קאווע שטיבל • הרה"צ ר' מרדכי דוד אונגאר VS הרה"ג ר' יהושע רובין שליט"א

א וועלט עס דרייט זיך, יעדער פריידט זיך...

פאר צען יאר צוריק, האט זיך א גרופע אפגעטיילט פון באבוב, טענה'ענדיג פארן באבובער קרוין אז דאס קומט זיך זיי, מען איז דאן אריין אין בית-יעקב און אויסגערופן בפני קהל ועדה אז זיי זענען באבוב און אז זיי זענען נישט מסכים צום קרוינונג פון דעם אנדערן רבי'ן וואס האט איבערגענומען דעם אנדערן צענטראלן בנין, וואו באבוב'ער חסידים האבן זיך ביז דאן אויפגעהאלטן.

דערווייל איז נאכנישט קלאר געווען, ווער עס וועט זיין דער רבי. די שאלה איז געווען צווישן צוויי שוואגערס, איידעמער פונעם פריעדיגן רבי זצוק"ל, און עס איז נאכנישט קלאר אנטשלאסן געווארן ווער עס וועט זיין רבי. אויף אזויפיל האבן אלע מסכים געווען, אז דער ברודער פונעם פריעדיגן רבי'ן - דאס נישט! אינעם ערשטן מעמד ווען מען איז אריבער אינעם נייעם בנין, האט מען דערקלערט אז די צוויי שוואגערס וועלן צווישן זיך דורכקומען און שאפן א געמיינזאמע החלטה ווער עס וועט איבערנעמען דעם כסא האדמורו"ת.

טעג זענען דורכגעלאפן, דער עולם האט צוגעקוקט געשפאנט וואס עס וועט זיך דא אויסלאזן. נאך א געמיינזאמע החלטה איז געבליבן, אז דער יונגערער שוואגער - הגאון רבי מרדכי דוד אונגאר שליט"א - וועט איבערנעמען דעם בענקל פון באבוב, ער וועט זיין דער רבי, בשעת זיין שוואגער איז געקרוינט געווארן אלס באבובער רב. די החלטה איז געקומען געמיינזאם, מיט א החלטה אז דאס איז די בעסטע אפציע וואס עס איז פאראן און אלע האבן מסכים געווען דערצו, פה אחד. גראדע זענען פאראן שמועות אז נישט ממש אלע האבן דערצו איינגעשטימט, די רביצין רובין - אשת הגאון רבי יהושע רובין שליט"א איז נישט צופרידן געווען מיט די החלטה, און יא געוואלט זען איר מאן אלס רבי. עס קורסירן קלאנגען אז ביזן היינטיגן טאג האט זי נאכנישט גענצליך שלום געמאכט מיט די החלטה און עס טוט איר באנג אז איר מאן איז נישט געווארן קיין רבי, נאר ער איז געווארן דער רב - דער נאכשלעפער פונעם רבי'ן.

למען האמת מוז געזאגט ווערן, אז דער רבי גיבט זייער שטארק אכטונג אויפן כבוד פון זיין עלטערער שוואגער. פון אנהויב האט ער נישט געוואלט אנטון קיין בגדי מלכות נאר אויב זיין שוואגער וועט אויך אנטון, ער האט באפוילן אז זיין שוואגער זאל נאר ארומגיין מיט א גבאי, ועוד. איך וויל נאר תיכף צושטעלן א דיסקלעימער, אז וויבאלד איך באלאנג נישט אין באבוב זאג איך בלויז נאך וואס מען שמועסט אויף די גאס און איך נעם נישט אחריות אויף מיינע ווערטער.

יארן זענען דורכגעלאפן, אסאך וואסערן האבן שוין זייט דעמאלס געשטראמט אין די אקיאינען, און פארשידענע געשעענישן האבן זיך שוין אפגעשפילט אינערהאלב די קהילה. למעשה איז דער רבי דער וואס פירט דעם גאנצן רעדל ועל פיו ישק כל דבר, מיט די הסכמה און מיטארבעט פון זיין עלטערער שוואגער, דער רב שליט"א.

אצינד איז מיין שאלה אזוי:
לאמיר זאגן אז די החלטה וואלט דאן געווען, אז דער עלטערער שוואגער זאל ווערן רבי (אזוי ווי עס האט אויסגעקוקט אין די יארן וואס דער שווער האט נאך געלעבט - ער האט געפירט הקפות אין יענעם היסטארישער שמחת תורה, ועוד). וואס וואלט אנדערש געווען אין באבוב היינט צו טאגס? - וואלט געווען זאכן אין באבוב אנדערש, אדער וואלט אלעס געווען פונקט די זעלבע? - אויף וועלכער דירעקשן וואלט דער עלטערער שוואגער געפירט באבוב?

