דרשת ה'ברך משה' מסאטמאר נגד ר' אברהם לייטנער

סאטמאר איז טאקע נישט וויזניץ און אויך איז דער ברך משה נישט געווען ווי דער ישועות משה. איך רעד נישט ווער ס'איז חשובער אין הימל, דאס האב איך נישט קיין השגה, נאר וואס ביידע האבן פארקויפט פאר זייערע חסידים. און טאקע ווייל סאטמאר איז נישט וויזניץ און וויבאלד די ב"מ איז נישט די י"מ, האט דער יא געהאט אמת'ע חסידים און דער האט נישט געהאט.

קען זיין אז דערפאר איז דא בלויז געציילטע נעמען נאך ברך משה, צוליב וואס די נאמען משה איז זייער א פאפולערע נאמען, און כמעט ביי יעדן איז אדער האט מען שוין געגעבן די נאמען ביי א פריערדיגע קינד, אדער הייסט מען אליין אזוי, אדער די טאטע אדער שווער אדער איינע פון די זיידעס וואס לעבן נאך הייסן אזוי.

כן נראה בדרך אפשר.

מסכים אז ס'קען נישט זיין אזוי פאפיולער ווי יואל. אבער אהרן איז אויך א קאמאן נאמען און פונדעסטוועגן זענען דא זייער אסאך וואס הייסן נאכ'ן בעלזע רב. איך קען גענוג און נאך ארונים וואס וואלטן געקענט געבן די נאמען משה, און האבן עס נישט געטון. איינער קען איך גראדע וואס האט יא געגעבן א נאמען נאכ'ן ב"מ און ווער עס האט געהערט דערפון האט זיך אינטערגעשמייכעלט, אינקלאדינג ארונים.

גאלד דו ווילסט איך זאל גלייבן אז אלע זאליס און בני יואל זענען אידילאגיע פריי נאר בלויז פערזענליכע שונאים פאר ר אהרן. איך פארשטיי און איך בין גרייט דאס מקבל צו זיין אבער אויב בין איך דאס מקבל וועל איך אוטומאטיש זיין א שונא פאר ר אהרן ווייל ווי קומט דאס צו איין יחיד אזויפיהל צענדליגע טויזענטער פערזענליכע שונאים? איך מיין אז מאז היות ישראל לגוי איז נאך אזאנס נישט געווען דעריבער עצה איך דיא אפצוטרעטן פון דעם נארישן הסבר און בעסער מסביר זיין פארוואס ר אברהם האט נישט געהאט רעכט אויסצודריקן זיין מיינונג אן ווערן ארינטערגעריסן כאחד הפושעים.

איך פרעג א פערקערטע שאלה, אהרן טייטלבוים איז א מצוה צו שעלטן און פארשענדן טאג און נאכט זאל זיין פורים צו ת"ב, אבער איינמאל ווען דער ברך משה לאזט זיך הערן זיין דעת קדשו איין פורים כטוב לב המלך, ציפליקט מען אויף שטיקער,
איך מיין ווי איז די יושר

Fact די זאליס זענען obsessed מיט אהרן לייג צי א אויער צי א זאלי גרופע אלץ ביזי מיט אהרן , מען זעט עס נישט ביי די אהרונים ..,פארוואס ???

Fact די זאליס זענען obsessed מיט אהרן,פונקט ווי סאטמאר זענען obsessed געווען מיט אגודה עיין בויא''מ.(נישט אז זיי זענען גערעכט)ועוד אין מאנרא ליידען די זלונים פון אים בע''כ.

איך דריי מיך אסאך ביי די ארונים און זיי זענען היבש ביזי מיט מרז"ל ענד קא.
כ'האב נייעס פאר דיר, ביי די ארונים רעדט מען אויך מער וועגן ארונים ווי זלונים רעדן וועגן זלונים. די זלונים לאגער איז מער פארשלאפן קאמפירט צו די ארונים, קען מען נישט זיין אזוי פארנומען מיט זיי. משא"כ די ארונים מאכן שטענדיג העדליינס רעדט מען מער איבער זיי.

דריידל האט געשריבן:ס'קוקט אויס אז די ביסט אויפגעוואקסן אין ק"י ישיבה אין די תש"נ יארן.

