אותות ומופתים באדמת בני חם

עס איז פאר יעדן באקאנט וואונדערליכע געשיכטעס ווי עס זענען פארגעקומען זאכן וועלכע האבן נישט קיין פשוט'ע נאטירליכע ערקלערונג. אזעלכע זאכן ווערן אויסגענוצט דורך שארלאטאנען אויף צו איבערצייגן אז זיי האבן "העכערע כוחות", דורך געוויסע "דאקטוירים" צו ווייזן אז זיי פארמאגן וואונדערליכע אלטערנאטיווע היילונגען, דורך רעליגיעס צו באשטעטיגן אז זיי פארמאגן אן אמת, דורך רבי'ס אז זיי פארמאגן "כוחות", און אזוי ווייטער.

"מופתים" איז קיינמאל נישט געווען קיין ארטיקל ביי אידן. דער רמב"ם שרייבט (יסודי התורה ח, א): "משה רבנו לא האמינו בו ישראל, מפני האותות שעשה, שהמאמין על פי האותות יש בליבו דופי, שאפשר שייעשה האות בלאט וכישוף." (ווען דער רמב"ם שרייבט אז מען קען מאכן מופתים מיט כישוף מיינט ער נישט דעם סארט כישוף מיט וועלכן מיר זענען באקאנט, וואס ווערט אנגעבליך דורכגעפירט מיט איבערנאטירליכע כוחות הטומאה. דער רמב"ם האט דאך געהאלטן אז כישוף איז א בלויזע אילוזיע, אחיזת עיניים.)

אין חסידישע הויפן זענען טייל נכשל געווארן צו בויען אויף "מופתים", אבער אין אנדערע מקומות האט מען דאס שטארק אוועקגעמאכט. דער קאצקער פלעגט זאגן "אותות ומופתים באדמת בני חם" – די גוים, די בני חם, זיי דארפן האבן מופתים, מיר דארפן דאס נישט האבן.

שטעלט זיך די פראגע, וואספארא מופתים דארפן די גוים האבן? זענען ביי זיי דען דא "מופתים"? דער תירוץ איז: אוודאי יא. "מופתים" איז אן אינדוסטריע וואס איז נישט עקסקלוסיוו פאר קיין שום אומה ולשון, און יעדער וואס גלייבט אין העכערע כוחות האט "ראיות" אז אזעלכע וואס גלייבן פונקט ווי ער האבן געזען "אפענע מופתים". פארשטייט זיך אז א סקעפטיקער איז זיך מסתפק אין אלע באהויפטונגען פון מופתים, א מיסטיקער קען זאגן אז יעדע רעליגיע פארמאגט טאקע "כוחות" - אמאל טומאה און אמאל קדושה, און אן אראגאנטער בת-היענה גלייבט נאר די אייגענע מופתים און נישט דעם צווייטנ'ס.

לאמיר אנפאנגען מיט "אינקארופטיביליטי" אין דער קאטוילישער קירכע. אומקארופטיביליטעט איז די פענאמען פון פגרים מתים וואס בלייבן גאנץ און פריש אפילו נאכ'ן ליגן אין קבר פאר לאנגע יארן. אין דער רוימיש-קאטוילישער קירכע איז פאראן א ריזיגע ליסטע פון פארהייליגטע, "סעינטס" בלע"ז, וועלכע זענען באקרוינט געווארן מיט דעם טיטל "סעינט" צוליב דעם וואס זיי זענען געפינען געווארן גאנץ, איבערווייזנדיג דאדורך אז זיי זענען ראוי לאותה איצטלא. דאס געפינען א גוף גאנץ איז א ראיה אויף הייליגקייט דווקא אויב מען האט עס נישט געפאלמעסט. לאמיר אנכאפן דריי אזוינע "סעינטס".

איין אזא געשיכטע איז פון בערנארד סוביראס וועלכע איז געשטארבן אין 1879, און איז געפינען געווארן גאנץ דרייסיג יאר שפעטער אין 1909. טראצדעם וואס דער שתי-וערב וואס זי האט געהאלטן אין איר האנט איז צעגאנגען אין לויף פון די יארן, איז איר גוף געווען גענצליך אומקארופטירט. מיט דער צייט האט איר הויט פארלוירן דעם אריגינעלן קאליר, האט מען ארויפגעלייגט אויף איר פנים און האנט וואקס וואס זאל עס געבן דעם קאליר ווי ביים לעבן.



דזשאן וויאני איז געווען א פראנצויזישער גלח אין פראנקרייך וועלכער איז געשטארבן אין יאר 1859. דורכאויס זיין לעבן איז אויף אים דערציילט געווארן גאר א סך מופתים, און מעשיות פון רוח הקודש.