מיין שאלה איז: איז דער יונגערער שוואגער טאקע געלונגענער פונעם עלטערן? - אויב יא, מיט וואס? - דרך אגב; פיל מאל ווען איך קוק אויף בילדער פון באבוב 45, און איך זעה א בילד פון די צוויי שוואגערס, כאפט מיין אויג גראד דעם עלטערן שוואגער, וואס איז אסאך א שענערער בעל צורה און פארמאגט מער א רבי'שער געשטעל. אויך דוכט זיך אז ער קען שענער זינגען און טאנצן, אזוי אז ער פארמאגט אביסל וואס א באבובער רבי דארף צו האבן. אבער דאס זענען זייטיגע זאכן. דער עיקר איז צווישן די צוויי שוואגערס, ווער איז טאקע געלונגענער און ווער וואלט טאקע געפירט דער חסידות בעסער...

ועוד שאלה אחת קטנה: איז פאראן א מעגליכקייט, אז אויב דער עלטערער שוואגער וואלט געווען רבי אין באבוב 45, דאן וואלט דער אויסגאנג פון די דין-תורה געווען אנדערש? - וואלט בית-דין אפשר אנדערש אנערקענט, אז וויבאלד ער איז דער עלסטער שוואגער פארמאגט ער עטוואס מער רעכט אויף באבוב? - וואלט ער אויסגעפאלגט דעם דין-תורה אזוי ווי עס טוט זיין יונגערע שוואגער? - ווי אזוי וואלט זיך דאן אויסגעקאכט די אלע זאכן.

איידער איך שיק דעם אשכול, נאך איין שאלה: איז פאראן א מעגליכקייט אז ער זאל זיך אמאל אפטיילן פון זיין יונגערע שוואגער און מאכן שבת פאר זיך? - ער אדער זיינע קינדער?

דיין באשרייבונג איז קיוט; געשריבען דורך א דרויסענדיגע. איך בין אויך א דרויסענדיגע, אבער א שטארקער לוחם פאר דער אמת און כבוד פון האדמו"ר רבי נפתלי צבי זצ"ל, און מיט געהאלטען א ביסעל מער ווי דיר, וועל איך מאכען א פאר קארעקשענס.

עס איז דא א שפריך ווארט, ווען די באבע וואלט געהאט רעדער וואלט זי געפארען. העטעך פעטעך, אויב וואלט אזוי געווען ווי וואלט דער אוטקאם געווען? יעדער קליינע ריר אנדערש ווי עס איז למעשה געווען קען ברענגען צו א נייע פוזעל אויסשטעל, ווי וואלט געווען אויב עס וואלט געווען אזוי צו אזוי.

צו ארויס האבען אלע פאסיבילטיס ווי עס וואלט זיך אויס געלאזט איז א דבר שאי אפשר, וועלען מיר זיך באגניגען מיט די עיקר מציאות'ן.

שרייבסט אז עס איז נאכנישט קלאר געווען ווער עס וועט זיין רבי, אבער אויף אזויפיל האבן אלע מסכים געווען, אז דער ברודער פונעם פריעדיגן רבי'ן - דאס נישט!

איך וואלט עס אראפ געלייגט אנדערש (און דאס איז דער עיקר נקודה), אז עס איז קלאר געווען אז עס וועט זיין א המשכה פון האדמו"ר מבאבוב רבי נפתלטשע און אז דער ברודער פונעם פריעדיגן רבי'ן פילט זיך נישט ווי זיין ממשיך און באלד וועט רבי נפתלטשע אין גאנצען ארויס געריסען ווערען פון באבוב, אזוי ווי עס איז טאקע געשעהן אין 48 סטריט, וואס, מער ווי ליפ סורוויס גיבט מען אים נישט, און דאס אויך נאר דערפאר ווייל עס איז דא א באבוב-45 אן מען מוז צוריק האלטען די פאר חסידים פון רבי נפתטשע (וואס זייער קאנשענס באדערט זיי נאך) פון צו גיין קיין באבוב-45.

נישט "טעג זענען דורך געלאפען" נאר דער נעקסטע טאג י"ג אדר.

גערעכט אז די החלטה איז געקומען געמיינזאם, מיט א החלטה אז דאס איז די בעסטע אפציע וואס עס איז פאראן און אלע האבן מסכים געווען דערצו, פה אחד. איך וויל נאר צו לייגען אז יעצט 10 יאר שפעטער זענען ווייטער אלע מסכים פה אחד (אריין גערעכענט דער רב) אז דאס איז געווען דער ריכטיגע החלטה.

עס איז נאר מענטשליך אז א פרוי וויל אז איר מאן זאל זיין דער רבי, און ווען זי טראכט פארקערט וואלט עס נישט געווען נארמאל. אויך פארשטייט אויך יעדער אז רבי בנציון'ס מאמע האט געוואלט אז איר זוהן זאל זיין רבי, און קיינער קוקט עס נישט אן מאדנע, ווייל אזוי איז דער נאטור פון א פרוי, זיי וויל אז איר קינד און איר מאן זאל זיין. מען קען נישט איבערדרייען די מעשה בראשית. איז ממילא נישט רעלאווענט וואס די רעביצענס האבען דענמאלט געוואלט. למעשה האבען זיי יא פארשטאנען און זיך צוגעשטעלט ריכטיג. עס קומט זיי גרויס קרעדיט פאר דעם.

