Healthy Choice עד

[בילד: נישט געראטעוועט]

די פאלגענדע עד פון די פירמע Healthy Choice אין וויליאמסבורג, דעזיינט דורך Ptex, צייכנט זיך שטארק אויס מיט די לעצטע דריי פאקטארן: אויסשטעל, אויסטרעף, און אויג כאפענד.
הבהרה: מיר האבן באקומען פראגעס פארוואס מיר קלויבן נישט אויס דער אדער יענער עד.
מיר ווילן קלאר מאכן אז צומאל קען א גרויסע “פול פעידזש” עד אין די גרויסע צייטונגען אויסזען מעכטיגער און גרעסער, סיי צוליב דעם וואס א פירמע וואס ערלויבט זיך צו גיין גרויס און צאלן גרויס געלט פאר די צייטונגען, לייגט עס אריין אינעם מחשבה פונעם מענטש א רעספעקט צו זייער עד, און סיי צוליב די פשוטע פאקט אז די צייטונגען זענען גרעסער אין סייז ווי אנדערע מאגאזינען.
מיר פראבירן דורכצוגיין פרישע עדס וואס מיר זעהן אין די גרעסערע און קלענערען היימישע אויסגאבעס, מאגאזינען און ציייטונגען, און נאטורליכערהייט אויסקלויבן דאס פאסיגע. די רעדע איז נישט דוקא פון די “בעסטע” פון אלע, ווייל יעדע עד טראגט זיינע מעלות און מיר זעהן נישט יעדע וואך אלע עדס. די עד פון די וואך איז בלויז א אויסגעקליבענע עד ווערד צו באטראכטן.

—-
איר קענט אריינשיקן עדס וואס פארדינט -לויט אייך- דער טיטול “עד פון די וואך” און מיר וועלן דאס נעמען אין באטראכט. שיקט אריין צו adofweek@balboos.com

שיינע עד!

די עד האט אסאך ארבייט!

א ב ע ר:
צופיעל קליינע ווערטער מיט א לאנגע מגילה, ציעט נישט קיין ליינער’ס אינמיטן נאכטמאל ווען מען בלעטערט די שאפערס רוט

איך האב עס בכלל נישט באטראכט ווען איך האב עס אנ-געטראפן די ערשטע מאהל.

קליימאקס, ווי עס זעט אויס ביסטו נאך צו ניי אין די ליין.

ס’איז א גרויסע טעות ביי רוב היימישע דעזיינערס (און אויך אזעלכע וועלכע רופן זיך מארקעטער…) אז מענטשן ליינען נישט קיין מגילות!

די קונץ פון די עד אז עס האט גאר א געשמאקע אויסשטעל, א אונטערעסאנטע אויסטרעף, און איז אויגפארכאפנד. אויטאמאטיש וועט עס כאפן דעם דורכשניטליכער מענטש וואס קערט אויף זיין געזונט , און זוכט וועגן וויאזוי עס צו בויען ‘יא’ דורכצוליינען די ‘גאנצע מגילה’. למשל, איך ווען איך זע די עדס פון העלטי טשאוס וואס לויפן אין די צייטונגען די לעצטע פאר חדשים, וועל איך 99% יא דורכליינען די קליינע טעקסט ווערטער, ווענד זיך און די אויסשטעל אין די רייכקייט פון די ווערטער.

אגב ווייס איך נישט פארוואס דו רופסט דאס א גאנצע מגילה רוב פראפעשינאל עדס וועלן נוצן אסאאאאך מער ווערטער פאר זייער באדי קאפי…

שמואל נטע היקר, עפעס אין מיר זאגט אז דו ביזט גאר דער וואס איז נאך ניי אין די ליין.

הרב קליימעקס האט אבסאלוט א גאר שטארקע פוינט. און כ’קען זאגן: סעים טו מי. כ’האב עס געזען, אויפגעפאסט, באוואונדערט די סטרוקטור, אבער זיך נישט אפגעשטעלט ליינען די גאנצע מגילה. קיינער ליינט נישט קיין מגילה אויף אן עד. ס’דארף בלויז זיין איין מעסעזש און פארטיג.