וויאני אויף אויסשטעל (מיט וואקס אויפ'ן פנים)

פיא פון פיעטרעלטשינא איז געווען אן איטאליענישער גלח וועלכער איז געשטארבן אין 1968. בחייו איז ער געווען בארימט פאר זיין סיגופים, הויפטזעכליך די סטיגמאטא, דאס איז פייניגונגען לויט די קרייציגונג-וואונדן פון ישו הנוצרי. ער פלעגט גיין הענטשוך צו באהאלטן זיינע געלעכערטע הענט. די וואס זענען געבליבן מיט זיין גוף ביז דער קבורה האבן עדות געזאגט אז די סטיגמאטא איז פלוצלונג גענצליך פארהיילט געווארן, און עס איז נאר געבליבן א צייכן "ווי עס וואלט ווען געמאלן געווארן דורך א רויטן פענציל." אין מערץ 2008 האט מען געעפנט זיין קבר, און זינט דאן איז זיין גוף אויף אויסשטעל.


עס זענען פאראן אן א שיעור "מופתים" פון כל-מיני רעליגיעס און סעקטעס (עטליכע זענען דא צוגעצייכנט געווארן דורך יאיר), ועוד חזון למועד.

יאנקל, די לעצטע טראפן אמונה ציעסטו ארויס פון מיר.... וואו איז ברסלבר?

מהיכי תיתי אז בלייבן גאנץ איז א סימן אויף "העכערס"?
בכל אופן, אפילו אויב יא, אלץ פיין און וואויל אבער אז די בארד זאל נאך זיין נאס פון די מקוה, צענדליגע יארן שפעטער, דאס זעהט מען נאר ביי אונז חסידים!

ס'איז ברור וודאי, אז דאס איז א מתנה פון הימל, אונז צו שטארקן אין די אמונה, דורכ'ן גרעסער מאכן די ניסיונות.

יהיה להם אשר להם.

אונז ווייסן וואס חז"ל לערנען אונז, אז דער וואס איז אויסגעארבעט אין מידת הקנאה, אין עצמותיו נרקבות. זאגן די מפרשים, אבל עורו ובשרו שפיר נרקבין, דזהו כבודו.

איז דער נישט דא א צד צו זאגן, אז דער יעניגע קאטויליק וואס איז געטראפן געווארן גאנץ איז געוועהן אזא מין אדם מאוס , אז אפילו די רימה ותוליעה ווילן נישט שולט זיין אין איהם...

מ'זאגט נאך א ווארט כ'מיין ס'איז פונעם אמרי חיים, אז דער רבש"ע שיקט א גאנצען טאג אראפ ישועות פאר אידען אמאל דארף עס נאר קומען דורך א גוטן איד, זאגט ער הראנו ד' חסדך אבער וישעך די ישועות תתן לנו שיק דורעך אונז!

ס'דא געוויסע ערד וואס עסן יא אויף און ס'דא געוויסע וואס עסן נישט אויף.
מ'האטאמאל אויפגעגראבן צוויי ישראלישע זעלנער און זיי זענען געווען גאנץ.

מופתים איז קיינמאל געווען... ווייל דער רמב"ם שרייבט. ס'איז אלס דא א תהום צווישן דאס וואס איז געווען און וויאזוי ס'וואלט געדארפט צו זיין. איבערהויפט רמב"ם אויף די סוגיא פון נאטור און די איבערנאטורליך. יאנקל, דער רשב"א זוכט א ווארט מיט דיר. היה והיה, און דער רמב"ם מיט זיין אריסטו-ברילן אויסקוק אויף אידישקייט גייט נישט איבערשרייבן היסטאריע. "בזאת תדעון כי ה' שלחני... אם כמות כל האדם ימותון אלה", שטייט אין במדבר. ענדליך אין שמות, דברים לענין נביא שקר, שופטים, מלכים, ועוד. ובכלל, זאגן אויף יעדע אידעאלאגיע קיינמאל אדער אייביג, איז ריוויזיאניסטיש, ווייל דעות טוישן זיך כסדר, און ווי ס'קריסט'ס זיך אידיש'ט זיך, ומי כהרמב"ם יבוא ויעיד.

הפנים, אויסמיידן דעם ואל עפר תשוב איז געווען אן ארטיקל ביי אידן כאטש מזמן הגמרא. עיין שבת קנ"ב ב: רב נחמן ורב אחאי בר יאשיה. ופוק חזו מאי עמא דבר. דאס אז צדיקים בלייבן גאנץ איז שטארק אנגענומען ביי עמך, און אזוי גייט די מעשה אויפן רבי'ן ר' אלימלך ביים קריג.
מענין לענין, אפשר קען איינער מרחיב זיין הדיבור איבערן פינוי החיד"א?

איך ווייס נישט ספעציפיש וועגן די אלע מופתים צו זיי זענען געווען אדער נישט, אדער צו זענען זיי בכלל מופתים (וועגן דעם רעדט מיט יידל'ס אוואטער).

