ווי חשוב איז חרדישקייט פאר אייך?

רוב דוברי אידיש איבער די וועלט זענען חרדישע אידן און שפירן אז דאס איז די ריכטיגע וועג ווי אזוי צו דינען דעם רבוש"ע. כו"ע מודה אז מאדערענע אידן זענען אויך פרום, קיינער האט נישט קיין פראבלעם מצרף צו זיין צו מנין מאדערן ארטאדאקסישע אידן. אבער די וואס גלייבן אין חרדישקייט האלטן אז דאס איז דער אמת'ער ריכטיגער וועג ווי אזוי צו זיין א איד, און נאר אזוי קען מען ריכטיג נתקרב ווערן צום אייבערשטן.

מיין שאלה איז צו די מענטשן וואס זיי האלטן באמת אזוי, זייער לעבן ווערט געפירט מיט די מחשבה אז חרדישקייט איז דער אמת'ער וועג. עס וועט זיי עסן דאס געזונט אויב זייער קינד ווערט מאדערן, אפילו אויב ער בלייבט פרום. ווי חשוב איז חרדישקייט באמת פאר אייך?

וואס וועט זיין אויב עס קומט ארויף א ערענסטע פראגע איבער די קידושין פון אייערע עלטערן, און אלע רבנים מוטשענען זיך צו טרעפן א דרך היתר, אבער אלע חרדי'שע רבנים פסק'ענען בדעה אחת אז עס איז נישט דא קיין אופן היתר און איר זענט א ממזר ל"ע! און דאס מיינט אז אייערע קינדער און אייניקלעך זענען אלע ממזרים.

אבער, מאדערענע ארטאדאקסישע רבנים טוען אויך דורך די שאלה און זיי זאגן אז מ'קען יא טרעפן א היתר אז איר זאלט זיין א כשר'ער מענטש כדת משה וישראל.

וואלט איר אין אזא פאל געזאגט: איך האב בוחר געווען אין א חרדישער אידישקייט, און ממילא קען איך נישט מקבל זיין קיין היתרים פון מאדערנע, און יא, איך מיט מיינע קינדער זענען ממזרים.
אדער וואלט איר געזאגט: אמת איך האב אייביג געלעבט ווי א חרדישער איד, אבער אז איך האב א וועג ווייטער צו לעבן ווי א איד, און מיינע קינדער וועלן לעבן ווי אידן, און נישט זיין פאררעכענט ווי ממזרים, דאן וועל איך יא אננעמען דעם היתר פון די מאדערענע רבנים.

וואס וואלט איר געטוהן?

איך וואלט נישט געווארט פאר א שאלה אין ממזרת, איך וואלט סתם אזוי אהין געגאנגען, אליבא דאמת, חוץ מיין לבוש ווייס איך נישט מיט וואס איך בין נישט מ. א.
גיב מיר ביטע א ליסטע פון 5-10 זאכען איך זאל מיך קענען אינדענטיפייען, אויסער לבוש. ווי איך שטיי באמת

קינות, איז מיין שאלה נישט געוואנדן צו דיר.
איך האב געשריבן אז מיין פראגע איז געוואנדן צו די וואס "זייער לעבן ווערט געפירט מיט די מחשבה אז חרדישקייט איז דער אמת'ער וועג".

איך פארשטיי נישט וויאזוי איז דא א חילוק אין פסק הלכה פון כשרות אדער פסלות צווישן חרדיש אדער מ.א.
בשלמא לגבי לכתחילה'דיגע התנהגות, או קיי, חרדי'שע זענען מוסיף סייגים און פסק'ן אויך על פי השקפה, אבער דיין משל פארשטיי איך נישט. אויב איז דא א מחלוקת צווישן רבנים, וועט דאס זיין עלאנג אדהער ליינס, נישט צווישן חרד און מ.א. נאר צווישן מקילים און מחמירים.

