דינסטאג מערץ 22, 2016 7:35 pm#326124
מאריכואנא - פראקטיש גערעדט
עס איז נישט קיין סוד אז מאריכואנא איז אין די לעצטע יארן אריינגעקומען מיט א געוואלדיגן קראפט אין דער געזעלשאפט. עטליכע שטאטן אין אמעריקע האבן שוין אפילו מתיר געווען דאס באנוץ פון "סחורה", און אין געוויסע אנדערע שטאטן, ווי ניו יארק, האבן די געזעץ-אינפארסירער אונטערגענומען נייע פאליסיס וועגן נישט ארעסטירן מענטשן וואס רויכערן מאריכואנא.
אין די היימישע געגנטער אין ניו יארק זעט מען און מ'שמעקט לעצטנס גאר א סך מאריכואנא-באנוץ, און יונגעלייט שמועסן אפט דערוועגן. עס איז צייט אויסצושמועסן דעם ענין דא אויף קאווע שטיבל, באגלייט מיט פראקטישע אנווייזונגען.
דער אמת איז אז עס זענען דא ווייניג שטודיעס איבער דער שעדליכקייט פון מאריכואנא. אויבן-אויף זאגן די מומחים אז מאריכואנא איז ווארשיינליך ווייניגער שעדליך ווי פשוט'ער טאבאקא, אבער זיי זענען מודה אז ווייניג איז געטון געווארן דאס צו באשטעטיגן אויף זיכער. עס איז אנגענומען אז מאריכואנא ברענגט נישט קיין אדיקשאן אזויווי אנדערע דראגס און ווי טאבאקא, און איז בלויז א געשמאקע פארוויילונג וואס ס'איז א שאד צו פארמיידן פון הנאה האבן דערפון. דאס איז זיכער אז עס איז ווייניגער שעדליך ווי אלקאהאל, און עס איז נישט דא קיין נארמאלער סיבה אז די רעגירונג זאל דאס פארבאטן. אין דער צוקונפט וועט מאריכואנא ערלויבט ווערן אין גאנץ אמעריקע, און מ'וועט רעדן פון דער יעצטיגער תקופה ווי די צייטן פון דער אלקאהאל פראהיבישן.
עס דארף אבער אויך באטאנט ווערן וואס דאקטוירים און וויסנשאפטלער זאגן, אז עס איז שטארק נישט רעקאמענדירט אז מענטשן אונטער 25 זאלן זיך באנוצן מיט מאריכואנא, היות דער מוח אנטוויקלט זיך נאך, און עס איז נישט כדאי זיך ארומצושפילן מיט דער ריזיקע פון אפעקטירן די נארמאלע אנטוויקלונג פון דעם מוח.
מאריכואנא ברענגט אז דער מענטש זאל ווערן "הויעך" - ענליך צו די עפעקטן פון אלקאהאל, אבער די סענזאציעס זענען דאך אנדערש. עס זענען פאראן אנדערע סארטן מאריכואנא-געוואוקסן, און יעדער סארט ברענגט אנדערע עפעקטן. עס זענען פאראן אזעלכע וואס ברענגען לעבעדיגקייט ווידער זענען פאראן אזעלכע וואס ברענגען א געוואלדיגער רואיגקייט. אין יעדן מצב דארף דער מענטש מחליט זיין וואו ער וויל גיין.
טייל רופן דעם דורכגאנג פון מאריכואנא ווי א "טריפ", א רייזע. און ביי מאנכע קען די רייזע זיין גאר פיינפול און באגלייט מיט געוואלדיגע עמאציאנעלע יסורים. מאריכואנא קען ברענגען פאראנאיע, און מאדנע סענזאציעס איבער דעם גוף וואס קען מאכן דעם מענטש שפירן ווי ער גייט שטארבן, און ווי זיינע מחשבות לויפן אין א מאדנעם ספיראל אן דער מעגליכקייט זיך ארויסצוזען. עס איז רעקאמענדירט אז דער ערשטער מאל וואס א מענטש וויל עקספערימענטירן מיט מאריכואנא זאל ער האבן מיט זיך א גוטן חבר וואס זאל זיין גרייט אים אונטערצושטיצן אויב ער גייט חלילה אריין אין א פיינפולן "טריפ".
טראץ די פארזיכערונגען אז מאריכואנא ברענגט נישט קיין אדיקשאן, איז קלאר אז געוויסע מענטשן ווערן שטארק צוגעבונדן דערצו, און האבן שוועריגקייטן זיך ארויסצוזען דערפון. פאראן אזעלכע וואס ווערן באמת דיספאנקשענעל דורך רויכערן כסדר מאריכואנא, נישט אנדערש ווי מענטשן וואס ווערן צוגעבונדן צום ביטערן טראפן. אויך זענען פאראן אזעלכע וואס ווערן צוגעוואוינט צו די עפעקטן פון מאריכואנא, און שפירן שוין נישט גענוג דעם שטראם פון הנאה, און זיי גייען צו שעדליכע דראגס ה"י.
