פארוואס איך גיי נישט ווערן א OTD

אבער כפארשטיי נישט פאר וועלכע עלעמענט פונקטליך ס׳וועט העלפן ,ווייל ס׳דאך דא צוויי סארטן אגעפארענע די וואס זענען ארויסגעפאלן פונ׳ם סיסטעם און דרייען זיך אין די גאסן און זענען אויף דראגס וכו׳ וכו׳ און ווידער איז דא אזא סארט ווי שלום דין וואס האט עם גארנישט געפעלט הכל היה חלק חלק ווי מ׳זאגט ער האט פ׳ פארלוירן די אמונה רח״ל און דאס גוי׳אישער לעבן האט עם אנגעשמעקט איז פאר די ביידע עלעמענטן וועט אזא לעזונג נישט העלפן פאר וועם יא פאר איינער וואס וויל ס״ה גיין שטודירן און איז א ערנסטע מענטש .

די גאנצע נושא דא זעט אויס אז מ׳שעפט חיות צו הערן אז די אטד׳ס זענען אין דערערד און זיי נעמען זיך סלעבן ווייזט אויף א מוראדיגער שוואכקייט אזוי וואו די קעפל פונ׳ם אשכול צייגט אהן ,
מצידי זאלן זיי אלע ווערן פרעזידענט און האבן די שענסטע ווייבער און זיין די גרעסטע עשירים .

איך האב דא געוואלט אויס שמועסן געהעריג א נושא, ס׳האט מיר געקאסט צייט און כח צו עפענען די אשכול, איך האב געטון אסאך ריסערדזש פאר איך האב געשריבן, איך האב דורך געליינט פיל צייטונגען אין סאושל מידיע אקאונטס פאר איך האב אפילו אנגעהויבן שרייבן, נישט ווי דער וואס יעדע מחשבה וואס ער טראכט אדער יעדע שמועס מיט זיי וועלכער נער פלאצט אויס דערפון זעכצען אשכולות אן קיין שום חכמה אדער הבנה אין דער נושא וואס ער שרייבט. בקיצור נאך מיין ארבעט איז געקומען דער זעלבער און געטראפן דער אשכול א פלאץ פאר גראפיטי, ער האט זיך גענומען פירקלן דא זאכן וואס איז אינגאנצן שלא מן הענין און דערמיט אוועק געטראגן די נושא צו זיינע קינדרישע פלעצער. ס׳איז מיר אצינד פארגאנגען די אפעטיט פון שרייבן דא אין שטיבל. ווי ס׳קוקט אויס גיי איך מער קיין אשכול נישט עפענען ווייל ס׳איז מיר אשאד די ארבעט. זייטס מיר געזונט און שטארק.

עזריאל

יתרו האט געשריבן:

פרייוויליג האט געשריבן:

זהו הנקודה. זיי קענען נישט, זיי האבן נאכנישט, און וועלן ווארשיינדליך קיינעם נישט קענען איבערשרייבן. וויאזוי האט יענער געזאגט: א פערד ביסטו געבוירן און א פערד וועסטו שטארבן. און דער פערד איז, דער וואס לויפט ארויס פון שטאל, און דערנאך קומט ער צוריק און שטעקט צוריק אריין זיין קאפ אין שטאל. דאס מיינט אז ער האט נישט וואו צו גיין און קענען נישט אין ערגעץ גיין. די לעבן לויפט זיי נאך ווי א בייזע שאטן, ביז א מאסיווע שארך פון א מאנהעטן וואלקען קראצער מוז נעבעך דעם פערד צוריק קערן אין שטאל 'טויטערהייט'.

.

זאלסט מיר אודאי מוחל זיין אבער דיינע ווערטער ברענגן נישט ארויס דאס וואס די ווילסט ארויסברענגן, איך גיי דיר ציטירין דיינע ווערטער און אן אנדערע קאנטעסט און זאג מיר וואס די מאכסט דערפון.

