טעראר אין פראנקרייך

אין ניס, פראנקרייך איז פארגעקומען א שרעקליכע טראגעדיע ווען א טרעילאר איז אריינגעפארן אין צענדליגע מענטשן אומברענגענדיג כאטש פופציג און פארוואונדעט הונדערט.
לויט די באריכטן אז דער דרייווער האט נאכן אריינהאקן אין די מענטשן אויך געשאסן אויף מענשטן זעט אויס אז עס איז א טעראר אטאקע, נישט א עקסידענט.

בשורות טובות

ס'האלט ביי איבער זיבעציגג טויטע ר"ל און איבער הונדערט פארוואונדעטע ה"י.

די דרייווער מיט א 'באקס טראק' איז אריינגעפארן אין א ריזיגע פארזאמלונג פון מענטשן אין nice, פראנקרייך וואס זענען זיך צונויפגעקומען צו פייערן די נאציאנאלע יולי 14 חאגע.

דער טעראריסט האט זיך באקוועם געמאכט אויף א טראק און אנגעהויבן 'פליען' אריין אין די מענטשן אן רחמנות וואס האט געברענגט די שרעקליכע אויבדערמאנטע רוזלטאטן.

די פאליציי האט באשאנקען די טעראריסט מיט א מבול פון קוילן וואס האט געברענגט די געווינטשענע רוזלטאטן והמגפה נעצרה.

די באריכטן אז ער האט אויך געשאסן איז נישט באשטעטיגט.

אצינד געהערט אז ער איז אזוי געפארן אין מענטשן אריין איבער א מייל. ס'האלט שוין ביי איבער אכציג טויטע.

עמער זעהן ווילאנג נאך זיי וועלן זיך האלטן רואיג און ליידן פון די פראי אדם.

פראנקרייך – עס זעהט עפעס אויס ווי פראנקרייך איז געווארן דער הויפטשטאט פון אינטערנאציאנאלע טעראר אטאקעס. נעכטן דאנערשטאג נאכט האט א פרישע טעראר אטאקע אויפגעשוידערט די וועלט, ווען א טעראריסט האט אריינגעשמעטערט מיט א גרויסן טראק אין הונדערטער פארזאמלטע מענטשן אין די שטילע און שיינע שטאט ניעס, פראנקרייך. די אטאקע האט פאסירט ווען פילע זענען געווען פארזאמלט נעבן אן ארטיגע וואסער פאר א פייערווארקס פארשטעלונג אינעם טאג פון א נאציאנאלע חאגע אין פראנקרייך, און א דרייווער איז געקומען צו פליען מיט זיין טראק אין ריכטונג פון די פארזאמלטע.

דער טעראריסט האט ארויסגעשאסן קוילן פון זיין פענסטער און די פאליציי האבן פרובירט צוריקצושיסן. נאך געציילטע סעקונדעס, איז דער פארשוין ווייטער ווילד געפארן מיט'ן טראק, אריינקראכנדיג דירעקט אין די פארזאמלטע מאסן. לויט מענטשן וועלכע האבן צוגעקוקט צו די טראמאטישע סצענע, האט דער דרייווער געמאכט "זיג-זאג" באוועגונגען מיט'ן טראק, צו פארזיכערן אז ער קלאפט אראפ ווי מער מענטשן אינדערצייט וואס מענטשן זענען זיך צעלאפן אין די זייטן פונעם שאסיי.

לויט די פאליציי, איז דער פארשוין געפארן גאר ווילד מיטן טראק ביי 30 מייל פער שטונדע צווישן די פארזאמלטע. ער האט אזוי גאלאפירט ווילד מיטן טראק פאר מער ווי איין גאנצע מייל, ביזן קומען צו אן אפשטעל. צושויער האבן אראפגעגעבן שרעקעדיגע דעטאלן, זאגנדיג אז מענטשן זענען געפלויגן ווי שטיקער קארטאן, צוליב די ווילדקייט און קאלטבלוטיגקייט פונעם טראק דרייווער. אלעס אינאיינעם האלט דער ציפער אומגעקומענע, דאנערשטאג ביינאכט, ביי 80, אריינגערעכנט קינדער, און אמווייניגסטנס 18 זענען קריטיש פארוואונדעט.

די פאליציי האבן באוויזן אומצוברענגען דעם טראק דרייווער, וועלכער איז דערווייל נישט קלאר אידענטיפיצירט געווארן, אבער אומבאשטעטיגטע באריכטן צייגן אז ער איז געווען אן 31 יעריגער לאקאלער איינוואוינער מיט טוניזיער און פראנצויזישע בירגערשאפט. די פאליציי האבן געטראפן הויפענעס וואפנס, גראנאטן און אויפרייס מאטעריאל אינעם טראק און דערווייל ארבעטן די פאליציי צו דערגיין צי ער האט געהאט עפעס מיטהעלפער צו פלאנירן און דורכפירן די אטאקע. אייסיס האט דערווייל נישט גענומען פאראנטווארטליכקייט, אבער פרא-אייסיס פיגורן האבן אויסגעדרוקט פרייד און גערופן פאר נאכמער אטאקעס.