קיינער האט נישט קיין פראבלעם מצרף צו זיין צו מנין מאדערן ארטאדאקסישע אידן

די זעלבע סיבה וואס לאזט זיי מצרף זיין צו מנין וועט אויך זיין א סיבה זיך צו פארלאזן אויף זייערע פסקים

איך מיין אז סאיז נישט עכט דא א קלארע ליין ווער סאיז א. און ווער סאיז מ. א. למשל פאר דעם בני יואל איד וועט א מונקאטשער פון בפ שוין זיין גערעכנט ווי א מא, ווידעראום למשל און די אויגען פון א היימישע בפ איד וועלן רוב אידען פון פלעטבוש ווערן גערעכנט פרומע אידען, יעצט די פלעטבושע למשל איז דאך דא הונדרעטע מדרגות לא הרי זה כהרי זה,
יעצט לגבי דיין שאלה, איז דא מענטשען וואס וועלן אייביג זוכען ווי מקען מיקל זיין, און נאכדעם איז דא מענטשען וואס וועלן זוכען צו טון דאס פארקערטע, נאכדעם איז דא מענטשען וואס לעבן א דאבעל סטענדערט, גווענליך אזאלכע מענטשען ווען זיי ווערן געדריקט צום וואנט וועלן זיי יא מיקל זיין, סדערמאנט מיר פון א שאלה וואס איינער האט דא אמאל געפרעגט אויב א נאצי ווערט געוואר אז ער איז א איד צו ער וואלט זיך געהארגעט... 

צו זיין קלאר און א תשובה פאדערט זיך א שטיקעל קלארקייט וואס עס איז די גדר פון חרדישקייט און וואס עס איז די גדר פון מאדערען,
אויב קען מען אראפ שטעלן א ליסטע פון בערך 10 דוגמאות ווי עס כאפט א חילוק צווישען מאדערן און חרדיש, וואלט געווען די תשובות צו די שאלה מער אקערואט,

אזוי אויך איז כדי צו וויסען וואס עס איז די באדעם ליים פון מאדערן, למשל איז ליפא׳ס שול אויך נכלל אינעם שאלה?
און וואס איז די העכסטע ליין פון חרדיש, איז סיקרוקים/נטו״ק/בני יואל אויך נכלל אין חרדיש?

די שאלה וואלט געדארפט צו זיין: ווי שטארק איז אייער חרדי'שיזם באהאפטן צו אייער אידישקייט.

מענטשן פארקוקען אויך פון עצם אידישקייט פאר באקוועמליכקייט, און דאס געפינט מען ביי אלע שטרעמונגען פון אידישקייט. פון די אנדערע זייט זענען רוב כלל ישראל גרייט זיך מקריב צו זיין פאר זייער גלויבן.
איז לכאורה שיטה'ס פראגע ווי שטארק זענט איר מיטן זיין חרדי'ש, איז דאס אויף די זעלבע לעוועל פון אייער אידישקייט (וואס איז אויך ביי יעדן אנדערש), אדער איז עס ווי א נומער צוויי אויף וואס איר וואלט ענדערש פארקוקט.

דיין שאלה איז ווייט נישט קיין טיארעטישע שאלה, רוב "חרדים" פארלאזן זיך אויף זיי איינער מער איינער ווייניגער. למשל, אינטערוועגנס עסן אסאך אידן OU, וואס איז א MO הכשר, אנדערע זענען נישט מיקל ווען זיי קענען זיך מיטפאקן אין זילבער פאפיר אפאר טונא סענדוויטשעס, אבער ווען ס'קומט צו ערענסטערע שאלות, למשל ביי עניני רפואה, פערטיליטי, ווען נישט אננעמען די MO פסק מיינט נישט האבן קינדער אגאנץ לעבן, איז דא ווייניג וואס וועלן נישט פראבירן צו טרעפן א היתר ביי סיי ווער אין ארטאדאקסיע.

בעיסיקלי ווענדט זיך עס און ווי שטארק ס'פעהלט אויס.

ולא זו בלבד, בנימין לאנדא איז באלהאטענערהייט איינגעשטעלט ביי די rca שטיינמענטץ איז א פראפעסער און YU און OU קאנטעלירט וואלעווע הכשר, און OK איז דער פאקטישער בעה״ב אויף די עדה הכשר.... סארא פאלטשע וועלט מיר לעבן היינט צוטאגס.