מיר גייען צוריק א הונדערט יאר ווען שווארצע זענען געווען פארשקלאפט אונטער גרויזאמע ווייסע הערשער, נישט אויסהאלטענדיג די צרות זענען אסאך פון די פארשקלאפטע אנטלאפן, אבער די שווארצער מזל איז זיי נאכגעלאפן אסאך האט מען געכאפט און געהארגט, אסאך האבן אפגעלעבט א פרייער אבער ארעמע לעבן זיך פלאגענדיג אויף א שטיקל ברויט, און זענען כסדר פארנומען מיט די געפערליכע עוולה פון קנעכטשאפט, און ווי עס איז משפיע אויף זייער לעבן אפילו נאכן אנטלויפן און אסאך זענען באגאנגען זעלבסמארד פון זיך נישט קענען געפינען א פלאץ און די פרייע וועלט . קומט א שווארצע קנעכט און שרייבט אזעלכע ווערטער:

זהו הנקודה. זיי קענען נישט, זיי האבן נאכנישט, און וועלן ווארשיינדליך קיינעם נישט קענען איבערשרייבן. וויאזוי האט יענער געזאגט: א קנעכט ביסטו געבוירן און א קנעכט וועסטו שטארבן. און דער פערד איז, דער וואס לויפט ארויס פון שטאל, און דערנאך קומט ער צוריק און שטעקט צוריק אריין זיין קאפ אין שטאל. דאס מיינט אז ער האט נישט וואו צו גיין און קענען נישט אין ערגעץ גיין. די קנעכטשאפט לויפט זיי נאך ווי א בייזע שאטן, ביז א מאסיווע שפירנג פון א וואלקאן קראצער מוז נעבעך דעם פערד צוריק קערן אין שטאל 'טויטערהייט'.

נאך א נקודה, וואס איז פשט אז די מענטשן קומען נישט צוריק צו זייער טאטע מאמע און צו זייער קאמויוניטי נאר אנשטאט באגיין זיי זעלבסטמארד? איז אונזער לייפסטייל אזוי שלעכט אז זיי וועלן ענדערש באגיין זעלבסטמארד ווי צוריקומען צו אונז?

אין די שטאט דובנא וואלט מען פארטריבן די מגיד און אים ערזעט מיט יתרו המגיד. די משלים זיינע זענען אזוי גוט אז מען דארף ניטאמאל דעם נמשל, אזאנס וואס דער מגיד פון דובנא וואלט נישט געקענט מחדש זיין.

ירא שמים האט געשריבן:אבער כפארשטיי נישט פאר וועלכע עלעמענט פונקטליך ס׳וועט העלפן ,ווייל ס׳דאך דא צוויי סארטן אגעפארענע די וואס זענען ארויסגעפאלן פונ׳ם סיסטעם און דרייען זיך אין די גאסן און זענען אויף דראגס וכו׳ וכו׳ און ווידער איז דא אזא סארט ווי שלום דין וואס האט עם גארנישט געפעלט הכל היה חלק חלק ווי מ׳זאגט ער האט פ׳ פארלוירן די אמונה רח״ל און דאס גוי׳אישער לעבן האט עם אנגעשמעקט איז פאר די ביידע עלעמענטן וועט אזא לעזונג נישט העלפן פאר וועם יא פאר איינער וואס וויל ס״ה גיין שטודירן און איז א ערנסטע מענטש .

די ביידע סארט אפגעפארענע זענען אין מערסטן טייל א תוצאה פון אומבאהאלפנקייט, ביי איינעם פלאצט עס רעכטס און ביי איינעם לינקס.

אונזער עיקר ציל איז אבער אזוי ווי ידידי ר' עזריאל האט ארויס געברענגט מיטן פתיחת האשכול, אז די לעבן פון די אחינו בני הפוטסטעפס זאלן נישט צו קומען צו א מצב נואש עד כדי איבד עצמם לדעת. לויט ר' עזריאל'ן נעמט זיך דער פראבלעם פון דעם וואס די פאטסטעפס גיבן אפעטיט פאר יוגנטליכע בעלי ביצים ארויס צו גיין, וואס וואלטן סתם אזוי נישט געווען אזוי דעספרעט ארויס צו גיין ווען נישט פוטסטעפס אדער א פארדארבענער חבר רייצט זיי אויף, און איינמאל זיי גייען ארויס, לאזט זיי דער יצר אין וואסער און לאכן זיי אין פנים ווען זיי האבן א פראבלעם טאקע צוליב זייער ארויס גיין. און קומט אויס אז נישט נאר טוט פאטסטעפס נישט העלפן קיין מענטשן, נאר גאר פארקערט, זיי זענען די וואס האבן מתחילה אנגעמאכט די טראבל כמאמר רבינו זי"ע "די לעשערס זענען די צינדערס".

