FBI פארפלייצט וויליאמסבורג

פארוואס ברענג איך די FBI פאפירן?
משל לחולה שנכנס אצלו רופא אמר לו אל תאכל צונן ואל תשכב בטחב שלא תמות כדרך שמת פלוני....


Sent from my iPhone using Tapatalk

עס כאפט דאך א פחד, ווען אלעס איז ביזי מיט אינזער ווערן עדזשוקעישן, און די וויכטיקייט פון די הייליגע טעיג, יעדער מוז וויסן די חרבנות וואס די כלים טון שאדן פארן כלל, יעדער איינער מוז וויסן ווער עס איז די גרעסטע רבי אויפן כדיר, ווער עס שאפט מער געלט פאר די ילדי צרפת, ווער עס האט געשריגן העכער פוי ביים פראטעסט, אבער ווען עס קומט צו די בעיסיקס, פליז נישט גנבענען ווערן די גייסטישע פירער מיסטערעיז שטיל, מען הערט פון זיי נישט קיין פיפס, בשעת די פעדעראלע אגענטען פארשוועכען אזוי פיל היימישע שטיבער, איז אלעס אקעי, וועין נישט די טריפהנע כלי וואלט משיח געקומען, וועין נישט די גיות בני ישיבה וואס אלעס געווען עולם התיקון, ווען עס קומט שבת תשובה וויל איך וויסען וועלכע רב וועט שרייען און פארפירן קעיגן גנבענען און מאכן חילול השם'ס.

לאזט אפ גניבה אוןדי געזעץ פאר א מינוט. זיי זאגן אין די פיילינג אז די ארעסטירטע זענען מיליונערן. וויל איך פארשטיין ווי און ווען איז די זעלבסט ריספעקט און ווירדע פארלוירען געווארען? א מענטש דארף אריין ברענגן פרנסה אין שטוב און אז עס איז גע'ענגט לייגט מען אוועק די כבוד און מען נעמט פון אנקעל סעם. און אז מען פארדינט שיין אדער ביזט געווארען א גביר דעמאלסט דאמפ די פראגרעם'ס!!! דו פילסט זיך נישט ווי שנארער בכלל?! דער תאוות הממון איז אזוי שטארק אז טאמער ווייסטו נישט ווי אזוי צו נעמען פראגרעם'ס ביסטו דער שלימזל און אנדערע ווערטער נישט דא מער אזא זאך ווי an honest living.

די דריי ארעסטירטע פארפעלקער זענען ארויס אויף בעיל

סאיז זייער א קליינע פראצענט וואס מכאפט. נישט קיין סיבה צי סטאפן וואס מטוט.

סאיז שוין לאנג א וואויל באקאנטע פאקט (עכ''פ מיט וועמען איך דריי זיך) אז סעקשאן 8, איז די רעגורינג הארבער, און קוקען סאך מער נאך ווי די אנדערע פראגראמען (ווייל סקאסט זיי סאך מער אפ פאר די שטאט), און סלוינט זיך נישט צו מאכען קונצען מיט די פראגראם, סאיז דא צענדליגע מעשיות, ואיני רוצה להאריך.

יעצט אויב האבען די פארפעלקער געמאכט מיליאנס אף דאלערס, דאן איז דא צוויי נקידות
1. אן ענטפער פאר די וואס קרעכצען אז ביי די היימישע איז נישט דא קיין פרנסה...
2. און דאן האב איך מיר נישט וואס צו לערנען פון זיי גארנישט, אל''ף. ווייל איך פארדין נישט קיין מיליאן. בי''ת. ווייל לע''ע ליידער בין איך לעגאל בארעכטיגט צו געניסן, סא אפשר ווייסט איינער וואו סאיז דא אן אפענינג פאר אן סעקשאן 8 אפליקעישען?

קאמענטירער האט געשריבן:סאיז שוין לאנג א וואויל באקאנטע פאקט (עכ''פ מיט וועמען איך דריי זיך) אז סעקשאן 8, איז די רעגורינג הארבער, און קוקען סאך מער נאך ווי די אנדערע פראגראמען (ווייל סקאסט זיי סאך מער אפ פאר די שטאט), און סלוינט זיך נישט צו מאכען קונצען מיט די פראגראם, סאיז דא צענדליגע מעשיות, ואיני רוצה להאריך.