איך אגרי מיט קליימעקס אויף די פוינט. אבער דאס אז מ’שטעלט זיך אינגאנצן נישט אפ באטראכטן איז נישט וואר, ווייל למעשה איז עס אן אינטערסאנטע צונויפשטעל מיט מענטשן וואקן אויף ווערטער הויך נידריג אא”וו..

אודאי מיט דעם זענט איר גערעכט אז דו מעסידז מוז זיין גאר שטארק אין ציענד, און עס ‘מוז’ פארציילן אלעס (עכ”פ ווי מער) וואס מ’וויל אדווערטייזן.

אבער דער העדליין איז אזוי ווי דער פיש כאפער וואס דארף אפשטעלן/כאפן דעם מענטש בלעטערנדיג איבער די עדס, און דערנאך אים פירן צו ליינען די איבריגע. אויב איז די מעסידז נישט גענוג שטארק אפצושטעלן דעם ליינער איז עס די גרעסטע דורכפאל פאר די דעזיינער, און אויסגעווארפן אידיש געלט פאר דעם אדווערטייזער.

און די גרעסטע קונץ איז אפצושטעלן דעם איידיעל קאסטומער, דהיינו דער פאטענשאל קונה, נישט די עד וואס ‘יעדער’ באוואונדערט איז דער געלונגנסטער, (ס’זאל נישט הויך אויסגערעדט זיין, אין אזא פאל נוצט דער דעזיינער אויס דעם אדווערטייזערס געלט ‘זיך’ צו אדווערטייזן…)

נאר וואזשע דען, דא אין בעל הבית רעדט מען יא פון עדס וואס כאפן דעם המון עם און נישט דייקא דעם פאטענשעל קאסטומער, אלזא איז יעדער מודה אז די עד איז געוואלדיג, א געלונגענע איידיע אין אסאך ארבעט, מיין פריערדיגע קאמענט איז נאר געווען אויף קליימעקס’ס ‘א ב ע ר’ וואס מיט דעם האט ער א מורא’דיגע טעות פון א דעזיינער’ס שטאנדפונקט.

מיך האט יא געכאפט דעם עד, און עס האט מיך געצויגן צו ליינען אלע קליינע ווערטער, כאטש מיינע חושים שטייען זייער ווייט פון גרעפיקס

סאיז גיטע ברענדינג
אבער סקען ווען זיין א מעכטיגע מעסעזדש מיט אפאר ווערטער ווי למשל:
you don’t have to work so had to stay healthy
אדער עפעס אנדערס

צימי, זייער א גוטע איידיע! קענסט אריינגיין אין די ליין (אויב די ביזט נאכנישט)
וועגן די מחלוקה איבער אסאך טעקסט.
קודם כל, עס איז נישט מענטשליך צו אטאקירן איינעם אז ער איז ניי, מען קען דאך זאגן א מיינונג אן רעדן פון די מענטש.
צווייטענס, קליימעקס מאכט גראדע הערליך שיינע זאכן, אזא עד ווי די פון די וואך איז ביי עם א קלייניקייט.

יעצט לגופו של ענין, איך האלט אויך אז עס האט צו סאך טעקסט, און פון די צווייטע זייט איז אמת אז א גוטע עד מעג האבן מער טעקסט. אבער דא אין אונזער פאל האט די עד צו סאך טעקסט, און די טעקסט איז בכלל גאנץ שוואך און בארינג.

המשך

די עד אליין איז נישט געניג שטארק אז עס זאל מאכן א מענטש זיין געניג אינטערעסירט אין אזא לאנגע מגילה.
חוץ מזה ברענגט די טעקסט ארויס צו סאך נקודות, אויף איינמאל. אנשטאט קאנצעטרירען אויף איין מעסעדזש.
און אפילו א מענטש האט שוין יא אנגעהויבן ליינען, איז דא זייער ווייניג טשאנסען ער זאל אנקומען ביזן סוף. עס ליינט זיך שווערליך.

אין קורצן מיין אנאליז
די גראפיק חלק איז זייער פיין, די טעקסט שוואך.

מענעדזשער, גוט געזאגט, גם אני הקטן מצטרף.