טאמער איז ר' עזריאל'ס טעאריע אמת, אפילו נאר טיילווייז, דאן איז עס טאקע א הימל געשריי, און מען דארף זיי פארשרייען בכל כוחינו, אז זיי פאראימגליקליכען א מענטש מיט זיין גאנצע משפחה ארום.

אבער ווי איך האב אויבן געשריבן האלט איך נאך אינמיטן צונעמען די צדדים פון דעם נושא און דערגרינטעווען וואס עס איז טאקע דער שורש פונעם פראבלעם.

יעדנפאלס, צוריק צו ירא שמים'ס צוטיילונג אין צוויי סארט אפגעפארענע, לפי דעם אשכול אונטרעסירט אונז נאר דער ערשטער סארט אפגעפארענער, דער וואס קומט אן צו דראגס, (וואס לדעתי נעמט זיך עס בעיקר פון פארלוירנקייט) ווייל חייהם תלויים בהם.

אבער לדעתי, נאך איידער מיר קוקן זיך אום צו עס איז פוטסטעפס שילד די נושרים'ס קלאגעדיגער גורל, אדער לכל הפחות זייער אחריות, דארף א רעכדענקיגער מענטש זעען וואס און וויאזוי מען קען יא ראטעווען די מצב א ביסל.

אוי וויי דער הייבט שוין אן זאגן זאכן אין מיין נאמען. ווי און ווען האב איך אפילו גערעדט דערפון?
מארגן קומט שוין מיינע שמועסן מיט טעקסי דרייווערס? אויב יא בין איך יעצט מגלה דעת אז איך האב א אייגענע שאפער און איך נעם נישט קיין טעקסיס מילא גלייבט אים נישט

עזריאל פליעז הער אויף אטאקירן, לאמיר הערן וואס דו האסט צו זאגן.

עזריאל, דו בויסט אויף די הנחה אז מענטשן גייען אראפ פון וועג וויבאלד זיי ווילן באלאנגען צו די OTD געמיינדע. זיי זענען מחליט אז דארטן גיבט מען גוטע קאקאש קעיק און קענדיס, און עס לוינט זיך אריבערצוטוישן. פון דעם קעפל פון דיין אשכול איז משמע אז ביז יעצט האסטו נאך געהאט עפעס ספיקות אפשר לוינט זיך אהינצוגיין. יעצט אז דו זעסט אז ס'איז גארנישט אזוי פויגלדיג האסטו אפגעמאכט אז עס טויג נישט און וועסט בעסער בלייבן דא.
ליהוי ידיע, לא מיניה ולא מקצתיה. מענטשן גייען אראפ פון וועג ווייל זיי שפירן זיך אונטערדרוקט און פארצווייפלט דא, זיי קענען נישט דערהייבן דעם מהלך החיים, און זיי מוזן עס פארלאזן. דער חרדי'שער סיסטעם ארבעט טאקע זייער גוט פאר צענדליגער טויזנטער מענטשן, אבער פאר די יוצאים מן הכלל און זענען מער אינדרויסן פון דעם קעסטל איז נישטא צופיל וואס מען קען טון. מחמת חוסר ברירה פארלאזט מען אונזער געמיינדע. קיינער טוט דאס נישט צוליב גרויס פארגעניגן, און דורכ'ן איינזען אז די OTD געמיינדע האט עפעס א מורא'דיגע סוקסעס ראטע. יעדער נארמאלער מענטש פארשטייט אז א געמיינדע וואס באשטייט פון מענטשן וואס האבן איבערגעלאזט זייער גאנצע עבר און פרובירן זיך אריינצוגלידערן אין א סעקולערע סאסייעטי קען נישט צופיל ארויסהעלפן איינער דעם צווייטן. מענטשן דארטן זענען פארווייטאגט און פארנומען מיט די אייגענע צרות.
אויב מענטשן באשולדיגן די ארטאדאקסישע געמיינדע אין מאיער'ס זעלבסטמארד, איז דאס וויבאלד די חרדי'שע געמיינדע גיבט נישט די אפציע פון זיין "אנדערש". א טינעיזשער וואס מאכט אפ אז שמירת שבת איז מער נישט פאר אים, וועט אויטאמאטיש אויסשטיין גאר שווערע צייטן אזוי לאנג ווי ער געפינט זיך דא. און אויב ער פארלאזט דעם ארט וועט זיך ערשט אנהייבן די צרות. דאס איז דער פראבלעם פון חרדיזם. מענטשן באקומען נישט קיין ערלויבעניש צו זיין אנדערש, צו זיין אפן מיט זייערע שוועריקייטן, און צו פארלאזן דעם פלאץ אן קיין באזונדערע נאכווייען. דער פאקט אז מיר האבן א פרעימווארק אין וועלכן רוב מענטשן קענען אריינפיטן האט טאקע אירע מעלות, אבער פון די אנדערע זייט האט עס אירע חסרונות. אבער פון נישט אנערקענען די חסרונות גייט מען דאס נישט פארבעסערן.