אבער איך מוז אויפקלערן, אז פילאסאפיש, איז דאס וואס מטרעפט אויך סיפורי אותות ומופתים ביי גויים און אנדערע רעליגיעס, איז אדרבה א שטיקל הוכחה אז יש דברים בגו. פון א ראציאנלישער שטאנדפונקט איז גאר נישט מסתבר אז פונקט ביי איין פאלק זאלען זיך מאכען ניסים ומופתים, אויב איז דא עפעס א טבעישער, מיסטישער, אדער רוחניותדיגער, וועג וויאזוי א צדיק זאל נישט פוילען למשל, איז נשט מער ווי מסתבר אז דאס זאל געשעהן ביי קריסטליכע צדיקים פונקט ווי ביי יידושע. ממילא איז דאס וואס מיר טרעפן פארשידענע למעלה מדרך הטבע'דיגע תופעות אויך ביי אנדערע פלעצער העכערט גאר דער שאנס אז די זאכען זענען נישט בלויז איינרעדענישען.

מאראנצןזאפט האט געשריבן:ס'דא געוויסע ערד וואס עסן יא אויף און ס'דא געוויסע וואס עסן נישט אויף.
מ'האטאמאל אויפגעגראבן צוויי ישראלישע זעלנער און זיי זענען געווען גאנץ.

אין איינער פין די ארטיקלען שטייט אז די ערד וואס איז זאלציג באשיצט א טויטער קערפער אויב מען באגראבט אהן א קאסטען .

דער תירוץ דעקט אבער נישט אויף די מתים וואס זיי גראבען אויס און לייגען אין די קלויסטערס.

לעיקוואד האט געשריבן:איך ווייס נישט ספעציפיש וועגן די אלע מופתים צו זיי זענען געווען אדער נישט, אדער צו זענען זיי בכלל מופתים (וועגן דעם רעדט מיט יידל'ס אוואטער).

אבער איך מוז אויפקלערן, אז פילאסאפיש, איז דאס וואס מטרעפט אויך סיפורי אותות ומופתים ביי גויים און אנדערע רעליגיעס, איז אדרבה א שטיקל הוכחה אז יש דברים בגו. פון א ראציאנלישער שטאנדפונקט איז גאר נישט מסתבר אז פונקט ביי איין פאלק זאלען זיך מאכען ניסים ומופתים, אויב איז דא עפעס א טבעישער, מיסטישער, אדער רוחניותדיגער, וועג וויאזוי א צדיק זאל נישט פוילען למשל, איז נשט מער ווי מסתבר אז דאס זאל געשעהן ביי קריסטליכע צדיקים פונקט ווי ביי יידושע. ממילא איז דאס וואס מיר טרעפן פארשידענע למעלה מדרך הטבע'דיגע תופעות אויך ביי אנדערע פלעצער העכערט גאר דער שאנס אז די זאכען זענען נישט בלויז איינרעדענישען.

פארשטייט איינער וואס דער רבי זאגט דא?

דברים פשוטים ונפלאים.

אין אנדערע ווערטער, אויף משנה צו זיין סדרי בראשית דארף מען מגביר זיין חומר על הצורה, און דאדורך באהערשן דער יקום. וואס כאפט א נפקא מינה אויב דער וואס קומט פאר מיט די קרייטעריא איז א איד צו א גוי? דער עיקר איז דאך אז דער טבע טרעט אפ, הותרה אדער הודחה, פאר אזא איינער וואס פירט זיך כך וכך.

הערשי האט געשריבן:מופתים איז קיינמאל געווען... ווייל דער רמב"ם שרייבט. ס'איז אלס דא א תהום צווישן דאס וואס איז געווען און וויאזוי ס'וואלט געדארפט צו זיין. איבערהויפט רמב"ם אויף די סוגיא פון נאטור און די איבערנאטורליך. יאנקל, דער רשב"א זוכט א ווארט מיט דיר. היה והיה, און דער רמב"ם מיט זיין אריסטו-ברילן אויסקוק אויף אידישקייט גייט נישט איבערשרייבן היסטאריע. "בזאת תדעון כי ה' שלחני... אם כמות כל האדם ימותון אלה", שטייט אין במדבר. ענדליך אין שמות, דברים לענין נביא שקר, שופטים, מלכים, ועוד. ובכלל, זאגן אויף יעדע אידעאלאגיע קיינמאל אדער אייביג, איז ריוויזיאניסטיש, ווייל דעות טוישן זיך כסדר, און ווי ס'קריסט'ס זיך אידיש'ט זיך, ומי כהרמב"ם יבוא ויעיד.

הפנים, אויסמיידן דעם ואל עפר תשוב איז געווען אן ארטיקל ביי אידן כאטש מזמן הגמרא. עיין שבת קנ"ב ב: רב נחמן ורב אחאי בר יאשיה. ופוק חזו מאי עמא דבר. דאס אז צדיקים בלייבן גאנץ איז שטארק אנגענומען ביי עמך, און אזוי גייט די מעשה אויפן רבי'ן ר' אלימלך ביים קריג.
מענין לענין, אפשר קען איינער מרחיב זיין הדיבור איבערן פינוי החיד"א?

