ענדליך! א צענזורירטע חומש פאר עהרליכע אידן! (נישט קיין וויץ)

פאר לאנגע יאהרן איז דאס נישט געוועהן מער ווי א זשאוק (ווי"ץ בלע"ז), אבער יעצט איז ארויסגערינען אז ס'עגזיסטירט שוין. יא! עס איז שוין דא א צענזורירטע חומש פאר עהרליכע אידישע קינדער אז זיי זאלן זיך נישט דארפען אנשטויסן אין די אומבאקוועמטע און. אומאיידעלע מעשיות פון די תורה, און אזוי זאלן זייערע הערצער בלייבן איידעל און ריין ווי אמת'ע עהרליכע אידישע קינדער דארפען זיין.

מוסד סקווער האט ארויסגעגעבן א חומש ספעציעל פאר די תלמידות, וואס לאזט ארויס אלע פרשות און פסוקים וואס מ'וויל נישט אז די קינדער זאלן זעהן. כדי ס'זאל נישט זיין אפיציעל א צענזערירטע חומש זענען זיי אויפגעקומען אויף א טריק. זיי לאזן ארויס איין ווארט פון יעדע פסוק, אז ס'זאל נישט הייסן ממש א חומש.

ענדליך! ווי הייליג און טייער איז כלל ישראל אז מ'איז שוין אנגעקומען דא.

ביי די פרשה פון לוט מיט זיינע טעכטער, צענזורירט די חומש די פאלגענדע פסוקים

(לא) וַתֹּאמֶר הַבְּכִירָה אֶל הַצְּעִירָה אָבִינוּ זָקֵן וְאִישׁ אֵין בָּאָרֶץ לָבוֹא עָלֵינוּ כְּדֶרֶךְ כָּל הָאָרֶץ. (לב) לְכָה נַשְׁקֶה אֶת אָבִינוּ יַיִן וְנִשְׁכְּבָה עִמּוֹ וּנְחַיֶּה מֵאָבִינוּ זָרַע. (לג) וַתַּשְׁקֶיןָ אֶת אֲבִיהֶן יַיִן בַּלַּיְלָה הוּא וַתָּבֹא הַבְּכִירָה וַתִּשְׁכַּב אֶת אָבִיהָ וְלֹא יָדַע בְּשִׁכְבָהּ וּבְקוּמָהּ. (לד) וַיְהִי מִמָּחֳרָת וַתֹּאמֶר הַבְּכִירָה אֶל הַצְּעִירָה הֵן שָׁכַבְתִּי אֶמֶשׁ אֶת אָבִי נַשְׁקֶנּוּ יַיִן גַּם הַלַּיְלָה וּבֹאִי שִׁכְבִי עִמּוֹ וּנְחַיֶּה מֵאָבִינוּ זָרַע. (לה) וַתַּשְׁקֶיןָ גַּם בַּלַּיְלָה הַהוּא אֶת אֲבִיהֶן יָיִן וַתָּקָם הַצְּעִירָה וַתִּשְׁכַּב עִמּוֹ וְלֹא יָדַע בְּשִׁכְבָהּ וּבְקֻמָהּ. (לו) וַתַּהֲרֶיןָ שְׁתֵּי בְנוֹת לוֹט מֵאֲבִיהֶן. (לז) וַתֵּלֶד הַבְּכִירָה בֵּן וַתִּקְרָא שְׁמוֹ מוֹאָב הוּא אֲבִי מוֹאָב עַד הַיּוֹם. (לח) וְהַצְּעִירָה גַם הִוא יָלְדָה בֵּן וַתִּקְרָא שְׁמוֹ בֶּן עַמִּי הוּא אֲבִי בְנֵי עַמּוֹן עַד הַיּוֹם.

