דעת בעל הבית

ווען מען קעשט א טשעק דויערט עס לענגער דורכצוגיין ווי א דעפאזיט

אזוי ווי יואל פ. האט געשריבן פארגאנגענע וואך ווי אזוי עפל באנק האט אים שלא ביושר, גערעכנט א טזשארזש. וויל איך צולייגן פון מיין אייגענע שלעכטע עקספיריענס ביי די זעלבע באנק.
איך האב געקעשט א טשעק פון 4,500 דאלער, בשעת איך האב געהאט אין מיין אקאונט איבער 5,000 דאלער.
א וואך שפעטער האט געקליערט א טשעק  פון עטליכע הונדערט דאלער, און איך האב באקומען א $35 פי, פאר אינסופישענט פאנדס.
עס האט זיך ארויסגעשטעלט אז טראץ דעם וואס עס איז שוין געקעשט געווארן איבער א וואך צוריק, וואס איז מער ווי גענוג פאר א טשעק דורכצוגיין ווען מען מאכט א נארמאלע דעפאזיט, אבער דא, וויבאלד איך האב נישט באקומען קיין רעסיט מיט א קלארע דעיט, לאזן זיי די טשעק איבער א וואך, און מען רעכנט אויף דעם א טשארדזש!
איך וואלט געראטן אז מען זאל מאכן א געהעריגע דעפאזיט, און נישט קעשן, כדי זיי זאלן אייך נישט קענען בארויבן.
שמעי’
וועגן עפל באנק, האב איך געוואלט מוסיף זיין, אז שמעי’ האט א טעות, אפי’ ווען מען מאכט א דעפאזיט און מען באקומט א סליפ איז נישט די געלט עוועילעבל אייביג צו די צייט וואס שטייט אויפן סליפ, בדידי הוה עובדא כמה פעמים, אז די געלט איז נאכנישט געווען עוועילעבל.
נאר איך האב קיינמאל נישט געגעבן קיין טשעקס  פאר איך האב נישט זיכער געמאכט אז איך האב גענוג געלט “עוועילעבל” אין באנק צו קאווערן דעם טשעק, איך האב נישט געשריבן א טשעק אויפן חשבון פון א פענדינג טרענזעקשאן.
לייב

נאך וועגן שיקן טעקסט מעסעדזשעס צו א גרעסערע גרופע

בנוגע וואס א ליינער האט געפרעגט (דעת בעל בית וישב תשע”א) א עצה צו שיקן טעקסט מעסעדזשעס צו א גרויסע סכום מענטשן אויף איינמאל.
לגבי שיקען מעסעדזשעס צי גרופ’ס איז היינט מיין איך די גרינגסטע וועג דורך גוגל וואויס google voice.
שלמה שרייבער
לגבי די עצה צו ניצן אימעיל (דעת בעל בית מקץ תשע”א) צו שיקן טעקסט מעסעדזשעס. פעלט אויס צו וויסן ווער דער קעריער איז.
אויף וועלכע פראגרעם/וועבסייט קען מען נאכקוקן א סעלפאון נאמבער ווער דער פראוויידער איז?
משה
אויף whitepages.com קען מען נאכקוקען ווער די פראוויידער איז.
שמעי’
אויף ווייט פעידזשעס האב איך עס נישט געטראפן, קען זיין אז מען דארף מער זוכען.
אבער איך האב א אנדערע וועב זייטל וואס איך ניץ כסדר פאר דעם, רוב מאל איז עס זייער אקוראטfonefinder.net.
מען דארף אבער וויסן, די סייט געט דיר די קאמפאני וואס האט ארויסגענימען די נומבער די ערשטע, אויב האט מען עס שפעטער געטרענספערט, אזוי ווי די געזעץ איז היינטיגע צייטן, אז יעדער קען טרענספערן, וועט מען נאך אלץ זען די ערשטע קאמפאני.
מרדכי, ק”י

שיקן א אימעיל צו א גרעסערע גרופע

איך וויל וויסן וועגן דזשי. מעיל, וויאזוי מען קען שיקן פאר א גאנצע גרופ א אי-מעיל, און עס זאל נישט ארויפקומען ביי יעדעם איינעם די גאנצע ליסטע פון אדרעסן פאר וועם איך האב געשיקט דעם זעלבן אי-מעיל.
לייב
מען נוצט BCC אנשטאט CC.
איך גלייב שווער אז דו האסט דאס נישט געוויסט, מן הסתם מיינסטו עפעס אנדערש, אבער פארוואס איז דאס נישט גענוג גוט?
(-)