חוץ פון דעם וואס דאס איז מן הסתם דער קאסטבארסטער פראגראם פער פאמיליע, איז עס אויך באגרעניצט אין צאל, דאס מיינט אז ווען איינער נעמט אומבארעכטיגט מאכט ער שאדן א צווייטן וואס וואלט ווען געקענט געניסן דערפון, משא"כ ביי די אנדערע צוויי פראגראמן.

יעצט געהערט מען האט ארעסטירט דריי מענער אין איין פרוי אין מאנסי

כ'האב געזעהן באריכטעט אז עטליכע ווימ"ס משפחות זענען אינטער אינוועסטיגעשאן. ווייסט איינער אויב יש דברים בגו?

געז מיטערס

וואס מיינט געז מיטערס?

א איד האט געשריבן:וואס מיינט געז מיטערס?

מען האט געגעבן שוחד פאר א באאמטער צו באקומען שנעל מיטערס אהן ווארטן און דורכגיין די פראסעס

אוי חברה אחינו בני ישראל, ווען מיר האבן ווען שכל נעמען מיר זיך צוזאם מען דינגט א פי אר פירמע זאל ארומשטינקן די נייעס שוין מארגן איבער די ארעסטס פין איבער 50 חשובע נגידים בעלי בתים מענעזשמענט פירמעס, אין מסביר זיין וואספארא אביוז מען דארף אריבער גיין צו באקומען פארשטינקענע גאז אין א בנין, וויפיל מאל מען ווארט שעות אין זיי קומען קיינמאל נישט אן אין זאגן זיי זענען געווען, נעשענעל גריד איז שולדיג נישט די אידען וואס ארבעטן צופרידן צושטעלן זייער טענענטס וואס קאלן וויינען פאר גאז אין סטראשענען.

ווען מיר האבן ווען שכל נעמען אלע 50 נגידים זיך צאם אין נעמען נאר ליגעל עיד לויערס זאל די שטאט צאלן, זיי קענען אונז אידעלעך יעדער וועט שפענדן 50 אלפים פאר לויערס אין זיי גייען געבן מיסדעמינרס אין פיינס אין זיי האבן פריש צוגעפיקסט די אידען, פארשטייט זיך אז דאנערשטאג צופרי האבן זיי שוין געלאדענט יעדע צייטונג אין טיווי סטעשאן עס גייט שטינקען אין יעדער וועט קענען זאגן די אידען טרעטן אויף די געזעץ.

עס איז זיי נאכנישט בייגעפאלן צו כאפן די טויזענטער דילערס אין דראג רייכערעס וואס איז ממש א נערמאלע זאך ביי די גוים, זיי קענען ווען האבן 1000 ארעסטס פער טאג אין ברוקלין, זיי זיכען אונז אידען ווייל מיר זענען טשיקענס.


ק/פ

מארגן גייט זיין די סארענדערינג׳ס

כ'האב באקומען א מעסעזדש אז מארגן וועלן זיך 40 אירע אינטערגעבן צום דיסטריקט אטורני אריינגערעכענט אסאך היימישע פון ב"פ און וומ"ס
ה"י

נישט געפערליך מען רעדט נישט פון קיין ארעסט. בסך הכל וועט זיך אויסלאזן מיט פענעלטיס און קאפ וויי. ביי די וועי מען רעדט נישט פון ארימעלייט.

בקיצור אז עס איז נישט ארעסט איז שוין אלעס גוט, וואס?
די פראנט פאפירן פון די צייטונגען איז עפעס א קלייניגקייט? אוי גייט דאס נישט אויסזעהן גוט, אזויפיל היימישע חברה פון די טייערסטע און היימישסטע קאמפעניס, מען רעדט דא פון ראבסקי גאלדמאן וכו', פון די ריכטיגע סמעטענע, אזוי זעהען מיר ליידער אויס, מיר ווייסן נאר פון איין זאך, ווי מען קען גיין מער קרום, ווי מען קען מער אויסשפילן די סיסטעם, מיר מיינען מיר קלוגן אלץ איבער, נא וואס ווייסט א גוי.

פארוואס לערנען זיי זיך נישט אויס איינמאל פאר אלעמאל אז מ'טאר נישט טעמפערן מיט די געזעצן, ספעציעל אויב מ'איז אונטער די ספאט לייט? זיי דארפן עס נישט אויף שבת צו מאכן, און אויך נישט פאר שליח מצוה געלט, איז פארוואס'זשע קענען זיי נישט איינזיצן און ווארטן ווי א יעדעם איינעם פאר גאז?

