טראמפ גייט אנערקענען ירושלים אלס הויפט שטאט אין מד"י

אזוי פירט מען זיך דא צו שרייבן ווען ס'איז שוין הייס אינדרויסן אבער דא הערט מען נישט קיין פיפס.

איך האלט אז ס'וואלט נישט געווען קיין גרויסע פראבלעם ווען רעיגען/בוש/קלינטאן וואלט עס געטון, אבער יעצט איז אשאד אז ס'געשעט דורך אזא בהמה...

את אשר יגרנו בא! בעוון הדור קומט יעצט פאר א שרעקליכע זאך! און התגרות באומות אויף די העכסטע גראד, ווער ווייסט וואס די תוצאות זענען, ליידער הייקינד איז געווען דער ערשטער אויף סי בי עס צו באדאנקען די פרעזעדענט, לאמיר זיך א נעם טוען צום תהילים און בעטען דער בוכ"ע זאל האלטעו די רעכטע האנט והנה לא ינום ולא יושן שומר ישראל

ימים ידברו - דו זעסט אויס טאקע זייער אנטציקט. ממש א געשמאק פון א געפאר! מ'קען אלע ציטערען אין פרידען! איך האב אלס געוואוסט אז דאס איז די פראבלעם פון טראמפ, ער איז א מתגרה באומות, וואס איז א הארבערער איסור ווי כאפען קעטץ!

איך האב נישט קיין שטעלונג אין דער (אומ)נייעס ווי דער קאפיטאל פון דער סטעיט אוו איזראעל איז אין די אויגען פון אמעריקא. עס גייט מיר ווייניג אן

שיעור בענין קידשה לשעתה קדשה לעת״ל בשעה אחד בצהריים ע״י נשיא ארה״ב שליט״א

250 רבנים מיט א בריוו צו טראמפ m http://www.kikar.co.il/259009.html m

ער האט יא אנערקענט און געאגט אז מ'גייט ריקן די עמביסי

ליטוואק וואס איז מיט דיר וואס רעדסטו? די וועלט איז עפעס א גלעכטער? ליידער זינט די באלפר דעקלארציע וויפול אומשילדיג אידיש בליט פארגיסט זיך וועגען נאצאנליזים? ווי לאנג נאך? ליידער דער דזשערעד קושנער איז בראש פון מידעל איסט, און ער האט אונז אריינגברענגעט און א פרישען שטאפעל פון התגרות וואס די תוצאות מי יודע מיר קענען נאר זיך אויסוויינען בין תנור לכירים אז שומר ישראל שמור שארית ישראל, די היינטיגע פראקלאמציע זאל נישט זיין חס ושלום לטובתן של שונאי ישראל און סזאל זיין נאר גיט פא ריודען און זאל שוין בטל ווערען מדינת עמלק בלי נזק לשום איש ישראל, וידעו תועי רוח בינה און ווערען בעלי תשובה

איך בין זייער נאיוו אין דעם גאנצן נושא וואס איז געשען געווען אז פונקט אין די צייט טוט ער דאס ?

שוין נאך א אשכול גייט ער פארוואנדערן מיט זיין אגענדע?????????????????
זערא טאלערענס פאר טראללען און אגענדא'ס דא

C/P
ערליכע אידן אזויווי שטענדיג נעמען אויף מיט הכנעה די החלטה פונם פרעזידענט און ווייסן אז ווי לאנג אונז זענען אין גלות זענען מיר מקבל באהבה די גזירה,
שלומי אמוני ישראל מארשירן מיט געבויגענע קעפ מיט עזרעילישע פעהנער און צייגן טריישאפט צו אונזער מלכות של חסד

גאנצל האט געשריבן:איך בין זייער נאיוו אין דעם גאנצן נושא וואס איז געשען געווען אז פונקט אין די צייט טוט ער דאס ?

אויף אייוועלט שרייבט איינער (דערווייל נאכנישט פארמעקט) אז די פרעזידענט וויל געבן שטאף פאר אדמור"י סאטמאר וואס צו רעדן ביי כ"א כסלו

שמעון וואלף האט געשריבן:

גאנצל האט געשריבן:איך בין זייער נאיוו אין דעם גאנצן נושא וואס איז געשען געווען אז פונקט אין די צייט טוט ער דאס ?