נאך א מזל מיר האבן דא געפילטע אויפצודעקן דעם אמת,

איך האב נישט געוואוסט אז OU איז מא. רעכענען זיי זיך אויך פאר אזעלכע? און לגבי אנדערע שווערע שאלות אוודאי איז דא ווער עס זוכט מקיל צו זיין (ווי יענער האט געזאגט פארן דיין, א גוי ווילעך נישט זיין אבער איך דארף א היתר) אבער ע"פ רוב פרעגט יעדער זיין דיין, פארשטייט זיך אז פון אנפאנג (דער אנפאנג קען צומאל קומען אפאר מאל) דארף מען זיך אויסקלויבן א פאסיגע דיין, אבער יעדער נעמט בעיסיקלי פון זיין קרייז.

בוני עולם/A time ווערט נישט גגעפירט דורוך mo. בנימין לאנדא/חיים לייב כץ/יחזקאל ראטה/שטיימענטץ וואס ביי זיי גייט דורוך רוב רובם שווערע שאלות פינעם חרידישען אידענטום האט זילטש מיט mo.

געפילטע פיש האט געשריבן:דיין שאלה איז ווייט נישט קיין טיארעטישע שאלה, רוב "חרדים" פארלאזן זיך אויף זיי איינער מער איינער ווייניגער. למשל, אינטערוועגנס עסן אסאך אידן OU, וואס איז א MO הכשר, אנדערע זענען נישט מיקל ווען זיי קענען זיך מיטפאקן אין זילבער פאפיר אפאר טונא סענדוויטשעס, אבער ווען ס'קומט צו ערענסטערע שאלות, למשל ביי עניני רפואה, פערטיליטי, ווען נישט אננעמען די MO פסק מיינט נישט האבן קינדער אגאנץ לעבן, איז דא ווייניג וואס וועלן נישט פראבירן צו טרעפן א היתר ביי סיי ווער אין ארטאדאקסיע.

בעיסיקלי ווענדט זיך עס און ווי שטארק ס'פעהלט אויס.

זייער גוט געשריבן. איך מיין אויך אז דאס איז די מציאות. וואס איז אבער אז אויב דו זאלסט אננעמען די מאדערענע פסק וועסטו ווערן אויסגעשפיגן פון די חרדים? אויף דעם ארויף איז מיין שאלה, וואלט א חרדישער איד וואס איז דערקלערט געווארן ווי א ממזר לויט אלע חרדישע רבנים אנגענומען א מאדערענע פסק אז ער איז נישט קיין ממזר, און מיט דעם אפיציעל אראפגעווארפן פון זיך זיין חרדישקייט?
(בדחן, ביטע הער אויף מיט דיין צינישקייט און ביטול. שרייב און רעאגיר פון וועלכען פערספעקטיוו דו ווילסט, אבער אן דיינע טשעפערייען)

שיטה מקובצת האט געשריבן:(בדחן, ביטע הער אויף מיט דיין צינישקייט און ביטול. שרייב און רעאגיר פון וועלכען פערספעקטיוו דו ווילסט, אבער אן דיינע טשעפערייען)

פארשטיי א נקודה, בוני עולם און A time - וואס זיי קאנטעלירען רוב רובם אינפעטילירי פראבלעמן - האט גארנישט מיט מאדערן רבנים.

ווען א שרייבער קימט און ער אינסאלטעט אונזער אינטעלעדשענט מיטען שרייבען א פרעכן ליגענט כאילו א סאטמערע אינגערמאן וואס פרעגט בנימין לאנדא אדער חיים לייב כץ אדער שטיימענטץ אדער ר יחזקאל ראטה פארלאזט זיך דערמיט אויף מאדערן רבנים איז באמת נישט דא קיין געהעריגע מהלך ווי אזוי אים אפצוענטפערן נאר מיט א צינישען שמייכעל.

איך פארשטיי אז מען דארף זיין נייס, אבער עם עיקש תתעקש האט שלמה המלך געזאגט, עס האט טיילמאל נישט קיין פשט ווי מען קריכט אויף גראדע ווענט מיט א ליגענט - למשל דא אז מאדערן רבנים קאנטעלירען אינפערטילעטי שאלות - און דערנאך דארף מען זיין נייס ווען מען זאגט אז ער זאגט ליגענט.

די זעלבע איז מיט די נושא פון OU לגבי עסן, רוב חרדים וואס עסן נישט OU אינדערהיים וועלן עס אויך נישט עסן און די פרעמד, חוץ ביי זאכען וואס מען ווייסט אז OU איז גוט דערויף, צו שרייבען איז א רוב אידן וועלן OU אין די פרעמד איז א אינסאלט, און עס איז באמת נישט נוטיג און נישט דא קיין געהעריגע וועג אפציווענדען.