ח"ו אנצורופען דער באבובער רב פון 45 אלץ א נאכשלעפער פון זיין שוואגער דער רבי. זייער מיטארבעט איינער מיטען צווייטען און צוטיילען די כבודים און תפקידים, איז א מוסטער צו ווערען באגריסט.

איך האב הנאה ווי די ברענגסט ארויס אז דער רבי גיבט זייער שטארק אכטונג אויפן כבוד פון זיין עלטערער שוואגער. געבענטשט זאלסטו זיין פאר זעהן דער אמת.

יעצט וואס וואלט געווען אויב עס וואלט געווען פארקערט אז דער עלטערע שוואגער ווערט רבי, איז א וועליד קשיא.

עס איז קלאר אז ער וואלט נישט געהאט דער כח זיך צו שלאגען קעגען דער אויסטערלישער פרעשור פון דער גאס וואס האט נאך גארנישט פארשטאנען וואס דא איז געשעהן. דער מחלוקת אין באבוב איז געווען א אינערליכער סוד וואס באבובער חסידים האבען נישט גערעדט מיט קיינעם נאר צווישען זיך, צווישען פיר אויגען.

דער רב שאצט אין גאנצען אפ וואס זיין אינגערע שוואגער האט באוויזען, און דער אמת מוז געזאגט ווערען אז ווען ער ווערט רבי וואלט ער געבליבען א רבי איבער אפשר א פאר הונדרעט אידען, די איבעריגע וואלטען אוועק פון באבוב. היינט, ווייל ער האט געהאט שכל און מער ווי דעם איינשטענדעניש, איז ער א רב פון א ריזיגע קהלה, פון די שענסטע קהילות אין דער וועלט. וואס איז בעסער; א רבי פון א פאר הונדרעט חסידים אדער א רב פון א פאר טויזענט חסידים, און נאך דערצו אזעליכע חסידים?

פארשטייט זיך אז ביי אונז חסידישע אידען שטייט א רבי העכער ווי א רב, אבער דאס מינערט נישט קיין כי הוא זה פון דער רב'ס גדלות. ער איז באליבט ביי יעדען, איז ממונה איבער די צדקה קאסעס וואס פרובירט שטארק צו העלפען זיינע (זיין שוואגערס) חסידים, און באבובער חסידים פון 45 האבען נאר לויב ווערטער און הערצה פאר אים.

ער אליין שיקט צום שוואגער ווען עס האנדעלט זיך אין רבישע פראגעס, ווי יא צו מאכען א אפיראציע אדער נישט.

און צום שלוס, וואס איז דער חילוק וואס וואלט העטעך פעטעך געווען; למעשה האט דער אייבערשטער אזוי צו געפירט, און מען זעהט א געוואלדיגע סייעתא דשמיא דארט, איז דאך א סימן אז אזוי האט דער באשעפער געוואלט.

צעהן יאר חזקה איז זייער א שטארקע חזקה. 48 סטריט האט דער שידוך נישט געגעבען קיין חודש ווי זיי האבען נביאות געזאגט אז זיי גייען זיך צוקריגען (געדענקט נאר איינער?)

זאל דער אייבערשטער העלפען אז עס זאל ווייטער זיין אהבה ואחוה שלום ורעות, און זעהן ווייטער אזעליכע שיינע פירות וואס שלום צווישען זיך, שלום אין די קהילה ברענגט.

פארוואס אויב ווערט רבי וואלטן רוב אוועקגעגאנגען און געווען נאר מיט הונדערט חסידים? זיי עס מסביר וואס איז זיין שוואכקייט

דער אמת איז אז אסאך פרעגן: ווי איז דער בראשות רב רובין נעלם געווארן ווען מען האט געמופט צו די נייע באבאוו-45 לעטערהעד?

קומט נישט דא אריין!

איך בין סתם נייגעריג וואס האט צען זיך גערישט אין באבוב בשעת מען האט געזען אז ר' נפתל'טשע גייט אויס? איך געדענק יענעם תענות אסתר ווען סהאט זיך אנגיהויבן די פאליטיק. וואס איז געווען די פלאן פארדעם. האט צען זיך אויפגעוועקט נאר נאכן יציאות נשמה?

חקרן, אפאר קליינע נקודות.

נאך פאר די לוי', פאר איינער האט אפילו געוויסט וויאזוי בית יעקב קוקט אויס אינעווייניג פונעם שוועל, האט מען זיך צוזאמען גענומען בבית כ"ק אדמו"ר מ'באבוב זצ"ל און מען האט אויפגענומען זיינע קינדער אלס ממשיכי דרכו. דענסטמאל בשעתו (ווען מען האט נישט געוואוסט וואס דער מארגן גייט ברענגען) האט מען געזאגט אז בימי השבעה וועלן זיי פירן צוזאמען און דערנאך וועלן זיי צווישן זיך מחליט זיין וויאזוי די הנהגה וועט גיין.