ר' אברהם ז"ל איז געווען ארויפגעקוקט ביי יעדעם ביז די סקול דיסטריקט פרשה. אמת, ער איז געווען עקסרעים מיט זיינע קנאישע שיטות אבער ער איז נאך אלץ געווען רעספעקטירט. מ'קען זעהן אין די ספרים וואס די מחברים זענען תלמידי סאטמאר, אז כמעט אלע וואס זענען ארויסגעקומען אין די תש"מ יארן האבן א הסכמה פון ר' אברהם. (נישט אימזיסט איז ר' געציל בערקאוויטש אריין אין בני יואל שול אים מספיד צו זיין.)

די ברך משה איז בכלל נישט געווען פארהייליגט. אפגערעדט אינדרויסן פון סאטמאר, נאר אין סאטמאר אליינס אויך נישט. ער האט געהאט ידידים, מעריצים און אסאך פארטיי מענטשן וואס צוליב כבוד בית סאטמאר האט מען אים געשטיצט. ס'געווען א מיעוט וואס זענען יא געווען פארגלייבט אין אים, אבער עפי"ר זענען זיי געווען בחורים אדער אנדערע מצומצמים אזעלכע וואס האבן מורא צו ניצן די אייגענע שכל. ווען די מחלוקת האט זיך אנגעפאנגען, אין די תש"נ יארן, האט ער יא באקומען מער פארגלייבטע חסידים, אבער דאס איז נישט געווען מיט אן אמת, נאר ווייל מ'האט זיך געשלאגן, והא ראי' אז חסידי מהר"א זענען היינט סאך מער פארגלייבט אין מהר"א ווי די דעמאלטסדיגע חסידי הברך. איינמאל ער האט שוין נישט געדינט די אינטערעסן פון א גרויס טייל פון זיינע חסידים, האבן זיי אים איבערגעלאזט און גאר ליצנות געמאכט פון אים.

קוק למשל אין וויזניץ בני ברק. ר' משה'לע האט געהאט אמת'ע חסידים און אפילו אסאך האבן נישט ליב געהאט וואס ער טיט מיט ר' מנדל בסוף ימיו (דארט איז אויך געווען די טענות אז די שטוב מענטשן האבן אים פארדרייט), האט מען אלץ געהאט די פולסטע רעספעקט און בפניו האט מען זיך נישט געשלאגן. משה גבאי האט זיך אייגערעדט אז די חסידי הברך זענען אמת'ע חסידים (קעלבער, כלשונו) און ווען ס'איז געווען די מעשה מיט מהרז"ל'ס דרשה חוה"מ סוכות, האט משה געמיינט אז ער וועט ברענגען די ברך קיין ב"פ אין מאכן סדר. דערווייל האבן די ארונים געוויזן די מיטעלסטע פינגער פאר'ן ברך מיט משה ציזאמען, כלומר ווילאנג די דינסט אונזערע פארטיי אינטערעסן ביסטי פארהייליגט אבער אויב אונז באקימער עס מער נישט וועט מען דיך דאמפן.

כ'האב שוין פריער געפרעגט וויפול מענטשן ווייסט איינער וואס האבן געגעבן א נאמען נאך אים? איינער האט געענטפערט אז ר' הירצקא צוויבל און מסתמה נאך אנדערע אויכעט. איז דאס נישט קיין ליצנות? א רבי פון טויזענטער חסידים און אינגאנצן געציילטע נעמען נאך אים?

