וואו קען מען שפאָרן?

שטייענדיג אצינד בתקופת החגים בשעטומ"צ, וואקסן די הוצאות ב"ה ווי אויף הייוון, און טרוקנט אויס די טאש פון יעדן קופערנעם גרייצער, און וואו עס האט זיך אמאל אויסגעדרוקט א איד אז די איינציגע הכנסה די טעג איז די 'טשעינדש' וואס מען ברענגט אים צוריק פון געשעפט... איז אלזא וואלט איך געוואלט עפענען אן אשכול ווי ווער אימער עס האט א פראקטישע זאכליכע הצעה ווי מען קען שניידן אביסעלע די עקספענסעס - יעצט און א גאנץ יאר, זאל דאס מוחל זיין מיטטיילן מיט'ן עולם, ויהא חלקו ממזכי הרבים.

נ.ב. ביטע זיך האלטן זאכליך און פראקטיש און פארשלאגן זאכן וואס רוב הציבור יכולים לעמוד בה. אזוינע רעוואלוציענערישע געדאנקן ווי למשל שלאגן כפרות מיט מאסקיטאוס, און קויפן הויכע אונגארישע שיך בכדי זיך צו שפארן זאקן , זאלן ביטע געלייגט ווערן אין די זייט אויף ביז די צווייטע טעג פורים.

מען וועט דארפן פרעגן ערעב מעכל צו מען איז יוצא מיט מאסקיטאס

איך וועל ארויסגעבן מיין סוד.
איך שער מיינע קינדער אליין, און מיין ברודער שערט מיר ביי די פרייז פון זיבן דאלער א קאפ, מאכט עס אויס איבער א מאה א יאר.

איך קויף מילגרוים ביים גוי, וואס שרויפט נישט ארויף די פרייז פאר ר''ה, איך שפאר מיך 2 דאלער א שטיקל

---

איך וואלט געזיכט נאך יו''ט ארטיקלען ווי מ'קען קויפן פאר ביליג, סא פאר, האב איך נישט ווי מ'קען קויפן סכך ביים גוי, און אויך אתרוגים,

איך שלאג כפרות מיט איין זכר פאר אלע אינגלעך, און איין נקבה פאר אלע מיידלעך.

פאר א אתרוג וועל איך נישט ספענדן אין די וועלט אריין. איך פרוביר מקיים זיין דעם "זה קלי ואנוהו" לויט מיין בערזל.

איך קויף דעם ביליגסטן מעסער ראש השנה.

איך שער אויך די קינדער אליין.

איך פרוביר אוועקצולייגן פון יאר צו יאר וואס מעגליך, סיי מחזורים, סיי צרכי הסוכה, צב"ש די ליילאכער פאר די ווענט, די קארפעט פאר די פלאר, נוי סוכה.

אסאך געשעפטן האבן "האניג" אויף סעיל.

פאר מיר אליין קאסט נישט דער יו"ט אזוי סך, ווי בעיקר די פרישע ווינטער קליידער פאר אלע קינדערלעך קע"ה.

גראדע מיין איך אז דא

http://www.esrogheadquarters.com/product...PT_ID=1412

איז די סכך ביליגער ווי ביי רוב סוכה סענטערס

---

זעהט אויס אז מיט די שיפינג איז עס שוין נישט ביליג

איך דאווען אין א קליין ביהמ"ד'ל וואו מען בעט נישט קיין געלט פאר זיץ פלייש.

איך קויף נישט קיין עליות, און אוודאי ש'נדר איך נישט אין אלף הששי אריין.

כפרות קען מען שלאגן אויך מיט פיש, מען קויפט א געזונטן גרויסן דג און מיט דעם שלאגט די גאנצע משפח'טע, און גלייכצייטיג קלעקט עס אויך פארן "ראש ולא לזנב", און איז די והותר פאר אלע יו"ט'דיגע סעודות (איך קענסל די וועכענטליכע פיש ארדער, חוץ געפילטע און סקין).

