ת"ת "בני תורה" עפענט זיך אין בארא פארק צו שנת תשע"ו

מיט גרויס פרייד ווערט אויפגענומען די בשורה אז צום קומענדיגן יאר תשע"ו וועט זיך אי"ה עפענען א נייעם תלמוד תורה אין בארא פארק, מיט'ן נאמען "בני תורה".

דער תלמוד תורה ווערט אנגעפירט דורך הרה"ג ר' יהושע נתן פייפער שליט"א, און ווערט באגלייט דורך מחנכים מומחים, ווי הרב יהודה יואל לעווי שליט"א.

א גרויסער דגוש וועט ווערן געלייגט אויף דעם קוואליטעט פון דעם חינוך, סיי אין יהדות און סיי אין אלגעמיינע לימודים.

רעגיסטראציע פאנגט זיך אן דעם קומענדיגן מאנטאג פאר נוירסערי, קינדערגארטן און כתה א'.

שוין: אונז וועלן אפגעבן א הויכן ברוכים הבאים און א ברייטן שלום עליכם צו דעם נייעם מעמבער פון די משפחה בני תורה. אין די פארגאנגענהייט האבן מיר ב"ה זוכה געווען צו האבן בתוכנו א "בני תורה קאר סערוויס" אויך א "בני תורה בוטשער סטאר"... די לצים האבן בשעתו געזאגט אז ס'פעלט נאך אויס א "בני תורה שיך ריפעיר"...!
די בני תורה קאר סערוויס האט אין אנהייב אויסגעזעהן ערנסט און א ביסל מוכבד'יג. דער עולם האט טאקע געוואלט שטיצן בני תורה...וואס ארבעטן צו א ביסל אין די זייט...! אבער ווי ס'האט זיך ארויסגעשטעלט מיט די צייט אז זיי האבן געהאט גאנץ פראסטע חברה, און אויך פון די נידעריגערע עלעמענטן פון די ז' עממין אלס דרייווערס. ווען דער עולם האט אויסגעדרוקט זייער אנטוישונג און אומצופרידנהייט, האט די קאמפאני אנגעהויבן אדווערטייזן אז זיי האבן "די מערסטע חסידי'שע דרייווערס". ס'הייסט אז די פראבלעמאטישע זענען נאר געווען דער מיעוט. ס'איז געווען עטליכע פעלער וואו ס'זענען געווען ערנסטע קאנפליקטן צווישן די קאסטומערס און די רוסישע אדער היספאנישע דרייווערס.
צום סוף האבן זיי זיך געמוזט פארמאכן ווייל דער עולם איז געווען אומצופרידן פון די קוואליטי פון זייער סערוויס...!

פאר וועלעכע כיתות?
וואו האסטו געזעהן א מודעה פון זיי?
שטעל ארויף, מיט די phone number

.

איך שעם זיך צו פרעגן, אבער ווער איז דער הרב יודא יואל לעווי שליט"א? איך האב נאך פון אים קיינמאל נישט גיהערט איך זעה ער איז א מומחה אין חינוך. פון וועלכע מוסד קומט ער?

ווען איך זעה די עד זעה איך געהל...

נאך באסעס. באסעס. באסעס.

רויטע וואנצעס האט געשריבן:ווען איך זעה די עד זעה איך געהל...

נאך באסעס. באסעס. באסעס.

א נקמה אין היטלער ימ״ש..

באמערקטס די פאסיקס זענן אויף סעיל ,אוי ווי פאסיג..

בין איך דער איינציגסטער נאאיווער וואס פארשטייט נישט דעם ענין פון די בשורה טובה? וואס איז דער נייער ת"ת עפעס מער ווי די אנדערע? אלע בויען זיך אויף די זעלבע יסודות פון אלטע מסורה און תורה ויר"ש.... מה היום מיומיים?

מיט בערך 30 יאהר צוריק איז געוועהן אין וויליאמסבורג א קאר סערוויס מיטן נאמען בני תורה קאר סערוויס
די דרייווערס זענען געוועהן א באנדע רוסישע חברה וואס האבען אפי' נישט געוויסט וואס א איד איז.

איז די ישיבה געפירט דורך די זעלבע בני תורה? איך ווייס אז אסאך פון די היינטיגע מלמדים זענען נישט קיין בני תורה, זיי זענען קוים מענטשען.

