געשעהט יעצט: קינדערישע געים פון די מוסדות

אזוי ווי ביי יעדע וועטערליכע פראבלעם וואס ברענגט אז מ'זאל אפשר דארפען פארמאכן די חדר , קומט יעצט פאר א גרויסארטיגע קינדערישע געים צווישן אלע חדרים: ווער ס'גייט די שפעטסטע מעלדען אז די קינדער גייען אהיים און אז מארגען איז נישט דא קיין חדר.

אנשטאטס קוקן אויף די זעלבע וועטער ריפארטס וואס די דעפארטמענט אף עדעוקעישען ניצט צו באשטמען א טאג פריער אויב סקול וועט קענען אנגיין , ווארטען די מנהלים פון די חדרים ביז די לעצטע מינוט , ווען עס שנייט שוין פעסט , אנצופאנגען מאכן טעלפאן קאל'ס געוואר צו ווערן וואס אנדערע חדרים טוען.

די חכמי חעלעם פרעגן אין די יעצטיגע מינוטן וואס טוט סאטמער? וואס טוט באבוב? וואס טוט ווערעצקי? קיינער קען נישט אליין דיסיידען וואס צו טוהן און וויל נישט ח"ו זיין די ערשטע וואס זאגט אז ס'גייט נישט זיין קיין חדר.

דאס איז אלעס א טייל פון די מה יפית קרענק אין די לעצטע יאהרן וואס יעדער דארף פראווענען פרומקייט און עקסטרעמקייט , און נישט קענען מאכן אייגענע באשליסן וואס קען ח"ו אויסזעהן אז מ'וויל נישט געניג שטארק האבן נאך א טאג חדר.

כמעט יעדע ווינטער איז דא א פרישע מעשה וואס די מוסדות זאגן נישט אויב ס'דא חדר און סקול ביז 7 אינדערפרי!! אנשטאטס עלטערן זאלן קענען נארמאל אויספלאנען די טאג וויסענדיג אויב די קינדער בלייבן יא אינדערהיים אדער נישט , מאכט מען זיי קאלן די האטליין 7 אינדערפרי צו באקומען אפדעיט'ס אויב ס'דא חדר....

אלעס צו שפילן די נארישע פרומע שפיל צווישן אלע מוסדות ווער ס'טראכט נאך ביז די לעצטע מינוט אז אפשר וועט יא קענען זיין חדר!!

וואס פארשטייסטי נישט, די מלמדים און מנהלים ווילן נישט בלייבן אינדערהיים דארפענדיג זיך אפגעבן מיט די אייגענע קינדער, ווילן זיי ס'זאל זיין חדר

מיינע קינדער זענען טאקע אהיימגעקימען מיט א צעטעל אז מ'דארף מארגען אינדערפרי הערן די האטליין אויב ס'דא חדר!!
#קראנקעמענטשען

למעשה איז אייביג דא א שאנס סזאל נישט זיין פונקט ווי מהאט אנגעשראקען, אויב ספאלט נאר 6-8 אינשטיס איז נישטא קיין שום סיבה באסעס זאלן נישט קענען פארן, און בכלל קעמענישט יעצט וויסן אויב מגייט קענען מאכן חדר פאר די עלטערע וואס קענען וואקן, דאס עט מען געעוואר ווערן מארגען.

וואס נישט פונקט? מ'קען שוין נישט פארען מיט א קאר און דאס איז נאך פאר די שטורעם, מווייסט פונקטליך אז ס'איז נישט דא קיין חדר מארגן נאר מ'וויל אז אנדערע זאלן קודם מעלדען, און די מאמעס זאלן נישט קענען שלאפען מארגן אביסל לענגער, חוצפה ועזות

פאר מען ווילדעוועט, העי עזריאל קאם דאון אבאוט לייף.

ס'זיכער אז עס גייט פאראלאזירט ווערן די שטאט? אויב בלייבט די שטורעם העכער לאנג איילענד און די סיטי באקומט נישט מער ווי 6-8 אינטשעס ווילסטו אלע קינדער אינדערהיים מארגן?

ס'האט נישט קיין שייכות מיט פרומענישן, עס איז פשוט פראקטיש, ווילאנג מען ווייסט נישט במציאות וויפיל שניי עס ליגט אויף ד'רערד קען מען נישט פארמאכן קיין מוסדות.

די מאמעס קענען שפעט שלאפן, אל תדאג, אויב ביי צוועלעף אזייגער איז די שטורעם אין קראפט איז נישט דא קיין חדר מארגן. דארפסט נישט ווארטן ביז 7:00 אינדערפרי.

