Re: דער "וועקער" פאר'ן זומער איז שוין דא!
קודם וויל איך אפגעבן א גרויסן יישר כח פאר דע אלע וואס האבן זיך אפגעגעבן מיטן ארויס געבן דעם וועקער, און בעיקר פאר @ראובן מיט @שלום שטיסל (ראובן'ס לעצטע נאמען ווייסעך נישט) כ'ווייס אז כ'בין שוין אביסעל שפעט דא, מ'האלט שוין אין מיטן גרייט מאכן דע נייע וועקער און כ'בין נאך ביזי מיטן אלטן, אבער ענדערש שפעטער ווי קיינמאל.
דער אמת איז אז דאס מאל האבעך געהאט ווייניגער צייט ווי ביים וועקער נומ' 8 דאן האבן מיר געהאט שבועות אסאך צייט מיט רואיגע מינוטן ווען צו ליינען, און דאס מאל איז דא ארטיקלן מיט מער טיפערע אינהאלט וואס דאס פארלאנגט מער קאנצעטראציע.
גלייך ווען כ'האב עס געקויפט האב איך מיך ארויס געלאזט אויף א געיעג צו טרעפן את שאהבה נפשי, אבער ביקשתיו ולא מצאתיו, מיין פעיוואריט יואב איז נישט צום באקומען.
כ'בין זיכער אז כ'בין נישט די איינציגסטער וואס האט עס גשפירט. אבער דאס איז ח"ו נישט קיין טענה צו @ראובן, נאר צו @יואב אליין. קען זיין אז @יואב ברוח קדשו האט געוויסט אז דער וועקער וועט ארויסקומען אין סאמע ראש חודש אב וואס מ'איז ממעט בשמחה, האט ער נישט געוואלט מכשיל זיין קיינעם, אקעי כ'געב עם דע בענעפיט אוו דע דאוט.
כ'האף אז אינעם נעקסט וועקער הבע"לט וועט @יואב באשיינען מיטן פולן פראכט, ס'גייט ערשיינען אין אלול-תשרי, ווי ס'הערשט א "רעדה", מוז מען האבן דעם יואב'ן אביסעל אריין צו שיינען דעם "וגילו" אויך.
מיין בעסטע ארטיקל דערווייל איז ראובן'ס "אמונה קריזיס" פארדעם פארלאנגט זיך אן עקסטערע תגובה.