אבער זיי זענען אלע איפכא מיסתברא אדער מיטגעמאכטע נשמות און זיי וואלטען נישט געווען צופרידען אין ערגעץ....

I can't believe I just said that...

ליפא האט געשריבן:גייט א מענטש אדורך א שיינעם עפל בוים וואס געט ארויס טויזענטער שיינע עפעלעך יעדע יאר. דער מענטש נישט א גרויסע חכם באמערקט צוויי פארשימעלטע עפל צווישן די טויזענטער שיינע, ער פרעגט און שעלט ''דו שלעכטע בוים דו, האסט נישט געקענט האבן עפעס א מער צוגענגליכער וועג פון ארויסגעגעבן פירות ?? קוק די צוויי פארפוילטע עפל וואס הענגן דא (און גיין באלד אראפאלן/טאנצן) זיי צוויי קומען נישט פון ערגעץ נישט, בוים זיי קומען פון דיר. טויש דיך בוים דיין מהלך טויג נישט''...

פארשטייט זיך אז נאר א נאר וועט אזוי זאגן. אבער פאלט דיר נישט ביי וואספארע טיפש מען ברויך צו זיין גאר צו באשולדיגן די פארפוילטע עפלעך אז זיי אליין זענען שולדיג פארוואס זיי זענען פארדארבן?

עס איז זיכער אז די בוים איז שילדיג דערין, נאר וויבאלד ער געט ארויס טויזענט אנדערע גוטע עפלעך, העט מען נישט האבן קיין טענות אויף אים אויף די צוויי געדעמטשטע, אבער די עפלעך אליין זענען זיכער א רחמנות.

די עפעלעך האבען נישט קיין בחירה אבער די OTD יא!

I can't believe I just said that...

רוב או טי די'ס, אדער וואס מ'פלעגט אמאהל אנרופען באמ'ס, זענען געווארען אזוי נישט וועגען היטינג סיסטעם און נישט וועגען משפחה, נאר כי יצר לב האדם רע מנעוריו, ס'דא א יצר הרע וואס שלעפט דעהם מענטש אויף לינקס, יעדע מענטש האט א מערכה, ס'דא שטארקע און סטאבילע מענטשען וואס האלטען זיך פעסט נארמאהל, ווידער איז דא שוואכלינגען וואס פאלען שנעל אראפ, צו דעהם קומט צו די זייטיגע עפעקטען, איינער וואס די מחנך האט נישט די רעכטע צוגאנג, אדער איינער וואס די משפחה דערהערט נישט געהעריק, די זענען מער וואלנירעבעל, און די יצר הרע נעמט זיי גרינגער ארום, די מערסטע זענען די נעבעכ'דיקע, וואס פארמאגען ווייניג טאלאנט, און זענען נישט מצליח נישט מיט חברים / חבר'טעס, און נישט אין שולע מיט לימודי קודש גלייך ווי לימודי חול, ספעציעל אויס זיי זענען נאך אטענשען דורשטיקע נאטורען [ווי ס'שטעלט זיך טאקע ארויס ביי פיהל פון די או טיד י'ס ווי זיי לויפען כאפען יעדע ברעקעל נארישע אטענשען, וואס זיי דארפען ווי לופט צום אטעמען],

סוף דבר, או טי די קומט פון יצר הרע און ציאונג צו עבירות, און מ'רעדט זיך איין אז ווען מ'ווערט א עמטליכער באם באקומט מען תיכף צוטריט צו אלע תאוות און עולם הזה'ס, ליידער רוב מאהל כאפען זיי די דיסאפוינטמענט און נעמען עס אויף שווער, נאך טרייען זיך באדען אין זנות און חאזעריי, אויסטרייען אלע יצר הרע'ס, גיין געמבליג, זיך שטופען מיט דראגס, וזה פרי', און די פאלגען זענען רוב מאהל נישט גוטע,.

