ביטע לייענט די פרישע הודעה אינעם "ווארט צו דעם נייעם מעמבער"

ביטע לייענט די פרישע הודעה אינעם "ווארט צו דעם נייעם מעמבער"
l viewtopic.php?f=3&t=5&p=236095#p236095 l

גוטע נקודות ווערט דארט ארויסגעברענגט. אויב איך מעג אבער בעטן איין זאך וואס איך האלט וואלט געווען גוט צו טוישן שפראך ווען א ניק באקומט א "ווארענונג" צום ערשטן מאל אויף איין געוויסע זאך, אדער ווען איינער האט עפעס געשריבן גאנץ מעגליך בטעות נישט מיינענדיג צו שאנטאזשירן אדער פראוואקירן אדער נישט וויסענדיג די רולס, זאל די ערשטע אישי זיין א "בקשה", נישט גיין גלייך צו "ווארענונג". אסאך מאל קומט עס פשוט נישט אויס גוט און סל'אזט א ביטער טעם ווען ס'פעלט נישט אויס.

וואס איז די שיעור פון נייע תקנות און גדרים און סייגים און תירוצים ארויסצוווארפען ניקים וואס איינער געפעלט נישט סתם אפילו אן קיין גדר (די סעיף וועגן טראלס)? פארוואס פונקט פעלט דאס אויס? לכבוד די אלע תקנות ווערט דא יעדער טאג נענטער צו א פלאץ וואס אלע שפילען די זעלבער שפיל קיינער וואגט זיך נישט צו זאגען וואס ער טראכט אדער אנדערש פון דער קו און אלע שפילן א נארישע שפיל כאילו אלעס איז אזוי ערנסט.

גראדע דאס אויסשפארן טראלס איז א נארמאלע זאך ביי אנשטענדיגע וועבסייטס. מ'דארף נאר וויסן דעם גדר פון א טראל.

נישט דאס האב איך געמיינט, נאר ליין דער סעיף איבער טראלס ווי מקען נישט מאכען קיין רולס ווייל זיי גיין צווישעןד י וואסער בלא בלא און וועסט זעהן אז דאס איז פשוט א joker סעיף פאר דער מנהל מיט נאך אפאר ניקים - וואס זענען אלע אדער רובם עם אליינס אבער דאס איז אסור באיסור חמור אפילו מהרהר צו זיין וועגן דאפעלטע ניקס ממילא דארף יעדער שפילן ערנסט כאילו עס איז עקסטערע מענטשען- ארויסצוווארפען ווער עס גייט נישט גענוג מיט די פארטי ליניע. א טראל איינער וואס ספאמט סתם אין די וועלט אריין און שטערט די פורום פשוט איז גארנישט אזויש ווער צו דעפינירען. דער סעיף האט נאר איין איינציגע מטרה.

און טאקע לגבי יענער סעיף, פאר מיר איז דער נושא פון מענטשען וואס האבען פינף זעקס ניקס מיט א נייע יעדער צווייטער ראש חודש א ריזיגע turn off פון שרייבען דא. איך פארשטיי די סיבות פארוואס זיי טוהן עס, אבער זיי מאכען זיך נישט צטוהן פוןד עם אז צו די אנדערע ניקס מיט וועם זיי שרייבען זיך איז עס פשוט נישט מענטשליך. איך שרייב זיך מיט מיין איין ניק וואס יעדער ווייסט וואס איך בין און וויאזוי איך טראכט, און דא מיטאמאל שרייבען זעקס ניקס קעגן מיר מיט אנדערע טענות, האב איך חלישות הדעת בין איך טאקע א יחיד, דערווייל די אלע זעקס זענען איין מענטש. אדער איך האב זיך שוין א יאר צוריק אויסגעטענהט כדי צורכי עפעס א נושא, און דא קומט עפעס א נייע ניק און פרעגט, טראכט איך נו א נייער חבר לאמיר עם שיין אויפנעמן מסביר זיין, דערווייל איז ער דער זעלבער פון א יאר צוריק און איך פארברנענג מיין צייט ווייל יענער פארפירט מיר מיט א נייע ניק. עס איז פשוט נישט מענטשליך. א מענטש איז נישט קיין מאשין און אפילו מיט א ניק שרייבט מען אלץ אונטער א געוויסע רילעישינשיפ וואס מאכט זיך. אז מען מאכט זיך נייע און דאפעלטע ניקס כסדר פאלט אוועק די גאנצע טראסט וואס דארף זיין צוש רייבען מיט מענטשען. נו אוודאי דעמאלטס מוטשעט מען זיך מיט טראלס, ווייל פאר א נארמאלע מענטש גיט דאס נישט קיין חשק צו שרייבען.