איך גיי אויף בלייבען צו זען צו עס קומט טאקע די ערווארטערטער שטורעם, וועל איך שוין וויסן אויב איך קען שלאפן שפעט מארגן.

אוי, איך קען דאך שלאפן יעצט און אויפשטיין מארגן באצייטענס

זעהט אויס אז סע גייט זיין חדר מארגען.
די מוסדות זענען אביסעל יא גערעכט

קען איינער זייער קלאר מסביר זיין פארוואס היינט איז נישטא קיין חדר און שולע
אפשר געפאלן 6-8 אינטשעס

פאריקטע מענטעלעטי דאס. מ'הערט אז ס'קומט עפעס א שניי מ'האט קיין אנונג ווי הויך, אויב באסעס קענען קורסירן אדער נישט, די ערשטע זאך קענסעלט מען חדר. נישטא קיין חדר מארגן. איי, ווארט צו ביז זאכן קלארן זיך אויס? ניין! נישטא קיין חדר און פארטיג! די מלמדים ווילן א טאג אפפ; ווינאר ס'איז דא די מינדעסטע מעלדונג וועגן שניי איז אויס חדר.

פארדעם צאל איך שכר לימוד, אז מיינע קינדער זאלן זיצן אינדערהיים? פארוואס קען מען נישט צושטעלן א האטליין, און זאל יעדער אריינריפן אינדערפרי ווי מ'וועט קענען הערן צו ס'דא חדר אדער נישט.

מ'קען נישט משוגע מאכן א גאנצע שטאט ווייל אפשר גייט פינקט יא קענען זיין חדר. אויב ס'זעהט אויס אז ס'קומט א ערענסטע שטורעם מעלדט מען אז ס'איז נישט דא קיין חדר , פונקט ווי די פאבליק סקול סיסטעם טוהט. העכסטענס אז מ'זעהט אין די ענד אז מ'קען יא מאכן חדר לאזט מען וויסן אז ווער ס'וויל קען קומען אין חדר און ס'וועט זיין א ספעשעל פראגרעם פאר די טאג אז ווער ס'קומט נישט זאל גארנישט פארפאסן פון די געהעריגע סדרים.

ןוארטען ביז די לעצטע מינוט האט נישט קיין שום פשט!! מאכטס אפ ענקער מיינד און לאז מענטשען מנוחה!! והעולה על כולנה איז ווי די מוסדות הערן אויס איינע די צווייטענ'ס האטליינ'ס און קענען נישט אליין אפמאכן וואס צו טוהן אויס פחד אז זיי וועלן ח''ו זיין די ערשטע צו זאגן אז ס'נישט דא קיין חדר.

נא ווער איז טאקע די פירער פין אינזער קאמיוניטי וואס מאכט אפ די ערשטע?

מען דערציילט אז ביי די שניי וואס איז געפאלען אין ארץ ישראל האט א מנהל אנגערפען א מלמד זאגען אז ער דארף נישט אריינקומען ווייל נאר 6 קינדער זענען געקומעו. זאגט ער איך קום שוין ווייל דא אינדערהיים האב איך 16.

וואס האט איעדער אזוי מורא צו נעמען א טאג און אביסעל פארברענגען מיט די קינדער וואס מען זעהט נאר שבת?

מלוכה, מהיכי תיתי אז די מוסדות הערן אויס איינער דעם צווייטענס האטליין?

איך האב עס אמאל מיטגעהאלטן לייוו זייענדיג אין א ת"ת אפיס.

די זעלבע גייט פאר ווען די מוסדות שוקען ארויס די וויכטיגע תקנות בנוגע גלעזער פרעימס, סלייסעס אויפן קאפל, די דיקקייט פון די מאמע'ס שטרימפ, קאליר פון די הויזן וכדומה, די מנהל פון וויזניץ זיצט מיט די פאריעריגע תקנות צעטליך פון סאטמאר, פאפא, באבוב, סקווירא וכו' און אזוי טוען אלע מנהלים. זיי האבן מורא אז זיי וועלן חלילה זיין outfrummed דורך אן אנדערע מוסד. היל"ת.



.

דא האסטו די געים. יעצט דארף מען ווייזן ווער ס'איז געוועהן די פרימסטע און געהאט חדר די מינוט וואס מ'האט שוין געקענט.