למעשה, נאכן זען וואס האט זיך אפגעשפילט דעם נעקסטן צופרי, האבן די שוואגערס זיך שנעל צוזאם געזעצט און געמאכט זייער א שנעלע החלטה. און דעם החלטה האט מען אויסגערופן יענעם נאכט. די תענית אסתר אויפדערנאכט, פארן ליינען די מגילה, אז הרה"צ הר"י וועט זיין רב און הרה"צ רמ"ד וועט זיין רבי.

קענענדיג הגר"י רובין פערזענליך, גאנץ נאנט, שוין אסאך יארן, קען איך דיר זאגן (אויב דו ווילסט מיר גלייבן), אז ער אליינס האט געמאכט דעם החלטה. ער איז א קלוגער איד און אן ערנסטער מענטש און איזהו חכם המכיר את מקומו און ער ווייסט זייער גוט אז ער קען דעם תפקיד נישט ערפולן. מיט זיין גאנצן גרויסקייט און חשיבות (און עס איז דא זייער אסאך גרויסקייט און חשיבות) איז ער נישט דער ריכטיגער מענטש פאר דעם בענקל. הויפטזעכטליך פאר איין פשוט'ע סיבה. ער האט נישט דעם רוקן, ער האט נישט דעם אייזערנעם כאראקטער וואס פעלט זיך אויס צו דעם. און איך מיין אז דער גרעסטער גדלות זיינער איז אז בעת נסיון איז ער נישט פארבלענדעט געווארן פון כבוד און רום און האט געוויסט וואס ער האט צוטוהן.

און עס איז שוין דא דערמאנט געווארן האט ער נישט ארויפגעצאלט אויף דעם. און איך ווייס אז ער האט נישט קיין רגע חרטה אויף דעם. ער איז זייער פרייליך און צופרידן ביז היינט אז ער האט געמאכט דעם ריכטיגן דעסיזשאן.

וואס וואלט געווען ווען עס וואלט געווען אנדערש ווייסט איין באשעפער. אסאך זאגן דעם פראז אז ער וואלט געבליבן א קליינע רבי און דאס נעמט זיך טאקע פון דעם ווייל צו פירן אזא ריזן ציבור, בפרט אין אזעלכע שטורמישע צייטן מוז מען זיין א מענטש מיט גאר שטארקע מנהיגות פעהיגקייטן, שטארקייט, אייזערנער כאראקטער וכדו'. הגר"י האט דאס נישט, און ממילא איז זעלבסט פארשטענדליך אז ביי אזא פערזאן וואלט זיך נישט געהאלטן אזא גרויסער ציבור, און מיט אזא פערזאן וואלט זיך נישט געבויעט אזא פעסטונג ווי דאס וואס עס איז היינט געווארן.

אלע אנדערע זאכן, העטעך פעטעך און עתידות וועל איך לאזן פאר די וואס די נבואה איז איבערגעגעבן געווארן פאר זיי.

דער מציאות ווי שיין דער קאמבינאציע ארבעט רעדט פאר זיך אליינס און איך זעה נישט קיין סיבה פארוואס צו חשבונ'ען עתידות.

צוויי פוינטס:
הר''ר זלמן לייב טייטלבוים איז אויך בעצם א איידעלע מענטש אבער איז געווארן טאףף ווייל ער האט געדארפט פירן א מחלוקת. סא קען זיין אז ר' ישועלע וואלט אויך געווארן טאףף.

נאך א פוינט , עס איז די ערשטע מאהל אין היסטערי וואס מ'האט אויסגעקליבען א רבי בעיסד אויף דעם אז ער קען בעסער פירן א מחלוקת. #אינטערסאנט

הדד בן בדד האט געשריבן:קענענדיג הגר"י רובין פערזענליך, גאנץ נאנט, שוין אסאך יארן, קען איך דיר זאגן (אויב דו ווילסט מיר גלייבן), אז ער אליינס האט געמאכט דעם החלטה. ער איז א קלוגער איד און אן ערנסטער מענטש און איזהו חכם המכיר את מקומו און ער ווייסט זייער גוט אז ער קען דעם תפקיד נישט ערפולן. מיט זיין גאנצן גרויסקייט און חשיבות (און עס איז דא זייער אסאך גרויסקייט און חשיבות) איז ער נישט דער ריכטיגער מענטש פאר דעם בענקל. הויפטזעכטליך פאר איין פשוט'ע סיבה. ער האט נישט דעם רוקן, ער האט נישט דעם אייזערנעם כאראקטער וואס פעלט זיך אויס צו דעם.