קען איינער אריין קומען קלאר פון וואס מען רעדט דא, עס קוקט מיר אויס אז הרב פייפער שטייט אונטער דעם, וואס איז זיין ציל?? און צו וואס פונקטליך דארף ער די קאסובער?
איך וואלט ערווארטעט פון עם עפעס חידושים, אקעי קאן זיין עס איז צו פרי ארויס צוגעבן, אבער צו וואס מאכן אזא קארני צעטל, כאילו ער וויל מודיע זיין פארן ציבור העי! איך בין טאקע א פרענד מיט הרב תחכמוני... אבער דא מיין איך ביזנעס... און פאר די וואס גלייבען נאכנישט נעמט מען אויף הרב מקאסוב,
סוי כאפ איך אינגאנצען נישט זיין ציל, וואס ברענגט א חדר? גארנישט אדרבה צייג מיר אן איינער וואס האט זיך געבויעט פון א חדר,
צו וואס עפענט ער נישט א ישיבה עס מאכט מער סענס און עס איז דא א גרעסערע דימענדט, און אזוי קען ער מער פויקעסען אויף ישיבה למצוינים...
אגב עס איז די צווייטע מאל ער טוט מיר אנטוישען די ערשטע מיט זיין ביהמד''ר וואס איך האב אויך געמיינט ער וועט מער מצליח זיין,

לית דין בר נש האט געשריבן:איך שעם זיך צו פרעגן, אבער ווער איז דער הרב יודא יואל לעווי שליט"א? איך האב נאך פון אים קיינמאל נישט גיהערט איך זעה ער איז א מומחה אין חינוך. פון וועלכע מוסד קומט ער?

איך קען איינעם מיט די נאמען וואס וואינט אין וויליאמסבורג, אן איידעם ביי ר' זונדל ביניק. ווייסט איינער אויב דער איז דאס?

און רב פייפער, האט ער נישט א ישיבה אין לעיקוואד?

הרב יודא יואל לעווי. איז מן הסתם פון די ארגענעזאציע ״השגה״

דריידל האט געשריבן:

לית דין בר נש האט געשריבן:איך שעם זיך צו פרעגן, אבער ווער איז דער הרב יודא יואל לעווי שליט"א? איך האב נאך פון אים קיינמאל נישט גיהערט איך זעה ער איז א מומחה אין חינוך. פון וועלכע מוסד קומט ער?

איך קען איינעם מיט די נאמען וואס וואינט אין וויליאמסבורג, אן איידעם ביי ר' זונדל ביניק. ווייסט איינער אויב דער איז דאס?

און רב פייפער, האט ער נישט א ישיבה אין לעיקוואד?

ער פלעגט האבן. היינט איז ער שוין אבד"ק ברכת מנחם.

איך זעה מען פרעגט דא איבער הרב לעווי, אבער הרב פייפער זעה איך איז יעדן באקאנט. אפשר בין איך שוידערליך אומוויסענד, אבער איך ווייס נישט פון דעם הרב פייפער. איך קען אים נישט, קיינמאל נישט געהערט פון אים. איך געדענק יארן צוריק איז געווען אין ווילי א איד אברהם שמואל פייפער וועלכער איז געווען במקורו א פאפא'נער אבער נאכדעם זיך געוואקלט פון דארט צו אפאר אנדערע רבי'ס, פאר א שטיק צייט האט ער געהאט א לימוזין קעדילעק. אויסער דעם קען איך נישט קיין פייפער.

אדרבא, אפשר קען מען האבן מער אינפא איבער הרב פייפער, הרב לעווי, און אזוי אויך וואס איז די גדולה מיט האבן דעם קאסוב'ער אלס כלומר'שטער מדריך?

שמעקעדיג האט געשריבן:בין איך דער איינציגסטער נאאיווער וואס פארשטייט נישט דעם ענין פון די בשורה טובה? וואס איז דער נייער ת"ת עפעס מער ווי די אנדערע? אלע בויען זיך אויף די זעלבע יסודות פון אלטע מסורה און תורה ויר"ש.... מה היום מיומיים?

אבער אויף דעם מוסד . ווען די חשוב'ע תלמידים וועלן צו קוקן וויאזוי די רבי שליט"א מאכט די נענועים וועלן זיי באקומען גרויס התעוררות...! געט דער הייליגער קאסוב'ער רבי שליט"א א פערזענליכע פיקוח והדרכה.

איך קען נישט פונקטליך די מייסדים אבער לויט ווי איך פארשטיי דארפן זיי נאר דעם קאסובער צדיק אלץ א ״פראָנט״ בעסער געזאגט אלץ א פאַסאַד (facade) כעין א בעל מכשיר , יעדער אינסטיטוציע אין אונזער סוסטעם מוז (ליידער) האבן אן אדמו״ר אויף זייער לעדערהעיד , איך גלייב נישט אז עס האט עפעס צוטוהן מיטן קאסובער און אז ער גייט דארט בכלל זיין אינוואַלוועדט חוץ ערשיינען אויפן אויבנאָן ביים חומש סעודה און שטייצעך אז ער וועט אויסניצן די פּאזיציע צו קאמאַנדעווען וועם יא און וועם נישט אריינצולאזן מענגעלע סטייל און ווי יענער האט לעצטענס געשריבן אין שטיבל ״זה נהנה וזה בענענע״ (קרעדיט יואב)

berlbalaguleh האט געשריבן:

שמעקעדיג האט געשריבן:בין איך דער איינציגסטער נאאיווער וואס פארשטייט נישט דעם ענין פון די בשורה טובה? וואס איז דער נייער ת"ת עפעס מער ווי די אנדערע? אלע בויען זיך אויף די זעלבע יסודות פון אלטע מסורה און תורה ויר"ש.... מה היום מיומיים?