גארנישט פערזענליך, איך וואונטש זיי אלעס גוטס, און איך האף זיי וועלן זיך גרינג ארויסדרייען פון די פראבלעם, איך וואונדער מיר נאר ווד"פ, זיי טראכטן נישט וואס זיי טוען? זיי זענען דאך געניטע געשליפענע אויסגערעכנטע קעפיטיליסיטשע ביזנעסלייט און זיי וואלטן געדארפט וויסן אז אין איין שיינעם טאג גייט דעס זיי בייסן פון אינטן.

די גאווערמענט כאפט צום סוף א יעדן. אידן, גוים, מוסלומענער, ספאנישע, שווארצע, זיי זוכן צו כאפן א יעדן איינעם, חוץ די עליטע און די אויבערשטע פונעם שטייסל, אפילו ראבסקי און גאלדמאן כבודם במקומם מונח זענען נאך אלץ נישט אזוי קאנעקטעט אין די אויבערשטע קלאס, זיי שפילן נישט קיין גאלף מיט טראמפ, און אויב זיי גייען טוען א קליינע עבירה און די גאווערמענט וועט האבן די מעגליכקייט זיי אוועקצולייגן וועלן זיי עס טוהן, דאס איז די פאקט! קוקטס וואס זיי האבן געטוהן מיט רובאשקין און מיט טויזנט אנדערע, אט דאס איז די גאלדענע מדינה פון וואס יעדער רעדט! אין אייראפע אז א פאליציי שטעלט אייך אפ אנטשולדיגט ער זיך טויזנט מאל פארדעם, און רוב מאל געבן זיי נאר א ווארענונג, אין אמעריקע איז דא א גאנצע רעוועניו פון פייניקן די אייגענע בירגער. גיי פארשטיי.

סאשי פיש האט געשריבן:עס איז זיי נאכנישט בייגעפאלן צו כאפן די טויזענטער דילערס אין דראג רייכערעס וואס איז ממש א נארמאלע זאך ביי די גוים, זיי קענען ווען האבן 1000 ארעסטס פער טאג אין ברוקלין, זיי זיכען אונז אידן ווייל מיר זענען טשיקענס.

ק/פ

אדער ווייל מיר מאכן עס צוזאמען און לכתחילה שבכתחילה.

סאשי פיש האט געשריבן:אוי חברה אחינו בני ישראל, ווען מיר האבן ווען שכל נעמען מיר זיך צוזאם מען דינגט א פי אר פירמע זאל ארומשטינקן די נייעס שוין מארגן איבער די ארעסטס פין איבער 50 חשובע נגידים בעלי בתים מענעזשמענט פירמעס, אין מסביר זיין וואספארא אביוז מען דארף אריבער גיין צו באקומען פארשטינקענע גאז אין א בנין, וויפיל מאל מען ווארט שעות אין זיי קומען קיינמאל נישט אן אין זאגן זיי זענען געווען, נעשענעל גריד איז שולדיג נישט די אידען וואס ארבעטן צופרידן צושטעלן זייער טענענטס וואס קאלן וויינען פאר גאז אין סטראשענען.

ווען מיר האבן ווען שכל נעמען אלע 50 נגידים זיך צאם אין נעמען נאר ליגעל עיד לויערס זאל די שטאט צאלן, זיי קענען אונז אידעלעך יעדער וועט שפענדן 50 אלפים פאר לויערס אין זיי גייען געבן מיסדעמינרס אין פיינס אין זיי האבן פריש צוגעפיקסט די אידען, פארשטייט זיך אז דאנערשטאג צופרי האבן זיי שוין געלאדענט יעדע צייטונג אין טיווי סטעשאן עס גייט שטינקען אין יעדער וועט קענען זאגן די אידען טרעטן אויף די געזעץ.

עס איז זיי נאכנישט בייגעפאלן צו כאפן די טויזענטער דילערס און דראג רייכערערס וואס איז ממש א נארמאלע זאך ביי די גוים, זיי קענען ווען האבן 1000 ארעסטס פער טאג אין ברוקלין, זיי זוכן אונז אידן ווייל מיר זענען טשיקענס.

ק/פ

למה הדבר דומה:
מאמע׃ יוסי פארוואס האסטו געשטויסן און געשלאגן חני שוין צום דריטן מאל היינט?נאכאיינמאל גייסטו כאפן א פאטש!

יוסי: יעדן צופרי ווען דו זעהסט נישט גיסט חני אויס מילך אויפ'ן פלאר פון איר טעללער סיריעל, און פאר איר טוסטו קיינמאל גארנישט!