איך זע נישט דאס געוואלדיגקייט פון די עד. יא, ס’איז זייער שיין, אבער נישט עפעס מעכטיג. און די טעקסט, הרג’עט די זאך דא לפענ”ד.

i will tell you my point – a simple ad is the best if the few words says the point, an Example is. When somebody dies (god forbid) u don’t make it professional, its just simple words and it spreads the word

From all ads in all the newspapers is this the nicest ad out there????

To me it looks that someone from Ptex is behind the “Balboss” newsletter.

isn’t the BG Clothing Chess ad from last week the nicest and most creative ad?

Sorry, i meant the GB Clothing ad,

אה ווא, דר’עולם איז ברוגז געווארן….. מ’בעט דעם עולם נישט צו נעמען פערסאנאל, און די וואס קומען אן זאגן פארוואס מ’נעמט נישט די עד און פארוואס נישט יענע, פארוואס שיקן זיי נישט צו די אימעיל פון דער רעדאקציע בעפאר מאנטאג, מיט זייער פארשלאג וועלכע עד צו ניצן?

אדרבה, לאמיר דעם מיטוואך אריינשיקן די שיינע לדעתינו עדס, און וועל מיר זען וועמען זיי וועלן אויסקלייבן קומענדיגע וואך.

און וועגן די זשי בי עד, דאס איז טאקע געווען א באמבע, מיט’ן שאך ברעטל אזוי קונצליך! אויך זשי ענד זשי פון שמואל שפיצער איז געווען א גוטס, נישט אוועקצומאכן.

ס’האט א ארטיסטישע סטייל, גאנץ גוט!

איך פארשטיי גראדע פארוואס ער טוט עס. ווייל אויב וועט ער גיין עקסלוסיוולי נאך די שענסטע עד, וועט ער זיין סטאק יעדע וואך צווישן די צוויי קלאדינגס…
ער האט קלאר געשריבן אז ער קוקט נישט ממש אויף די בעסטע, נאר א עד פון וואס מען קען זיך אפלערנען, די עד פון העלט טשויס איז א “דיפרענט” סטייל, עס איז טאקע נישט די שענסטע עד פונעם יאר, אבער עס איז א שיין שטיקל ארבעט. געמאכט מיט מחשבה. און מען קען עס באטראכטן און ארויסנעמען דערפון.

Healthy Joy Bakes was a hit of an idea, Who made it?

shia
you mean the new bread?
yeah, I also thought that its very good

it was a 2 part ad
2 pages,
never saw something like it in a heimishe publication

Yes, i mean the new bread company, just looked in Der Yid, i see it was done by MEDIA OTG

איך האב אויך געזען די עד פון די ברויט
עס איז זייער א גוטע איידיע, און א גוטע מעסעדזש.
אבער די עד אליין וואלט געמעגט זיין מער סטרייקינג.
עס איז זייער נישט עקסייטינג די קאלארס און בכלל די איידיע, ווי אויך איז רוב פון די פעידזש ליידיג, ער דארף עס ווען מער סענטערן.
רוב מענטשן וואס זען א ברוינע-רויטליכע בעקגראונד מיט וועזשטעבלס מישן תיכף אריבער די פעידזש.
מיט רוב מענטשן מיינעך מיר, אדרבא איינער האלט אנדערש?

מה נשמע, טאמבס אפ!

עפעס האט מיך געבאדערט מיט די עד, אבער כ’הא נישט געוואוסט אויף וואס אנצוצייגן.

בא מה נשמע והעמידה על אחת. דאס איז זייער א שטארקע פוינט!

איך האב שוין לאנג געוואלט אנקאלען דעם מידיע אן דע גאו אז ער זאל אויף הערן צו לייגן דארק בעקראונדס

הגם איך גלייך זייער די מדור “עד פון די וואך” און נאכמער די קאמענטס. וואס זענען באמת באלערנד און רייך. טראכט איך אבער וויאזוי פילן זיך די גראפיקערס צו ווערן אויסגעלייגט אין פובליק.
מען ארבעט זיך אן, ענדליך דער קאסטומער איז צופרידן, און פלוצלינג וואקסן ארויס גאנצעטע מבינים, וואס ביי לאנטש טיים אינמיטן זופען א קאווע, געט מען א שרייב אראפ עטליכע קריטיק ווערטער אויף וואס יענער האט אריינגעלייגט אזויפיל כח.
סתם חומר למחשבה…

