צדקה בּעקעלעך עריוה"ק ביי מנחה

זינט איך בין א קליין קינד, איז ביי מיר אין מוח איינגעקריצט די סצענע וואס שפילט זיך אפ אין די בתי מדרשים יעדן עריוה"ק ווי זילבערנע בעקעלעך פון אלע סאָרטן און מאָסן זענען אויסגעשפרייט אויף די טישן, מיט מאדנע צעטלעך צוגעקלעבט דערויף מיט פארשידענע צדקה-צוועקן. תמיד האב איך דעם נייגער צו וויסן ווער עס שטייט דערונטער; ווען ווערט דאס אויסגעשפרייט; איז דאס אן אינדיווידואל, אדער מערערע נצרכים; און נאך מער נאגט דער נייגער צו וויסן ווען ווערט דאס צונויפגענומען?