די פרשה פון יהודה מיט תמר איז צענזערירט, און ביי די פרשה פון יוסף און פוטיפר פעלן די פאלגענדע פסוקים
(ז) וַיְהִי אַחַר הַדְּבָרִים הָאֵלֶּה וַתִּשָּׂא אֵשֶׁת אֲדֹנָיו אֶת עֵינֶיהָ אֶל יוֹסֵף וַתֹּאמֶר שִׁכְבָה עִמִּי. (ח) וַיְמָאֵן וַיֹּאמֶר אֶל אֵשֶׁת אֲדֹנָיו הֵן אֲדֹנִי לֹא יָדַע אִתִּי מַה בַּבָּיִת וְכֹל אֲשֶׁר יֶשׁ לוֹ נָתַן בְּיָדִי. (ט) אֵינֶנּוּ גָדוֹל בַּבַּיִת הַזֶּה מִמֶּנִּי וְלֹא חָשַׂךְ מִמֶּנִּי מְאוּמָה כִּי אִם אוֹתָךְ בַּאֲשֶׁר אַתְּ אִשְׁתּוֹ וְאֵיךְ אֶעֱשֶׂה הָרָעָה הַגְּדֹלָה הַזֹּאת וְחָטָאתִי לֵאלֹהִים. (י) וַיְהִי כְּדַבְּרָהּ אֶל יוֹסֵף יוֹם יוֹם וְלֹא שָׁמַע אֵלֶיהָ לִשְׁכַּב אֶצְלָהּ לִהְיוֹת עִמָּהּ. (יא) וַיְהִי כְּהַיּוֹם הַזֶּה וַיָּבֹא הַבַּיְתָה לַעֲשׂוֹת מְלַאכְתּוֹ וְאֵין אִישׁ מֵאַנְשֵׁי הַבַּיִת שָׁם בַּבָּיִת. (יב) וַתִּתְפְּשֵׂהוּ בְּבִגְדוֹ לֵאמֹר שִׁכְבָה עִמִּי וַיַּעֲזֹב בִּגְדוֹ בְּיָדָהּ וַיָּנָס וַיֵּצֵא הַחוּצָה. (יג) וַיְהִי כִּרְאוֹתָהּ כִּי עָזַב בִּגְדוֹ בְּיָדָהּ וַיָּנָס הַחוּצָה. (יד) וַתִּקְרָא לְאַנְשֵׁי בֵיתָהּ וַתֹּאמֶר לָהֶם לֵאמֹר רְאוּ הֵבִיא לָנוּ אִישׁ עִבְרִי לְצַחֶק בָּנוּ בָּא אֵלַי לִשְׁכַּב עִמִּי וָאֶקְרָא בְּקוֹל גָּדוֹל. (טו) וַיְהִי כְשָׁמְעוֹ כִּי הֲרִימֹתִי קוֹלִי וָאֶקְרָא וַיַּעֲזֹב בִּגְדוֹ אֶצְלִי וַיָּנָס וַיֵּצֵא הַחוּצָה. (טז) וַתַּנַּח בִּגְדוֹ אֶצְלָהּ עַד בּוֹא אֲדֹנָיו אֶל בֵּיתוֹ. (יז) וַתְּדַבֵּר אֵלָיו כַּדְּבָרִים הָאֵלֶּה לֵאמֹר בָּא אֵלַי הָעֶבֶד הָעִבְרִי אֲשֶׁר הֵבֵאתָ לָּנוּ לְצַחֶק בִּי. (יח) וַיְהִי כַּהֲרִימִי קוֹלִי וָאֶקְרָא וַיַּעֲזֹב בִּגְדוֹ אֶצְלִי וַיָּנָס הַחוּצָה. (יט) וַיְהִי כִשְׁמֹעַ אֲדֹנָיו אֶת דִּבְרֵי אִשְׁתּוֹ אֲשֶׁר דִּבְּרָה אֵלָיו לֵאמֹר כַּדְּבָרִים הָאֵלֶּה עָשָׂהּ לִי עַבְדֶּךָ וַיִּחַר אַפּוֹ.



קרעדיט: דוד אסף

.

נעם אראפ די בילדער איך הייב אן טראכטען שלעכטע זאכן

זאגט די הייליגע משנה אין מסכת מגילה:

מעשה עגל הראשון, נקרא ומתרגם.

והשני, נקרא ולא מתרגם.

ברכת כהנים, מעשה דוד ואמנון , לא נקראין ולא מתרגמין.

אין מפטירין במרכבה.

ורבי יהודה מתיר.

רבי אליעזר אומר, אין מפטירין בהודע את ירושלים.

זייער א גוטע זאך. די גוים פארשטייען שוין לאנג אז אזעלכע זאכן לערנט מען נישט מיט קינדער, פארדעם האט מען מתקן געווען די פערענטל סעיפטי רעיטינגס אויף מאוויס און געימס, סאיז פשוט אז די תורה וואלט באקומען אן R רעיטינג, און קודאס פאר זיי אז זיי האבן געהאט די גאס עס צו צענזערירן פאר קינדער.

עס איז דא א גרויסער חילוק צווישן לא נקרא ולא מתרגם און אינגאנצן ארויסשניידן פון חומש בבל יראה ובל ימצא.

אגב, איך זע דא אן אפענע באשטעטיגונג צום תורת התעודות .