I feel very bad for everyone who is Jealous from MEDIA OTG, its not gonna help you if you will criticize on his ads……
He is the best, Biggest and most creative company in the Jewish market.
His company is the ONLY Hasidic company who understands what running a good marketing and branding campaign means…

BTW i love the work he does for Chestnut & GB Clothing,

יאנקי
פארוואס מאכסטו אזא הנחה אז ווער עס זאגט א הערה’לע אויף מידיע אן די גאו מיינט אז ער איז מקנא. און די פילסט שלעכט פאר אים.
גראדע האט אים קיינער נישט אוועקגעמאכט, אזוי ווי מען האט געטון מיט אנדערע, נאר איך האב געזאגט א קלייניקייט, און אנדערע האבן צוגעשטימט, דעטס אלל.
און די לייגסט גלייך צו אז ער איז די “בעסטע” און גאר די איינציגסטע “חסיד’שע” קאמפעני וואס פארשטייט בכלל צו מארקעטינג…
פון דיין קינדערישע גערעדעכץ קוקט אויס אז איינער האט דיר געטרעטן אויף א הינער אויג…

ביי די וועי, עפעס איז עס אינטערעסאנט אז בלויז די וואס שרייבן ענגליש רעדן פון Media OTG

פארפאלן. MEDIA OTG מאכט אוף יעדע פראזשקט וואס זיי נעמען אונטער גאר א גוטע זשאב!
איך גיי ניסלעך פאר זיינע עדס!

שלום עליכם, איך האב בלויז היינט געליינט די בעל בית, און מעגליך אנגעקומען אביסל שפעט צום דיסקאשן דא, אנטשולדיגטס מיר.

אויך וויל איך קלאר מאכן אז איך בין א מאמע פון דריי קינדערליך כ”י, וואס האט צוטריט צום קאמפיוטער מיטן ארויסהעלפן מיין מאן אין די ביזנעס פון צייט צו צייט, און מיין מאן האט מיר אנגעוויזן דעם ארטיקל ווי איך האב דוקא הנאה געהאט מיטן אויסקלויבן דעם עד.

אזויווי מיין נאמען שטעלט פאר בין איך א העלטי טשויס קאסטומער, איך פלעג דארט איינקויפן פשוט ווייל ער איז געווען אין שכינות, אבער אויך נאכן זיך אריבערציען קיין ניי וויליאמסבורג גיי איך אהין דארט איינקויפן דוקא ביי אים, איך בין נישט דער “העלטי” מענטש מיט אלע משוגע’תן (אנשטולדיגט), אבער די מינימאלע געברויכן, ווי ווייטאמינען וכדומה, קויף איך דוקא דארט.

ווי איך פארשטיי זענען די קריטיקירער פונעם עד מענער וועלכע האבן נאך קיינמאל נישט אריינגעטרעטן אין קיין העלט פוד סטאר, און זיי ווייסן נישט די געברויכן פון אידישע מאמעס. זיי ווייסן נישט וואספארא שפראך א העלט פוד געשעפט דארף רעדן צו זייערע קונדן.

דער עד סערווירט דעם וועם עס דארף צו סערווירן. ! העלטי טשויס האט אייביג געהאט זייער אייגנארטיגע חן און היימישקייט, וואס איינער וואס איז נישט באקאנט אין דעם ליין פון שאפינג וועט קיינמאל נישט פארשטיין, און מיט די לעצטע סעריע פון עדס בויען זיי עס נאך מער אויף. זיי זענען נישט דא – ווי איך פארשטיי צו שיקן א ספעציפישע מעסידזש. זיי זענען דא מיט דעם עד צו ווייזן זייער פרעסטידזש, צו ווייזן זייער רעספעקט וואס זיי האבן צום געזונט, וואס זיי זענען באמת אזוי אויסגעשטעלט, פאר ווער עס ווייסט פון וואס איך רעד. און דער עד האט עס געמאכט ריזיג, עס איז די געלונגעסטע עד אין די שאפערס רוט דער פאריגע וואך אין מיינע אויגן, עס איז גראד און פשוט, און די קליינע טעקסט האט מיך געצויגן ווי א מעגענעט צו ליינען. און איך האב גערעדט צו נאך א פריינדין וועלכע האלט פונקט אזוי.