געשעהט יעצט נאך אמאל

ציבעלע-קיגל האט געשריבן:מען דערציילט אז ביי די שניי וואס איז געפאלען אין ארץ ישראל האט א מנהל אנגערפען א מלמד זאגען אז ער דארף נישט אריינקומען ווייל נאר 6 קינדער זענען געקומעו. זאגט ער איך קום שוין ווייל דא אינדערהיים האב איך 16.

וואס האט איעדער אזוי מורא צו נעמען א טאג און אביסעל פארברענגען מיט די קינדער וואס מען זעהט נאר שבת?

ציבעלע קוגל: וואס איז דער חידוש אז אין ארץ ישראל איז געפאללן א שניי און ס'נאר געקומען 6 קינדער אין חדר. דער חידוש וואלט געווען ווען אין ארץ ישראל איז געפאללן א שניי. און דאהי אין ניו יארק זענען נאר געקומען 6 קינדער אין חדר...!

המלוכה והממשלה, אויב די פובליק שולן וואלטן געטוען די זעלבע וואלסטו אויך געהאט וואס צו זאגן?

לכאורה וואלט איך געזאגט אז די חרדישע ישיבות יאגען זיך צו זאגן אז ס'נישט דא קיין חדר ווייל זיי ווילען זיך ארויסדרייען פון געבן פאר די קינדער נאך א טאג אין חדר. געב נאר א קוק צו די פאבליק סקול'ס וואס ווארטען ביז די לעצטע מינוט צו זעהן אויב מ'קען "אפשר" נאך געבן סקול פאר די קינדער.

(יעצט ביסטו צופרידען?)

געשעהט יעצט נאך אמאל

המלוכה והממשלה: ייש"כ. כ'האב פונקט געוואלט זאגן אז ס'איז מענייני דיומא. ווייל היינט פארטאגס האט נאך געהייסן אז מיין מוסד גייט יא האבן ישיבה. און איך בין אראפגעגאנגען צו די פארקינג לאט וואו די באסעס שטייען איין. כ'האב געסטארט עטליכע באסעס און געמאכט גרייט צו פארן. ווען מיין באס מענעדזשער האט מיך געקאללט אז ס'נישט דא קיין ישיבה היינט...! פרייענדיג מיט די בשורה טובה...? האביך אויפ'ן וועג צוריק אהיים געזעהן עטליכע באסעס פון מוסדות וועלכע פונקציאנירן יא...ואלו הם...: סאטמאר: קלויזנבורג: קראסנא...אבער א שטיקל לימוד זכות קענמען האבן. ווייל פארטאגס האט דער שטורעם נאכנישט אויסגעזעהן אזוי שרעקליך. און איך האב אויכעט געהאלטן אז מ'וועט קענען פארן בעז"ה סעיף...אבער מיט א יעדע שעה וואס איז פאראיבער איז דער מצב געווארן שווערער, ביז ס'איז ממש א סכנה צו פארן און ברענגען קינדער צו ישיבות...! מ'דארף געדענקען אז די מנהלים און באס מענעדזשערס נעמען אין באטראכט די מצוה פון תלמוד תורה של תינוקות של בית רבן. און זיי וויללן נישט זיין אין א מצב וואס מ'נעמט די גאנצע זאך לייכט. נאר די טענה איז, אז ווען ס'איז אינגאנצן קלאר אז מ'קען נישט פארן אויף די ראודס, שפיעלט מען דעם געים, נישט צו זיין ח"ו דער ערשטער צו קענסלען ישיבה. נאר מ'ווארט וואס די אנדערע מוסדות גייען טון...!

וישכם בערל בבוקר ויחבוש את חמורו.... און דער שטן האט דא אויך געשטערט..

בית יעקב איז די איינציגסטע נארמאלע מוסד, אנשטאט מסכן צו זיין 2 טויזנט תלמידות אדער סתם משוגע מאכן די עלטערן האבן זיי גראד געמאלדן נעכטן נאך דעבלאזיאס מעלדונג אז די סקול איז פארמאכט היינט.

עס איז שוין אמאל עפעס געשען מיט א קינד וועגן גיין אין סקול / חדר אין די שניי? סזעהט מיר אויס ווי סתם איבערגעטריבענע פחד, אדער סתם א גוטע געלעגענהייט צו נעמען וועקעישען

ר' טמיר: ווי ס'זעהט מיר אויס ביזסטו נאכנישט געזיצן ביי א רעדל פון א באס אדער געווען א באס מענידזשער אדער מנהל/ת פון א מוסד וועלכער איז אחראי אויפ'ן וואוילזיין און סעיפטי פון קינדער. ווייל ווען יא, וואלסטו נישט געמאכט אזא ..."נאאיוון".. (בלשון נקיה.) סטעיטמענט.