פאר יום כיפור קויפט מען א פרישן גרויסן דג, און מיט דעם בין איך און די בנים יוצא די מנהג כפרות, און נאכער קאכט מען אפ א חלק פארן סעודת ערב יום כיפור ומוצאי, און די איבערבלייבענישן פריזט מען פאר סוכות.

ד' מינים קויפט מען ערב סוכות שפעט נאכמיטאג, פאר פערטל פרייז (רוב מאל אין געגנד פון 50 טאלער, ווען א טאג פריער וואלט עס געקאסט 300 אויב נישט מער).

דער עיקר איז אז פאר מען גיט אויס געלט, זאל מען טראכטן מאה ואחת פעמים צו איז עס טאקע אזוי וויכטיג, און צו קען מען נישט אויסקומען אויף א ביליגערע אופן.

שמעתי אז אין קרוינהייטס קען מען באקומען שיינע אתרוגים פאר גאר ביליג. כ'נעם נישט קיין אחריות אויף די כשרות.

נוי סוכה - גלייך נאך סוכות, איז עס אין רוב געשעפטן אויף סעיל מיט א שיינע פאר פראצענט ביליגער

חלות - קיינמאל נישט קויפן! נאר באקן אינדערהיים. נעם א קאלקעלעיטער און רעכן אליינס אויס וויפיהל דו גייסט דיר שפארן... (נאר אויב די אידענע האלט דערביי, עס לוינט זיך נישט צו צושטערן די שלום בית פאר די פאר טאללער)

פיש - פאר די וואס זענען נישט קיין מפונקים, די געפרוירענע אדער געקענ'טע זענען געווענטליך ביליגער ווי די פרישע.

שמואל ס'א שיינע געדאנק, אבער די עיקר מצוה פון כפרות שלאגן - קוק אריין אין מטע אפרים- איז די פאר דאלער וואס מ'געט פאר די כפרות נישט דעם הינדל (פיש) ארומדרייען.

דעי וואס צאלן פאר זיץ פלייש האבן שוין אויך געהערט וועגן דעם געדאנק פון דאווענען אין א קליין ביהמ"ד, נאר מאיזה סיבה האבן זיי בוחר געווען יא צו נעמען א זיץ. (אן עצה וואלט געווען צו שטיין א גאנצען דאווענען).

ד' מינים איז א חיבוב מצוה דאס עצם זיך לאזן קאסטן דעראויף (פארשטייט זיך נישט אין דער וועלט אריין) און קויפן ווי פריער.

און בכלל איז די אלע זאכן אין כלל צרכי שבת ויו"ט וואס שטייט לוי עלי ואני פורע, יעדער איינער לויט זיין מדרגה אין אמונה בדברי חז"ל און יעדער לויט זיין השתוקקות צו א מצוה מעג און דארף בארגען געלט צו קענען מהדר זיין דעם יו"ט מיט אלע הידורים.

גם אני מסכים לשמעלקא אז דער יו"ט אליין קאסט נישט אזוי סאך ווי די זייטיגע הוצאות ארום און ארום ווי ווינטער קליידער וכדו'.

נישט ממש.

וואס נישט?

גוט, לאמיך שוין נישט גרובלען אזויפיל. נאר דוכט זיך מיר אז אזא גרויסער פיש פון וואס דו רעדסט, קאסט טייערער אדער בערך די זעלבע פרייז פון כפרות פאר א משפחה, און חוץ מזה, ביי די פריוואטע בוטשער סטארס (נישט די מוסדות) וועלכע פארמאגן א שוחט אויפ'ן פלאץ, קענסטו צוריקבאקומען די פלייש פון די כפרה, און די קענסט קענסלען דיין פלייש ארדער פאר די וואך.

בכלל נישט אברעמל, צא וחשוב וויפיל עס קאסט כפרות פאר א משפחה פון 9 קינדער כ"י, און מיט די ווייב איז עס 10.

דער דג וואס איך קויף אין א גוי'איש געשעפט קאסט היפש ביליגער, און איך האב נאך פיינע דגים אויף יו"ט אויך.