עס זענען דא עדס וועלכע רעדן מער צו מענער, אבער דער עד רעדט בעיקר צו פרויען, און צו מענער וועלכע פארשטייען אזאלכע געפילן.

איינער קען מיך פאר א גוט יאר מסביר זיין ווי Media OTG קומט דא אריין? איך בין נישט משיג דעם יעניגן וועלכע וויל מען זאל אויסלויבן אדער באשמוצן Media OTG אינמיטן א טעמע וועלכע רעדט פון איין ספציפישע עד.

קיינער ווערט נישט דא געטשעפעט מער ווי Media OTG אליין, וואס איך גלייב נישט אז דאס איז זיין רצון. איך האלט דער בעה”ב זאל אויסמעקן אלע קאמענטס וואס רעדן וועגן אנדערע עדס. נישט דאס איז די טעמע דא.

מלכיאל רעדט דברים של טעם

יואלי, איך האלט פונקט ווי דיר. מיין ווייב גייט משוגע פאר OTG עדס.

איך האב גראדע זייער הנאה פון די דיסקאשן, מען דארף נאר געדענקן אז עס נישט קיין חכמה זיך צו באהאלטן אינטער א ניק אין קריטיקירען מענטשן\קאמפאניס וואס יעדער ווייסט ווער זיי זענען.
אז מען קריטיקירט א צווייטע ניק, איז נישט עק וועלט, אבער אז מען רעד פון א קאמפאני וואס איז אין ביזנעס צו מאכן געלט, אזוי ווי אינז אלע, דארף מען נזהר זיין.
און פארשטייט זיך אז איבעריג אויסלויבן איין פירמע מער ווי אנדערע, קען זיין אין כלל וואס חז”ל זאגן אז אויסלויבן איינעם צופיל איז אבק לשן הרע, ווייל אנדערע וועלן דורך דעם זיך נעמען רעדן פון זייין גנות.
לאמיר זיך אליין האלטן אין די ראמען, כדי די בעל-בית זאל זיך נישט נעמען צו אויסמעקן קאמענטס, אדער גאר אינגאנצן צומאכן. וואס דעמאלס וועט יעדער שאדן האבן.

גערעכט! העלטי טוישס טיט געוואלדיג זייער מארקעטינג זייט זיי האבען געפענט זייער סטאר. איך קוק שוין נאך זייער מארקעטינג יארן זיי זענען געווען די ערשטע היימישע סטאר וואס האט פארשטאנען וואס מיינט סערווירען קאסטומערס אויף א פערפעשאנעל אויפן און זיי זענען א סימבאל פאר אנדערע סטארס וויאזוי מען דארף בויען א ביזנעס.

איך קויף איין ביי ר’ מאיר לאנדא פון העלטי טוישס זייט די סטאר שטייט איך בין צום ערשט אריינגעשלעפט געווארען דורך זיין וועג וויאזוי ער האט עדווערטייזט. אויב פיטעקס מאכט זייערע עדס און איז אינטער די אלע אויסגערעכענטע סטראטעגיעס וואס זיי טיען כסדר ווער איך א פיטעקס חסיד!
די עדס זענען קלאר ארויסגעשטאנען פון אנדערע און כאטש סאיז נאר בלעיק און ווייט… מען זעהט זיי לייגן צו קאפ וויאזוי צו ברענגען זייער מעסעדזש אויף א אויסגערעכענטן אופן.

http://www.ivelt.com/forum/viewtopic.php?f=58&t=10190

הגם איך בין שוין אן אלטע בעל הבית ליינער אבער דע פורם האב איך יעצט געליינט פון אויבן ביז אינטן איך זעה אז קיינער באציט זיך נישט צום פריערדיגן’ס ווערטער…. וועל איך אויך שרייבן שלא מענין…
ס’מיר זייער אינטערסאנט אז אסאך אירע וואונען דא אין וויליאמסבורג און קיינער האט נישט דערמאנט אפילו די עד אויף לי עוו. העכער די הייועי פון די זיגל מיט די פלייש …ס’איז דעך משוגע צו ווערן דע עד.. כ’קען נישט פארשטיין ווי קיינער רעדט אפי’ נישט דערפון.. כ’האב עס נישט אויף PDF אבער כאטש א ווארט….