איך בין מציע א חוק אז יעדער וואס מאכט זיך א נייע ניק אדער נאך א ניק מאיזה סיבה שהוא, דארף מודיע זיין באישי פאר די אלע כותבים מיט וועם ער איז אין קאנטאקט ווער ער איז. אז נישט קען מען נישט ווייטער אנגיין. איך עכ"פ שרייב זי היינט כמעט נאר מיט ניקס וואס איך ווייס ווער און וואס זיי זענען, לאו דווקא פרעזענליך אבער עכ"פ דורך דער ניק, און יעדער נייער ניק אדער וואס איז קענטיג לכל בר דעת אז עס איז דאפעלט פון איינער מדארף נאר כאפן פון וועם בין איך מקיים כבדהו וחשדהו, בעיקר חשדהו.

שרייבן מיט זעקס ניקס אויפאמאל איז טאקע א פראבלעם און אן עוולה.
אבער דאס וואס דו שרייבסט איז לשיטתך וואס ביזט נישט מכיר אין דעם פראבלעם פון גילוי ווידעראום אנדערע וואס ווילן היטן אויף זייער אידענטיטעט מוזן צומאל טוישן ניקים.
ופשוט הוא.
וכבר היה לעולמים אז אידענטיטעטן זאלן ארויסרינען פאר קבל עם ומלואה און וואס זאל דער באטראפענער טון אויב נישט עפענען א נייע ניק.

חכם איינער, אוודאי איז דאס לשיטתי, איינער פון די סיבות פאר שיטתי איז טאקע דער טענה. קען זיין דו האסט מורא אפשר וועט דיין חברותא אין שוהל וויסען אז דו האסט ליב מומע יענטלס וויין. טאקע א שרעקליכער חשש. אבער דאס גיט נישט קיין היתר זאלסט זיך פירען אוממענטשליך צו דיין חבר אויף קאווע שטיבל. איז האסטו א פראבלעם, איך האב מציע געווען א פראקטישע פתרון דערצו וואס נעמט קעיר פון ביידע זייטען פון די בעיה.

ביסט הונדערט פראצענט גערעכט מיט דיין צווייטע טענה, לעיקוואד, און דו זאלסט טאקע זען צו אויספאלגן דיין באפעל
צומאל איז דאס ממש קאמיש ווען דער בעל הבית פון די זעלבע ניקים טענה'ט זיך ארום מיט זיך אליין וד"ל. מענטשן עפענען ניקס זיך אויסצוגעבן אלע סארטן מאדנע משוגעת'ן מיט וועלכע זיי ווילן נישט באשמוצן זייער אייגענעם ניק, און דאס איז א גרויסע עולה לדעתי. זיי זענען גורם מענטשן זאלן פארברענגען איבריג צייט זיך צו טענה'ן מיט זיי, און אויסער דעם פארשמירן זיי דעם פלאץ מיט כל מיני שטותים והבלים, והאחרון הכביד.
ומכאן הקריאה יוצאת, עס איז פארשטענדליך אז א חסידישער יונגערמאן קען זיך נישט ערלויבן צו שרייבן אלעס וואס ער טראכט אונטער זיין אמת'ן נאמען און טראגן אחריות דערויף אין פאבליק (זיי שטיל לעיקוואד!). אבער אזויפיל קען מען פארלאנגען אז דער ניק פון דעם מענטש, דא אין שטיבל, זאל טראגן אלעס וואס דער מענטש שרייבט אונטער זיין אחריות. יעדער מענטש זאל האבן איין ניק און דערמיט זאגן אלעס וואס ער האט צו זאגן. אויב עס "פאסט" נישט פאר דעם ניק צו זאגן עפעס, זאל עס בכלל נישט געזאגט געווארן. (פארשטייט זיך אז אמאל איז דא וואס א מענטש וויל זיך טוישן גענצליך א ניק בקביעות משום גילוי וכדו', דאס איז גאנץ אן אנדער געשיכטע, איך רעד ווען א מענטש איז אקטיוו אין צוויי אדער מער ניקים און ער נוצט יעדע איינע פאר אנדערע, ביליגע, צוועקן).