אויף אייוועלט שרייבט איינער (דערווייל נאכנישט פארמעקט) אז די פרעזידענט וויל געבן שטאף פאר אדמור"י סאטמאר וואס צו רעדן ביי כ"א כסלו

יענער איז אויך א שטיקל שרייבער דא דאכט זיך....
דא איז עס

די א.ג. סאקמערע חסידים, האבן שוין באשטעטיגט פאר איבער 70 יאהר צוריק, אויף וואספארא אומה איז מען חלילה עובר אויף די הארבע שבועה: "שלא יתגרו באומות",
און על דעת עצמם, אויך מחליט געוועהן קולות און היתרים, אויף וועלכע אומה וגוי האט דער ג-ט ב"ה נישט געמיינט ווען ער האט משביע געוועהן "אם תעירו וגו'"

אדער ווי א חבר מיינער האט מגדיר געוועהן א מאהל:
"די שבועה שלא יתגרו ישראל באומות העולם, איז פון די מצוות התלויות בארץ..."

(יעך וויל נישט אריינגיין אינעם קאמפליצירטע סוגיא פון כתובות קיא., איבער די שלשה אדער ששה שבועות שהשביע הקב"ה לישראל ולאומות העולם (מחלוקת רבי לוי ורבי יוסי בר חנינא)
אויב ס'ווערט בכלל געפסקנ'ט להלכה פאר הנהגה וואס יידישע קינדער זאלן טוהן אדער נישט טוהן, צו נישט,
ווער ס'וויל זיך אריינלייגען און די סוגיות, יעיין בדברי רבינו הקדוש בעל הגאולה זכותו-יגן-עלינו במאמר "שלשת השבועות" שבספרו "ויואל משה"
אין די מראי מקומות וואס דער צדיק זי"ע ברענגט אין זיין מאמר הנ"ל, זענען דא ציטאטן וואס פסק'נען קלאהר אז דאס איז ניט קיין שבועה המוטלת על ישראל ואין עבירה בידם להמרותה.
{סוגר בתוך סוגר: להלן א טייל פון די וואס האבן מתיר געוועהן די עניינים:
[*]הרה"ק מהרח"ו זיע"א בהקדמה לספר "עץ חיים"
[*]הרה"ק בעל המחבר זרע שמשון זיע"א (בפירושו למגילת אסתר, דף קנד, ב בפירושו לפסוק: ביום אשר שברו וגו') (לעצטנס איז גראדע נתפרסם געווארן סגולת זה הספר, און מ'האט דאס איבערגעדרוקט)
[*]מהרש"א בחידושיו על אתר אין כתובות (נישט געטראפן קיין וועבסייד וואס מ'קען ברענגען פון דארט די בלאט)
[*]הרה"ק מהר"ל מפראג זיע"א בספרו נצח ישראל פרק כד (להלן עמודים א ב ג ד)
[*]הרה"ק ר' אברהם מסוכטשוב זיע"א בעל "אגלי טל" בתשו' אבני נזר סי' תנד האריך בכל הנ"ל ובעיקר בסעיפים מב-מה ובסעיף נו (און ביז סי' תס איז ער דן אויף די עניינים)
[*]הגה"ק ר' ישכר שלמה טייכטאהל זצ"ל הי"ד ראב"ד פישטיאן ובעל "משנת שכיר" בספרו אם הבנים שמחה (מהדורות בודאפעש"ט וירושלים) {ער איז געוועהן א תלמיד פונעם הייליגען בעל "מנחת אלעזר ממונקאטש זיע"א, און האט מחבר געוועהן די ספר בשנות הזעם}
עד כאן במוסגר שבמוסגר}
דעם רעבין זכותו-יגן-עלינו פרעגט א בארג פון קשיות אויף די שיטות, און פסק'נט אנדערש פון זיי, זייערע שיטה איז געבליבן א שיטה אויך נאכן רעבינס פלפול ומסקנא).

און יעצט צום נקודת-אמת פונעם זאך, טייערע פריינד, טלו קורה מבין עיניכם! טראכט'ס אריין וואס איז דאס בכלל התגרות באומות?