זייער אמת'ע געדאנקען. איך האב אבער נישט געשריבן אז "מופתים איז קיינמאל געווען", נאר אז "מופתים איז קיינמאל נישט געווען קיין ארטיקל ביי אידן" - דאס הייסט אז מ'האט נישט געבויט די רעליגיע אויף מופתים. איז עס דען געווען אזוי? אוודאי נישט - איך האב אליין אנגעמערקט אז חסידים האבן דאס נישט נאכגעפאלגט. אבער איך האב נישט געזאגט קיין היסטארישער פאקט, נאר א טעאלאגישער געדאנק. אונזער היינטיגער פארמאט פון יהדות איז מיסודו שטארק באזירט אויף דעם רמב"ם, איז ריכטיג צו זאגן לפי זה אז עפ"י אמונתינו איז מופתים קיינמאל נישט געווען קיין ארטיקל ביי אידן לויט דעם צו בויען אידישקייט.

יעצט קען מיר איינער מסביר זיין וואס דער צדיק זאגט?
אז איינער גלייבט אז מופתים קומט ווייל צדיק גוזר והקב"ה מקיים ווערט אים מער נתאמת די נקודה אויב א גלח באווייזט אויך מופתים?

אראנדזש דזשויס,
לערן די סדרה. בלעם האט געהאט א כוח פון מהפך זיין די סדרי הטבע מיט קללות. קלארע נסים.
אבל באומות העולם קם, ומני בלעם. אזוי גרויס ווי משה, הערסט ווערטער. די שכינה האט שורה געווען אויף אים שטערקער ווי ביים רעבען.

וכדברי אליהו הנביא זכור לטוב שאמר מעיד אני עלי שמים וארץ, בין ישראל בין גוי, בין איש בין אשה, בין עבד בין שפחה, הכל לפי המעשה שעושה, כך רוח הקדש שורה עליו (תדא"ר פ"ט).

די פראבלעם איז אבער געווען אז ער איז נישט געווען דערביי. ער האט פארשטאנען דעם ענין אבער נאר ווי א ברק המבריק. ויקר, עס האט עם געכאפט במקרה, אבער נישט בקביעות, ער איז נישט געווען דאס וואס ער האט פארשטאנען. אז מען טוט מעשה פעור מיט די בנות מואב ווייל מען פארשטייט די סודות פון דעם הייליגער אישביצער, אבער מען איז נישט דערביי, האט עס אזא פנים.

כל העדה כולם קדושים איז אמת, אבער מען איז נאך נישט געווען דערביי. עס איז געווען פאר די צייט.

אראנדזש זשויס העסטו רופן דיין באבע, צו מיר זאלסטו רעדן מיט רעספעקט, מאראנצןזאפט.

טשיללעקס.
עס האט מיך שוין מער ווי איינער גערופען אעפ"כ, און I didn't take it personal.
איך קען מיך גארנישט פארשטעלן וויאזוי דו וואלסט רעאגירט ווען מען רופט דיך ביי דיין ענגלישע ראשי תיבות.

פונקט נעכטן איז געווען באריכטעט אין די נייעס די מאדנע אנטרעפעניש פון א סטאטוע וואס דרייט זיך פון זיך אליין. די סטאטוע איז פון אן אור-אלטער עגפיטישער מאן, וואס איז געלעגן צוזאמען מיט דעם מאן אין קבר און ליגט יעצט אין מאנשעסטער מוזעאום. דער סטאטוע ליגט שוין אינעם מוזעאם פאר 80 יאר, אבער לעצטנס האט ער זיך אנגעהויבן אויפפירן מאדנע. במשכ'ן טאג דרייט ער זיך אין א צירק זייער שטייט, ביז ער שטייט אויסגעדרייט מיטן רוקן צו די באזוכער, און אזוי בלייבט ער שטיין. די מוזעאום האט אויפגעשטעלט א טיים-לעפס ווידעא וואס האט רעקארדירט די מאדנע אויפפיראכטס:

און די גלייבסט די שטותים?

דו האלטס אז די ווידעא איז פאלש?

איך אויך האט געשריבן:און די גלייבסט די שטותים?

ווער רעדט דא פון "גלייבן".
סך הכל פארציילט ער א מעשה.
deal מיט די פאקטן.

וואס קען דאס מיינען? אז פרעה איז עכט יא געווען אן אפגאט און טאקע נישט געגאנגען אין טוילעט?

איך ווייס נישט אבער דאס ווייס איך יא אז אויב זאל עס ווען שטיין אין חז"ל וואלטן זיך שוין געיאוועט אפאר 'אויפגעקלערטע' (לאו דוקא יידל) עס אפצופרעגן מיט כל מיני קלאץ קאשעס.

אויב דו ווילסט וויסן מיין מיינונג, לדעתי איז זיכער דא א ראציאנאלע הסבר אויף דעם אן קיין אותות ומופתים.

ווען חז"ל וואלטן באגלייט זייערע ווערטער מיט יוטוב ווידעאס וואלט שווערער געווען עס אפצופרעגן מיט קלאץ קאשעס.