@לעיקוואד, אויך מיר אן עצה, דער פאקט איז איינמאל גילוי איז אלעמאל גילוי און זיך מגלה זיין פאר די פריערדיגע קאנטאקטן וועט האבן די זעלבע קאנסעקווענצן.
פאפ דיך נישט, א סוד וואס דריי מענטשן ווייסן איז א סוד אויב צוויי זענען טויט, וויפיל איך פרוביר מקפיד צו זיין אויף גילוי איז לא ימלט סזאל זיך נישט אמאל ארויסגלוטשן. כזאג פאר יעדן קלאר, ווילסט נישט כזאל זאגן ווער דו ביזט דאן זאג מיך נישט.
אלנפאלס, סאיז צייט צו טוישן ניק...

(ווען איך בין געווארן גבאי האט מיר א איד אין ביהמ"ד געוואונטשען מזל טוב, גיי ווייס פון וואו...)

אויב טראסטו מיר נישט גענוג זאלסט קענען רעדן מיט מיר און איך זאל וויסען דיין פריערדיגע ניק, איז בבקשה רעד נישט מיט מיר בכלל. איך האב נישט קיין שום חשק צו שמועסען מיט אזא איינער.

וואס דו זאגטס וועגן א סוד וואס דריי מענטשען ווייסען איז אוודאי ריכטיג, דאס איז אבער דער סיבה פארוואס דער גאנצער קאנצעפט פון איסור גילוי איז לאכעדיג, נישט עס איז א היתר עס זאל זיין א פארום אן דער מידענסטער מענטשליכער טראסט אז איך רעד דא מיט א מענטש וואס שטייט אונטער וואס ער רעדט.

דער מצב אז עס איז נישטא קיין שום סיבה להניח אז ווען עס שרייבט זיך איין א נייער ניק איז ער טאקע א נייע חבר און נישט סתם א נייער נאמען משוגע צו מאכען דער עולם פאר סיי וועלכער צוועק איז נישט נסבל פאר א פארום מיט מענטשען. און דער מנהל בעט נאך מזאל אויפנעמען נייע ניקים שיינערהייט. חחח.. ווייל אין דיין פריערדיגע ניק האסטו זיך געמאכט צונאר איז יעצט ווייל דו האסט א שינוי השם דארף איך מיטאמאל שפילען טעמיש און ערנסט. אוודאי איך שטעל מיך פאר א חלק נייע ניקים זענען טאקע ניי און עס איז א שאד זיי זאלן אויפגענומען ווערן נאר ציניש, אבער דאס איז דאך דער פראבלעם פון א סיסטעם פון שקר אז מפארלירט דאס גאנצע טראסט.

מיין שאלה איז צו עס למעשה צו נישט? איך קוק אן די טראל סעיף מער ווי א ווארענונג. צום ביישפיל, כ'בין זיכער אז אויב מ'וועט נעמען א אנקעטע ביים ציבור אויף א געוויסער ניק וועלן א רוב זאגן אז יענער איז סתם א טראל. למעשה וואלט איך נישט געוואלט מ'זאל יענעם ווארפן. אבער כ'וואלט יא געקענט באַשטיין מ'זאל יענעם ווייזן דעם סעיף און אים ווארענען, סארי בעטן (זעסט ישמעאל, איך פאלג דיר) ער זאל איינזיצן

יידל, ער איז דאך (אדער מאכט זיך פאר) א טראל, האסט פארגעסן?

נו נו, איז דען דער סעיף נישט געזאגט געווארן פאר אזא איינעם ווי יענעם?

יידל האט געשריבן:נו נו, איז דען דער סעיף נישט געזאגט געווארן פאר אזא איינעם ווי יענעם?

ניין, ס'איז געזאגט געווארן פאר אונז, מ'זאל אויסזאגן פאר די רבי.

יאיר האט געשריבן:

יידל האט געשריבן:נו נו, איז דען דער סעיף נישט געזאגט געווארן פאר אזא איינעם ווי יענעם?

ניין, ס'איז געזאגט געווארן פאר אונז, מ'זאל אויסזאגן פאר די רבי.

נו, מסירה?! באלד לייג איך ארויף א טעיפ ווי מ'צומאלט די מוסרים.

וואס פארשטייסטו נישט, רבינו האט געטראפן נאך א געלעגנהייט צו משמיע זיין דעת קדשו אז באמת דארף יעדער אויסער ער שרייבן אונטער די אייגענע נאמען וכו', ואין כל חדש תחת השמש.