[*]צו א יוד וואס וואוינט אונטער א ממלכת גויים, און פאלגט נישט חוקי המדינה פון A ביז Z, איז ער דען נישט קיין מורד באומות ובגלות?
[*]צו ווען מ'איז זיך מורה היתר צו זיך דינגען/רייסען מיט א גוי אויפ'ן גאס צו אויפ'ן ראוד איז דאס נישט קיין התגרות בגוי?
[*]אז דער לארד באלפור (דערמאנונג: סעקעטאר אוו סטעט פון די ענגלישע רעגירונג, בשעת זייערע קאלאניע האט געהאט די מאכט איבער גאנץ מיטעל-איסט! - אינקלאודינג: דזשארדען, סיריע, לעבאנאן, אידזשעפט, ארץ ישראל און נאך) האט באשטעטיגט צו געבן פאר די קאפטישע נוצרים אידזשעפט, פאר די קריסטן לעבאנאן, פאר די מאסלים סיריע פאר די האשמ'ס דזשארדען און פאר די אידן ארץ ישראל איז דאס התגרות באומות?
[*]אז דער פרעזידענט דאנאלד דזשעיי. טראמפ האט באשטעטיגט צו אנדערקענען די פלעיינע-פשוט'ע פאקטען וואס גיין-שוין-אן שוין ערך פון 70 יאהר, און ביתר שאת ערך פון 50 יאהר, וואס די קאנגרעס און סענאט אין יאהר 1995 (22 יאהר צוריק!) האבן דאס שוין יענטסמאהל באשטעטיגט, און דער פרעזידענט דער מחוצף האט זיך דערוואגט צו דאס אויך אנדערקענען, איז דאס ווייטער התגרות באומות?

טייערע ברידער!

עד מתי וועט איהר נאך גלייבען פאר די בלוט-דארשטיגע אראבישע רוצחים וואס מאכן זיך מכלומר'שטע נעבאך'דיגע בארויבטע-קאזאק'ן.

דאס אז די ציונים זענען בשותפות'דיגע פיינט ענקערע, מאכט נאך נישט פאר א פאקט יעדע ליגנט וואס איז איינגעפאלן פאר מאכאמאד, מאכמאד, יאסער אדער אן אנדערער רשע.

די שטאט ירושלים אדער אל-קודס וואו די ישמעאלים רופן דאס ווערט אינגאנצן נישט דערמאנט אין זייער קאראן.
די היינטיגע א.ג. שעייכ'ן פראבירן צו פארענטפערן און צו-שטעלן צום אל-אקסא/אל-אקצא, וואס ווערט יא דערמאנט אינעם קאראן, - וואס רעדט'זיך אינגאנצן וועגן א שטאט אין געגנט פון מעקא -סאאודי-אראביע!!

איך זאג נישט אז די ציונים זענען וואוילע לעמעלעך,
אבער ווען דו שטייסט און דו בארעדסט דיין פרעזידענט וואס דאס אליין איז בפשטות התגרות בגוי,
האסטו נישט קיין רעכט צו זאגן דיין מיינונג איבער די ציונים'ס התגרות,
וואס היינטיגע צייטן איז קרוב לודאי מותר משום פיקוח נפש.

יעך האב דאס געשריבן מתוך רתיחת הדם און פון פאראויס בעט איך איבער ווער ס'שפירט זיך געטשעפעט פון די תגובה.

א גוט יום טוב

C/P
Since Islam is a Religion of Peace, we can all rest easy knowing President Trump's decision to name Jerusalem the capital of Israel will have no negative impact on peace in the middle east.

שמעון וואלף האט געשריבן:

גאנצל האט געשריבן:איך בין זייער נאיוו אין דעם גאנצן נושא וואס איז געשען געווען אז פונקט אין די צייט טוט ער דאס ?

אויף אייוועלט שרייבט איינער (דערווייל נאכנישט פארמעקט) אז די פרעזידענט וויל געבן שטאף פאר אדמור"י סאטמאר וואס צו רעדן ביי כ"א כסלו

א באנדע דזשוליקעס! פאר י"ט כסליו פארברענגענס דארף מען נישט קיין שטאף? אזוי וועט מען זיך פרייען און דרשנ׳ן ביי די יו"ט סעודות פון פדה בשלום נפשי, אויף דער נצחון גדול אז אמעריקא האט עפעס אנערקענט, דערווייל.

לגופו של נייעס, מיר זעט עס אויס ווי א נערישקייט וואס וועט קאסטען א פרייז. טראמפ האט געטוהן א זאך וואס מיינט גארנישט פראקטיש פאר איהם, אבער אפגעקאסט א דיפלאמטישען פרייז פאר איזראעל. ווען ס׳קומט צו זאכליכע עניינים, וועט מין ווייניגער קענען בעטען פון טראמפ, כנלע"ד. מ׳נוצט נישט אויס די פראטעקציע אויף קלייניקייטען.

Sent from my LG-K373 using Tapatalk

ליטוואק, די גאנצע נושא איז גארנישט אזוי פשוט.
ווי די מידיע לייגט עס אראפ האט עס טראמט געוואלט אסאך מער ווי די ישראלים. זיי שפוקאלירן אסאך זאכן, ווי למשל געבן א ביינדל פאר א"י און דערנאך פארלאנגען אלעס פאר שלום, אדער כדי צו פרובירן אראפצוזעצן די אראבער אויף דעם אופן...