אין צייר כאלוקינו

לכבוד ר’ מתתי’ גראס.
איר שרייבט וועגן דעם ארטיסט וועלכע האט געזאגט אז דער שענסטער מעלער איז דער באשעפער.
די גמרא – איך מיין אז אין ברכות – זאגט דאך אין צייר כאלוקינו מיר דארפען נישט די ארטיסט דערצו.
הצלחה.
ענטפער פון מתתי’ גראס: יישר כח פארן אויפמערקזאם מאכן.
די גמרא איז אין מגילה יד ע”א: אין צור כאלקינו, אין צייר (-ארטיסט) כאלקינו, אדם צר צורה על גבי הכותל ואינו יכול להטיל בה רוח ונשמה, קרבים ובני מעיים, אבל הקב”ה צר צורה בתוך צורה ומטיל בה רוח ונשמה קרבים ובני מעים.

פראבלעם מיט פרייע K7 פעקס סערוויס

א ליינער האט פארגאנגענע וואך רעקאמאנדירט צו ניצן K7 פאר פרייע פעקס סערוויס.
די פראבלעם איז אז מען דארף באקומען א פעקס צום ווייניגסטענס איינמאל א חודש צו האלטן די אקאונט אפען.
איז דא עפעס א וועג ווי אזוי מען קען אויטאמאטיש באקומען א פעקס, כדי נישט צו פארלירן די נומער?
ישראל כ”ץ

איך האב שוין לאנג K7 אין איך בין נישט מקפיד צו שיקן איינמאל א חודש, זיי אליין שיקן דיר כאטש איינמאל א חודש א פעקס מיט עפעס א עדווערטייזמענט, דאס איז דאך זייער בענעפיט דא

the number is also a voice box, so leave yourself a voice message once a month, hope this helps
-Lou Landau
SnapAhead.com

“לגבי שיקען מעסעדזשעס צי גרופ’ס איז היינט מיין איך די גרינגסטע וועג דורך גוגל וואויס google voice.”

וואס ווען וואו? ביי גוגל וואויס קען מען נאר שיקן צו פינף אויפאמאל, קענסט שרייבן מער דיטעילס?

צו (-), איך ווייס נישט פארוואס דו ביזט אזוי זיכער אז איך האב געוואוסט, גראדע האב איך נישט געוואוסט און איך ווייס נישטאמאל וואס CC אדער BCC מיינט (איך מיין אז עס איז א אפשען נעבן די סאבדזשעקט און די אי-מעיל אדרעס, איך וועל עס באלד פרובירן).
עס קוקט אפשר אויס פון מיין שרייבן אז איך בין א געשולטע קאמפיוטער באנוצער? איך לערן מיך פון נוצן, נישט אלץ קען מען אליינס אויספיגורן, אסאך זאכן ווייסט מען נישט ביז מען הערט עס נישט פון אנדערע.

לייב
איך האב געמיינט אז יעדער ווייסט עס, ווייל איך ווייס עס שוין יארן, און עס ליגט אפ פראנט אפען פאר יעדן.
CC מיינט קארבאן קאפי, אז עס שיקט א קאפי פון די אימעיל אבער יעדער קען עס זען (מען קען עס געווענליך זען אויף קאורט פעפערס, ווי מען וויל טאקע אז יעדער זאל וויסן צו וועם מען האט עס אלץ געשיקט)
BCC מיינט בליינד -בלינד- קארבאן קאפי, דאס הייסט עס שיקט א קאפי אן דעם וואס מענטשן וואס באקומען עס זאלן מיטהאלטן.

מבין, איך האב אויך הנאה געהאט פון דיין ביאור, שכוח

הרב לוזי, קודם שלום עליכם, איך האב נאכגעקוקט, און איר האט טאקע רעכט, עס מוז נישט זיין דוקא א פעקס. אט דאס איז פון זייער וועבסייט
(use is determined as a call or fax message to that number)
איך פלאן טאקע צו קענסלען מיין פעקס ליין און ניצן בלויז K7, איך וויל טאקע אויסדריקן מיין דאנק פאר דער וואס האט מתחילה געשריבן דערוועגן.
דו איינציגסטע חסרון איז נאר אז עס איז א לאנג דיסטענס נומבער, און עס קוקט אויס ביליג צו געבן א לאנג דיסטענס נומבער אין די צייט וואס דער צווייטער ווייסט אז דו ביזט אין ניו יארק.

בנוגע עפל באנק,
איך בין שוין פון די תושבים דא, קען זיין איר געדענקט נישט, אבער פאריאר איז געווען עטליכע וואכן און א צי, צענדליגע בריוון איבער די נושא.
די סך הכל איז געווען אז מען זאל אוועקשטיין פון זיי.