דער אמת איז אז יעדער ארטאדאקסישער איד האט אביסל מאדערן ארטאדאקסיע אין זיך און אביסל חרדיזם אין זיך. די מאדערן ארטאדאקסישע שיטה איז געבויט אויף דעם פרינציפ אז מען זוכט נישט צו זיין א פרומער, מען טוט וואס מען דארף און פארטיג, און דארט וואו עס פעלט אויס דרייט מען מיט קולות. משא"כ חרדיזם איז געבויט אויף דעם פרינציפ צו מחמיר זיין איבעראל און צולייגן נאך מצוות עשה'ס און לא תעשה'ס צו די תורה.
אבער פאקטיש פירט זיך קיינער נישט גענוי ווי זיין שיטה, ביי היתר עגונות (און ממזרות) ווערט יעדער א מאדערן ארטאדאקס, און ביי עסן יום כיפור זענען רוב אידן חרדים און וועלן נישט זוכן צו מקיל זיין. ממילא זע איך נישט קיין שום פראבלעם אין א חרדי'שער איד וואס אויב ער איז דארשטיג טרינקט ער א קאוק, אדער אויב ער שטייט אין געפאר פון ווערן א ממזר פארלאזט ער זיך אויף די מאדערן ארטאדאקס רבנים (ליין: מקילים, ווי ה. ל. האט אנגעמערקט).
אגב, ביי אינפערטיליטי ווערן אויך געווענליך די חרדישע רבנים "מאדערן ארטאדאקס" און מ'פארלאזט זיך אויף קולות, כאטש נישט אויף די זעלבע דעגרי. למשל א מ"א רב וועט מסתמא שנעלער מתיר זיין הוצאת זרע לצורך ווי א חרדישער רב. אבער ווען עס קומט צו אזעלכע שאלות ווי ארטיפישעל אינסעמינעישאן וועלן - דוכט זיך מיר - רוב חסידישע אידן נישט מקיל זיין, כאטש דער חרדי'שער פוסק רבי משה האט מקיל געווען.

בדחן האט געשריבן:עם עיקש תתעקש האט שלמה המלך געזאגט

עפעס שטימט נישט דא

ביז דאס שטימט אלעס? אויב יא בין איך אקעי.

דאס וואס די קוואט׳ס איז א ווערטעל.

בדחן האט געשריבן:

שיטה מקובצת האט געשריבן:(בדחן, ביטע הער אויף מיט דיין צינישקייט און ביטול. שרייב און רעאגיר פון וועלכען פערספעקטיוו דו ווילסט, אבער אן דיינע טשעפערייען)

פארשטיי א נקודה, בוני עולם און A time - וואס זיי קאנטעלירען רוב רובם אינפעטילירי פראבלעמן - האט גארנישט מיט מאדערן רבנים.

ווען א שרייבער קימט און ער אינסאלטעט אונזער אינטעלעדשענט מיטען שרייבען א פרעכן ליגענט כאילו א סאטמערע אינגערמאן וואס פרעגט בנימין לאנדא אדער חיים לייב כץ אדער שטיימענטץ אדער ר יחזקאל ראטה פארלאזט זיך דערמיט אויף מאדערן רבנים איז באמת נישט דא קיין געהעריגע מהלך ווי אזוי אים אפצוענטפערן נאר מיט א צינישען שמייכעל.

איך פארשטיי אז מען דארף זיין נייס, אבער עם עיקש תתעקש האט שלמה המלך געזאגט, עס האט טיילמאל נישט קיין פשט ווי מען קריכט אויף גראדע ווענט מיט א ליגענט - למשל דא אז מאדערן רבנים קאנטעלירען אינפערטילעטי שאלות - און דערנאך דארף מען זיין נייס ווען מען זאגט אז ער זאגט ליגענט.

די זעלבע איז מיט די נושא פון OU לגבי עסן, רוב חרדים וואס עסן נישט OU אינדערהיים וועלן עס אויך נישט עסן און די פרעמד, חוץ ביי זאכען וואס מען ווייסט אז OU איז גוט דערויף, צו שרייבען איז א רוב אידן וועלן OU אין די פרעמד איז א אינסאלט, און עס איז באמת נישט נוטיג און נישט דא קיין געהעריגע וועג אפציווענדען.

