מאנטאג אפריל 23, 2012 9:23 pm#6925
"חקירה" זשורנאל
היינט איז געווארן נתמלא הבית כולו אורה ווען דער פאסטמאן האט איבערגעגעבן דעם פרישן נומער פון דעם "חקירה" זשורנאל, נומער 13, וועלכער איז נארוואס ארויס פון דרוק.
"חקירה" איז א זשורנאל וואס ווערט ארויסגעגעבן דורך עטליכע בעלי-בתים אין פלעטבוש, און ערשיינט בערך צוויי מאל א יאר. "חקירה" פובליצירט מאמרים אויף פארשידענע טעמעס, בעיקר וואס זענען נוגע הלכה און מחשבה.
דער יעצטיגער נומער פארמאגט עטליכע בריוו און ארטיקלען אויף דעם ענין פון האמאסעקסואליטעט, אלס א המשך צו די צוויי ארטיקלען וועלכע זענען ערשינען אין דעם פריערדיגן נומער. עס ערשיינט אויך א שילדערונג איבער דעם יום העצמאות פון תשי"ד, ווי עס איז געפייערט געווארן דורך אפילו פון קרייזן ווייט פון ציונות.
דער בארימטער מחנך הרב דר. אהרן הערש פריעד איז ממשיך מיט זיין סעריע מאמרים איבער חינוך (זע זיינע פריערדיגע מאמרים דא און דא) און איז דן אין דער שאלה פון סעגרעגאציע אין אונזער מוסדות לויט דער פרומקייט פון די שטיבער פון וואנעט די קינדער קומען.
נאך אן אינטערעסאנטער ארטיקל טוט דורך דעם מקור פון צודעקן שפיגלעך אין דעם הויז פון אבלים.
אין דער לשה"ק-אפטיילונג ערשיינט דאס מאל בלויז איין ארטיקל, וואו אליעזר בראדט שרייבט איבער וויאזוי די אידישע ליטעראטור האט זיך באצויגן צו קופערניקוס במשך פון די דורות. דער ארטיקל איז ווארשיינליך ארויסגעוואקסן פון דעם ארטיקל אין ספרים בלאג.
"חקירה" איז א זשורנאל וואס ווערט ארויסגעגעבן דורך עטליכע בעלי-בתים אין פלעטבוש, און ערשיינט בערך צוויי מאל א יאר. "חקירה" פובליצירט מאמרים אויף פארשידענע טעמעס, בעיקר וואס זענען נוגע הלכה און מחשבה.
דער יעצטיגער נומער פארמאגט עטליכע בריוו און ארטיקלען אויף דעם ענין פון האמאסעקסואליטעט, אלס א המשך צו די צוויי ארטיקלען וועלכע זענען ערשינען אין דעם פריערדיגן נומער. עס ערשיינט אויך א שילדערונג איבער דעם יום העצמאות פון תשי"ד, ווי עס איז געפייערט געווארן דורך אפילו פון קרייזן ווייט פון ציונות.
דער בארימטער מחנך הרב דר. אהרן הערש פריעד איז ממשיך מיט זיין סעריע מאמרים איבער חינוך (זע זיינע פריערדיגע מאמרים דא און דא) און איז דן אין דער שאלה פון סעגרעגאציע אין אונזער מוסדות לויט דער פרומקייט פון די שטיבער פון וואנעט די קינדער קומען.
נאך אן אינטערעסאנטער ארטיקל טוט דורך דעם מקור פון צודעקן שפיגלעך אין דעם הויז פון אבלים.
אין דער לשה"ק-אפטיילונג ערשיינט דאס מאל בלויז איין ארטיקל, וואו אליעזר בראדט שרייבט איבער וויאזוי די אידישע ליטעראטור האט זיך באצויגן צו קופערניקוס במשך פון די דורות. דער ארטיקל איז ווארשיינליך ארויסגעוואקסן פון דעם ארטיקל אין ספרים בלאג.