איך האב אמאל געדרייווט א באס פאר א מוסד וואו דער מנהל/אדמיניסטראטאר/בעה"ב איז נישט געווען קיין נארמאלער מענטש . (דער מוסד האטציך שוין ב"ה פארמאכט.). אין אן ענליכן מצב ווי היינט, האט ער מיר געהייסן פארן מיט'ן באס און אויפפיקן קינדער. איך האב אריינגעברענגט 11 קינדער אין די ת"ת. (די איבעריגע קינדער האבן געהאט נארמאלע מאמעס וועלכע האבן נישט געשיקט די קינדער אין אזא וועטער.). אינדערפריה איז עס נאך געגאנגען א ביסל בחסד. אבער נאכמיטאג, ווען מ'האט געדארפט אהיימנעמען די קינדער ביניך ארויפגעפארן אויף אן אייזבארג און סטאק געווארן. דער באס האט זיך געגליטשט אויף אלע ארבע רוחות העולם. נאר נישט געפארן גראד...! 3 ווענס פון חברים האבן מיך פרובירט ארויס צו שלעפן אדער ארויס צו שטופן. ס'האט גארנישט געהאלפן. די קינדער זענען נעבעך געפרוירן געווארן אויפ'ן באס. ביז א אידישע מאמע האט רחמנות געהאט און זיי אריינגענומען אין שטוב. ביז זייערע עלטערן האבן זיי אויפגעפיקט. איך האב מיך אזוי געמוטשעט (אליין) מיט'ן באס. נאכדעם וואס חברים האבן אויפגעגעבן. ביז איך בין בחסדי ה' ארויסגעקראכן.

ווען כ'האב געפרעגט דעם פאררוקטן מענטש פארוואס ער האט ארויסגעשיקט דעם באס אין אזא מצב. האט ער מיר געענטפערט ...(ווי א חכם.)...ווייל סאטמאר'ע באסעס זענען אויך געפארן. ווען כ'האב אים געזאגט אז סאטמאר האט נאכדעם צוריקגערופן די באסעס. פארוואס האט ער מיר נישט מודיע געווען...האט ער נישט געהאט וואס צו ענטפערן...

berlbalaguleh האט געשריבן:איך האב אמאל געדרייווט א באס פאר א מוסד וואו דער מנהל/אדמיניסטראטאר/בעה"ב איז נישט געווען קיין נארמאלער מענטש . (דער מוסד האטציך שוין ב"ה פארמאכט.).

berlbalaguleh האט געשריבן:ווען כ'האב געפרעגט דעם פאררוקטן מענטש פארוואס ער האט ארויסגעשיקט דעם באס אין אזא מצב. האט ער מיר געענטפערט ...(ווי א חכם.)...ווייל סאטמאר'ע באסעס זענען אויך געפארן. ווען כ'האב אים געזאגט אז סאטמאר האט נאכדעם צוריקגערופן די באסעס. פארוואס האט ער מיר נישט מודיע געווען...האט ער נישט געהאט וואס צו ענטפערן...

לאמיר זען, איז די מוסד פאפא? אבער די זאגסט אז די מוסד האט זיך שוין פארמאכט. אפשר פאפא בארא פארק?

וואלווי: כ'ווייס נישט וואס דו האסט אקעיגן פאפא. אבער ס'איז נישט פאפא. זיי פונקנציאנירן ב"ה אויף ביידע באקן. ווער ס'איז גיי איך נישט זאגן מכח לשון הרע און ליצנות. אבער צו האנדלען מיט דעם פאררוקטן מענטש איז געווען א ספעציעלער תענוג. איך האב געקוילערט פאר געלעכטער א יעדן טאג פון זיינע דברי חכמה. ווער ס'האט אדורכגעליינט דעם קאנטראקט וואס ער האט געשריבן מיט זיינע מלמדים (מיט די בעלי עגלות האט ער נישט געשריבן קיין קאנטראקט, ב"ה.) האט גלייך געזעהן אז ער איז נישט קיין נארמאלער מענטש. איינס פון די סעיפים אין קאנטראקט איז געווען ווען דער מלמד מעג גיין אין בית הכסא. און ווען ער מעג גיין טרינקען א קאווע...