וואס וויל מען נעבעך פונעם 'עם הנבחר'? זאלן זיי פארשפארן די אלע כוליגאנעס וואס רייכערן דראגס און לאזן די רעביזיכרונוליוורחא אידן ווייטער שווינדלען שטילערהייט און שמירן אינספעקטארס רעכטס און לינקס, אונז זענען די איינציגסטע וואס האבן א רעכט צו קארופציע, זיי האבן אבער נישט קיין רעכט צו רייכערן דראגס! ווייל... ווייל... פארוואס נישט? ווייל... ווייל אזוי קומט מיר אויס בעסער, און זיי זענען דאך ממילא פארשטינקענע נידריגע 'כאלערעס'!.

נ"ב ס׳קוקט נישט אויס ווי דער וואס האט געשריבן די גרויליגע ק/פ מעסעדזש האט די מינדעסטע אהנונג וואס טוט זיך אין די אמעריקאנע תפיסות, און וויפל מענטשן אמעריקא ארעסטירט א יאר פאר דראגס.

אויב גייט איינער געבן א דאנאט פאר די דענטיסט סעקערעטי זאל אריינשטופן א פריעדיגע אפוינטמענעט באקומט ער הזמנה פין זיי? עטס זענסט משוגע? יא מען ארעסטירט זיי ווייל זיי זענען אידן אין די רייסט זיי אראפ ווייל זיי זענען אידן, ביזט א סעלף העיטינג איד (די נער זאל ארויסגיין פין מקוה)

signout האט געשריבן:אויב גייט איינער געבן א דאנאט פאר די דענטיסט סעקערעטי זאל אריינשטופן א פריעדיגע אפוינטמענעט באקומט ער הזמנה פין זיי? עטס זענסט משוגע? יא מען ארעסטירט זיי ווייל זיי זענען אידן אין די רייסט זיי אראפ ווייל זיי זענען אידן, ביזט א סעלף העיטינג איד (די נער זאל ארויסגיין פין מקוה)

געבן א דאנאט פאר א דענטיסט סעקרעטארי איז נישט קיין No No, זיי האבן געוואוסט אז סאיז נישט אויסגעהאלטן צוטוהן די זאך און דאך האבן זיי עס געטוהן, שרייען סעלף העיטינג דזשאו וועט דיר גאנץ ווייניג העלפן, סאיז העכסט צייט אז די חסידים זאלן אנפאנגן איינזעהן אז זיי קענען נישט יעדעם אינטערקויפן און זיי זאלן ווארטן אויף גאז פונקט ווי יעדעם איינעם, ווייל די גאווערמענט גייט זיי צום סוף כאפן.סאיז נישט אז זיי האבן נעבעך נישט געהאט קיין אנדערע ברירה און נאר דורך די שווינדל קענען זיי מאכן פרנסה, זיי מאכן גענוג געלט אן די דריידלעך.

בד״וו די נער פון וואס דו רעדסט איז שוין לאנג ארויס פון מקוה-get your facts straight

שבת אחים האט געשריבן:די נער פון וואס דו רעדסט איז שוין לאנג ארויס פון מקוה-get your facts straight

נעה.. ער איז אפשר ארויס פון די הייסע, און אריבער צו די קאלטע מקוה. אבער ער איז נאך אינגאנצן אין מקוה.

רבותיי: אויף די עצם פרשה פון די געז מיטערס. איך ווייס נישט אויב דאס איז א שטיקל נחמה. ס'זעהט אויס אז יא. ווייל דער חילול השם איז דא נישט אזוי שטארק קלינגענדיג. לויט ווי ס'זעהט אויס פון די נניעס מידיא באריכטן, איז דער עיקר צארן פון די סיטי אויסגעגאסן אויף די ארבעטערס פון נעשיאנאל גריד וועלכע האבן גענומען שוחד. און זיי האבן געמאכט שבת פאר זיך. אויף די נייעס זעהט מען עטליכע ארבייטערס פון נ.ג., צווישן זיי איינער א שחור וועלכער איז געווען דארט דער הויפט מחותן. און נאך עטליכע אנדערע פון זיינע חברים וועלכע זענען געווארן ארעסטירט. מ'זעהט ב"ה נישט קיין היימישע אידן מיט קייטעלעך... דאס מיינט נישט אז זיי האבן גוט געטון...!