די פרישע טעראר אטאקע האט געברענגט פארדאמונגען פון איבער די וועלט, אריינגערעכנט פון פרעזידענט אבאמא, רעפובליקאנער פרעזידענט קאנדידאט דאנעלד טראמפ און דעמאקראטישער פרעזידענט קאנדידאט הילערי קלינטאן. פראנקרייך'ס פרעזידענט פראנסווא אלאנד האט געמאלדן אז די פראנצויזישע ארמיי וועט אריינגעשטעלט ווערן אין קראפט ארויסצוהעלפן די פאליציי אין גרויסע שטעט איבער'ן לאנד צו באשיצן די איינוואוינער. ער האט אויך געמאלדן אז די "סטעיט אוו עמורדזשענסי" וועלכע געבט מער לעגאלע מאכטן פאר די פאליציי, וועט פארלענגערט ווערן מיט נאך 3 מאנאטן. ס'האט געזאלט עקספּייערן אין 2 וואכן ארום.

-קה"א-

אידישע פארוואונדעטע אין פראנקרייך
פראנקרייך – רעגירונג באאמטע אין ניעס, פראנקרייך האבן געזאגט אז די באריכטן אז פופצן אידן זענען אומגעקומען אין די טעראר אטאקע דאנערשטאג נאכט זענען פאלש. די באאמטע זאגן אז צווישן די 84 אומגעקומענע איז נישט געווען קיין איין איד. 3 אידן זענען פארוואונדעט געווארן און אלע געפונען זיך אין א קריטישן אבער סטאבילן צושטאנד.

אייסיס אין ניס, פראנקרייך
פראנקרייך – די אייסיס טעראר גרופע האט נעכטן שבת דערקלערט אז זי איז פאראנטווארטליך פאר די טעראר אטאקע וואס האט פאסירט אין ניס, פראנקרייך דאנערשטאג. פראנצויזישע באאמטע האבן אידענטיפיצירט דעם טעראריסט וועלכער האט געדרייווט דעם טראק און איבערגעטראטן מענטשן אלס מוכאמעד לוהאזשי בולאל, וועלכער איז געווען באוואוסט אלס קרימינאלער פארשוין אבער נישט אלס דזשיהאדיסט. באזונדער האבן די פאליציי ארעסטירט 3 פארשוינען אין זייער פארשונג ארום די אטאקע. דער ציפער אומגעקומענע האלט ביי 84.

איך הער אז איין איד איז אומגעקומען פון די וואונדן
איז עס אמת?

יא ליידער בד"ה

פראנקרייך – נאך א טאג און נאך א טעראר אטאקע אין פראנקרייך. א שוידערליכע טעראר שטעכעריי אטאקע האט נעכטן פאסירט אין א שטעטל אין נארמאנדי, פראנקרייך ווען צוויי אייסיס טעראריסטן האבן אריינגעשטורעמט אין א קירכע און האבן גענומען 5 משכונות, אריינגערעכנט דער הויפט גלח, צוויי קירכע איינגעשטעלטע און צוויי ציווילע. די טעראריסטן האבן באפוילן דעם גלח צו קניען און האבן אים ברוטאל דערמארדעט מיט זייערע מעסערס, רעקארדירנדיג די גאנצע זאך אויף ווידעא.

א מאסיווע פאליציי אפעראציע איז אונטערגענומען געווארן צו ראטעווען די משכונות. איינער פון די משכונות האבן באוויזן ארויסצולויפן אין גאס צו די פאליציי, און די צוויי טעראריסטן זענען ארויסגעקומען פון די קירכע שיסנדיג מיט זייערע רעוואלווערס אין דער לופטן און שרייענדיג "אללא אכבאר", ווען די פאליציי האבן זיי געשאסן און אומגעברענגט. די טעראר אטאקע האט פריש אריינגעווארפן פראנקרייך אין א טעראר פחד, שטייענדיג ווייניגער ווי צוויי וואכן נאך די טראק טעראר אטאקע אין די ארטיגע שטאט ניס, מיט צענדליגער אומגעקומענע.

וועלט פירער און פירער פון די קאטוילישע און קריסטליכע רעליגיע האבן געזאגט אז מיט די אטאקע האט אייסיס אפיציעל דערקלערט קריג קעגן די קריסטליכע גלויבן. עס שטעלט זיך ארויס אז די צוויי טעראריסטן זענען געווען באקאנט פאר די אויטאריטעטן און איינער פון זיי איז שוין געזיצן עטליכע וואכן אויף קלאגעס אז ער איז געווען פארבינדן מיט א לאקאלע טעראר צעל און אז ער האט פרובירט אנצוקומען קיין סיריע. עקספערטן דרוקן אויס זארג אז עס וועלן זיך מאכן קריסטליכע עקסטרעמיסטן וועלכע וועלן אנהייבן דורכפירן ענליכע נקמה אטאקעס קעגן מוסולמענער מעטשעטן איבער די וועלט.

-קה"א-