אין טויזענט יאר פון היינט וועלן בייבעל פארשער אויפקומען מיט א טעאריע אז די אלע נישט-אים-שבת-גערעדט לעגענדעס אין די בייבל איז שפעטער צוגעלייגט געווארן דורכאוס די ירידות הדורות, באזירט אויף ארכילאגישע געפינסן פון בייבל עקזעמפלארן פון אוטענטישע מסורה'דיגע געמיינדעס ווי די אלע דברי חשק איז בכלל נישט געווען צום געפינען. ושלטו בו ידי זרים.

ערענסט גערעדט, דאכט זיך די טריק מיט די פעלענדע ווערטער פעלט זיך אויס אלס א לופהאל צו הלכה. מ'טאר נישט דריקן א פעלערהאפטיגע ווערסיע פון די תורה. מיט צענוזור האבן זיי גאנץ ווייניג א פראבלעם.

ווארטן מיר יעצט אז איימיצער זאל האבן די קוראזש צו ערפינדן א לופהאל ווי תינוקת מיזן נישט גיין אין מרחץ ערום מיט ערוואקסענע, און מיר זענען אויפן וועג צו ווערן גאנץ לאטיש און ווייניגער פאראדאקסיש אין זהירות בצניעות פאר די אינגע אומאנטוויקעלטע צאן קדשים.

דאס ווייזט קלאר וויאזוי אכשר דרא'דיגע גארביזש האט א דירעקטע נעגאטיווע תוצאה. ה"י.
אז די רבי איז אבער גאט, קען ער מאכן לוחות שניות.

מ'זעהט בחוש אז די וואס האבן עובר געווען אויף די תקנות וועד ארבע ארצות וקאנאדא נישט צו לערנען תורה מיט נקיבות, כשהן יורדין יורדין, און צענזורען די תורה ווי כאילו געוויסע פרשיות זענען חלילה נישט געאייניגט צו לערנען מיט קינדער, כאילו די פרשיות זענען כפשוטן רח"ל, די ספרים הקדושים זענען פיל מיט סודות און רמזים אויף די פרשיות (עיין זוה"ק דף כ', אגרא דכלא, וחידושי תורה תשט"ז).
הגה"צ ר' נתן יוסף זצ"ל פארציילט בשם הגה"ק ר' עזריאל, אז ס'איז אמאל געקומען צום רבין זי"ע דער מנהל פון א בית יעקב, און געפרעגט צו מ'מעג ארויסנעמען פונעם חומש פרשת אדם וחוה לפני החטא, און דער רבי האט זיך שטארק געבייזערט.

העתק פון "דער איד" פרייטאג פרשת בלק

עס הייבט זיך אן מיט לערנען תורה מיט מיידלעך, נאכדעם הייבט מען אן לערנען תורה כפשוטו, און צום סוף זאגט מען נאך אז געוויסע פרשיות אין די תורה זענען נישט געאייגנט פאר קינדער.

און די נייע העמישע סקווירא חומש האט מען געטוישט פון ״דברי תורה כלשון בני אדם״ צו א נייע נוסח
״דברעי העימשע חומש כלשון בעהעימעס״
איי וואס איז מיט זאת התורה לא תהא מוחלפת ? איי געיס אין jew town איז דא אנדערע הלכות
זיי ווערן מיר שוין פרימער ווי גאט אליינס ! אוי רבש״ע וואס וועט דא זיין ??

וואס איז נעגעטיוו? מ'לערענט עס ממילא נישט, איז וואס פעלט אויס די נייגער. רוב קינדער באקומען זייער אינפארמאציע איבער כלה למה נכנסה לחופה פון חומש, רש"י, חז"ל און ספרי שו"ת. איז נישט צייט אז א ספרים שראנק אן א פילטער נעבן קינדער זאל זיין חזיר טריף?

יואליש האט געשריבן:וואס איז נעגעטיוו? מ'לערענט עס ממילא נישט, איז וואס פעלט אויס די נייגער. רוב קינדער באקומען זייער אינפארמאציע איבער כלה למה נכנסה לחופה פון חומש, רש"י, חז"ל און ספרי שו"ת. איז נישט צייט אז א ספרים שראנק אן א פילטער נעבן קינדער זאל זיין חזיר טריף?

איך בין זיכער אז אנדערע בתי חינוך לאזן אויך אויס געוויסע פרשיות פון די סטענצעל וואס מ'פארטיילט פאר די תלמידות, אבער דאס צו דרוקען אין א געהעריגע חומש פארמאט, איז א מוח-דחוק'דיגע איידיע.