אינעם ארטיקל צו וועלכע כ'האב צוגעלינקט ברענגן זיי נאך פון א פיזיקער וואס טענה'ט אז דאס דרייען זיך פונעם סטאטוע איז א נאטורליכע ערשיינונג וואס הייסט דיפארענשעל פריקשאן. דער עגיפטאלאג וואס איז ממונה אויף דעם עקזהיביט טענה'ט אבער אז עס איז מוכרח אז דאס דרייט זיך מכוח א קללה פון דעם פארשטארבענעם עגפיטישן מאן, וויבאלד די עקזהיביט איז שוין אויף דיספלעי יארן לאנג, און פונקט יעצט האט זיך עס אנגעהויבן דריין for no good reason.

ווער ווייסט, אפשר איז דאס די סאמע לעצטע נסיון איידער ביאת המשיח.

דער עגיפטאלאג וואס איז ממונה אויף דעם עקזהיביט מוז אזוי זאגן אז נישט פארוואס זאל מען עם צאלן זיין געהאלט?

הייסט עס אז די ווערטער פון אונזערע הייליגע און קליגע חכמים זענען נישט ווערט ניטאמאל צו זיין גלייך מיט א יוטוב קליפ. נעבעך.

די ווערטער פון אונזערע הייליגע און קלוגע חכמים זענען קדוש וטהור, און אזוי אויך זענען די ווערטער פון אונזערע הייליגע און קלוגע ראשונים וועלכע האבן אונז געלערנט וויאזוי צו לערנען די ווערטער פון חז"ל.

דאס איז שוין אמאל אויסגעשמיסט געווארן דא אויף ק"ש באריכות
ווער קען לינקען

וואס האט טאקע מעגליך פאסירט דארט? טעקטאניק סטרעין טעאריע.

m http://www.science-frontiers.com/sf064/sf064g10.htm m
m http://skepdic.com/zeitoun.html m


Sent from my SM-G903F using Tapatalk

דראמאטישע ווידיאו פון א גייסטליכער ארויסטראבן א דיבוק

m https://m.facebook.com/story.php?story_ ... 0737027693 m

קוקט מער אויס ווי א גייסטיש קראנקער (סקעטסאפרעניק?) ווי א דיבוק.
און די סיבה פארוואס זי האט זיך בארואיגט איז ווייל ער האט מיטגעשפילט מיט איר דמיון. (אזא סארט היפנאזיע)

m http://www.dailymail.co.uk/news/article ... otage.html m

m http://dawntoday.com/muhammad-pbuh-gets ... s-by-nasa/ m

NASA Confirms Name of Prophet on Mars

נישט אינגאנצן א שייכות מיט דעם אשכול, אבער א שטיקל שייכות האט עס. אין דעם מאמענט מאגאזין פון דער וואך איז דא אן ארטיקל וועגן דעם קבר פון ר' גדליה יוסף בערנשטיין ז"ל וועלכער ליגט אין בארא פארק. א איד הרב לייבוש פריינד האט מפרסם געווען פאר דער וועלט אז דאס איז א קבר פון אן איש צדיק נורא, און מ'קען זען אפענע ישועות דארטן - באזירט אויף דעם נוסח המציבה וואו עס שטייט גאר הייליגע לשונות.

שטעלט זיך ארויס אז א יונגערמאן מיט'ן נאמען פעדער פון שיכון סקווירא האט אויסגעפארשט דעם ענין, און איז אויפגעקומען אז דער נפטר איז בכלל נישט געווען אזא צדיק נשגב, און דער נוסח המציבה איז געשריבן געווארן דורך א משכיל א לץ וועלכער האט גענוצט די זעלבע לשונות אויף אנדערע מציבות...

גייט דער שרייבער פונעם מאמענט צוריק צו הרב פריינד און ברענגט אים די פאקטן וואס זענען אנטדעקט געווארן וועגן זיין ציון הקדוש, אבער הרב פריינד רירט זיך נישט פון זיין אמונת צדיקים. "למעשה זעט מען ביי דעם קבר אותות ומופתים," טענה'ט ער...

ס'איז דאך א בפירוש'ע משנה אין אנהייב מס' עבודה זרה..."לפני אידיהן, טאר מען נישט האנדלען, און אפילו איינמאנען א חוב פון די גויים די עובדי עבודה זרה. ווייל זיי וועללן נאכדעם גיין און לויבן זייער עבודה זרה, אז ר'האט זיי געהאלפן. פרעגט די גמרא... איינמאנען א חוב איז דאך נישט אזא גוטע זאך...?! ענטפערט די גמ', אז פטור ווערן פון א חוב איז יא א גוטע זאך. און דער עובד עבודה זרה וועט גיין און דאנקען זיין עבודה זרה...!

איך מיין אז דאס גייט זיין דער נעקסטער פעד/טרענד. צו גיין באזוכן אזוי-גערופענע קברי צדיקים, וואו מ'זעהט ..."ישועות"...!