כ׳האב הנאה אז די ווייסט דער אמת, אין די ברענגסט עס ארויס מיט די ריכטיגע ווערטער, קאמאפאלאזשד און באהאלטן.
די שרייבסט נאר נישט ״וועלכע תפקיד״!
ר״י רובין - קען נאך זיין א רבי ווי זיין יונגערע שוואגער.
ר״י רובין - איז אבער נישט געווען אינטערסירט צו זיין ״דער מענטש״ צו שטיין בראש פון דער מערכה, וואס איר ציל איז געווען אונטערצוברענגען זיין פעטער!
ווי די שרייבסט ״הויפטזעכטליך פאר איין פשוט'ע סיבה. ער האט נישט דעם רוקן, ער האט נישט דעם אייזערנעם כאראקטער וואס פעלט זיך אויס צו דעם״!

ווי באקאנט זענען געווען ערנסטע שמועות אנהייב די מערכה, אז ער גייט מאכן אן עושה שלום, צוריק קיין באבוב. און ווען נישט זיין טייערע שוויגער, וואלט עס מסתמא אזוי געווען.

45 איינציגסטע מערכה איז געווען אין בי"ד אין דארטן דארף מען נישט זיין שטארק,
די עכטע מערכה איז די טעראר וואס 48 האט אלס געטוהן אקעגן 45 כדי זיי אינגאנצן אינטערצוברענגען, דאס דארף מען קענען פארנעמען.

עטץ האטס אין בי"ד קיין שום מערכה נישט געפירט
יעצט פירט עטץ א מערכה מיט בי"ד

whatever you say

בשבילי! האט געשריבן:פארוואס אויב ווערט רבי וואלטן רוב אוועקגעגאנגען און געווען נאר מיט הונדערט חסידים? זיי עס מסביר וואס איז זיין שוואכקייט

מיר זעהט עס אויס אזוי.

אויב וואלט רבי יהושע רובין שליט"א איבערגענומען זיין שווער אין 48 סטריט וואלטען כמעט אלע באבובער חסידים געבליבען דארט.

אויב וואלט רבי מרדכי דוד שליט"א איבערגענומען זיין שווער אין 48 סטריט וואלטען כמעט אלע באבובער חסידים געבליבען דארט.

אויב וואלט רבי יהושע רובין שליט"א געווארען רבי אנשטאטס זיין שוואגער אבער ארויס פון 48 סטריט, וואלט ער היינט געהאט א פאר הונדערט באבובער חסידים; און נישט ווייל עס פעלט אים עפעס, נאר אזוי ווי מען האט שוין ארויס געברענגט. א פאר הונדרעט באבובער חסידים אין דרויסען פון 48 סטריט איז אויך א גבורה.

אויב וואלט רבי מרדכי דוד שליט"א אדער רבי יהושע רובין שליט"א איבערגענומען זייער שווער אין 48 סטריט און רבי בנציון שליט"א וואלט ארויס, וואלט ער ארויס מיט גאר א קליין הייפעלע חסידים און וואלט היינט געהאט א סאך ווייניגער ווי רבי יהושע רובין וואלט געהאט אינטער די זעלבע אומשטענדען.

למעשה איז רבי בנציון שליט"א געבליבען אין 48 אין האט היינט ווייניגער ווי העלפט באבובער חסידים, און פון זיי נאר א קליין חלק אמתע חסידים.

למעשה איז רבי מרדכי דוד שליט"א מיטען ווערען ארויס געווארפען פון 48, געווארען א וועלטס רבי האבענדיג מיט זיך רוב באבוב פון איבער 2000 משפחות געשוואוירענע חסידים.

למעשה איז רבי יהושע רובין שליט"א מיטען ווערען ארויס געווארפען פון 48, געווארען א וועלטס רב האבענדיג מיט זיך רוב באבוב פון איבער 2000 משפחות וואס גלייכען אים און ער איז זייער געטרייער רב.

עס איז דא א באשעפער אויף דער וועלט.

ראשעקאל האט געשריבן:צוויי פוינטס:
הר''ר זלמן לייב טייטלבוים איז אויך בעצם א איידעלע מענטש אבער איז געווארן טאףף ווייל ער האט געדארפט פירן א מחלוקת. סא קען זיין אז ר' ישועלע וואלט אויך געווארן טאףף.

נאך א פוינט , עס איז די ערשטע מאהל אין היסטערי וואס מ'האט אויסגעקליבען א רבי בעיסד אויף דעם אז ער קען בעסער פירן א מחלוקת. #אינטערסאנט

ראשעקאל, איך האב דיר ליב, אבער ח"ו להאי דעתא. ער איז געווארען רבי און נישט זיין שוואגער כדי עס זאל זיין א המשכה פון זייער שווער זצ"ל. וואלט דער רב געקענט דאס באווייזען וואלט ער געווען רבי.

ח"ו צו זאגען אז מען איז געווארען רבי צו פירען מחלוקת, דאס היפך איז אמת. אין די גאנצע 10 לאנגע יארען וואס רבי מרדכי דוד שליט"א איז רבי האט ער קיין חוזק פון זיין פעטער קיינמאל נישט געמאכט, און אויב איינער האט געמאכט א וויץ האט ער אים קלאר געזאגט אז נישט אויף דעם זעמער דא. ביים דרשה ר"ח אלול האט ער געזאגט אז אין באבוב איז געווען צוויי מיינונגען י"ב אדר תשס"ה, און דאס איז דער ריינער אמת.

