טשעסטנאט

די גריסן איבער אונזער קאלום “עד פון די וואך” האט אונז איבערצייגט די שטארקע אינטערעסע אין די קריעטיווע וועלט ביי די חשובע ליינער.
מיר עפענען דעריבער אונזער נייער קאלום ווי מיר וועלן פון צייט צו צייט באריכטן אקטועלע קריעטיווע ביזנעס אנגעלעגנהייטן, צו מוטיגן היימישע ביזנעסלייט אויסצונוצן זייערע טאלאנטן צום מאקסימום.
מיר וועלן זיך פראבירן צו האלטן צום היימישן מארקעט, אבער אויב איז עס גענוג אינטערסאנט וועלן מיר ברענגען אויך פון אנדערע פלעצער.
מיר בעטן זייער די חשובע ליינער, אויב ווייסט איר פון א נייע אינטערסאנטע ביזנעס, לאו דוקא אויסטערליש אינטערסאנט, צו א גוטע “איידיע” וואס איר זעט ביי א ביזנעס. ביטע שיקט עס אריין צו mail@balboos.com אויב מעגליך מיט א קורצע באשרייבונג און בילדער.  און מיר וועלן עס גערן אריינלייגן.

אין ניי וויליאמסבורג האט זיך געעפנט א סופערמארקעט מיטן נאמען “טשעסנאט” – וועם ליגט דען נישט אין די ביינער די ווארימע “קעסטן” ביים באטע שבת ביינאכט?
אריינשפאצירנדיג פאריגע וואך צום גראסערי האט זיך פאר מיר אנטפלעקט א געשעפט פיל מיט קריעטיוויטעט און חכמה. צוויי זאכן זענען מיר איבערהויפט געפאלן:
1) די הערליכע “טשעסנאט” עלעקטעריק שילד אינדרויסן פונעם געשעפט, וואס קוקנדיג דערויף ביינאכט פונדרויסן געבט דאס א פראכטפולע אויסקוק, אריינקוקנדיג צו די ריזיגע גלאזענע פענסערס ווי מען זעט די גרויסע לאנגע שורות פון פראדוקטן.
2)  די ארבייטער אינעם געשעפט טראגן א העמד וואס שלאגט אפ יעדעס ברעקל נעגאטיוויטעט פון א קאסטומער וואס זוכט א געוויסע פראדוקט און ער האט עס נאכנישט געטראפן…
קוקט אויף די בילדער, האט הנאה. און… נעמט ארויס א לעסאן.

א גיטן טאג אייך, כהאב שטארק הנאה געהאט פון דעם געדאנק, צו באשרייבן היימישע נייע ביסנעסער און בייפאלן, כה לחי.
בנוגע ‘טשעסנאט’ איז די מעשה אזוי, הגם די סטאר פאר זיך איז זייער באטעמ’ט איינצוקויפן, פריש, מסודר, געשמאקע ארבעטערס וכדו’, אבער זייער ‘איידענטיטי’ חלק איז ממש נישט צום פארשטיין, אנגעהויבן פונעם סימבאל פונעם סטאר – וואס דארף ווען געבן דעם ‘אימעדזש’ אז דא רעדט זיך פאר א סופערמארקעט – אין געענדיגט מיט די קאלירן פון די עדס אד”ג, לכתחילה האב איך געמיינט אז דאס איז ”מידיע אן די גאו’ס” קרעדיט, און כ’האב נישט פארשטאנען פארוואס ער האט אזוינס געטוהן, ער מאכט דאך געווענליך גיטע זאכן – למעשה האב איך געהערט אז די סימבאל איז גאר געמאכט געווארן דורך א ‘גוי’, שפעטער האב איך געהערט אז דאס איז דער זעלבער דעזיינער וואס האט דעזיינט דעם סטאר, אשר ע”כ “מידיע אן די גאו” איז פריי פון יעדע באשולדיגונג… אבער ער מוז נעבעך ניצן דער סימבאל וואס איז שטארק אומבא’חנ’ט, און אויך מוז ער נעבעך ניצן די קאלירן אראנדש / פוירפעל, וואס צייגט נישט גיט אויף צייטונג פאפיר, (אפשר איז דאס ‘זייער’ ארטיסטיש… אבער ווען מ’פרעגט ווען מיך וואלט איך געראטן אז מען אינוועסט שוין אזויפיל געלט זאל מען שוין מאכן א לאגא, וואס איז א קנאק ביי אידן און גוים צוגלייך.)

מוראדיג, די בעל בית איז קריעטיוו… די איידיע פון אזא קאלום איז מוראדיג!!!

און צו ר’ יענקל, לויט ווי איך פארשטיי איז די תכלית צו אינקארידזשען ביזנעס בייפעלער, און נישט פארקערט צו רעדן פון חסרונות, יעדע איידיע און בייפאל האט מן הסתם פרטים וואס מען קען רעדן וואס עס איז “נישט” אזוי געלונגען. אבער ווער האט דא גערעדט פון זייער אידענטיטי? וואס מישסטו עס דא אריין ווען מען רעדט פון זייערע מעלות?