נ.ב. די סיסטעם שמיסטעם איז טאקע נישט הונדערט פראצענט פערפעקט, הגם אויף רוב מענטשען ארבעט עס יא, פערפעקט וועט עס זיין ווען ווען סטאר קיעפערס און גאסען מענטשען וועלען זיין פערפעקט, און ווען די רעגירונגען וועלען זיין פערפעקט, און ווען אלעס אין די וועלט וועט זיין פערפעקט, דאס וועט אבער נישט זיין פאר משיח וועט קומען. ביי משיח דאן וועט זיין דער עולם התיקון.

@יאיר וואספארא אפציעס איז דא פאר איינער וואס מאכט אפ אז שמירת שבת איז נישט פאר אים? ס'דא א תורה אין תרי"ג מצות, וואס פין דעם קען מען נישט אוועקגיין אפי' מען וויל, סאיז נישט אז די חרדי'שע געמיינדע גיבט נישט די אפציע פון זיין "אנדערש"

@קולמאן דו רירסט אן צוויי גרויסע שאלות:

וואס טרייבט די נושרים ארויס צו גיין?

אין וועלעכע מצב קען דער סיסטעם קאטעגאריזרט ווערן אלס אונטער קריטיג?

@יאיר אזוי ווי גרין פרעגט אייך און נאכמער ס'איז נישט נאר אז ס'איז נישט דא קיין אפציעס צו געבן נאר לויט ווי זיי זאגען זענען זיי ניטעמאל אינטערסירט צו באקומען אפציעס זיי ווילן זיך אפטראגן און שוין וכך שמעתי מפה מפיק מרגליות פייגי מייער אויף איר אונטערויא אז ביי די זיבן האט זי שוין איינגעזען אז די קאמיוניטי איז נישט פאר איר סאו זי איז לכוארה נישט גרייט געווען פאר אפציעס

סאויך דא א חילוק צווישן א בחור/מיידל אין אינגערמאן/ווייבל וואס גייען דאון סאוט,
א אינגערמאן/ווייבל זענען געווענליך יודע את ריבונו ומתכוון למרוד בו, ער/זו האבן אסאך געגריבלט אופן אינטערנעט, זיך איינגעטינקן און טינופות, ביז די תאוות זענענן שוין געווארן אזוי גרויס, אז ער/זי פילט מען קען מער נישט לעבן א דאבל לייף אין ער/זי לאזט אלעס איבער אינטער זיך,
משא"כ בחור/מיידל קען מען גרינגער צריקכאפן נאך אפאר יאר ווייל א"פ רוב זענענן זיי נאר אריינגעפאלן מיט די שמוץ, קענסט אים/איר נאך אויף קלערן נאך א שטיק צייט/יאר
דיסקלעמער: תשובה העלפט פאר יעדן איד אין יעדן מצב.

מענין לענין...
איך האב א שאלה.
ווייסט איינער פון א פאל וואס א איד איז געגאנגען otd אין ער איז העפי ווי ער איז, האט נישט קיין טענת אויף קיינעם אין ווארפט נישט קיין שטיינער? .
אויב נישט, איז עס ווייל ס'איז נישט דא אזא זאף אדער טאקע ווייל זיי רידערען נישט?

שרולי שטיין זאגט ער איז העפי און ער האט נישט קיין טענות אויף קיינעם, ער האט ליב זיין משפחה טאטע מאמע און ליב געהאט זיין ווייב

samiam האט געשריבן:מענין לענין...
איך האב א שאלה.
ווייסט איינער פון א פאל וואס א איד איז געגאנגען otd אין ער איז העפי ווי ער איז, האט נישט קיין טענת אויף קיינעם אין ווארפט נישט קיין שטיינער? .
אויב נישט, איז עס ווייל ס'איז נישט דא אזא זאף אדער טאקע ווייל זיי רידערען נישט?