אבער אויף דעם מוסד . ווען די חשוב'ע תלמידים וועלן צו קוקן וויאזוי די רבי שליט"א מאכט די נענועים וועלן זיי באקומען גרויס התעוררות...! געט דער הייליגער קאסוב'ער רבי שליט"א א פערזענליכע פיקוח והדרכה.

ר׳ בערל מ׳האלט נאך ווייט פון די נענועים !!! לבי אומר לי (לויט די סטאַטיסטיקס) אז ביז צו די נענועים וועט די רבי שליט״א שוין לאנג האבן אויפגעמאכט און צוגעמאכט אפאר אזעלכע מוסדות׳ן אדער וועלן זיי שוין לאנג זיין צוקריגט, ונראה מה יהיה חלמתיו

פייפער איז א זון פון הנגיד אברהם שמואל פין וויליאמסבורג, לעווי דאוונט אין בורשטין

שמעקעדיג האט געשריבן:בין איך דער איינציגסטער נאאיווער וואס פארשטייט נישט דעם ענין פון די בשורה טובה? וואס איז דער נייער ת"ת עפעס מער ווי די אנדערע? אלע בויען זיך אויף די זעלבע יסודות פון אלטע מסורה און תורה ויר"ש.... מה היום מיומיים?

וואס רעדסטו, דאס אליין אז קאסעווע רבי איז אויף די לעטערהעד איז שוין א ריזעגע ברעיקטרו. ער איז דאך דער 'שר החינוך' פון אינזער דור. [כ'ווינדער מיך יא, פארוואס זיי שרייבען נישט אויף עם 'שר החינוך', ווי נעמט מען צי איינעם'ס טוטעל אזוי].

מבשר ואומר האט געשריבן:רעגיסטראציע פאנגט זיך אן דעם קומענדיגן מאנטאג פאר נוירסערי, קינדערגארטן און כתה א'.

טעות. רעגיסטראציע גייט אן פאר פרי-נוירסערי, נוירסערי און קינדערגארטן.

הדד בן בדד האט געשריבן:איך זעה מען פרעגט דא איבער הרב לעווי, אבער הרב פייפער זעה איך איז יעדן באקאנט. אפשר בין איך שוידערליך אומוויסענד, אבער איך ווייס נישט פון דעם הרב פייפער. איך קען אים נישט, קיינמאל נישט געהערט פון אים. איך געדענק יארן צוריק איז געווען אין ווילי א איד אברהם שמואל פייפער וועלכער איז געווען במקורו א פאפא'נער אבער נאכדעם זיך געוואקלט פון דארט צו אפאר אנדערע רבי'ס, פאר א שטיק צייט האט ער געהאט א לימוזין קעדילעק. אויסער דעם קען איך נישט קיין פייפער.

אדרבא, אפשר קען מען האבן מער אינפא איבער הרב פייפער, הרב לעווי, און אזוי אויך וואס איז די גדולה מיט האבן דעם קאסוב'ער אלס כלומר'שטער מדריך?

הרב פייפער איז דער רב פון ביהמ"ד ברכת אברהם. ער איז א תלמיד פון הג"ר יצחק זלמן גיפס שליט"א, און פארמאגט א גוטן, פארשטענדליכן קאפ אויף די פלייצעס. ער איז א ת"ח און טאלאנטפולער מענטש, און העלפט א סך ארויס יונגעלייט נאך די חתונה.

אויפן צעטיל שטייט ברכת מנחם, נישט אברהם


איך האב געלאזט א מעסעדש, כ'ווארט פאר א עפליקעישן

ציבעלע-קיגל האט געשריבן:מיט בערך 30 יאהר צוריק איז געוועהן אין וויליאמסבורג א קאר סערוויס מיטן נאמען בני תורה קאר סערוויס
די דרייווערס זענען געוועהן א באנדע רוסישע חברה וואס האבען אפי' נישט געוויסט וואס א איד איז.

איז די ישיבה געפירט דורך די זעלבע בני תורה? איך ווייס אז אסאך פון די היינטיגע מלמדים זענען נישט קיין בני תורה, זיי זענען קוים מענטשען.

ציבעלע קוגל: ייש"כ. ראה תגובתי לעיל...

אויסער דער קאסוב'ער רבי וועלכער איז סתם פאר נוי סוכה, איז דער אויסוואל פון מחנכים/מורי דרך ממש אן עולם התיקון! עס איז דא א מבוקש פאר אן ערענסטע ישיבה מיט ערענסטע מחנכים, גרינבערג, לעווי און על כולם פייפער וועלכער שם'ט אלס באליבטע רב מיט א גרויסע עתיד אין פראנט פון איהם, וכהנה וכהנה יוסף ד' עלינו.