כידוע
בין איך פון די גרעסטע מבינים אויף עלעקטראנישע ציגארעטן.
שטאפענע קאפעליטש האט געשריבן:וואס איז די מעשה דערמיט?
ס'בארואידט?
ס'מאכט ארויס גיין?
ס'שמעקט?
ס'סכנות?
ס'פעסט?
ס'בארואיגט.
מאכט לכאורה נישט ארויסגיין.
אמאל שמעקט עס, אמאל נישט [ראה להלן].
רחוק מאוד מאוד פון די סכנה פון געהעריגע ציגארעטן.
הכל לפי המבייש והמתבייש.
קודם דארף מען וויסן אז עס איז דא צוויי סארטן בכלל, רוב זענען א בעטערי וואס איז מחובר צו א כלי קיבול אין וועלכע מען גיסט אריין א ספעציעלע משקה וואס איז בעיקר ניקאטין, פלעיוואר און מאטריאל וואס גיבן ארויס א געדיכטע פארע ווען אנגעהיצט, די בעטערי הייצט אהן א ברענער וואס היצט אהן די משקה אזוי אז עס ווערט פארוואנדעלט אין א פארע [נישט רויעך] וואס האט ניקאטין און א פלעיוואר.
ווען די משקה נוצט זיך אויס דארף מען עס נאכאמאל אנפילן און פון צייט צו צייט דארף מען טוישן דעם ברענער.
דערנאך איז דא א צווייטע סארט וואו נאר די בעטערי איז איבער-נוצבאר, אויף איהם דרייעט מען ארויף א דיספאזעבל קארטידזש וואס אנטהאלט סיי די משקה און סיי די ברענער, אזוי אז ווען מען טוישט קארטידזשעס האט מען אטאמאטיש א פרישע ברענער.
מיין עקספיריענס:
פון די ערשטע סארט האב איך שוין פראבירט פארשידענע מאדעלס און משקאות, אריינגערעכענט די וואס ווערט פארקויפט אין די היימישע געגענטער בתורת 'כשר', כ'האב נישט געשעפט קיין נחת, ס'איז נישט לטעמי, עס ליעקט פון אלע זייטן, ס'איז נישט דומה אין אויסזעהן צו א ציגארעט, רובא דרובא גיבן זיי ארויס א געוויסע שמעק ועוד ועוד, איין מעלה האבן זיי אז זיי גיבן געווענטליך ארויס מער פארע ווי די צווייטע סארט - געוואנדן אין די פאוער פון די כלי/בעטערי.
למעשה האב איך - לאחר רוב עמל ויגיעה - געטראפן את שאהבה נפשי אין די צווייטע סארט ביי א קאמפאני מיט'ן נאמען
south beach smoke, די בלויע טאבאקא פלעיוואר: עס איז אן אמעריקאנע קאמפאני מיט שטרענגע סטאנדארטן, עס איז ביליג, די קארטידזש האלט זיך לאנג [בערך א פושקע], די בעטערי'ס האלטן זיך לאנג און גיבן ארויס גאנץ א פיינע פארע [ספעציעל די לענגערע בעטערי] און עס שמעקט נישט.
פארשטייט זיך אז עס איז נישט אן אמת'ער ממלא מקום פאר ציגארעטן [איך רויכער נאך], אבער אויב ווילסטו פראבירן איז דאס די בעסטע וואס איך האב געפונען.