פליקער האט געשריבן:עס כאפט דאך א פחד, ווען אלעס איז ביזי מיט אינזער ווערן עדזשוקעישן, און די וויכטיקייט פון די הייליגע טעיג, יעדער מוז וויסן די חרבנות וואס די כלים טון שאדן פארן כלל, יעדער איינער מוז וויסן ווער עס איז די גרעסטע רבי אויפן כדיר, ווער עס שאפט מער געלט פאר די ילדי צרפת, ווער עס האט געשריגן העכער פוי ביים פראטעסט, אבער ווען עס קומט צו די בעיסיקס, פליז נישט גנבענען ווערן די גייסטישע פירער מיסטערעיז שטיל, מען הערט פון זיי נישט קיין פיפס, בשעת די פעדעראלע אגענטען פארשוועכען אזוי פיל היימישע שטיבער, איז אלעס אקעי, וועין נישט די טריפהנע כלי וואלט משיח געקומען, וועין נישט די גיות בני ישיבה וואס אלעס געווען עולם התיקון, ווען עס קומט שבת תשובה וויל איך וויסען וועלכע רב וועט שרייען און פארפירן קעיגן גנבענען און מאכן חילול השם'ס.

פליקער: דאס דערמאנט מיך אן אלטע פאלקס מעשה.
א מגיד איז אמאל געקומען קיין אמעריקע און ער האט געבעטן רשות פונ'ם פרעזידענט/ראש הקהל פון די קאנגרעגעישן צו האלטן א דרשה שבת נאכמיטאג. פרעגט ער דעם פרעז. איבער וואס זאל איך רעדן. האט ער איהם געזאגט, איהר זאלט רעדן איבער אידישקייט. זאגט דער מגיד, איך זאלל אפשר רעדן איבער שמירת שבת? האט איהם דער רה"ק געענטפערט, ניין. פונקט איבער דעם ענין זאלט איהר נישט רעדן, ווייל איינער פון אונזערע חשוב'ע מעמבערס האט א גרויסן דעפארטמענט סטאר, וועלכער איז אפן אום שב"ק, און ער קען זיך נאך אפשר באליידיגן...
אפשר איבער כשרות...? זאגט דער רה"ק, ניין. ווייל איינער פון די ווייס פרעזידענטס פון די שוהל האט א סופערמארקעט וואו מ'פארקויפט טריפה פלייש, און ער קען זיך נאך פיהלן געטראפן פון אייערע מוסר רייד.
פרעגט דער מגיד ווייטער, אפשר זאל איך רעדן איבער חינוך הבנים והבנות, אז מ'דארף געבן א אידישן חינוך פאר די קינדער, כדי זיי זאלן ח"ו נישט חתונה האבן מיט גויים... ענטפערט דער ראש הקהל, ניין. איבער די טעמע זאלט איהר אויך נישט רעדן, ווייל איינער פון די גרעסטע שטיצערס פון אונזער שוהל האט א זוהן וואס האט חתונה געהאט מיט א גוי'טע... און דאס וועט איהם פארשאפן הארצווייטאג, ער וועט מיינען אז איהר ווילט איהם פערזענליך וויי טוהן...
פרעגט דער מגיד...נו, איבער וואס דען זאל איך רעדן...?! ענטפערט דער ראש הקהל... סתם, איבער אידישקייט...

.

אפשר איז געקומען די צייט, אז ווען מען באשטעלט מעטערס זאל עס נעמען 2-3 טעג צו באקומען, און נישט 2-3 וואכן/חדשים

קיינער זאגט נישט אז עס איז נישט קיין פראבלעם מצד די national grid, אבער דאס מיינט נאכנישט אז מען קען נעמען זאכן אליינס אין די האנט, שיין וועל איך אויסזעהן אז מענטשן וועלן אנפאנגן נעמען זאכן אויף די אייגענע האנט ווען די סיסטעם געפעלט זיי נישט פונקטליך וויאזוי זיי ווילן.

מען קען נישט מען זאל נישט.
לאו עכברא גנב אלא חורא גנב.
זיי מאכען די שוועריגקייטן ביודעין, און זיי זענען רשעים.

פאר מיר איז עס א ביזנעס חשבון ווען דער פלאמבער זאגט מיר אז ער ווייסט פין איינער אין נ"ג וואס קען עס טוהן היינט פאר א טויזענטער.

און רבותי די עוולה איז נישט אזוי גרויס. קען מיר איינער זאגען וואס די עוולה איז?

שוין מען האט געכאפט, און מארגען איז דא א נייער וועג צו ביטען דער סיסטעם.

