בענין "תג"

איך האט געוואלט הערן ווער עס האט א ידיעה אין אויסשטעלן ספרים
איז גוט "תג" מיט "רב טקסט"? וואס זענען זיינע שוואכקייטן?
וואס זאגט איר צו אויסשטעלן מיט חלונות וכל המסתעף מיט "אינדעזיין"?

איך בין נישט קיין גרויסע עקספערט און די נושא אבער כפי ידיעתי איז אינדיזיין אסאך שוואכער ווי תג ווי למשל מען קען זייער שווער מאכן מער ווי איין אדער צוויי קאלומס און אינדיזיין מה שאין כן תג איז גיט דערפאר
נאכאמאל איך זאג עס נישט פון עקספיריענס איך האב נאר נאכגעזאגט וואס איך האב געהערט פון א סעילסמען וואס פארקויפט תג

tag is very costly.. and hard to learn.

but does a job better then anyone else.

ר' יואל
איר האט עס געלערנט, אדער איר רעדט פון בלויזע ידיעה?
איך וויל וויסן אויב עס איז דא שוועריגקייטן בענין אריינלייגן בילדער אינמיטען א דף.

ניין כ'האב עס נישט געלערנט, און אויך קיינמאל געזען, כ'זאג נאר נאך וואס כ'האב געהערט פון מענטשן וואס טון אין דעם.

איך האב נאך קיינמאל נישט געזען תג, אבער עס לייגט זיך שווער אויפן שכל אז עס זאל נאך כהיום זיין בעסער ווי אינדעזיין.

אדאבי איז מן הסתם די גרעסטע סאפטוועיר קאמפאני נאך מייקראסאפט (פון געפעקעזשטע קאנסומער סאפטוועיר), און זיי האבן סטאדעס פון פראגרעמערס און סאפטווער אינזשענירן מיט מיליאנען דאלארן פאר ריסטערטש און דעוועלאפמענט. עס גלייבט זיך שווער אז סי עס פייוו זאל נאל זיין הינטערשטעליג, נאר וואס דען, איך זאג נישט אויף זיכער וויבאלד איך נוץ נאר אינדעזיין און נישט תג.

אזויפיל איז זיכער, דאס וואס זרח האט ערווענט וועגן קאלום'ס, איז ווייט נישט אמת, מאכן קאלומס אין אינדעזיין איז א קינדער שפיל.

אינדעזיין פלעגט זיין שוואכער ווי קווארק, וויבאלד עס איז רעלאטיוו א נייע פראדוקט, אבער עס ווערט בעסער מיט יעדע ווערסיע, און כהיום מיט סי עס פייוו איז עס ממש א שלמותדיגע זאך, און ווערט באטראכט ווי די בעסטע אין די קלאס פון לעיאוט אפליקעשאנס.

ס'איז כלל נישט מוכרח וואס די זאגסט הרב אנאליזירער. תג ווערט געמאכט דורך א יונגערמאן וואס פארשטייט די געברויכן פאר 'אידן', דאס מאכט עס שטערקער ווי אלע אנדערע קאמפעטישען.

אנאלזירער
די האסט עקספיריענס פון אויסשטעלן ספרים אין אינדעזיין, אדער נאר צייטונגען וכדומה?

בעצם האב איך נישט קיין יסודות'דיגע ידיעה אין קיין איינס פון די צוויי פראגראמען אבער מסברא, און פון וואס איך פארשטאנען בין השיטין פון יודעי דבר, איז זרח גערעכט מיט'ן ענין פון קאלומ'ס.

דהיינו אזוי, ספרי קודש האבן א אייגנארטיגקייט מיט די פילצאליגע קאלומס וואס זיי האבן. און מיט קאלומס מיין איך נישט נעמען דעם זעלבן ארטיקל און עס צוטיילן אין דרייען, נאר מיט האבן מערערע זעלבסטשטענדיגע קאלומס לויפן האנד ביי האנט.

למשל, נאט אייך דעם המאור חומש, און ציילט אפ וויפיל קאלומס עס לויפן דורך דעם ספר פאראלעל, איר'עט זיין ערשטוינט, בערך צוואנציג שטיק, ואלו הן: חומש, תרגום, בעה"ט, תולדות אהרן, רש"י, רמב"ן, ספורנו, אוחה"ק, כלי יקר, רשב"ם, ליקוטי רמב"ם, הערות על אוחה"ק, מוסף רש"י, פי' יונתן, תרגום ירושלמי, אבן עזרא, אבי עזרי, און מעגליך נאך עטליכע וואס איך געדענק נישט אויף די מינוט.

דאס איז א בחינה פון משפטים בל ידעום. אין די אלגעמיינע ליטעראטור, איז בכלל נישט דא דער מושג פון א פנים מיט מפרשים רינגס און ארום, און זיכער נישט אויף אזא קאמפליצירטן אופן.

פארשטייט זיך אז 'אדאובי' איז קענוג סאפיסטיקירט זיך צו קענען ספראווען מיט דעם אויך, אבער 'תג' איז ספעציעל דעזייינט פאר דעם צוועק. און דוכט זיך מיר אז די בעיסיק ספרי קודש וואס מיר האבן ווערן טאקע אויסגעשטעלט מיט 'תג' און נישט מיט אדאובי. איינס פין די וואס איך ווייס אויף זיכער, איז דער נייער שלחן ערוך 'הדרת קודש', וואס האט אויך צענדליגער קאלומס פער דף, און איז מייסטערהאפטיג אויסגעשטעלט געווארן מיט עדאובי.

לדעתי, זענען די ספרים וואס האבן עטליכע מפרשים אויפן דף, און זענען אויסגעשטעלט מיט עדאובי, קיינמאל נישט אזוי באטעמ'ט פארן אויג ווי די וואס זענען געמאכט מיט 'תג', ווארום עס איז נישט געמאכט צו דינען דעם צוועק. - פערזענליכע אפיניאן.


אני הקטן האט אמאל געארבעט אויף א ספר (אויפ'ן עצם ספר, נישט אויף אויסצושטעלן די עמודים) וואס האט פארמאגט דריי זעלבסטשטענדיגע קאלומס, און איך האב עס געמאכט מיט 'ווארד', און די איינציגע אפציע וואס איך האב געקענט טוהן איז געווען צו האלטן דעם פנים אלס דעם בעיסיק קאלום, מפרש א' אלץ פוט נאוט, און מפרש ב' אלץ ענד נאוט, און שפעטער בשעת'ן אויסשטעלן די עמודים האט דער אויסשטעלער אריינגעלייגט אלע ענדנאוטס אויפן ריכטיגן פלאץ. 'ווארד' האט ניטאמאל קיין אפציע (לפי מיטב ידיעתי) צו לויפן צוויי פאראלעל קאלומס אויף איינמאל.

ערעב מעכל דאכט זיך מיר אז די האסט זיך טועה געווען איך מיין אז הדרת קודש איז אויסגעשטעלט מיט תג