ביז די סקול דיסטריקט פרשה איז ער געווען ארויפגעקוקט, אמת, איך האב גערעדט פון נאכדעם
דער ברך משה האט נישט געהאט אזוי סאך (געהאט גענוג נאר נישט אזוי סאך) פארגלייבטע חסידים ביז די נ' יארן, ווייל למעשה איז זייער שווער געווען פארן עלטערן דור אזא סוויטש פונעם דברי יואל ביזן ברך משה, דער דברי יואל איז געווען נישט נאר א רבי נאר אויך ווי א טאטע, ממילא איז געווען שווער צו פעיסן רעיאליטי, אבער סוף מ' און אנהייב נ' ווען דער נייער דור האט חתונה געהאט, איז געווען פיין חסידות און פיין פארגלייבטקייט, אוודאי נישט נוסח וויזניץ ווייל סאטמאר איז נישט וויזניץ, און אין סאטמאר האט מען נישט אינזין דעם רבין ביי אכילת מצה.
און לו יהא סאטמאר זאל זיין ווי וויזניץ איז אויך נישט קיין ראי' אז אין וויזניץ איז געבליבן די פארגלייבטקייט, ווייל אין וויזניץ האט מען נישט געטון מיטן ישועות משה ווי מ'האט געטון אין סאטמאר מיטן ברך משה, ממילא איז ער נישט געווארן אזא ליצנות ביי די חסידים, משא"כ וואס מ'האט געטון מיטן ברך משה מאכנדיג 70 הכתרות, און יעדעס מאל האט מען געדארפט דערמאנען דעם רבין אז מען איז דא מכתיר איינעם, אזש ביי די אפיצעלע הכתרה האט ער גערעדט פון החזקת ת"ח, נעבעך, אוודאי איז ער געווארן א חוזק, אבער נאר אויף יענע 6 7 יאר, היינט צוטאג איז ער פארהייליגט ביי יעדן, געב א קוק דער ספר ברך משה, זינט זיין פטירה האט מען דאס שוין איבערגעדרוקט 7 8 מאל, און יעדעס מאל דרוקט מען מינימום 1000 שטיק (כ'מיין אז מער אבער דאס איז די מינימום) און ס'גייט ווי מצה וואסער, דו פארשטייסט אליין אז וויזניץ און סיי וועלכע אנדערע חסידות קויפט נישט ברך משה און די זאליס לכאורה נישט, נאר דאס מיינט אז ביי די ארונים מאכט זיכער יעדער אליין צו האבן און ס'גייט בר מצוה מתנות, ביי די דור ביז די 40 50 יאר איז נישט קיין גרויסע חילוק צווישן דברי יואל און ברך משה (איך גיי נישט אריין צו ס'איז געווען א חילוק אין זייער גרויסקייט, אבער פונקט ווי מ'מאכט נישט קיין חילוק ביים רעדן פון ישמח משה און קדושת יו"ט הגם ס'איז לכאורה געווען א חילוק זייענדיג אפגעריקט עטליכע דורות, די זעלבע מאכט מען נישט קיין חילוק ביים רעדן פון די צוויי)

צענטער האט געשריבן:גאלד דו ווילסט איך זאל גלייבן אז אלע זאליס און בני יואל זענען אידילאגיע פריי נאר בלויז פערזענליכע שונאים פאר ר אהרן. איך פארשטיי און איך בין גרייט דאס מקבל צו זיין אבער אויב בין איך דאס מקבל וועל איך אוטומאטיש זיין א שונא פאר ר אהרן ווייל ווי קומט דאס צו איין יחיד אזויפיהל צענדליגע טויזענטער פערזענליכע שונאים? איך מיין אז מאז היות ישראל לגוי איז נאך אזאנס נישט געווען דעריבער עצה איך דיא אפצוטרעטן פון דעם נארישן הסבר און בעסער מסביר זיין פארוואס ר אברהם האט נישט געהאט רעכט אויסצודריקן זיין מיינונג אן ווערן ארינטערגעריסן כאחד הפושעים.

פראצענטועל וויפיל שונאים ס'איז היינט דא פאר מהר"א איז געווען אויך ביים דברי יואל ולמעלה בקודש, יעדער גרויסע רבי אינדערהיים האט דאס, ס'איז נארמאל, ווי האט דער רבי דער דברי יואל געזאגט, ווען איך וואלט געוואוינט אין א וואלד וואלטן זיך די ביימער אין וואלד געקריגט מיט מיר, און כ'מיין מ'קען עס זאגן אויף מהר"א אויך, ער האט אלעמאל געהאט שונאים, אמאל איז געווען די תירוץ סיגוט, שפעטער די תירוץ וויזניץ, דערנאך בני יואל, דערנאך סקול דיסטריקט, דערנאך זאליס, דירה קרית יואל, ערכאות, אריזאנא ווייץ, שחיטה מונחת ואטו כי רוכלא נחשוב וניזול.
ס'איז נישט מער ווי פאסיג דאס ווארט וואס מהר"א האט אמאל געזאגט ביי א שמועס ביי א שמחה, מען האט גערעדט פון ענבי הגפן בענבי הגפן, האט א רב געפרעגט, א צדיק איז דאך צוגעגליכן צו א תמר, פארוואס זאגט מען נישט ענבי התמרים בענבי התמרים, האט דער רבי געזאגט "נישט יעדער האט ליב א טייטלבוים"....