דאס מערסטע אינטרעסאנט איז וואס בלומבערג ניוס שרייבט, אז דאס איז א חלק פונעם פלאן אראפצואווארפן איראן'ס מאכט פון מידל איסט, און צוליב דעם זענען סאודיע ודעמיה כמעט שטיל, נישט צוליב זייער אהבה צו טראמט נאר ווייל עס גייט גאר אין זייער ריכטונג.... ויש עוד הרבה נוסחאות, הצד השוה שבהם אז טראמפ האט דא א טיעפער חשבון אין דעם.

צוליעב די אלע צדדים האב איך חוזק געמאכט. ס׳איז א פארצווייגטע נושא, די סימבאלישע חלק איז א סמיות עינים, ווי אויך דער צארען פון די פאלעסטינער.
אגב, איך האב יעצט אויסגעהערט דער בי.בי.סי. ווי זיי אינטערוויוען פאלעסטינער מענטשען אין גאס. זיי פראבירען צו העלפען די חברה, אבער די אראבער לאזען זיך נישט. זיי שטיצען די הריגות במלא תקפם, און דאס איז ווען דער גיבט זיי א וועג ארויס

Sent from my LG-K373 using Tapatalk

פארוואס האט ביבי ווען מ'האט אים די לעצטע פאהר חדשים געפרעגט בנוגע די עמביסי האט ער נישט געענטפערט געהעריג
ווייל ער האט לכאורה פארשטאנען אז ס'לוינט נישט פאר אים זיך צו בעטן ביי טראמפ ווייל נאכדעם וועט ער אים אלעס זיין שולדיג {יעצט איז ער אויך אבער דעמאלטס נאכמער}

די מדינה איז קיינמאל ערנסט געווען אינטערעסירט דערין. עס איז געווען פונקט גענוג אויף צו צימבלען די אמעריקאנער פרעזידענטן....

אויף אייוועלט פרעגט איינער וואס די קומעדיגע אמעריקאנער קאנדידאטן וועלן פארשפרעכן פאר אר"י ביים לויפן איינמאל עס איז שוין אנערקענט.
לענ"ד גייען זיי צוזאגן פאר אר"י צו פרובירן צו צוברעכן דעם שלום פלאן (אויב וועט זיין איינס בכלל).......

איסר דיין אהבת ישראל גיסט זיך צווישן די שורות

פארקערט, זיי ווייסן אז א"י איז מער סעיף אן די שלום פלאן...

קען איינער מיר מסביר זיין וואס/וויאזוי העלפט דעס פאר די מדינה אז טראמפּ אנערקענט ירושלים אלס הויפט שטאט? וואס/וועם גייט עס העלפן? נאכדערצו אז די גאנצע וועלט ממש איז אנטקעגן דעם, ווילאנג ענגלאנד, פראנקרייך, כינע, אאז״וו זענען נישט אן -באורד קען מדנ״י נישט אזוי שנעל ריקן אירע עמבסיס קיין ירושלים, און אז יא גייען זיי זיך נאר פארהארגענען. אלע גרויסמאכטן חוץ אמעריקע האבן פארדאמט טראמפ און געזאגט אז זיי זענען שטארק דערקעגן...

ווער ס׳קען ליינען צווישן די שורות פארשטייט זייער גוט אז דעס איז א דיסטרעקציע פון די רוסלאנד אינוועסיגעשאן. טראמפ מיט זיינע קינדער שטיין דאך נישט גוט יעצט, דארף ער דאך ווארפן 'א ביינדל' פאר זיינע שטיצער- די רעכטע קריסטן וואס האסן שטארק די מוסלימענער. קיין שום גוטסקייט גייט נישט ארויסקומען פון די נערישקייט! נישט פאר די מדינה נישט פאר אמעריקע און נישט פאר קיינעם.

זעהט אויס אז איר זענט נאך סטאָק אויף פלין'ס פליען דיעל, להוי ידיעה אז זינט דאן שטייט באב מיולער וכת דיליה אסאך שוואכער ווי טראמפ. איך פארשטיי אז איר ליינט טאקע נאר סי.ען.ען. און עמ.עס.ען.בי.סי. וואו מ'שרייבט אז טראמפ ומשפחתו גייען אלע זיצן פאר לייף. געב אבער דאך א בליק אריין אין די רעכטע וועסטו זעהן אז ס'גארנישט אזוי גלאטיג. פרעזידענט טראמפ'ס ריקן די אמבאסאדע האט מער פארדרייט די מידיא פון מיולער'ס קארופציע ווי פון טראמפ'ס צרות.

וואס גייט העלפן רוקן די עמבסי קיין ירושלים?