דער רעסט איז היסטארי.

מארקוס האט געשריבן:...מערכה, וואס איר ציל איז געווען אונטערצוברענגען זיין פעטער...

האט מען אינטערגעברענגט זיין פעטער? צוגענומען אלע בנינים, דאס נאמען אויך, געוואנען דער ד"ת (לשיטתו), זיצט מיט האלב באבוב (לשיטתו) און די רופסט עס אן אינטערגעברענגט? עס דערמאנט מיר אין וכל זה איננו שוה לי...

זיי זיך מסביר אויב די קענסט, וואס מיינט דאס אונטערצוברענגען זיין פעטער? מיט וואס פינקטליך האט מען אים אינטער געברענגט? אוטערברענגען רבי נפתלטשע איז ביי דיר גוט? איז נישט רבי נפתלטשע געווען א זוהן פונעם מהר"ש? איז נישט רבי נפתלטשע געווען באבובער רבי? פארוואס איז דאס בליט פון רבי בנציון ביי דיר רויטער ווי דאס בליט פון רבי נפתלטשע? פארוואס קומט זיך רבי נפתלטשעס קינדער גארנישט?

קענסט ענטפערען?

אלערט:
דער אשכול רופט זיך ר' מרדכי דוד מיט ר' יהושע... ווער עס איז מער מוצלח, נישט פאליטיק איבער דער דין תורה, דערויף האבן מיר שוין א שלל פון אשכולות.

כבוד החקרן, וואס מיינט מוצלח? אויב מען איז רב איז מען נישט מוצלח? די צוויי האבען אנדערע תכונת הנפש אין דער פאזעטיווע סענס (און די צוויי צוזאמען ארבעט הערליך); וואס וויל מען דא; אז מען זאל אויס רעכענען חסרונות? מעסטען וועליכע בארד איז שענער? וואלט מען אויף געמאכט א אשכול אויס צו רעכענען די חסרונות פון א אנדערע רבי אדער רב? וואס פינקטליך איז דער ציל?

כנור האט געשריבן: וואס וויל מען דא; אז מען זאל אויס רעכענען חסרונות? מעסטען וועליכע בארד איז שענער?

אהבתי

כנור האט געשריבן:
למעשה איז רבי מרדכי דוד שליט"א מיטען ווערען ארויס געווארפען פון 48, געווארען א וועלטס רבי האבענדיג מיט זיך רוב באבוב פון איבער 2000 משפחות געשוואוירענע חסידים.

למעשה איז רבי יהושע רובין שליט"א מיטען ווערען ארויס געווארפען פון 48, געווארען א וועלטס רב האבענדיג מיט זיך רוב באבוב פון איבער 2000 משפחות וואס גלייכען אים און ער איז זייער געטרייער רב.

עס איז דא א באשעפער אויף דער וועלט.

איך האף אז דו גלויבסט אין דעם לעצטן דריטל מער ווי די ערשטע צוויי דריטל פון דיין סטעיטמענט

אלטע ווערטל זאגט אז י"ב אדר נאכמיטאג האט רבי יהושלע אריינגערופן רמ"ד דורך צורעדן די מצב, האט מען איהם געזאגט אז ער האט זיך אנידערגעלייגט שלאפן.

האט ר"י דעמאלס געזאגט אז ער קען שלאפן נאך אזיין טאג מוז ער ווערן רבי....

moshe613 האט געשריבן:אלטע ווערטל זאגט אז י"ב אדר נאכמיטאג האט רבי יהושלע אריינגערופן רמ"ד דורך צורעדן די מצב, האט מען איהם געזאגט אז ער האט זיך אנידערגעלייגט שלאפן.

האט ר"י דעמאלס געזאגט אז ער קען שלאפן נאך אזיין טאג מוז ער ווערן רבי....

וואס איז די חידוש? דער איינער פאפט מער ווי ער איז אויף, אייביג געקומען שפעט צו שחרית אין געדאווענט אין לעצטע מנין
כ'האב נישט געוויסט א פעפע קומט צו זיין רבי

כינור טייערע, ווען די וואלסט זיך געהאלטן אביסל מיט די פאקטן וואלט איך דיר אביסל געגלויבט...

כנור האט געשריבן:

מארקוס האט געשריבן:...מערכה, וואס איר ציל איז געווען אונטערצוברענגען זיין פעטער...

האט מען אינטערגעברענגט זיין פעטער? צוגענומען אלע בנינים, דאס נאמען אויך, געוואנען דער ד"ת (לשיטתו), זיצט מיט האלב באבוב (לשיטתו) און די רופסט עס אן אינטערגעברענגט? עס דערמאנט מיר אין וכל זה איננו שוה לי...

