ווי קען מען זעהן די אפענע ביכער?
דארף איך גיין צי זיי אין אפיס אדער איז עס עוועילעבל אנליין?

w www.charitynavigator.org w

דא קענסטו אריילייגן וועלכע ארג. די ווילסט און קענסט טרעפן אלע פאבליק אינפאו.

(כמעט) אלע היימיש ארג. זענען קלאסיפיצירט אלץ א רעליגיעזע ארג. מילא קענען זיי האלטן פארמאכט די ביכער, rccs איז די איינציגסטע וואס איך האב דערווייל געטראפען מיט אפענע ביכער, קען זיין ס'דא נאך.

אלע הודעות פון קהל'ס נער