אויף דעם איז דא די מעשה מיט דעם ישמח משה און שינאווער רב'ס 'ברכה' טאקע הזמן גרמא די וואך קורח עס צו דערמאנען.

שרייבער האט געשריבן: נאר דאס מיינט אז ביי די ארונים מאכט זיכער יעדער אליין צו האבן און ס'גייט בר מצוה מתנות, ביי די דור ביז די 40 50 יאר איז נישט קיין גרויסע חילוק צווישן דברי יואל און ברך משה (איך גיי נישט אריין צו ס'איז געווען א חילוק אין זייער גרויסקייט, אבער פונקט ווי מ'מאכט נישט קיין חילוק ביים רעדן פון ישמח משה און קדושת יו"ט הגם ס'איז לכאורה געווען א חילוק זייענדיג אפגעריקט עטליכע דורות, די זעלבע מאכט מען נישט קיין חילוק ביים רעדן פון די צוויי)

לייג ארויף דערויף אן ארונישע זיגל. ווייל דאס איז די חילוק פון ארונים און זלונים

דולה ומשקה האט געשריבן:

בעידן חדוותא דימי הפורים דשנת תשנ"ה לפ"ק בביהמ"ד דקיט"ל וומס"ב

ער איז אייביג מיט התנגדות צום פעטער ז"ל, וואס ער האט געקאנט האט ער אייביג געטאן, ווען דער פעטער איז קראנק געווארען האט ער די ערשטע זאך געוואלט מאכן צוברעכן די סאטמארע קהלה. ב"ה דער אייבישטער האט מיר געגעבן דעמלט כח ועוד און איך האב דעמאלס געראטעוועט ס'איז געווען ממש נניסי ניסים, ענק ווייסען נישט דערפון ער האט געוואלט מאכן...,


אונז דארף מיר וויסן ווער ער איז, ווער ס'איז ראוי פאר אונז, ער האט קיינמאהל נישט ליב געהאט דעם פעטער, דער פעטער ז"ל איז קראנק גאוורען איז ער געווען דער ראש פון די מורדים, איבערקערן אלעס אינגאנצען מהפך זיין הקערה, הקערה על פיה, און דעמאלטס ב"ה ס'איז מיר געלונגען, בעזר השי"ת אים איינצושטילען.

אבער ער דארף זיין פאר אונז מחוץ למחנה, איך וויל נישט מתווכח זיין מיט זיי, מ'דארף נישט פרעגן קיינעם, ס'איז קלאר אלעס ממש ווי דער טאג. אבער מ'דארף פון היינטמאל וויסן מ'האמיר נישט קיין שייכות מיט אים! אונז דארף מיר נישט צו ענטפערן! אונז דארף מיר נישט שרייבן! ס'אינטרעסירט מיך נישט וואס ער זאגט! זאל ער זאגן וואס ס'זאל זיין! אונז וועל מיר ווייטער אנגיין אויף דעם וואס אונז האב מיר מקובל פון אבות אבותינו אויפצוטאן פאר אידישע קינדער.

דברות קודש
בשעת סעודת רעווא דרעוין פ' כי תשא תשנ"ה לפ"ק

...ער איז א גרויסע בעל גאוה. ער איז געווען א שקרן כל ימיו! איך האב ב"ה נישט געהאט א שייכות קיינמאל מיט אים! דער פעטער ז"ל האט אים מרחק געווען, נישט געוואלט הערן פון אים כידוע! ברויכן מיר זיך אויך מרחק זיין פון אים כמטחוי קשת! קהל דארף זען תיכף ומיד גומר צו זיין. צו וועט ער האבן אויפגעטאן אסאך צו נישט, איז אונז נישט קיין נפקא מיניה, דער עיקר איז אז מ'דארף אים פורש און מפריש זיין פון אונז! נישט האבן קיין שייכות מיט אים, מיט די קינדער, און קינד'ס קינדער!