אלעס שיינע תירוצים זיסע טעאריעס
אבער סוף פסוק איז דאס נישט די תורה וואס משה רבינו האט אינז איבער געגעבען פון גאט אויף בארג סיני
עס איז א דעמאקראטישע וועלט יעדער האט רעכט צי גלויבען וועלען גלויבען ער וויל גלייבען און וועלכע רעליגיע ער וויל האלטען
סקווירא איז א נייע גלויבנג א רעליגיע וואס ענדעלט שטארק צי אידישקייט און איבסעל צי די איסלאמישע רעליגיע אויך האט עס גרויסע סימנים פון די קאמיניסטישע אידעלאגיע
עס איז א סארט גלויבען וואס גייט אין א דרך וואס די וועלט האט שוין געזען, א גלויבען וואס טיילט זיך אפ פון אידישקייט און נעמט מיט מיט זיך א געוויסע חלק פון די אידישע תורה וואס זיי שמעקט יא, אבער די חלקים וואס זיי האלטען אז עס איז נישט רעלעוואנט פאר זיי דאס מעקט מען אויס
אגב פאר ווער עס ווייסט נישט, די קריסטען האבען דאס געטין די צדוקים בייתוסים ועוד

זיי שרייען טאקע אז זיי זענען די ריכטיגע אידען (אזוי ווי די קריסטען שרייען) אבער ווי קען מען זיך ריפען אידען אויב מען האלט נישט די גאנצע תורה?
א ספר תורה וואס פעלט נאר איין אות איז די תורה שוין פסול! מיט די תורה קען מען נישט ארימשפילען און נישט אראפ ציפען חלקים! די תורה איז א שלימות וואס מען קען נישט עס אויסשטעלען לויט די אייגענע נגיעות

אלע דורות (כולל דער העיליגער טשנאבעלער מגיד) האבען געלערנט די תורה הקדושה אן קיין ציפערייען (צענזארען) פאר זיי איז די תורה געווען גיט אזוי ווי עס איז געגעבען געווארען דארעך משה רבינו, אבער פאר דער העיליגער סקווערער איז עס נישט גיט!

ער איז נישט דער איינציגסטער
עס איז היינט א וועלט וואס אסאך רעליגיעס וואס שטאמען פון אידען וואס "היטען נישט געוויסע חלקים פון די תורה" אבער זיי ריפען זיך אידען און גאר די ריכטיגע אידען
עס זעט אויס פינקט ווי עס האט אויסגעזען בזמן ווען די קריסטען האבען זיך געשטארקט אין די חורבען איז געווען גרויס ווייל זיי האבען געשריגען אז זיי זענען די ריכטיגע אידען און האבען זיך געקליידעט מיט אידישע קליידער און דאס האט געמאכט א גרויסע בילבול המוחות ביי אידען
און דערפאר האבען די חכמים געטין געוויסע שטיקלעך און טריקס וואס האט אפגעטיילט די נוצרים אינגאנצען פון כלל ישראל, אויף דעם זענען מיר מתפלל "השיבה שופטינו כבראשונה ויועצינו כבתחילה והסר ממנו יגון ואנחה"

ענדליך! א צענזורירטע חומש פאר "נייע אידן"! (נישט קיין וויץ)

ס'וועט קומען א צייט וואס דער מעשה אליין אז סקווער האט צענזורירט א חומש משום איזה סיבה וועט זיין א טאבו צו רעדן פון. ס'איז שוין יעצט אומבאקוועם פאר מלמדים מסביר צו זיין אז די סיבה פארוואס מ'טראגט למשל א גארטל איז לחלק בין לבו לערוה. "מ'טראגט עס ווייל די רבי טראגט עס."

איך זע דאס יא אלס א "סטעפ אין דע רייט דירעקשאן" מיט די צייט גייען זיי אפלערנען מעטאפאריש די פסוקים וואס זאגן א 6 טאגיגע וועלט באשאף, אויפן סמך פון איבערוויגענדע סייענטיפישע באווייזן. אלע פסוקים וואס שלאגן פאר א "זון אונטערגאנג" וועלן פארטייטשט ווערן לויטן מאדערנעם קאנטעקסט. און דער הייליגער רמב"ם וועט זיך מיטפרייען אויפן וועג צו א העכערן היכל.

איך פיהל ווי מ'מאכט נאך קאליע אידישקייט דורכדעם. פאר קינדער צו לערנען די דאזיגע געשיכטעס אין די תורה לערנט זיי אז אמאל זענען ווירקליך די דורות שטארקער געווען. בבחינת כל הגדול מח'.