אפשר גייט מען באזוכן יידל איציק בן ר' אהרון לייב'ס קבר אויכעט. איי, ס'איז אין א גוי'אישען סעמעטערי. די ..."מופתים"... וואס מ'וועט זעהן דארט וועט מכפר זיין אויף אלעם. ס'וועטציך טון א לויפעניש אהין...!

m http://www.ivelt.com/forum/viewtopic.php?t=17620 m

הקטן האט געשריבן:

נולד מאוחר האט געשריבן:דו וואלסט אנגערופען טראמפ א פרעזידענט?

איז דאס א פרעדיקשען פין @נולד מאוחר?
We’ll have to wait and see how that pans out

נולד מאוחר, נתקיימה הנבואה.

א שטארקע באווייז - דער קבר איז ליידיג..

m http://www.independent.co.uk/news/scien ... 53876.html m

א דיבוק האט גע'הרגעט א גלח וואס האט עס געוואלט ארויסטרייבן
m http://dailym.ai/2imOewO m

m http://dailym.ai/2omh72Z m

א מופת ממש ווי ביי די בת עין אין צפת!!

m http://dailym.ai/2pkCgKU m

א מענטש איז שוין געוועהן טויט פאר 45 מינוט און איז צוריקגעקימען

m https://youtu.be/a_-s-KobZ64 m

א מופת אין טעקסעס

m http://dailym.ai/2xuQY44 m

המלוכה והממשלה האט געשריבן:א מופת אין טעקסעס

http://dailym.ai/2xuQY44

א גרעסערע מופת וואלט געווען ווען דאס הויז בלייבט און דער העיל מערי סטאטוע וואלט זיך ציבראכן און אפגערעטעט ס'הויז און פאר הינדערט טולער געקויפט א נייע געטשקע, וואס האבן זיי פון א סטאטוע אנע הויז.
מופת מייעעס

פליקער: אזעלכע נוצלאזע און צוועקלאזע מופתים קען דער הייליגער מישקלאצער אין ארץ ישראל אויך פראדוצירן...!

איך האלט אינמיטן לייענען דעם בוך/ספר מופת הדור/דער וואונדערליכער צדיק פון רבי ישעהילע קערעסטירער זי"ע.

ס'איז זייער א מקורותדיגער ספר, יעדע מעשה טראגט א נאמען מיט וועם ס'האט פאסירט, און ס'איז אידן פון אינגאנצן איינס אדער צוויי דורות צוריק, וואס זייערע קינדער און אייניקלעך זענען נאך מיט אונז.

איך ווייס אז דא אין ק"ש קומט גלייך די קושיא, נניח אז ס'איז יא דא מופתים, איז וואס? צו וואס איז דאס א ראיה?


איך פארמאג נישט גענוג ידיעות אין די מופתים אינדוסטרי אז איך זאל קענען פעסטשטעלן צו ס'איז א ראיה אויף עפעס אדער נישט (אזוי ווי קיינער דא וואלט נישט דעבאטירט איינשטיין אויף רעלאטיוויזם, אפגעזעהן וואספארא גוטע קושיות דו האסט אויף זיין טעאריע, אזוי האט נישט קיין פשט צו דעבאטירן ר' ישיעהלע אדער דעם צאנזער רב צו מ'קען יא אדער נישט קומען אין חלום צום פריץ ער זאך ארויסלאזן דעם איד וכו' פשוט ווייל זיי האבן געוואוסט א ים מיט אינפארמאציע מער פון דיר), אבער איין זאך קען איך אייך זאגן ס'איז העכסט אינטערסאנט (איך רעד אין דעם פאל וואס די אלע מעשיות זענען לכאורה אמת, זייער אסאך דערציילט דורך די מענטשען וואס בדידם הוה עובדא).


אגב, ווייס איך פון א אינגערמאן וואס איז געווען גאנץ שוואך אין אידישקייט, האט זיך היבש פארבעסערט נאכן האבן א מופת ביים ריבניצערס ציון. ס'איז נישט קיין לאגישע זאך וואס האט מיט 'שכל' געטוישט זיין מיינונג צו ענדערן זיין מהלך החיים, ס'איז די 'הרגש' פון שפירן א השגחה פרטיות אויף די אייגענע האנט בזכות הצדיק וואס וועקט איינעם אויף. טיעף אין הארץ איז יעדער א איד, די אלע 'קושיות' (וואס זענען קיינמאל קיין קושיות געווען) און ספיקות ווערן בטל ומבוטל איינמאל מ'שפיהרט עפעס א השגחה פרטית אויף א איבערנאטורליכן אופן אויף די אייגענע הויט.

יעקב מענטש האט געשריבן:א טיעף אין הארץ איז יעדער א איד, די אלע 'קושיות' (וואס זענען קיינמאל קיין קושיות געווען) און ספיקות ווערן בטל ומבוטל איינמאל מ'שפיהרט עפעס א השגחה פרטית אויף א איבערנאטורליכן אופן אויף די אייגענע הויט.

וויל איך פרעגן/וויסן אויב מיט איינער וואס גלייבט נישט אדער גלייבט נאר זיין אמונה איז שוואך און ער לעבט דורך א מופת אדער א השגחה פרטית און זיין אמונה זיין אידישקייט שטארקט זיך אויף ווי לאנג בלייבט דער רושם אז ער האלט זיך שטארק?