בדחן טייערער, איך גיי אפשר זאגן דא אפאר שארפע ווערטער, אבער איך מיין נישט דיר פערזענליך, ווייל דו ביזט דאך געבוירען אזוי בטבע, ס'דאך נישט דיין שולד, און א מדה איז זייער שווער צו טוישן, ספעציעל אויב ביזטו שוין עלטער ווי אכצען יאר, אזוי ס'ווערט שוין געברענגט אין צעטיל קטן. נאר כדי להוציא מלבן, מדשתקי שמע מינן דניחא, גיי אין דיר ענטפערן.

איך מיין אז דו קענסט געווינען די אינטערנאציאנאלע פרייז פאר שטרוי-מאן פאלאסי היי יאר, דו טוסט עס מיט אזא קונצליכקייט און טאקט אז כמעט וואס ס'זעהט זיך נישט אן. דו לייגסט מיר אריין ווערטער אין מויל, און דערנאך ווענדסטו זיי אפ אזוי במתק לשונך.

איך האב געזאגט אז מאדערנע רבנים פירן רוב היימישע פערטיליטי שאלות? דו ביזט הייליג גערעכט אז "בוני עולם און A time - קאנטעלירען רוב רובם אינפעטילירי פראבלעמן", און די קי-ווארט אין רוב רובם, און טאקע 99% שאלות ווערט געפרעגט ביי היימישע חסידישע רבנים מיט ריפסענע בעקיטשעס, נאר די איין פראצענט וואס בלייבט איבער, וואס "ביי אונז" גיבט מען נישט קיין היתר אויף דעם, און א אינגערמאן זעהט זיך מיט דריי אפציעס, אדער זיך גט'ן און חתונה האבן מיט א צווייטן, אדער בלייבן מיט זיין ווייב און מקבל פסק זיין אז בדרך הטבע וועט ער גיין פון די וועלט אן קיין קדיש זאגער, אדער פראבירן צו זוכן א היתר פון אן עהרליכן רב, אבער איינער וואס איז זיך משתייך צום מאדערנע קרייז, וועלן א גרויס חלק פון די קאפעלס בוחר זיין אינעם דריטן אפציע. ס'איז נישט גרינג פאר קיינעם, אבער וואס טוהט מען נישט מקיים צו זיין מצות הבורא.

די זעלבע מיט די עסן OU, דו זאגסט אז איך האב געזאגט אז רוב אידן עסן OU אינטערוועגענס, אפשר ווייזטו מיר צו וואו פונקטליך איך האב געזאגט אזעלכע ווערטער? נאכאמאל, געבויעט א שטרוי מאן, און הפלא'דיג אפגעווארפן.

אלזא ליין איבער וואס איך האב געשריבן, און זיי נישט אזוי פחז כמים, טראכט א מינוט פארן קוועטשען דעם "שיק" קנעפל.

איך ווארט נאך אלץ צו הערן פון מענטשן וואס גלייבן אינגאנצן אין די חרדישע פארמאט פון אידישקייט וואס זיי וואלטן געטוהן אין די פאל וואס איך האב אויסגעשמועסט. איר פארשטייט אז אויב אלע חרדישע רבנים פסק'ענען אז איר זענט א ממזר איז נישט גענוג זיך "צו פארלאזן" אויף א מאדערענע היתר, נאר איר וועט אינגאנצן דארפן טוישן אייער לייף-סטייל, ווייל איר וועט זיין אויסגעשפיגן ביי אלע חרדים אויב איר גייט ווייטער אן מיט אייער לעבן ווי איז זענט נישט קיין ממזר.