הלכה ברורה אז מען טאר אים נישט הערן! זיין הוראה איז אסור! מ'טאר ננישט דאווענען מיט זיין מנין! מ'טאר אים נישט מצרף זיין צו מנין! דאס זאג איך פאר די אידן וואס האבן שייכות מיט אונזער קהלה, אז חלילה וחס אריינצוגיין און זיין בית מדרש! און אפילו זיינע קינדער זענען אויך אסור! און ווער ס'גייט אריין אין זיין בית מדרש וויל איך נישט ער זאל האבן עפעס שייכות צו אונז! א מלמד וויל איך נישט ער זאל לערנען מיט אונזערע קינדער! איז ער א שוחט איז שחיטתו אסור! צו קיין שום דבר שבקדושה קאן מען נישט מצרף זיין דער וואס גייט צו אים אריין אדער וואס האט מיט אים שייכות!

איך פארלאנג קהל זאל ארויסגעבן אומר ועושה אזא פסק. מ'דארף נישט קיין זיצונג אויף דעם, איך וועל נישט דולדען די גאנצע זאך. איך גיב דא איבער פאר קהל אז זיי זענען מחויב צו פסק'נען להלכה אז ער איז מובדל און מופרש פון אונז.

צוויי דרשות האט ער געהאלטן, דער ערשטע טאקע פורים, אבער דער צווייטע בעת סעודת רעווא דרעוין איז ער זיכער געוועהן ביי זיך, מ'זעהט קלאר ווי דער ווייטאג האט ארויס געשריגן פון איהם, ער האט געוויסט וואס דער פעטער ז"ל האט געהאלטן פון ר' אברהם לייטנער.

דער גאנצע אהרן -זלמן לייב קומט בכלל נישט דא אריין, דאס איז בסך הכל דער דרשה פון דער ברך משה בנוגע וואס ער פרעזענליך האט געהאלטן פון איהם.

outspoken האט געשריבן:

שרייבער האט געשריבן: נאר דאס מיינט אז ביי די ארונים מאכט זיכער יעדער אליין צו האבן און ס'גייט בר מצוה מתנות, ביי די דור ביז די 40 50 יאר איז נישט קיין גרויסע חילוק צווישן דברי יואל און ברך משה (איך גיי נישט אריין צו ס'איז געווען א חילוק אין זייער גרויסקייט, אבער פונקט ווי מ'מאכט נישט קיין חילוק ביים רעדן פון ישמח משה און קדושת יו"ט הגם ס'איז לכאורה געווען א חילוק זייענדיג אפגעריקט עטליכע דורות, די זעלבע מאכט מען נישט קיין חילוק ביים רעדן פון די צוויי)

לייג ארויף דערויף אן ארונישע זיגל. ווייל דאס איז די חילוק פון ארונים און זלונים

100 פראצענט, אבער איך זאג דיר, געב עס א דור צוויי און אויב וועט אויסוואקסן ביי די זאליס א דור פון חסידים פון רז"ל וועט עס דארט זיין די זעלבע

אז מ'פארט צוויי דורות צוריק געבליבן פון עקבתא דמשיחא, אין לך דבר גדול מזה. (כ'מיין כ'וועל ווערן זלוני...)

שרייבער האט געשריבן: ווי האט דער רבי דער דברי יואל געזאגט, ווען איך וואלט געוואוינט אין א וואלד וואלטן זיך די ביימער אין וואלד געקריגט מיט מיר, און כ'מיין מ'קען עס זאגן אויף מהר"א אויך,

צ"ל: ווען איך וואלט געוואוינט אין א וואלד וואלט איך זיך געקריגט מיט די ביימער אין וואלד, ודפח"ח.