כוכב האט געשריבן:@לעיקוואד, אויך מיר אן עצה, דער פאקט איז איינמאל גילוי איז אלעמאל גילוי און זיך מגלה זיין פאר די פריערדיגע קאנטאקטן וועט האבן די זעלבע קאנסעקווענצן.
פאפ דיך נישט, א סוד וואס דריי מענטשן ווייסן איז א סוד אויב צוויי זענען טויט, וויפיל איך פרוביר מקפיד צו זיין אויף גילוי איז לא ימלט סזאל זיך נישט אמאל ארויסגלוטשן. כזאג פאר יעדן קלאר, ווילסט נישט כזאל זאגן ווער דו ביזט דאן זאג מיך נישט.
אלנפאלס, סאיז צייט צו טוישן ניק...

(ווען איך בין געווארן גבאי האט מיר א איד אין ביהמ"ד געוואונטשען מזל טוב, גיי ווייס פון וואו...)

האסט דאך געהאט דעמאלט דיין עלפטער בן זכר למז"ט.

שוין ס'העכסטע צייט לעיקוואד זאל זיך אנהויבן באהאלטן און עפענען א נייע ניק.
אפשר לעיקוואד45...

לעיקוואד האט געשריבן:אויב טראסטו מיר נישט גענוג זאלסט קענען רעדן מיט מיר און איך זאל וויסען דיין פריערדיגע ניק, איז בבקשה רעד נישט מיט מיר בכלל. איך האב נישט קיין שום חשק צו שמועסען מיט אזא איינער.

וואס דו זאגטס וועגן א סוד וואס דריי מענטשען ווייסען איז אוודאי ריכטיג, דאס איז אבער דער סיבה פארוואס דער גאנצער קאנצעפט פון איסור גילוי איז לאכעדיג, נישט עס איז א היתר עס זאל זיין א פארום אן דער מידענסטער מענטשליכער טראסט אז איך רעד דא מיט א מענטש וואס שטייט אונטער וואס ער רעדט.

דער מצב אז עס איז נישטא קיין שום סיבה להניח אז ווען עס שרייבט זיך איין א נייער ניק איז ער טאקע א נייע חבר און נישט סתם א נייער נאמען משוגע צו מאכען דער עולם פאר סיי וועלכער צוועק איז נישט נסבל פאר א פארום מיט מענטשען. און דער מנהל בעט נאך מזאל אויפנעמען נייע ניקים שיינערהייט. חחח.. ווייל אין דיין פריערדיגע ניק האסטו זיך געמאכט צונאר איז יעצט ווייל דו האסט א שינוי השם דארף איך מיטאמאל שפילען טעמיש און ערנסט. אוודאי איך שטעל מיך פאר א חלק נייע ניקים זענען טאקע ניי און עס איז א שאד זיי זאלן אויפגענומען ווערן נאר ציניש, אבער דאס איז דאך דער פראבלעם פון א סיסטעם פון שקר אז מפארלירט דאס גאנצע טראסט.

נישטא אזא זאך ווי טראסט אין די ווירטואלע וועלט, קוים וואס אין ריעל לייף איז דא, כך למדתי אויף אייגענע עקספיריענס דא אין שטיבל.
זייט איך האב פארברענגט מיט 4 ניקס אין אישית או שפעטער געוואר געווארן אז דאס איז אלעס איינס רעד איך צו יעדן איינעם די זעלבע, אפילו מנהלים, יעדער נייער ניק איז ביי דיפאולט יענער ניק יונטיל פראווען דיפפערענט. אחוץ געוויסע איינצעלנע וואס זייער יוניקנעס איז אוממעגליך נאכצומאכן. (גראדע יענער ניק איז אויך יוניק ווען ער בלייבט וועט מיט איינס...)