ערעב מעכל ואלו פינו מלא שירה קען מען דיר נישט לויבן ווי גיט די שרייבסט, און גראדע די נקודה פון אנהייבן שפארן ביי מצוות האב איך אויך געקלערט נאר נישט יעדער האט דיין שפראך צו קענען אזוי קלאר און דייטלעך ארויסברענגען וואס ס'ליגט אויפן מחשבה נאכדערצו אן קיינעם פערזענליך אנגרייפן.
יישר כח ותוזכו למצוות.

רעב מעכל, שפתיים ישק.

עס איז מיר א כבוד צו זיין מיט דיר אונטער איין דאך, תורה און חכמה און א זיס פעדער, יה"ר שירבו כמותך בישראל.

אבער איר האט זיך בשוגג צו במזיד פארהוילן פון מיין טענה איבער מייקרי שערים, וואס איך האב מיר א ראי געברענגט פון פיש אויף שבת. וואס איך וואלט געוואלט הערן וואס איר האט צו זאגן אויף דעם. ווייל דארט פסקענען די פוסקים אז מען זאל בכלל נישט עסן קיין פיש, כש"כ דא וואס מען קען יוצא זיין די מנהג אויף אן אנדערן אופן.

די כפרות פאר א שטוב פון 6 קליינע קינדערליך אין ביי א מעוברת נאך דריי איז זיבעציג דאלער.
9 * 7 = 63

דריי בחורים מיטן טאטן ערב יום כיפור

4 * 16 = 64

64 + 63 = $127

א הימל געשריי!!!!



אזוי אויך דיין אראפלייגן ווי גלייך מיר ווילן זיך גרינגער מאכן דוקא במילי דשמיא איז איינפאך נישט ריכטיג. זעסט דאך ווי א גאנץ יאר זוכט דער עולם דא צו שפארן מיט אלעמען.

ערעב מעכל אייןטעות אויב די טאטע הייסט שמואל קען די אינגל נישט הייסן שמולי

צווייטנס די ענין פון גבר תחת גבר האב איך שוין געשריבן און איין שורה

דריטנס די טענה אז די פיש לעבט נישט איז לכאורה נישט רעלעווענט בייי א פיש וואס איז נאר וואס ארויסגעקומען פון וואסער און מען קען אים נאך עני טיים צוריקלייגן און ער הייבט אן צוריק צו שווימען ווי קיינמאל גארנישט לא כימים הראשונים וואס מען האט געדארפט אריינלייגן ברויט איינגעטונקען און ברוינפן און אריינלייגן און די אויער און ארויפלייגן אויף די פיאקער און פארן פון הודונאנאש צו שאראש פאטיק און אונטערוועגנס זיך אפשטעלן ביי מאשקע פאר א גלעזל שנאפס

אוועראל איז עס מאסיוו

---

אויב ביסטו שוין געווען און שאראש פאטיק וועסטו מיר לכאורה פרעגן אז און שאראש פאטיק לויפט דורך גאנץ א גרויסע טייך ( די באדראג טייך) די תירוץ וועט זיין עממממממממממממממ..................... אאא!!!!!!!! סאיז געווען ווינטער ווען די טייך איז געווען פארפרוירן

איך וועל מיך אננעמען פאר כבוד התורה פונ'ם דיין שליט"א.

1. אמת אז נארמאל קען דער יונגל נישט הייסן שמולי אויב דער טאטע הייסט שמואל, אבער דא איז א אויסנאם, ווייל די זעהסט דאך אז די משפחה נאמען איז אויך שמילאוויטש, עס קוקט אויס ווי די חברה זענען אבסעסט מיט דעם נאמען, ממילא קען מען שוין גארנישט וויסן.

והשנית, אויב האסטו גרונדטליך דורכגעלערנט דעם דיין'ס תשובה האסטו בודאי געזעהן אז דער שמואל איז א ספרדי (הר"ר שמואל ס"ט) און ביי די ספרדים איז יא איינגעפירט צו געבן נעמען נאך א לעבעדיגן מענטש ובפרט נאך אזא חשוב'ן טאטן שליט"א.