און דער אמת איז נאך מער, אויב זאל איך אנעמען אז די זאלי/בני יואל באוועגונג קעגן ברך משה ור' אהרן איז געטריבן מחמת עפעס א אידעאלגיע, דאן על דא קא בכינא, דאס איז ליידער די גרעסטע צרה, אזוי לאנג מ'פארשטייט נאך אז די גאנצע סיכסוך איז ליידער א פאליטיק פון מי בראש א דיני ממנות, איז נאך דא ראשינאל אבער איינמאל מ'לייגט אריין אידישקייט און אידעאלאגיע, אין לנו שום תקוה, און ליידער ליידער איז דאס אזוי מער ווייניגער מצד הזלמונים, ס'א גרויס ווייטאג, און מ'קען טאקע פארדאנקען אונזער ר' אברהם'ן אויף דעם, איך בין מכבד דער עולם צו הערן זיין דרשת הסברה וואס ער האט גערעדט וועגן די מחלוקה א געוויסער מוצ"ש, דאכצעך ביי די דינער פון זיין אייגענע קהלה, אויב איינער קען עס ביטע פארשאפן למצוה גדולה יחשב, די זאליס זעלבסט האבן עס געהאט מעתיק געווען און מפיץ געווען,

איך מצידי, און איך גלייב 95% פון ארונים, האבן גארנישט פערזענליך קעגן ר' זלמן לייב'ס אידישקייט, זיין דרך אין עבודת השם, ער איז באמת א פיינע וואוילער איד, און גארנישט ערגער ווי סיי ווער, איך האב באמת קיין שום פראבלעם אז ער איז א רבי פון א מיליאן חסידים, טראץ וואס 90% זיינע אייגענע אנהענגער וועלן מודה זיין אז ער האט קיין שום קרידענשלס צו זיין א מנהיג, אבער איך בין נישט פון די סארט מענטשן וואו די בני יואל ודומיהם וואס האלטן אז די "פאלשע רבי'ס" איז די פירצה בדורינו, איך מעסט נישט קיין רבי'ס, און כ'זעה נישט קיין פראבלעם אז א פשוט'ער איד האלט זיך פאר א רבי, געזונטערהייט, (מיין גרויסע פראבלעם מיט ר' זלמן לייב איז די גניבה וגזילה, די לצנות ער האט געמאכט פון זיין טאטן, סיסטעמטאטישע השתמטות לדין, די מאפיאנערישע, קאראפטירטע, צביעות'דיגע וועג ער האט פארכאפט די נכסי וומ"ב, זה הוא, ואכמ"ל)

למשל איך הער אסאך, בעיקר פון די זאלי מענטעליטי מענטשן, ווי זיי שפעטן אפ פון ר' אביש ספינקער, צו למשל פאפא רב, (איך כאפ נאר אן א משל), זיי קענען זיך בשום אופן זיך פארגינען זיי צו מיטאמאל רופן "ר'", זיי שפירן זיך אז אויב זיי העלן געבן דאס מינדעסטע רעספעקט פאר זיי זענען געווארן געסקעמט און אריינגענארט געווארן, דאס קומט ליידער פון די פארדארבענע מהלך וואס די בני יואל אידן האבן פארסמט אגרויס חלק סאטמאר,
וואס איז דען אז ר' אביש ספינקער איז א רבי, ער איז א זוהן פון א גרויסע צדיק, הולך בדרכי אבותיו, א יורש, נוהג בחסידות כפי אבותיו והשגתו, ציוואס פעלט אויס איהם צו משפיל זיין און אוועקמאכן? וואס האסטו מורא העט פאסירן אז מ'העט איהם געבן א ביסל קרעדיט און רעספעקט, געוואלד אין געשריגן, ער איז דאך פון אונזער קנאישע חדר,
נאר דער יסוד דערפון איז ליידער די געמיינע באוועגונג די בני יואל אידן האבן אריינגעברענגט און סאטמאר, ווייל די שוטים האבן גענומען דאס וואס דער רבי ז"ל האט אין געוויסע פעלער געהאט שטרייטן מיט געוויסע מנהיגים בשעת חירום ווען ער האט געפירט זיין היסטארישע מלחמה כבידה קעגן די נגע צרעת די מדינה של שמד, און די נערנים האבן עס מסלף געווען אויף א הימלשרייענדע צידרייטע פארדארבענע מהלך, ס'איז ניתן להאמר אז דאס איז געווען דער יסוד פון דער ברך משה'ס מערכה קעגן ר' אברהם'ן און בני יואל בכלליות, וואס כידוע איז דער ברך משה געווען 1000 מייל אוועק פון דעם מהלך,
איך בין דא פארקראכן, ווי האלט מיר דא,
יא, מיין פוינט איז אז, איך האלט די טאג וואס די זאליס וועלן איינזעהן אז די גאנצע מחלוקה האט זערא מיט אידישקייט און אידעאלגיע, וועט אטאמאטיש פארן די באן צו שלום ושלוה ווי ברודער,
והעושה שלום במרומיו הוא יעשה שלום עלינו ועל כל ישראל ואמרו אמן

outspoken האט געשריבן:אז מ'פארט צוויי דורות צוריק געבליבן פון עקבתא דמשיחא, אין לך דבר גדול מזה. (כ'מיין כ'וועל ווערן זלוני...)