איך האף דער רעדאקציע זאל האבן שכל און ענדיגן דעם מענטילאטעט וואס מען זעט דא אסאך אויף קאמענטירער, צו אראפרייסן דעם און יענעם. דער תכלית איז בכלל נישט דאס. שנראה כל אחד מעלות חברינו.

איך גראטוליר “מידיע אן דע גאו” אינאיינעם מיט די אנפירער פון “טשעסטנוט” סופערמארקעט דערויף וואס זיי האבן שנעל געטוישט זייער מארקעטינג סטראטעגיעס נאך וואס זיי האבן איינגעזען אז דאס פעלט זיך אויס פארן הצלחה פון זייער ביזנעס.

אין אנהייב זענען זיי געגאנגן מיטן פאליסי פון “בי דיפערענט”. דו קענסט נישט נוצן די זעלבע מארקעטינג מיטלן ווי אנדערע וויליאמסבורגע גראסארי’ס; לייגן די עד’ס אין די ‘שאפערס רוט’ איז צי “יאנטשי”… מאכן “וועכענטליכע ספעשילס” איז טשיפ, וכדו’. למעשה האבן זיי איינגעזען אז בכדי צו כאפן דעם וויליאמסבורגע קלייענטעל מוז מען דוקא יא נוצן די סארט טשיפ מארקעטינג מיטלן האבן זיי שנעל געטוישט זייער פאליסי.

אך און וויי, אויב איינער מיט אזא העמעד וועט מיך נישט געבן די סערוויס וואס איך ברויך…

ר’ יענקל איך ווייס נישט וואס אייך באדערט לגבי מארקעטינג איז די סטאר זייער גוט ארויסגעברענגט אלעס מיט די זעלבע קאליר און דיזיין און דוקה פערפל וואס איז נישט קיין פארשלאפענע קאליר און ווערט נישט אזוי אפט באניצט ביי קאמפניס

די פראגע איז נאר צי די ארבייטארער פירן טאקע אויס אין רעאליטעט דאס וואס זיי פרעטענדירן אויף די העמדער – אן איידיע וואס קומט גראדע פון האום דיפאו אויב געדענק איך גוט.

דאס איז א פראבלעם אין פילע היימישע גראסעריס.

מ’גיט אויס טויזנטערס אויף וועכנטליכע אדווערטייזמענטס, אבער ווען ס’קומט צו סערוויס, זענען זיי א שרעק.

זייט’זשע מודה, אז איידער איר פרעגט עפעס פון א גראסערי-אנגעשטעלטן טראכט איר צוויי מאל, כדי זיך נישט צו דארפן באקומען דעם בייזן בליק פונעם פארטאריקאנער אמיגא, אדער בייזער באס.

שוין עטליכע מאל האט זיך מיר געגליסט צוצוגיין צו אזא בעל בית און אים זאגן: ר’ איד, גיט’זשע אויס ווייניגער געלט אויף אדווערטייזינג, און זעט אז די קאסטומער זאלן זיין צופרידן. באדינט זיי מיט א שמייכל, אויב דארף איינער עפעס, לאז נישט יענעם ארויפקריכן אויף באקסעס און שרייען ווען עפעס פאלט אראפ, שיק באלד א גוי זאל אים ארויסהעלפן, און ווער רעדט נאך אויב פרעגט מען ווי עפעס אן אייטעם ליגט, ענטפער אים ווי א מענטש, און נישט געב א בורטשע ארויס: אייל 6 און לאז יענעם הענגען אין דער לופט.

וואס זאגט איר סעניורעס?

כ’רעד נישט פון דעם גראסערי חלילה, כ’בין בכלל נישט דארט געווען, כ’רעד פון די היימישע וויליאמסבורגער גראסעריס, וועלכע פארשטייען נישט אז קאסטומער סערוויס איז נומבער איינס.

יענקל יענקל: זייט’זשע מודה, אז איידער איר פרעגט עפעס פון א גראסערי-אנגעשטעלטן טראכט איר צוויי מאל, כדי זיך נישט צו דארפן באקומען דעם בייזן בליק פונעם פארטאריקאנער אמיגא, אדער בייזער בא

TITCR

יידל, ביזט געבליבן שטיין אינמיטן? אזוי קוקט עס עפעס אויס.

מאטל, TITCR איז ראשי תיבות THIS IS THE CORRECT RESPONSE

ישר כח יידל זיסער פאר’ן קאמפלימענט, און פאר’ן דעשיפירירן דעם מיסטריעזן קאוד.
כ’האב שוין נישט געוואוסט וואס צו טראכטן צי ס’איז א קללה צי א ברכה אדער גאר ביידע אינאיינעם….