פאראנטווארטליכע מענטשן דארפן וויסן אז מאריכואנא קען ברענגען געוואלדיגע הנאה און מ'מעג עס פרובירן, אבער מ'דארף זיין באוואוסטזיניג צו די ריזיקעס, און נעמען דעם פולסטן אחריות צו זיין אונטער קאנטראל.
א פרייליכן, הויכן פורים!
אין די היימישע געגנטער אין ניו יארק זעט מען און מ'שמעקט לעצטנס גאר א סך מאריכואנא-באנוץ, און יונגעלייט שמועסן אפט דערוועגן. עס איז צייט אויסצושמועסן דעם ענין דא אויף קאווע שטיבל, באגלייט מיט פראקטישע אנווייזונגען.
דער אמת איז אז עס זענען דא ווייניג שטודיעס איבער דער שעדליכקייט פון מאריכואנא. אויבן-אויף זאגן די מומחים אז מאריכואנא איז ווארשיינליך ווייניגער שעדליך ווי פשוט'ער טאבאקא, אבער זיי זענען מודה אז ווייניג איז געטון געווארן דאס צו באשטעטיגן אויף זיכער. עס איז אנגענומען אז מאריכואנא ברענגט נישט קיין אדיקשאן אזויווי אנדערע דראגס און ווי טאבאקא, און איז בלויז א געשמאקע פארוויילונג וואס ס'איז א שאד צו פארמיידן פון הנאה האבן דערפון. דאס איז זיכער אז עס איז ווייניגער שעדליך ווי אלקאהאל, און עס איז נישט דא קיין נארמאלער סיבה אז די רעגירונג זאל דאס פארבאטן. אין דער צוקונפט וועט מאריכואנא ערלויבט ווערן אין גאנץ אמעריקע, און מ'וועט רעדן פון דער יעצטיגער תקופה ווי די צייטן פון דער אלקאהאל פראהיבישן.
עס דארף אבער אויך באטאנט ווערן וואס דאקטוירים און וויסנשאפטלער זאגן, אז עס איז שטארק נישט רעקאמענדירט אז מענטשן אונטער 25 זאלן זיך באנוצן מיט מאריכואנא, היות דער מוח אנטוויקלט זיך נאך, און עס איז נישט כדאי זיך ארומצושפילן מיט דער ריזיקע פון אפעקטירן די נארמאלע אנטוויקלונג פון דעם מוח.
מאריכואנא ברענגט אז דער מענטש זאל ווערן "הויעך" - ענליך צו די עפעקטן פון אלקאהאל, אבער די סענזאציעס זענען דאך אנדערש. עס זענען פאראן אנדערע סארטן מאריכואנא-געוואוקסן, און יעדער סארט ברענגט אנדערע עפעקטן. עס זענען פאראן אזעלכע וואס ברענגען לעבעדיגקייט ווידער זענען פאראן אזעלכע וואס ברענגען א געוואלדיגער רואיגקייט. אין יעדן מצב דארף דער מענטש מחליט זיין וואו ער וויל גיין.
טייל רופן דעם דורכגאנג פון מאריכואנא ווי א "טריפ", א רייזע. און ביי מאנכע קען די רייזע זיין גאר פיינפול און באגלייט מיט געוואלדיגע עמאציאנעלע יסורים. מאריכואנא קען ברענגען פאראנאיע, און מאדנע סענזאציעס איבער דעם גוף וואס קען מאכן דעם מענטש שפירן ווי ער גייט שטארבן, און ווי זיינע מחשבות לויפן אין א מאדנעם ספיראל אן דער מעגליכקייט זיך ארויסצוזען. עס איז רעקאמענדירט אז דער ערשטער מאל וואס א מענטש וויל עקספערימענטירן מיט מאריכואנא זאל ער האבן מיט זיך א גוטן חבר וואס זאל זיין גרייט אים אונטערצושטיצן אויב ער גייט חלילה אריין אין א פיינפולן "טריפ".
טראץ די פארזיכערונגען אז מאריכואנא ברענגט נישט קיין אדיקשאן, איז קלאר אז געוויסע מענטשן ווערן שטארק צוגעבונדן דערצו, און האבן שוועריגקייטן זיך ארויסצוזען דערפון. פאראן אזעלכע וואס ווערן באמת דיספאנקשענעל דורך רויכערן כסדר מאריכואנא, נישט אנדערש ווי מענטשן וואס ווערן צוגעבונדן צום ביטערן טראפן. אויך זענען פאראן אזעלכע וואס ווערן צוגעוואוינט צו די עפעקטן פון מאריכואנא, און שפירן שוין נישט גענוג דעם שטראם פון הנאה, און זיי גייען צו שעדליכע דראגס ה"י.
פאראנטווארטליכע מענטשן דארפן וויסן אז מאריכואנא קען ברענגען געוואלדיגע הנאה און מ'מעג עס פרובירן, אבער מ'דארף זיין באוואוסטזיניג צו די ריזיקעס, און נעמען דעם פולסטן אחריות צו זיין אונטער קאנטראל.
א פרייליכן, הויכן פורים!