ביי דיר איז דאס עקבתא דמשיחא, ביי מיר איז עקבתא דמשיחא אז ס'איז דא א גאנצע ציבור אידן וואס האבן זיך גענומען א רבין משום סיבה אחת, צו שטויסן זייער שונא, זיי האלטן פון אים כמעט נאך ווייניגער ווי פון ווי זייער שונא, אבער אז ער שטויסט איז ער גוט
דאס איז א חידוש אין עקבתא דמשיחא, וואס איז נאכנישטא אין קיין איין חסידות, ס'וועט מן הסתם זיין אין עטליכע יאר ארום, אבער היינט איז עס נאכנישטא, די ערפינדער זענען די אהבה מסותרת אידן וואס ווייסן אז אלעס איז היינט פאלטשע רבי'ס
און דאונט געט מי ראונג, כ'גאלד' ועוד לקרא, מיך שטערט נישט אז רז"ל איז א רבי, ווען נישט די גאנצע פאליטיק וואלט ער ווארשיינליך אויך געווען א רבי, נאר דאן וואלט ער געווען סיגעטער רבי, און איך און נאך טויזענטער חסידי אביו וואלטן צו אים אויך געגאנגען צו טישן וכו', ס'איז נאר דער קאנצעפט ווער ס'האט אים גענומען פאר א רבי און פאר וואסערע סיבה, און די אידן ווייסן מבדיל צו זיין ווער ס'איז א קדוש און ווער נישט
#אם אין דעת הבדלה מנין

דריידעל אין אלעס ניקס פין צד מהרז''ל, גייטס איין כ''ו ניסן קיין קרית יואל, טויזענטער פין צד מהר''א שטראמען צום ציון אין די צו די יארצייט סעדוה,

איינער האט השגה פארוואס די אשכול איז נישט אין צימעס?

לעצטענס איז שוין עטליכע מאל דא שווער געווארען די פראגע, די אחראים זאגען מען זיכט נאך מעמבער'ס.

signout האט געשריבן:איינער האט השגה פארוואס די אשכול איז נישט אין צימעס?

ווייל די ווילדע פון ביידע שרייבען שוין נישט, ס'איז א דיבאטע אין אידילאגיע, נישט סתם יענעם אראפצורייסען.

גאלד האט געשריבן: ס'איז ניתן להאמר אז דאס איז געווען דער יסוד פון דער ברך משה'ס מערכה קעגן ר' אברהם'ן און בני יואל בכלליות, וואס כידוע איז דער ברך משה געווען 1000 מייל אוועק פון דעם מהלך.


יא, מיין פוינט איז אז, איך האלט די טאג וואס די זאליס וועלן איינזעהן אז די גאנצע מחלוקה האט זערא מיט אידישקייט און אידעאלגיע, וועט אטאמאטיש פארן די באן צו שלום ושלוה ווי ברודער,
והעושה שלום במרומיו הוא יעשה שלום עלינו ועל כל ישראל ואמרו אמן

נו @גאלד ביסטו דאך אויך מלבש אין הייליגקייט ודרך התורה דיין קריג, נו פארוואס זענען אנדערע דאס נישט בארעכטיגט?.

כאנישט קיין אהנונג, וואס פרעגסטו מיך?

signout האט געשריבן:דריידעל אין אלעס ניקס פין צד מהרז''ל, גייטס איין כ''ו ניסן קיין קרית יואל, טויזענטער פין צד מהר''א שטראמען צום ציון אין די צו די יארצייט סעדוה,

איך ווייס טאקע נישט וויאזוי עס קוקט אויס ביי זיין יארצייט אבער ביים לוי' בין איך געווען, און קיינער האט נישט אויסגעקוקט ציבראכען.