2. נא, אז דו קענסט ארויסברענגען אין איין ווארט דאס וואס דער דיין ברענגט ארויס אין א גאנצע תשובה, ביסטו דאך טאקע א מומחה...

3. איך פארשטיי נישט, די וועג פון פיש סטאר נעמט דאך א האלבע שעה כמבואר בדברי הדומ"ץ שליט"א, א פיש קען זיך האלטן אזוי לאנג אינדרויסן פון וואסער? אין בעסטן פאל איז ער שוין א מפרכס, נו קום מיר דא אריין אין די שאלה פון בן נח אדער ישראל מיט'ן פרשת דרכים פון יוסף הצדיק מיט די שבטים, איך גלויב אז דו ווילסט נישט אויפברענגן דעם שמועס יעצט פאר יום הקדוש.

אוי וויי הייב נישט אן צו ווארפן קיין בקיאות

א פיש קען לעבן עטליכע שעה!! אינדערויסן פון וואסער ובפרט סעמאן וואס איז גרעסער ווי א ווייט פישל און קוק אריין אין די גמרא שבת איז דא פארשידענע שיעורים ווען מען איז חייב אויף נטילת נשמה עס מיז זיין אויסגעטריקנט דאכט זיך מיר די גאנצע פיש

שווער זיך מטפל צו זיין מיט אלע הערות המחכימות העלמיר ענטפערן בכלליות.

ס'איז מרגלא בפומי אז איינער וויל זיין אן אויבער חכם, זאל ער כאטש וויסן וויאזוי, אז נישט בלייבט ער קרח מכאן ומכאן.

שמואל וואלט געקענט טוהן א משהו אנדערש, עס וואלט אים געקאסט ביליגער, און מקיים געווען דעם מנהג כמעט בשלימות.
נעמליך, ער קען נעמען איין נקבה הינדל פאר די נקבות, איין זכר האן פאר אלע זכרים, עס וועט קאסטן קנאפע צוואנציג דאללער, און ער האט מקיים געווען דעם מנהג אויף א הערליכן פארנעם, חוץ דאס וואס ער האט זיך פארלאזט אויף די וואס זאגן אז מען קען יוצא זיין מערערע מענטשן מיט איין כפרה, נישט געפערלעך.

נאך אזאך שמואל היקר, ווען מען קויפט ביים גוי א פיש, וואס האט שוין נישט די סימנים, (בדרך כלל ווערן די סנפיר וקשקשת ארפאגענומען נאך פאר זיי קומען אן צום קאסטומער) איז דאס גאר א שווערע שאלה וספיקא דאורייתא. און שלחן ערוך ווערט גע'פסק'עט אז מען טאר נישט קויפן קיין פיש פון איינעם וואס האט נישט קיין נאמנות, נאר אויב מען זעהט אליין די סימנים.

טאמער למשל דו קויפסט א ווייט פיש, און דער גוי זאגט דיר אז דאס איז א ווייט פיש, קען מען זיך לכאורה פארלאזן דערויף, מען ברויך נאר וויסן צו אלע סארטן ווייט פיש זענען כשר, (טונא למשל, זענען דא נישט כשר'ע אויך - כך שמעתי) טאמער נישט, דארפסטו זעהן די סימנים מיט די אייגענע אויגן. עכ"פ איך פסק'ען נישט קיין שאלות דא אויפ'ן פורום, אבער ברויכסט דיך דורכשמועסן מיט א תלמיד חכם וויאזוי צו קויפן פיש ביי א גוי.

די פיש סוחרים קויפן אויך ביים גוי דאכט זיך.

וויפיל איז די נארמאלע פרייז פון א פעקל צוקער?

פאר 40 יאר צוריק איז דא א בריוו פון די אמאליגע גדולי הרבנים זייערע אז מ׳זאל קויפן נאר זייער צוקער און זאלץ ״ווייל דאס איז זייער איינציגע הכנסה״ נו, אז ס׳איז שון נישטא די טעם איז דאך נישטא קיין שום סיבה פארוואס דאס צו קויפן

אידן אין די מאונטעינס ווייסן ווי די גראסעריס שינדן די הויט.