נאך א פראגע. וואס וואלט געוועהן אויב אלע חרדישע רבנים זענען מקבל עדות אז איר האט איינעם בא'גנב'עט עטליכע מיליאן דאללאר, און זיי פסק'ענען אז איר מוזט יענעם אוועקגעבן אלע אייערע האב און גוטס, אריינגערעכנט אייער הויז, און יעדן דאללאר וואס איר האט אין באנק. איר ווייסט ביי זיך אז איר האט נישט גע'גנב'עט און אז די וואס זאגן עדות קעגן אייך זענען שקרנים.
איר האט עדות לטובת אייך צוויי פרויען, וואס זאגן קלאר אז זיי האבן געהערט די אנדערע עדות זיך אפשמועסן צו זאגן ליגנט, און זיי האבן געזעהן אז איינער פון זיי איז גאר געוועהן דער גנב. קיין שום חרדישער רב וויל נישט מקבל זיין אייערע עדות ווייל זיי זענען פרויען, אבער א מאדערענע בי"ד טרעפט אן אופן ווי אזוי יא אויסצוהערן די עדות'שאפט פון די פרויען, און פסק'ענט אז איר זענט נישט קיין גנב.
וואלט איר אנגענומען דעם פסק פון די מאדערענע רבנים?

ווען דו לייגסט אריין א מענטש אין א פארלעגנהייט, וועט ער אפט מאל טון נישט ריכטיגע זאכן און מאכן אומריכטיגע באשלוסן. אונזער ניק מח שליט (אגב, מען הערט נישט פון אים לעצטנס), ווען ער האט זיך אנגעריקט אין אונזער שטיבל, האט אויך פרובירט פאנגען נפשות אויף דעם אופן, מיט פאבריצירן אינטרעסאנטע מעשיות וואס נישט קיין נפק"מ וואס דו פסק'ענסט וועסטו אריינפאלן אין א נעץ. דעריבער זאגן דאך שוין חז"ל אין אדם נתפס על צערו.

לאמיך דיך פרעגן. שטעל דיר פאר דאס פאלגענדע: עס איז פרייטאג צו נאכטס נאך די סעודה, און אויף איינמאל זעהסטו רח"ל, ווי דיין הויז גייט אויף אין פלאמען. דו ראטעוועסט ארויס די ווייב/קינדער, און דו זעהסט אז ביז 10 מינוט איז דערנאך מיט דיין הויז. אביסעלע אוועק פון דיר ליגט א פעקל אויסגעהארעוועטע קעש, וואס דו פלאגסט זיך שוין עס צו סעיוון איבער 10 יאר, און אויך געפינען זיך דארט אלע דיינע וויכטיגע דאקומענטן און פאספארטן וכדומה. דערנעבן, ליגט דיין חתונה אלבום מיט די אנדערע אלבומ'ס פון דיינע עלטערע קינדער, וואס איז די איינציגסטע קאפיע אויף דער וועלט, אויב עס ווערט פארברענט, פארלירסטו די זכרונות. דו קענסט עס כאפן און ראטעווען. אבער ע"פ שולחן ערוך ביסטו ערלויבט צו ראטעווען בלויז מזון לשני סעודות, גארנישט מער. דו ביסט פארלוירן, פארצווייפעלט.... וואס גייסטו טון, גייסט עס בחפץ לב לאזן אפברענען און זיך פרייען אין הארץ אז דו האסט מקיים געווען די הלכה? אדער....???

יאיר האט עס גוט ארויסגעברענגט, און כ'וועל זאגען נאך שטערקער יעדער איינער וואו נאר ער דרייט זיך קען ער טרעפן היימישע רבנים וואס וועלען פסקענען ווי די מ"א רבנים, ספעציעל אין אזאלעכע שווערע פעלער ווואס שיטה שפילט אונז דא אראפ..

שמעקעדיג האט געשריבן:ווען דו לייגסט אריין א מענטש אין א פארלעגנהייט, וועט ער אפט מאל טון נישט ריכטיגע זאכן און מאכן אומריכטיגע באשלוסן. אונזער ניק מח שליט (אגב, מען הערט נישט פון אים לעצטנס), ווען ער האט זיך אנגעריקט אין אונזער שטיבל, האט אויך פרובירט פאנגען נפשות אויף דעם אופן, מיט פאבריצירן אינטרעסאנטע מעשיות וואס נישט קיין נפק"מ וואס דו פסק'ענסט וועסטו אריינפאלן אין א נעץ. דעריבער זאגן דאך שוין חז"ל אין אדם נתפס על צערו.