זיי זיך מסביר אויב די קענסט, וואס מיינט דאס אונטערצוברענגען זיין פעטער? מיט וואס פינקטליך האט מען אים אינטער געברענגט? אוטערברענגען רבי נפתלטשע איז ביי דיר גוט? איז נישט רבי נפתלטשע געווען א זוהן פונעם מהר"ש? איז נישט רבי נפתלטשע געווען באבובער רבי? פארוואס איז דאס בליט פון רבי בנציון ביי דיר רויטער ווי דאס בליט פון רבי נפתלטשע? פארוואס קומט זיך רבי נפתלטשעס קינדער גארנישט?

קענסט ענטפערען?

דער ציל ברעט איז ״געווען״ אונטערצברענגען זיין פעטער.
געלויבט השי״ת, האט פאסירט, ווי ביי די שונאים פון אברהם אבינו ע״ה, יעדער פייל וואס רמ״ד האט געשאסן אויף באבוב, האט זיך שיינערהייט אויסגערייט, אין ״עם״ צוריקגעטראפן, און ער האט נישט מצליח געווען ״אונטערצוברענגען״ זיין פעטער.
מען האט געוואלט ״אונטערברענגען״ מיט׳ן צונעמען אלע בנינים - ב״ה דאס איז רמ״ד נישט געלונגען.
מען האט געוואלט ״אונטערברענגען״ מיט׳ן ווערן א שותף מיט׳ן נאמען - ב״ה דאס איז רמ״ד נישט געלונגען.
מען האט געוואלט ״אונטערברענגען״, מיט׳ן אריינשלעפן אין קוירט, און אין די״ת - ב״ה דאס איז רמ״ד נישט געלונגען.
מען האט געוואלט ״אונטערברענגען״, און צונעמען דאס ״גאנצע״ עולם - ב״ה דאס איז רמ״ד נישט געלונגען.

אויב איינער האט אונטערגעברענגט דער מהרנ״ץ, איז עס אויך נישט געווען קיין אנדערע ווי רמ״ד אליינס, ווען ער האט עם געשלעפט בשארית כוחותיו קיין ארץ ישראל, זיך צו באטייליגן ביי א חתונה פון חנוך סג״ל׳ס א קינד. וואס א קארגע וואך שפעטער, האט עס עם גענצליך רואינירט, און דירעקט גורם געווען זיין פטירה א קארגע יאר שפעטער, (לאמיר שוין נישט אריינגיין, מיט רמ״ד התנהגות מיט׳ן שווער זיינע אין די יאר, ווי מען האט דעם מענטש געפייניגט, אבער דאס איז נישט פאר יעצט). ווי רב וואזנער האט זיך אויסגעדרוקט בשעתו, נאכדעם וואס מען געשלעפט צו עם דער מהרנ״ץ פאר א וויזיט, ״דער וואס האט עם אהער געברענגט איז נישט מער ווי א רוצח״, מיינענדיג דערמיט נישט קיין אנדערע ווי רמ״ד אליינס.

אין די שיחות פון רב וואזנער שטייט דער לשון ''ווייניגער ווי א רוצח'', נישט ''מער''.

moshe613 האט געשריבן:אלטע ווערטל זאגט אז י"ב אדר נאכמיטאג האט רבי יהושלע אריינגערופן רמ"ד דורך צורעדן די מצב, האט מען איהם געזאגט אז ער האט זיך אנידערגעלייגט שלאפן.

האט ר"י דעמאלס געזאגט אז ער קען שלאפן נאך אזיין טאג מוז ער ווערן רבי....

דאס ברענגט גוט ארויס דער קאראקטער פון רמ״ד. דער עתיד פון עטליכע הונדערט יודן זענען געשטאנען אויפן שפיץ גאפל, נישט וואוסנדיג וואס צו טוען, מען האט געדארפט מאכן שווערע החלטות, אבער רמ״ד האט זיך אנידערגעלייגט שלאפן.
בד״א דו מיינסט אוודאי י״ג אדר.

בשבילי! האט געשריבן:אין די שיחות פון רב וואזנער שטייט דער לשון ''ווייניגער ווי א רוצח'', נישט ''מער''.

קענסט עס אוועק מאכן וויאזוי די ווילסט, אבער דאס איז די ביטערע פאקט וואס שלאגט אין פנים.
עס איז נישט קיין סוד, אוודאי קיין 45׳ער וועט עס נישט מודה זיין, ווייל קיינער וויל נישט האבן א רבי׳ן וואס מורה מורינו הרב הרוצח, אבער דאס איז די מציאות הדברים.
און דער אמת איז, אז מען דארף נישט זיין רב וואזנערף, זיך איבערצוצייגן דערין. אבער אז רב וואזנער האט עס געזאגט, איז נישט קיין גוזמא.

מארקוס האט געשריבן:...
נאך די לעצטע דעוועלאפמענטס, זענען די 45׳ער געווען טיעף טיעף אין דער ערד.
די״ת - פארלוירן.
בנינים נישט.
באבוב נישט.
...