והוא הדין לגבי ווייעלעישענס און אלע ריעל עסטעיט פראבלעמען. עס איז זייער שווער צו גיין גלייך, זיי מאכען געזעצען ווי די חוקי סדום, און מעיקרא איז די כוונה אז מען זאל קענען דרייען און מאכען געלט פין קאראפציע.

זאלען זיי די סדום'ניקעס אין דער ממשלה אויסגלייכן דער ריקען און דערנאך וועלען אונז נאכטוהן.

והוא הדין לגבי זאונונג, קען מיר איינער מסביר זיין פארוואס די גיהנם זיי מאכען אזעלכע חוקי סדום? זאלען זיי אלע פייגערען א מיתה משונה.

אט דאס איז די פראבלעם. די מענטאליטעט אז וואס עס נישט מיט אייער סדר היום הייסט "מאכען שוועריגקייטן ביודעין", "זיי זענען רשעים", "מארגען איז דא א נייער וועג צו ביטען דער סיסטעם", "חוקי סדום", "קאראפציע" און פיינעלי "זאלען זיי אלע פייגערען א מיתה משונה".

פון די געשיכטע, און פון אייערע רייד, זעהט אויס אז די אידישע ריעל עסטעיט ווערט געלאפן דורך פארטיזאנען.

קלוגע יודל האט געשריבן:אפשר איז געקומען די צייט, אז ווען מען באשטעלט מעטערס זאל עס נעמען 2-3 טעג צו באקומען, און נישט 2-3 וואכן/חדשים

דאס איז גיט אויב די אפארטמענטס זענען ליגאל. לויט ווי איך האב געהערט איז נישט דאס געווען די מדובר דא ליידער
ס'פאנגט זיך נישט אהן ביי די אידען אבער מ'בויט אסאך נישט לעגאלע אפארטמענטס און דערנאך האט מען טענות אז מען קען נישט באקומען קיין מיטער.

אשתישבי, האט געשריבען!!
!!!זיי מאכען די שוועריגקייטן ביודעין, און זיי זענען רשעים!!!!!
געדעק!
every rule has its victim
דאס אז די ווייסט נישט וויאזוי, מיינט נישט אז זיי זענען רשעים.

מאנסי אינגערמאן האט געשריבן:

קלוגע יודל האט געשריבן:אפשר איז געקומען די צייט, אז ווען מען באשטעלט מעטערס זאל עס נעמען 2-3 טעג צו באקומען, און נישט 2-3 וואכן/חדשים

דאס איז גיט אויב די אפארטמענטס זענען ליגאל. לויט ווי איך האב געהערט איז נישט דאס געווען די מדובר דא ליידער
ס'פאנגט זיך נישט אהן ביי די אידען אבער מ'בויט אסאך נישט לעגאלע אפארטמענטס און דערנאך האט מען טענות אז מען קען נישט באקומען קיין מיטער.

הע?!
איך ווייס פון א יונגערמאן וואס האב געדארפט ווארטן כמעט 2 וואכן אויף צו פשוט עפענען א פארמאכטער מיטער, נאך וואס ער האט זיך אריינגעצויגן אין א ליגאלן דירה אין א אפארטמענט בילדינג.

די 2 וואכן איז געוועהן נאכדעם וואס ער האט גענוצט זיין טאטעס נאמען וויבאלד ער האט שוין אן אקאונט ביי זיי, איז עס געגאנגען גערינגער. קודם האט ער געוואלט מאכן אויף זיין נאמען האט עס געדארפט נעמען אסאך לענגער.

אין אנדערע ווערטער, ער האט געמוזט גיין קרום כדי אז זיי זאלן עפענען די גאז, וויבאלד גראד אויף זיין נאמען וואלט עס גענומען נאך לענגער

איך האף אז דו פארשטייסט אליין אז עס איז דא א עצה אויף דעם,
פשוט באשטעלן די געז אפאר וואכן פריער.

און דו האלסט אז עס נארמאל אז מען מוז באשטעלן 3 וואכן פריער?

איך גיי נישט זאגן אז ס'איז נארמאל, ס'איז זיכער נישט, אבער אז דאס איז די פראבלעם דארף מען ארבעטן אויף דעם, נישט טוהן פאני זאכן. יא, ס'איז זייער געשמאק צו כאפן נאך א דאלער צוויי, אדער טרעפן א וועג וויאזוי נישט צו פארלירן אפאר דאלער, אבער נארמאל ענדיגט זיך עס נישט גוט.