Sent from my SM-G950U using Tapatalk

נישט לאנג, בדידי הוה עובדא

אויב מאכט מען אבער א פיזישע טויש און מען קעשט דא אן. איז א אנדערע מעשה

יעקב מענטש האט געשריבן:איך האלט אינמיטן לייענען דעם בוך/ספר מופת הדור/דער וואונדערליכער צדיק פון רבי ישעהילע קערעסטירער זי"ע.

ס'איז זייער א מקורותדיגער ספר, יעדע מעשה טראגט א נאמען מיט וועם ס'האט פאסירט, און ס'איז אידן פון אינגאנצן איינס אדער צוויי דורות צוריק, וואס זייערע קינדער און אייניקלעך זענען נאך מיט אונז.

איך ווייס אז דא אין ק"ש קומט גלייך די קושיא, נניח אז ס'איז יא דא מופתים, איז וואס? צו וואס איז דאס א ראיה?


איך פארמאג נישט גענוג ידיעות אין די מופתים אינדוסטרי אז איך זאל קענען פעסטשטעלן צו ס'איז א ראיה אויף עפעס אדער נישט (אזוי ווי קיינער דא וואלט נישט דעבאטירט איינשטיין אויף רעלאטיוויזם, אפגעזעהן וואספארא גוטע קושיות דו האסט אויף זיין טעאריע, אזוי האט נישט קיין פשט צו דעבאטירן ר' ישיעהלע אדער דעם צאנזער רב צו מ'קען יא אדער נישט קומען אין חלום צום פריץ ער זאך ארויסלאזן דעם איד וכו' פשוט ווייל זיי האבן געוואוסט א ים מיט אינפארמאציע מער פון דיר), אבער איין זאך קען איך אייך זאגן ס'איז העכסט אינטערסאנט (איך רעד אין דעם פאל וואס די אלע מעשיות זענען לכאורה אמת, זייער אסאך דערציילט דורך די מענטשען וואס בדידם הוה עובדא).


אגב, ווייס איך פון א אינגערמאן וואס איז געווען גאנץ שוואך אין אידישקייט, האט זיך היבש פארבעסערט נאכן האבן א מופת ביים ריבניצערס ציון. ס'איז נישט קיין לאגישע זאך וואס האט מיט 'שכל' געטוישט זיין מיינונג צו ענדערן זיין מהלך החיים, ס'איז די 'הרגש' פון שפירן א השגחה פרטיות אויף די אייגענע האנט בזכות הצדיק וואס וועקט איינעם אויף. טיעף אין הארץ איז יעדער א איד, די אלע 'קושיות' (וואס זענען קיינמאל קיין קושיות געווען) און ספיקות ווערן בטל ומבוטל איינמאל מ'שפיהרט עפעס א השגחה פרטית אויף א איבערנאטורליכן אופן אויף די אייגענע הויט.

יעקב מענטש: מיין פערזענליכע מיינונג (אויב ס'איז עפעס ווערד) איבער די מופתים און אפענע רוח הקודש פונ'ם ריבניצער רעבי'ן זצוק"ל, איז. אז ער איז געווען זייער א זיסער און ליבליכער איד וואס האט געברענט מיט אהבת ישראל פאר א יעדן איד. און ער האט זיכער א סאך גרויסע זכותים אין הימל. זייענדיג א שוחט און מוהל אונטער די קאמוניסטישע רעגירונגען. וואס האט געפאדערט א סאך מסירות נפש.אבער לגבי זיין רוח הקודש און מופתים ביניך בבחינת הציץ ונפגע. מפני מעשה שהיה. איך וויל דא נישט פארציילן די גאנצע מעשה בכל פרטיה ודיקדוקיה. אבער ס'האטציך געהאנדלט איבער א מענטש א גרויסער בעל עבירה, רח"ל. וועלכער איז געקומען צו איהם. נישט ווייל ער האט געוואלט תשובה טון. נאר ווי איינער וואס האטציך אהערגעשטעלט אלס מלאך המושיע. און אויב די טשעין אוו לאדזשיק. וואלט געווען אז די רבי האט רוח הקודש. וואלט דער ריבניצער רבי איהם געדארפט ארויסווארפן בשתי ידיים. און ער האט דאס נישט געטון. אדרבה. ווייל ער האט געגעבן א גרויסע נתינה פאר די גבאים, (זייענדיג אן עושר) האבן זיי געזאגט פאר דעם רעבי'ן אז מ'זאלל איהם ספעציעל פיין באהאנדלען...! דארט איז מיין אמונה אין דעם רעבינ'ס רוח הקודש געווארן אפגעפרעגט...! ווייל די שמועות זענען ארומגעגאנגען אז די רבי ווייסט אויב איינער איז געווען יענעם טאג אין מקוה אדער נישט...! און דא...!