טמיר האט געשריבן:עס איז שוין אמאל עפעס געשען מיט א קינד וועגן גיין אין סקול / חדר אין די שניי? סזעהט מיר אויס ווי סתם איבערגעטריבענע פחד, אדער סתם א גוטע געלעגענהייט צו נעמען וועקעישען

ליידער, ליידער, כבר היה מעשה שוין אפאר טאג נאך א שניי ווען אלעס איז שוין געפארן געהעריג.... (כ'האף ס'דרייען זיך נישטא קיין משפחה פון יענעם קינד).

נ''י פאבליק סקאלס האבן שוין געמאלדען אז זיי גייען זיין פארשפארט מארגען וועגן די שניי שטורעם. ווי לאנג גייט נעמען פאר די היימישע מוסודת יעדעם משוגע צו מאכן ביז זיי האבן א פלאן??

איר דארפט פארשטיין אז ביטול תורה איז נישט דא ביי די פובליק סקולס

ס'איז בכלל נישט קיין פארגלייך צו פאבליק סקול, פאר די עלטערן איז זיכער גרינגער אז מרעכענט זיך מיט זיי און מ'שפארט נישט אפ די מוסד תיכף ומיד נאר מ'ווארט צו זעהן ווי אזוי עס וועט זיך אויסקאכען און עס האט זיך שוין כמה פעמים אויפגעוויזן אז עס איז נישט געוועהן ווי זיי האבן געזאגט , און רוב מוסדות האבן היינט צוטאגס א האטליין וואס מ'אפדעיט די עלטערן כסדר , פארשטייט זיך אז מ'רעדט נישט ווען עס שנייט שוין און די גאסן זענען שוין אנגעלייגט וואס דעמאלטס איז שוין א אנדערע מעשה

געהערט אז בית יעקב פון בארא פארק האט שוין געקענט.

כ'וואלט געוואלט קענען שלאפן רואיג. נישט דארפן אויפשטיין זעקס דרייסיג פארטאגס רופען א האטליין צו הערן אויב ס'דא חדר. ס'וואלט געקענט זיין פונקט אזוי גוט ווען מ'קען ווען וויסן היינט נאכט.

קורקלענד האט געשריבן:כ'וואלט געוואלט קענען שלאפן רואיג. נישט דארפן אויפשטיין זעקס דרייסיג פארטאגס רופען א האטליין צו הערן אויב ס'דא חדר. ס'וואלט געקענט זיין פונקט אזוי גוט ווען מ'קען ווען וויסן היינט נאכט.

און 6:30 גייען זיי מעלדען אז עס איז נישטא קיין שחרית, און 7:00 זאל מען רופן נאכאמאל הערן מער אפדעיטס.
7:00 וועלן זיי זאגן אז מען רופן 7:30.

איז נישט נאר אז מען דארף אויפשטיין 6:30, נאר מען קען זיך אפילו נישט צוריק לייגן שלאפן....

קומזיץ האט געשריבן:ס'איז בכלל נישט קיין פארגלייך צו פאבליק סקול, פאר די עלטערן איז זיכער גרינגער אז מרעכענט זיך מיט זיי און מ'שפארט נישט אפ די מוסד תיכף ומיד נאר מ'ווארט צו זעהן ווי אזוי עס וועט זיך אויסקאכען און עס האט זיך שוין כמה פעמים אויפגעוויזן אז עס איז נישט געוועהן ווי זיי האבן געזאגט , און רוב מוסדות האבן היינט צוטאגס א האטליין וואס מ'אפדעיט די עלטערן כסדר , פארשטייט זיך אז מ'רעדט נישט ווען עס שנייט שוין און די גאסן זענען שוין אנגעלייגט וואס דעמאלטס איז שוין א אנדערע מעשה

קומזיץ: איך ווייס נישט אויב דו האסט שוין אמאל אין דיין לעבן געדרייווט א באס. אבער איך זעה אז דו רעדסט ווי א מבין אן עקספערט. עכ"פ דיינע ווערטער לייגן זיך שטארק אויפ'ן שכל. איךהאף אז דו ביסט ערגעץ א באס מענעדזשער אין א מוסד. איך וויל דארטן אהין גיין צו זיין א דרייווער. ווייל דו ביסט א מענטש מיט שכל הישר. קאממאן סענס. דו מיינסט מ'וועט מיך אננעמען...? מ'קען אפשר פארהאנדלען פאר קומענדיגע זמן...??