בנוגע דעם גאנצען סוגיא פון אלט-נייע ניקים, כהאב אמאל גערעדט מיט א חבר פון ק"ש, און ער גיבט מיר אזוי א פרעג ביסטו נישט פערצאפעל דער און דער ניק, עס איז געווען בראשית ימי, איך האב זיך געשפירט מוראדגי בעוולה'ט, איך האב געשריבען א זאך וואס איך טראכט, וואס כהאב אזוי געהאלטען, און דא באקום אזא אויפנאמע גיי דיר די, ביסט דאך דער אלטער ניק, סהאט ביי מיר אוועק גענומען די גאנצע אפעטיט און חשק פון שרייבען, און די קוראזש פון זאגען א דיעה, ווייל אז דאס האט ער מיר געזאגט ברמיזה ווער ווייסט וואס אנדערע טראכטען מיט א זיכערקייט אז איך בין, און מיט וואס פאר א תגובה מער, וועל איך ווערן מער און מער צונער, ווייל איך בין דאך אפיציעל דער אנדערער ניק, אבער כמובן מאליו איז די עצה נישט אז מען זאל אויפנעמען יעדע נייע ניק שיין, און אויב עס איז דא גוטע חששות אז ער איז א אלטע ניק זאל מען דאס זאגען בפרהסיה, ווייל די מאכט חרוב די גאנצע עסק דא,אויף יענעם חבר האב איך קיין טענות נישט, איך בין בייז אויף די וואס האבען צוויי ניקים און פאר הארגענען די גאנצע זאך, און עס ברענגט אז מען זאל חושד זיין מענטשען פאר גארנישט, און דער שטיבעל האט זיך פארמעלירט צו זיין א פלאץ וואס דער ציל איז אויפדעקן שלייערען, און שולדיג זענען די וואס האבען די צוויי ניקס, און נישט די וואס זענען מוחה אויף דעם.

עיין שם בהערה דלמטה ותמצא נחת.

פישל'ע העררינג האט געשריבן:דו האסט נישט געעפנט דעם אשכול, און דו ביזט דער וואס האסט עס ארויסגענומען פון קאנטעקסט. מיין ווערטל איז א פראוו צו פארשטיין פארוואס א סטופיד סעיף קטן מוז ווערן א עגל מפוטם מיט שיטה'ס און פיליזאפיעס.

דאכציך איך האב גאנץ גוט באריכות מסביר געווען פארוואס און וואס איך וויל. אויב איז עס אייך נישט מובן דאן ביטע פרעגט איבער וועלכע חלק (אבער פליז מיט אייער נארמאלער ניק, נישט דער ניק המיוחד לעניני קאווע בלעטער). אייער הערה איז סתם לגופו של ניק און גיט גארנישט צו צו'ם שמועס, נישט פון פותח האשכול און נישט פון מיינע הערות.

די פרישע תקנות ואיסורים דארפן אריינגעשטעלט ווערן אין אכשר דרא אשכול

וועגן דעם ענין פון דאפעלטע ניקס. די עולם געדענקט אוודאי אז א צייט צוריק האבן מיר זיך געוואלט נעמען דערצו און רעגעלירן דאפעלטע ניקס. למעשה האט די עולם געהאט טענות דערויף אז די הנהלה דארף נישט מיטהאלטען אויב איינער זעהט פאר וויכטיג צו מאכן א פרישע ניק, און מיר האבן געגעבן גערעכט פאר די דעה. הגם מיר האבן אוועקגעשטעלט פרינציפן וואס מאכן שווערער צו פארדרייען א קאפ מיט דאפעלטע ניקס.
יעדער פארשטייט אז געוויסע האבן בארעכטיגטע סיבות צו מאכן נאך א ניק, אבער מ'דארף נאך אלץ זיין מענטשליך. וועגן דעם וואס דאפעלטע ניקס פארדרייען א קאפ פאר יחידים איז באמת נישט דא וואס די הנהלה קען טוהן. עס איז א מענטשליכקייט זאך, און לעיקוואד איז גערעכט אז עס איז נישט קיין יושר. בסך הכל קען מען מעורר זיין אז מ'דארף זיין מענטשליך.

וועגן טראלס. לעיקוואד איז אויך מודה אז דאס איז א פראבלעם, און אז עס איז אנגענומען ביי פילע פרעסטיזשפולע וועבסייטס און פארומס צו בלאקירן טראלס. וויבאלד א טראל טרעפט אייביג א וועג ווי אזוי זיך ארויסדרייען פון די קלארע פרינציפן, איז באמת נישט דא קיין לשון וואס מיר קענען שרייבן אז אויב איינער טוהט כך וכך וועט ער האבן א דין פון א טראל און ווערן אויסגעשפארט. אדרבה, לעיקוואד, אויב קענסטו אויפקומען מיט א קלארערע לשון וואס וועט סיי געבן פאר די הנהלה די כלים צו קענען בלאקירן טראלס און סיי נישט געבן צופיל קאנטראל אז מ'זאל נישט קענען יעדעם אפ'פסק'ענען ווי א טראל, שרייב עס אראפ, און מיר זענען גרייט עס אנצונעמען.