יעקב מענטש: אלס הוספה צו מיין פריער'דיגע תגובה. איך גלייב מער אין השגחה פרטית אז דער אייבישטער שיקט צו אין די ריכטיגע מאמענט א ישועה ווען מ'דארף עס נויטיג האבן. ס'איז געווען אין אן ערב שבת קודש. בערך א שעה פאר'ן זמן פון שבת. ווען איך בין געפארן קיין מאנסי צו א משפחה שמחה. און איך האב באקומען א פלעט טייער גלייך אין אנהויב פון דעם פאליסעידס פארקוועי. ווען איך האב מיך געשטעלט אויף די שאולדער. און אנגעהויבן ארבעטן צו טוישן דאס רעדל, האטציך אנגערוקט א (מאדערן געקליידעטער) איד. שוין אנגעטון שבת'דיג. און ער האטציך אנגעטראגן מיר צו העלפן טוישן דאס רעדל. צוערשט האביך איהם אפגעזאגט. אבער ער האטציך גע'עקשנ'ט. און ער האטציך גענימען ארבעטן און געטון דעם דזשאב ממש כהרף עין. ער האט מיך נישט געלאזט גארנישט טון. אפילו צוריקלייגן דאס פעלער'דיגע רעדל אין טראנק אויך נישט. ווען איך האב איהם (אינמיטן די ארבעט) געפרעגט זיין נאמען. האט ער מיר געזאגט א נאמען. וואס איך האב נאכגעקוקט, אין די גאנצע געגנט פון מאנסי וסביבותיה. און כ'האב נישט געטראפן אזא נאמען. כ'האב מיך אויך נאכגעפרעגט פון א סאך מענטשן. און קיינער האט נישט געקענט א מענטש מיט אזא נאמען. ער האט מיר געזאגט אז ער וואוינט אין העווערסטראו....! גלייך ווי ער האט געענדיגט צו ארבעטן אויף מיין קאר און צוריקגעלייגט די רעדל, האביך איהם געוואלט באדאנקען. אבער ער איז נעלם געווארן כהרף עין. כאטש ס'איז דאמאלס געווען א טרעפיק אויפ'ן פאליסעידס...!

איך בין ב"ה אנגעקומען מיט מיין משפחה קיין מאנסי מיט גענוג צייט פאר'ן זמן כניסת שבת...!

יעצט. ווער ס'ווילל ק'ען זאגן אז דאס איז א נארישע מעשה. (ספעציעל די אויפגעקלערטע אויבער חכמים וועלכע האבן זיך אמאל געדרייט דא. נאר היינט שלאפן זיי.)

א פארגלייבטער חסיד וואלט עס תולה געווען אלס מופת פון זיין רעבי'ן. איך זאג אז ס'קען זיין גילוי אליהו. אדער סתם השגחה פרטית. און ס'איז נישט געשעהן אין מיין זכות. נאר אין זכות פון שבת קודש. ווייל ווען נישט וואלט איך (ח"ו) געבליבן שטעקן אויפ'ן הייוועי אום שבת. אויך. דאס איז א באווייז. (ספעציעל פאר די וויזשניצער און סקווירא'ער חסידים) אז דער אייבישטער קען אויכעט באווייזן מופתים. נישט נאר די רעבע...!

די אלע השגחה פרטית מעשיות זענען אפשר א ראיה אז ס'דא עפעס א העכערע כח/כוחות וואס פירט אונז ביי די נאז, דו ווייסט אבער נאכנישט צו דאס איז גנש צו קרישנה, אדער אפשר גאר יאשקע אליינס.

רביה"ק: דו ביסט גערעכט. ווען איך וואלט געווען א קריסט. וואלט איך עס תולה געווען אין יאשקע. אזוי ווי אלע גוטע און פרומע קריסטן. ביניך דאך ב"ה א איד. און איך זאג א יעדן טאג די ברכה שלא עשני גוי. און איך טאנץ פאר שמחה אז דער אייבישטער האט אראפגעברענגט מיין נשמה צו א אידישע משפחה. נאר זייענדיג אן ערליכער איד, האט מיך דער אייבישטער געראטעוועט דורך השגחה פרטית פון אריינפאללן אין עקסטרעמיסטישע גרופס. וואס, הערנדיג די היסטאריע פון מיין משפחה וויאזוי איך וואלט ח"ו אנגעקומען צו תולדות אהרן אדער די סקווירא'ער קולט, השם ישמרנו. וואלט איך היינט געוואוינט אין גאולה אדער מאה שערים. און איך וואלט מיך באטייליגט אין פארברענען גארבידזש קאנטעינערס און צוברעכן טרעפיק לייטס. אדער שלאגן אידישע סאלדאטן. אדער איך וואלט געוואוינט אין דעם העיליגן שטעיטל סקווירא. אן איך וואלט מיך באטייליגט אין פארברענען הייזער פון די מתנגדים פון דעם העיליגן רעבי'ן שליט"ע. די פרטים וועל איך בלי"נ פארציילן ביי א צווייטע געלעגנהייט. דער שבת קודש קלאפט שוין ביי מיין טיר...א גוטן שבת...!