א חבר מיינע פרעגט מיר נעכטן, וועלכע חלק פון די "שטעטל" קליפ האב איך דאס מערסטע ליב געהאט. איך האב אים געענטפערט אז איך האב דאס מערסטע הנאה געהאט די חלק וואו רעביצן גאלדבערגער תליט"א באקומט א חח ונזם אינעם טבור.
מיין חבר קוקט מיר אן מיט פארוואונדערונג, די בעלי באטן רינג???? ער האט נישט געקענט גלייבן אז איך בין אזוי shallow און נאריש.
די אמת איז אבער אז איך האב גאר שטארקע רעספעקט דייקא פאר אזעלכע מעשים. דאס גיין מיטן מגן דוד כנגד הלב איז קינדערישע נקמה אין סאטמאר (אויסער אויב זי קען מיך איבערזאגן כאטש דריי שטיקלעך פון הערצל, בן גוריון אדער רב קוק). די זעלבע איז מיט גאר אסאך זאכן וואס ווערן – און ווערן נישט – דערמאנט דארט. עס ווערט געטון פשוט אויפצורעגן אנדערע אדער צו געפעלן אנדערע.
דער ספעציפישע אקט איז אבער א שטארקע סימבאליזירנדע אקט. איך בין נישט זיכער אז זי אליינס פארשטייט דאס, אבער אין מיינע אויגן איז עס גאר שטארק געשעצט. שמעו דברי און איך וועל מיך מסביר זיין.
א רינג אינעם טבור איז אויסגעהאלטן על פי תורה לכל הדעות. איך גלייב נישט אז מען קען טרעפן א שום שמץ של איסור דערביי (אויב יא, אדרבא איך בין נייגעריג צו זעהן). פון די אנדערע זייט וועסטו זאגן אז במקומותינו איז דאס נישט איינגעפירט, נו קיינער זעהט דאך עס נישט סייווי, סאו עס איז נישטא ווער זאל קרומען מיט די נאז אדער לאכן.
איינער וואס שמעקט גאר שטארק אן זיך צו לעכערן די בויך (גיי פארשטיי פארוואס) אפגעזעהן פון וואו זי/ער נעמט דער מושג, אבער יענער האלט זיך צוריק פון עס טון נאר צוליב דעם ווייל עס איז "משוגע" "פאני" "מאדנע" "קרעיזי" "גוי"איש" וכדומה איז אין מיינע אויגן א קאויערד. נעם אביסל מוט עס אדורך צו טראכטן אן זעהן אויב עס איז דא א סיבה פארוואס נישט, זיי אייגנארטיג, און טו אמאל עפעס פאר דיר און נישט פאר יענעם!
פרומט, כולנו בעד הטבור רינג!!!!
![:D]( "זייער פרייליך")
![:D]( "זייער פרייליך")
![:D]( "זייער פרייליך")
דיסקלעימער: מיין ווייב און איך פלאנען ביידע נישט דאס נאכצומאכן, אפשר מיט אנדערע זאכן אבער נישט מיט דעם. לעכערן די בויך וועלן מיר לאזן פאר אנדערע.