פארוואס מיינסטו אז ס'איז נישט שייך אן איינפאכע מומר לתיאבון

קרעקער האט געשריבן:שרולי שטיין זאגט ער איז העפי און ער האט נישט קיין טענות אויף קיינעם, ער האט ליב זיין משפחה טאטע מאמע און ליב געהאט זיין ווייב

אבער ער שטויסט יא אויפן עדיוקעישן סיסטעם און ער שטיצט נ. מאסטער'ן.

ביטע נישט אוועקגיין נאכאמאל פון די נושא און האלטן אלע וויצן אין א זייט, די נושא איז א ערענסטע און פאדערט רעספעקט.

קודם א ווארט פאר די וואס האבן מיר שלעכט פארשטאנען, דער ציל פון די אשכול איז נישט געווען זיך צו פרייען חס ושלום מיט די אלע פאסירונגען, חס מלהזכיר, זיי זענען אלע מיינע ברודער און שוועסטער, מיין בלוט און פלייש, מ'מוז זיי ראטעווען ווי שנעלער.

וואס יואב זאגט אז די חרדי'שע קולטור איז גאר שולדיג דערין ווייל מיר שטעלן נישט צו פאר א איד וואס וויל נישט היטן שבת קיין אפשענס צו זיין א טייל פון אונזער קאמיונעטי איז געווען ביי מיר א חידוש, איך האב נאך נישט די השגה אין ליבעראליזם, ביי מיר האט זיך עס געהערט ווי איינער זאל ווען זאגן אז דער אמעריקאנער גאווערמענט איז שלעכט ווייל א מענטש וואס גלייכט צו איינברעכן אין בענק האט נישט קיין טשענס צו זיין א בירגער ווי אלע.

יעצט צום נושא, אריינגייענדיג טיפער אין די נושא דורך ליינען אויפן געוועב וכדומה און דורך רעדן מיט די וואס ווייסן בין איך געווארן שאקירט צו הערן אז די זאך גייט סך ווייטער ווי מען מיינט, איך וויל נישט אריינגיין אין דיטעילס אבער ס'רייסט ביים הארץ, ס'איז ממש ווי א נארמאלע ערשיינונג ביי די או טי די קאמיונעטי צו זיין אין א סועסייד קאנדישאן. ס׳איז מיר אויך אביסל רואיגער געווארן ווען איך האב געזעהן אז ס׳גייט פארקומען א suicide prevention awareness event פאר די געמיינדע, לאמיר האפן אז ס'וועט האבן די ריכטיגע רעזולטאטן.

אבער איך בלייב נאך אלץ מיט מיין וויי געשריי, די או טי די קאמיוניטי באקומט גרויסע פאנדינג פון די גאווערמענט דורך די פוטסטעפס ארגאניזאציע, זיי האבן נישט קיין גרויסע געמיינדע וועם צו באזארגן, און וואס ס'גייט דארט פאר איז ממש הימל-שרייענד, ס'איז א בכיה לדורות יעדער וואס פאלט אריין דארט, איך קען אסאך וואס זענען נישט געווען צופרידן מיט די סיסטעם און זיי האבן איבערגעלאזט וויליאמסבורג אדער קרית יואל בארא פארק וכדומה און זיך אפגעמופט צו א אנדער געגנט און זיי פירן א מאדערן ארטעדאקס לעבן און טוען דארט כל מה שלבם חפץ, איך דארף ענק נישט זאגן אז ס'איז דא אנדערע אפציעס, ס'איז דא אסאך צווישן אונזערע היימישע יוגענטליכע וואס גייען קיין ארץ ישראל דינען אין צה"ל און זענען נארמאלע מענטשן בגשמיות. נישט אז איך בארעכטיג עס אבער ס'איז פארט נישט קיין טאטאלע יאוש, משא"כ די פוטסטעפס ארגאניזאציע זיי האבן גאר פאנדינג און ס'איז א דיזעסטער מיט זיי, מ'קען אויף זיי זאגן וויאזוי שלום דין האט א נאמען געגעבן זיין ביכל: 'כל באיה לא ישובון', ווער ס'גייט אהין איז בחזקה אז ער קומט נישט צוריק.