דערווייל האב איך נאך נישט געזען קיין "צענזור". סך הכל אין די בילדער זעט מען אויסגעלאזטע מינדערוויכטיגע(?) ווערטער כדי להכשיר לימוד החומש לילדות (נקיבות בלשון הדער איד). טעכניש איז עס צענזור, אבער נישט דאס מיינט מען ווען מען רעדט פון צענזור.

און אגב, די מעטאד פון אויסשניידן א ווארט פון יעדן פסוק גייט שוין צוריק יארן צו די צייט ווען מען האט אריגינעל מתיר געווען לימוד החומש לילדות, אין פאריגן דור. די איינציגסטע חידוש דא איז אז זיי זענען גענוג מחשיב די "נקיבות" צו אפיציעל דרוקן א חומש פאר זיי, אנשטאט נוצן קאפיס פון פרינט-אוטס.

יידל, דו האסט געליינט דעם ארטיקל? מ'רעדט נישט דא פון די אויסגעלאזטע ווערטער, נאר די אויסגעלאזטע פרשיות, בראשית, נח, לוט מיט די טעכטער אין מערה, ער ועונן, יהודה ותמר, אשת פוטיפר. נישט ווערטער, נאר גאנצע פסוקים אויסגעלאזט.

המלוכה והממשלה: ייש"כ פאר ברענגען די דערפרישענדע נייעס: קוקנדיג אויפ'ן בילד פונ'ם צענזורירטן חומש וואס די העיליגע מוסדות סקווירא האבן ארויסגעגעבן זעהט מען די פאלגענדע ווערטער פיגורירן פראמינענט אופ'ן קאווער. "בנשיאות כ"ק מרן אדמו"ר שליט"א". מ'קען נאך מיינען אז דער העיליגער רעבע שליט"ע האט געגעיבן די תורה. דער אידישער שרייבער חיים גראדע ברענגט אזא מעשה'לע אין איינס פון זיינע ביכער. אז אין פוילן פאר די צווייטע וועלט מלחמה איז געוועין א צודרייט איד'ל, א טישלער, וועלכער האט זיך, אין די מיטלע יארן פון זיין לעיבן איינגערעדט אז ער גייט ווערן א סקולפטאר. א שניצער. ער האט נאכגעלאזט זיין נארמאלע ארבעט פון וועלכע ער האט געברענגט פרנסה פאר זיין משפחה און גענומען אהערשטעלן "ארט". איינס פון די ערשטע זאכן וואס ער האט געמאכט איז געוועין א "לוחות" טאוול, מיט צוויי אויסגעשניצטע לייבן ביי די זייט. אונטן (אינטער די עשרת הדיברות) האט ער אינטערגעשריבן זיין נאמען. ווען ער איז געקומען אין א בית המדרש פארקויפן זיין "סחורה" האט דער גבאי, א לץ, גענימען מאכן חוזק פון איהם בפני קהל ועדה. ר'האט עים געפרעיגט "ר' איד. אייער נאמען שטייט דא אינטערגעשריבן. איהר האט געגעיבן די תורה"?!... דאס זעלבע קענמען זאגן אויפ'ן העיליגן רעבין שליט"ע. זיין העיליגער נאמען שטייט אויפ'ן דעקל...

געפילטע, כ'האב נישט געליינט דעם ארטיקל נאר געקוקט די בילדער.
אבער אפילו אזוי, וואס איז די ביג דיעל? סך הכל האבן זיי צאמגענומען אלע פרינטאוטס פאר די מיידלעך און עס שיין געבונדן מיט א הארטן דעקל. כ'זע נישט מה כל הרעש.

המלוכה והממשלה: מ'דארף ארויסגעיבן א קאלל קוירעה אקעיגן דעים חומש. ווייל ר'האט נאך איבערגעלאזט א פאר פסוקים וועלכע פאסן נישט פאר די תלמידות פון די העיליגע מויסדעס. פסוק "יט", וואו ס'שטייט "ויוסף היה יפה תואר ויפה מראה". ..

רויטע וואנצעס האט געשריבן:דאס ווייזט קלאר וויאזוי אכשר דרא'דיגע גארביזש האט א דירעקטע נעגאטיווע תוצאה. ה"י.
אז די רבי איז אבער גאט, קען ער מאכן לוחות שניות.

ס'הייסט. דו שרייבסט אפיקורסות. "אויב, די רעבע איז גאט"? איז דען א הוה אמינא. קענמען דען האבן ספעיקעס אין די אמונה?!...