פארוואס אויב עטץ האט אלעס געוואנען, גייט עטץ ארום בפנים זועפות; און די וואס (לויט דיר) האבען אלעס פארלוירען גייען ארום צופרידען און מיט א שמייכעל?

דערצייל אונז דער סוד.

אפשר "געווינען" דער די"ת, און וואס עטץ האט "געטוהן" צו געווינען דער די"ת, דאס האט ענק באגראבען?
אפשר "צונעמען" אלע בנינים האט ענק באגראבען?
אפשר "צווינגען" די סלתו ושמנו פון באבוב צו מאכען א היכר צווישען זיי און ענק האט ענק באגראבען?

אפשר האט עטץ זיך אליין באגראבען?

ענטפער נישט אזוי שנעל; טראכט!

א רגע, ווי אזוי הייסט נאר דעם אשכול?

חקרן עפען פליז א אשכול פון הרה"צ משה קאצענעלנבויגן VS הרה"ג פייוול שטרויזאק איך זאג דיר צו קיינער גייט נישט אריינמישן דוירט נישט באבוב און נישט באבוב45

חקרן האט געשריבן:א רגע, ווי אזוי הייסט נאר דעם אשכול?

באבוב

לית; הייבסט שוין אן רעדען צום זאך; נאך דא האפענינג צו מאכען א מענטש פון דיר (more or less).

רמ"ד נעמט אויס בעסער ביי יונגעלייט און בחורים וואס זוכן מער ווארומקיים און איינער וואס זאל בעסער קאנעקטן.
הרב רובין איז מער פאסיג פאר עלטערע בעלי בתים.

דוק ותשכח האט געשריבן:רמ"ד נעמט אויס בעסער ביי יונגעלייט און בחורים וואס זוכן מער ווארומקיים און איינער וואס זאל בעסער קאנעקטן.
הרב רובין איז מער פאסיג פאר עלטערע בעלי בתים.

Lol

דוק ותשכח האט געשריבן:רמ"ד נעמט אויס בעסער ביי יונגעלייט און בחורים וואס זוכן מער ווארומקיים און איינער וואס זאל בעסער קאנעקטן.
הרב רובין איז מער פאסיג פאר עלטערע בעלי בתים.

דער ווארימקייט מוז זיין די סיבה פארוואס העכער א מנין פון די באבוב-45 מבקשים פארען אלע יארן קיין אומאן אויף ראש השנה, און זענען זיך מקשר בכל נפשם צו הרב קלוגער שליט"א!

חסיד האט געשריבן:

דוק ותשכח האט געשריבן:רמ"ד נעמט אויס בעסער ביי יונגעלייט און בחורים וואס זוכן מער ווארומקיים און איינער וואס זאל בעסער קאנעקטן.
הרב רובין איז מער פאסיג פאר עלטערע בעלי בתים.

דער ווארימקייט מוז זיין די סיבה פארוואס העכער א מנין פון די באבוב-45 מבקשים פארען אלע יארן קיין אומאן אויף ראש השנה, און זענען זיך מקשר בכל נפשם צו הרב קלוגער שליט"א!

דאס איז א פרשה מיט וואס יעדע חסידות מיטשעט זיך אויסער די חסידות'ער וואס ווערן געפירט מיט אן אייזענער פויסט...

און אויסער א חסידות וואס האט א סאך מבקשים.

אויב צעהן מבקשים פון באבוב-45 קומען קיין אומאן, און פרעצענטואל איז עס א גאר קליינער חלק פון באבובער מבקשים; קומט אויס אז באבוב 45 האט א סאך מבקשים.

ראשעקאל האט געשריבן:צוויי פוינטס:
הר''ר זלמן לייב טייטלבוים איז אויך בעצם א איידעלע מענטש אבער איז געווארן טאףף ווייל ער האט געדארפט פירן א מחלוקת. סא קען זיין אז ר' ישועלע וואלט אויך געווארן טאףף.

נאך א פוינט , עס איז די ערשטע מאהל אין היסטערי וואס מ'האט אויסגעקליבען א רבי בעיסד אויף דעם אז ער קען בעסער פירן א מחלוקת. #אינטערסאנט

הר"ר ז.ל. ט. איז א טייטעלבאום. דאס איז א געוויסע DNA. הר"ר ז.ל. ט. איז געווארען פארבעטן ביי די גרויסע פון די קהלה - אללעס שוין געווען גרייט אויף א גאלדענע טאץ.

נאך א פוינט איז אז הר"ר מ.ד. א. איז נישט געווען בעיסד אויף פירן מחלוקת. ער איז אויסגעקליבן ווייל ער איז א פירער, זיין שוואגער נישט.

נאך א פוינט , הר"ר ז.ל. ט. איז נישט א פארפירער און טאקע וועגען דעם איז ער אין סאטמאר געווארן אויסגעקליבן.. און עס דארף נישט ציפיל הסברים. (וויזוי האט יענער געזאגט?.. ווער פארשטייט פארשטייט.....)