ווי איך האלט דארף דער ארגאניזאציע ווערן פארשפארט, נישט ווייל איך האב א התנגדות מצד אידישקייט, נאר ווייל זיי זענען א דורכפאל, זיי זענען א ארגאניזאציע וואס צילט אויף אונזער געמיינדע אריינצוכאפן פרישע מעמבער'ס און די רעזולטאטן זענען נישט גוט. ווען איינער פרעגט מיר וואלט איך אים געראטן ענדערש ווער א קריסט אדער א קאטאליק ווי איידער א או טי די.

ווי אויך זייער גאווערמענט פאנדינג דארף זיך ענדיגן, איך מיין מיר זאלן אנהייבן א קאמפיין ביי די שטאטישע טאטעס, מ׳דארף אנהייבן ארום צו רופן אונזער לאקאלע קאנגרעס און אסעמבלי לייט און זיי פארהאלטן פארוואס אזא טאטאלע דורכפאל-דזשיהאד ארגענעזאציע איז נאך אפען. איז דא אמעריקא?

וויפיל געלט באקומען זיי פון די רעגירונג?

@עזריאל בקיצור דיין פראבלעים איז די ארגענעזאציע

פליס טויש דעם קעפל פונעם אשכול

און אויך קענסטו שוין ווערן otd אבער נישט גיין צו פוטסטעפס ........ #סאוסייד וואטש

או טי די איז פאטסטעפס אין די היינטיגע שפראך

עזריאל האט געשריבן:אבער איך בלייב נאך אלץ מיט מיין וויי געשריי, די או טי די קאמיוניטי באקומט גרויסע פאנדינג פון די גאווערמענט דורך די פוטסטעפס ארגאניזאציע, זיי האבן נישט קיין גרויסע געמיינדע וועם צו באזארגן, און וואס ס'גייט דארט פאר איז ממש הימל-שרייענד, ס'איז א בכיה לדורות יעדער וואס פאלט אריין דארט, איך קען אסאך וואס זענען נישט געווען צופרידן מיט די סיסטעם און זיי האבן איבערגעלאזט וויליאמסבורג אדער קרית יואל בארא פארק וכדומה און זיך אפגעמופט צו א אנדער געגנט און זיי פירן א מאדערן ארטעדאקס לעבן און טוען דארט כל מה שלבם חפץ, איך דארף ענק נישט זאגן אז ס'איז דא אנדערע אפציעס, ס'איז דא אסאך צווישן אונזערע היימישע יוגענטליכע וואס גייען קיין ארץ ישראל דינען אין צה"ל און זענען נארמאלע מענטשן בגשמיות. נישט אז איך בארעכטיג עס אבער ס'איז פארט נישט קיין טאטאלע יאוש, משא"כ די פוטסטעפס ארגאניזאציע זיי האבן גאר פאנדינג און ס'איז א דיזעסטער מיט זיי, מ'קען אויף זיי זאגן וויאזוי שלום דין האט א נאמען געגעבן זיין ביכל: 'כל באיה לא ישובון', ווער ס'גייט אהין איז בחזקה אז ער קומט נישט צוריק.

ווי איך האלט דארף דער ארגאניזאציע ווערן פארשפארט, נישט ווייל איך האב א התנגדות מצד אידישקייט, נאר ווייל זיי זענען א דורכפאל, זיי זענען א ארגאניזאציע וואס צילט אויף אונזער געמיינדע אריינצוכאפן פרישע מעמבער'ס און די רעזולטאטן זענען נישט גוט. ווען איינער פרעגט מיר וואלט איך אים געראטן ענדערש ווער א קריסט אדער א קאטאליק ווי איידער א או טי די.

ווי אויך זייער גאווערמענט פאנדינג דארף זיך ענדיגן, איך מיין מיר זאלן אנהייבן א קאמפיין ביי די שטאטישע טאטעס, מ׳דארף אנהייבן ארום צו רופן אונזער לאקאלע קאנגרעס און אסעמבלי לייט און זיי פארהאלטן פארוואס אזא טאטאלע דורכפאל-דזשיהאד ארגענעזאציע איז נאך אפען. איז דא אמעריקא?

גוט און קלאר ארויסגעברענגט.

והשתא דאתית להכא, שליס א בונד מיט ATUB @שבת אחים ATUB , ודו"ק היטב.