ר בערל עס וועט זיין א ספעציעלע זכיה צו האבן אזא דרייווער מזקני חסידים , מאכט נאר זיכער אז איר ברענגט נישט אייער פערד און וואגן , ווייל אונז זענען שוין מער נישט און די צייטן פון סענדער דעם דייטש און מען פארט שוין היינט מיט באסעס!!

ר' קומזיץ: דו האסט מיך געמאכט קוילערן פאר געלעכטער. ספעציעל ווען דו האסט דערמאנט דעם נאמען פון מיין הייליגן רעבי'ן ר' סענדער דער דייטש זכותו יגון (ואנחה) עלינו...!

חדרים זענען אפען

נעבעך פאר אונז אז מיר מוזן עפענען די חדרים (מיידל סקולס זענען אלע אפגעשטיפט ווייל די מיידל סקולס זענען אפען בדוחק ווייל מיר מוזן ווייזן אז מיר זענען נישט טאליבאן...) ווייל מיר מוזן אנטהאלטן די נאראטיוו אז סייענס איז שקר און ס'איז שוין געווען צענדליגער מאל וואס מען האט עפעס פאראויסגעזאגט און ס'איז נישט אנגעקומען און דאס איז די זעלבע וואס האלטן פון גלאבעל ווארמינג וכו'....

נעבעך

טרויבן88: מ'זאגט א ווערטל. וואס איז דער דזשאב פון א וועטערמאן...?! אז ווען ער/זי זאגט פאראויס א געוויסע געשעעניש און ס'געשעהט נישט. קען ער/זי גוט מסביר זיין פארוואס ס'איז נישט געשעהן...!

גייט יעצט פאר. ביז איינער וועט נישט געהרגעט ווערן דורך א סקול באס ביי א שניי שטורעם וועט די געים אנגיין . פינקט ווי מ'האט געדארפט רב וואזנער לויה קרבן אז מ'זאל זיך אויסלערנען צו פאלגען פאליס ביי large crowds

אלע מוסדות זענען אפן אין ב"פ חוץ פון באבוב סקול,
און בית יעקב - וואס פארמאכן אלץ לויט פובליק סקול.

המלוכה והממשלה האט געשריבן:גייט יעצט פאר. ביז איינער וועט נישט געהרגעט ווערן דורך א סקול באס ביי א שניי שטורעם וועט די געים אנגיין . פינקט ווי מ'האט געדארפט רב וואזנער לויה קרבן אז מ'זאל זיך אויסלערנען צו פאלגען פאליס ביי large crowds

המלוכה והממשלה: שלו' עליכם. שוין לאנג נישט געהערט פון דיר. דו דארפסט פארשטיין. אז ס'איז אמת אז ת"ת'ס און ישיבות דארפן נעמען אין באטראכט ביטול תורה, און זיי קענען נישט פארמאכן די מוסדות אויפ'ן קלענסטן בלאז פון די מידיא. אבער ווען מ'זעהט קלאר אז דער מצב ווערט שווערער מיט א יעדע מינוט. און די באגלייט ערשיינונגען פונ'ם שניי זענען אויך שטארקע ווינטן און א פאלנדע טעמפעראטור, וואס מאכט דאס פארן אויף די ראודס, און אויפפיקן און אהיימפיהרן די צאן קדשים א סכנה של ממש. דאמאלס הייבט זיך אן דער נארישער , קינדערישער געים פון די מנהלים. און א טייל מוסדות ווילן ווייזן אז זיי זענען בעסער ווי א יעדער. און זיי שפארן נישט אפ די מוסדות. און זיי שיקן ארויס די דרייווערס אין א מצב פון סכנה. און די אנדערע מוסדות וויללן זיי נאכמאכן. וואס...? איך וועל זיין דער איינציגער מוסד וואס זיינע באסעס פארן נישט...? וואספארא פנים וועל איך האבן..? און זיי שיקן אויך ארויס די באסעס אקעיגן דעם שיקול הדעת פון נארמאלע מענטשן. אט די מנהלים זענען זיך מתחייב בנפשם אויב ס'געשעהט ח"ו עפעס וואס טויג נישט. אין בעסטן פאל. אויב דער באס כאפט א גליטש און קען נישט סטאפן באצייטנס. און מאכט אן א דעמעדזש פאר א צווייטע קאר אין סכום פון טויזנטער דאללערס. דאמאלס וועט שוין יענער מנהל טויזנט מאל חרטה האבן פארוואס ער האט ארויסגעשיקט זיין באס...החכם עיניו בראשו...!