איז דא יגדיל גראסערי, פאר די ליטווישע בני ישיבה אוו פאלסבורג, אפן א גאנץ יאר, זייער צוגענגליכע פרייזן. האבן מער ווייניגער אלע היימישע קאמפאניס. גרויסע אויסוואל, נישט אזוי אויפרייסעריש ווי די חסידישע גראסעריס, אבער גענוג גוט.

(07-30-12 04:58 PM)Drudge האט געשריבן:  אידן אין די מאונטעינס ווייסן ווי די גראסעריס שינדן די הויט.

איז דא יגדיל גראסערי, פאר די ליטווישע בני ישיבה אוו פאלסבורג, אפן א גאנץ יאר, זייער צוגענגליכע פרייזן. האבן מער ווייניגער אלע היימישע קאמפאניס. גרויסע אויסוואל, נישט אזוי אויפרייסעריש ווי די חסידישע גראסעריס, אבער גענוג גוט.

א דאנק!

איך בין שוין דארט געווען, עס איז א מחי'

איך ברענג נאכאמאל ארויף די נושא וואס איז געווען זייער לעבעדיג פאראיאר אין די צייט,

מיט איין אויסנאם!

כפרות בעטן שוין היינט די ביליגערע פלעצער 8 דאלער פער עוף! (טייערערע בעטן 9 דאלער)

נאכדעם פרעגט מען פארוואס משיח קומט נישט! אז אין די עשי"ת רייסט מען אזוי די קעשענעס, איז נאך א וואונדער? די ביהמ"ק איז חרוב געווארן וועגן מען האט געצאפט די ארימעלייט "אויסגעהאלטן מדין תורה" "לא חרבה ירושלים אלא מפני שהעמידו דבריהם על דין תורה". עיין בפסוקי דפורעניתא בנביאים וגמרא ב"מ.

קוקטס אריין אין די ערשטע פאר בלעטער, שמעלקא האט פארגעשלאגן מ'זאל נוצן איין עוף פער משפחה, אנדערע אז מען זאל נוצן פיש אדער געלט.

איך האב צוגעברענגט דארט ממקור נאמן אז עופות קאסטן האלסעיל ..... 25 סענט א טשיקן!!!

לוזער מענדל, עס איז גיט צו שמייכלען אביסל, אבער נישט אויף למעשה פארשטייט זיך.

היינטיגע צייטן גייט קיינער שוין נישט צי קיין דיעלערס מען נעמט פון די פאר גרויסע און זיי געבן פול סערוויס ממילה קאסט עס א פרייז, אבער 8 איז שוין היינט נישט טייער, ווער סע געדענקט איז און בארא פארק שוין געווען בערך 10 א עוף - און הרב משה יהושע קרעמער פון רחמיסטריווקע מוסדות האט אביסל אראפגעברענגט די פרייז וויפיל עס איז געווען שייח - תשיאות חן לו

(09-24-12 11:18 PM)ישעי האט געשריבן:  היינטיגע צייטן גייט קיינער שוין נישט צי קיין דיעלערס מען נעמט פון די פאר גרויסע און זיי געבן פול סערוויס ממילה קאסט עס א פרייז, אבער 8 איז שוין היינט נישט טייער, ווער סע געדענקט איז און בארא פארק שוין געווען בערך 10 א עוף - און הרב משה יהושע קרעמער פון רחמיסטריווקע מוסדות האט אביסל אראפגעברענגט די פרייז וויפיל עס איז געווען שייח - תשיאות חן לו

אינטערעסאנטע ידיעות.... ס'קוקט אויס ווי די פארמאגסט אינסייד אינפארמאציע, געב ארויס מער באריכות, וואס האט הרב קרעמער געטון?
וואס איז די נפק"מ פון דילערס און "גרויסע"? וואס הייסט "פול סערוויס"?