לאמיך דיך פרעגן. שטעל דיר פאר דאס פאלגענדע: עס איז פרייטאג צו נאכטס נאך די סעודה, און אויף איינמאל זעהסטו רח"ל, ווי דיין הויז גייט אויף אין פלאמען. דו ראטעוועסט ארויס די ווייב/קינדער, און דו זעהסט אז ביז 10 מינוט איז דערנאך מיט דיין הויז. אביסעלע אוועק פון דיר ליגט א פעקל אויסגעהארעוועטע קעש, וואס דו פלאגסט זיך שוין עס צו סעיוון איבער 10 יאר, און אויך געפינען זיך דארט אלע דיינע וויכטיגע דאקומענטן און פאספארטן וכדומה. דערנעבן, ליגט דיין חתונה אלבום מיט די אנדערע אלבומ'ס פון דיינע עלטערע קינדער, וואס איז די איינציגסטע קאפיע אויף דער וועלט, אויב עס ווערט פארברענט, פארלירסטו די זכרונות. דו קענסט עס כאפן און ראטעווען. אבער ע"פ שולחן ערוך ביסטו ערלויבט צו ראטעווען בלויז מזון לשני סעודות, גארנישט מער. דו ביסט פארלוירן, פארצווייפעלט.... וואס גייסטו טון, גייסט עס בחפץ לב לאזן אפברענען און זיך פרייען אין הארץ אז דו האסט מקיים געווען די הלכה? אדער....???

שמעקעדיג, דו כאפסט נישט מיין כוונה.
קודם לאמיך זאגן וואס איך וואלט געטוהן אין די פאל פון די פייער. בשיטה וואלט איך אוודאי נישט גענומען קיין פרוטה אחת וואס איז נישט מותר עפ"י דין, אבער איך בין דאך נאר א מענטש, און עס איז מעגליך אז איך וואלט דורכגעפאלן. פארשטייט זיך אז א טאג שפעטער וואלט איך תשובה געטוהן, און איך וואלט נישט געהאלטן אז איך האב געטוהן ריכטיג.
מיין פראגע איבער ממזר איז אינגאנצן אנדערש. איך שטעל דעם מענטש אין א פאזיציע וואו ער דארף פריש "ריעוועליועיטן" (reevaluate) זיין געהערן צו חרדישע אידישקייט. דאס איז נישט אן איין-מינוט'יגע באשלוס אויף וואס ער קען נאכדעם תשובה טוהן, ער דארף מאכן א באשלוס פאר זיין גאנצן לעבן: בין איך גרייט צו בלייבן א חרדי פאר'ן פרייז פון זיין א ממזר אדער זאל איך ווערן מאדערן און זיין א כשר'ער מענטש.
וואס וואלסטו געטוהן?

שיטה, דא קענסטו טרעפן אפילו אזאלכע וואס זענען גרייט צו ווערן א ממזר אבי צו קענען ווערן א "בעדערענער".

שיטה טייערע, דארפסט זיך אויסלערנען וויאזוי אין וועמען צו פרעגן אזעלכע שווערע שאלות.
(און איך האב עס שוין געטיען מער ווי איינמאל פאר שווערע שאלות).

אזוי גייט עס: מען רופט אן דעם רב, די יונגערע זענען געווענדליך בעסער... קויף א נייע פרי-פעיד פאן, קאל א רב, און זאג איהם "קלאר" איך דארף א כשר'ען היתר, שעם דיך נישט, זאג "קלאר" וועסט איהם שיין באצאלן פאר א גוטע היתר, און עס וועט נישט גיין פאבליק. די חברה האבען מורא פאר זייער נאמען, באט שטילערהייט קענען זיי טרעפן היתרים אויף אסאך אסאך זאכן.

אויב דער רב קען דיך, און טראסט דיך, קען זיין בעסער, אויפן טעלעפאן קען ער מורא האבן אז ס'איז א שטיקל, סא, אדער קאלסטו אז ס'איז פאר א צווייטן, אדער אויב דו האסט א חבר וואס ווייסט דיין פעקל זאל ער רופען. אויב דער רב איז א מומחה און טראסט דיך איז אסאך בעסער.

אויב די שאלה איז דיר טאקע אזוי גרויס, פרוביר עס, וועסט זיין ווערי העפי.

דערנאך קענסטו קומען איבערפרעגן דיין "טעאראטישע" שאלה, "ווי חשוב איז חרדישקייט באמת פאר אייך?"...