איסר האטלקי האט געשריבן:הייסט אז נישט טראמפ איז שולדיג אין דעם אויפשטייג פון אנטיסעמיטיזם...
טראמפ מיט זיינע מענטשען זענען זיכער שולדיג אין פארשפרייטן HATE צווישן מענטשען. אבער אנטיסעמיטיזים קומט נישט פון איין מקור און וועגן איינצעלע אינצידענטן ס׳איז א געמיש פון אפאר זאכן.
די ערשטע זאך וואלט געדארפט זיין אז אונז זאלן זיך אויפפירן נארמאל און לעבן מיט רעספעקט פאר אנדערע פונקט ווי אונז פארלאנגען פון א יעדען זאל טאלערעיטן אלע אונזערע משוגעתן דארפן אונז דער ״עם הנבחר״ זיך אויפפירן מיט די העכסטע מאס רעספעקט און מענטשליכקייט פאר אנדערע אריינגערעכענט שווארצע פאטריקאנער און אלע אנדערע.
קיינער אין אמעריקע און אין קיין שום פרייע לאנד האט נישט קיין שום רעכט שבעולם צו שלאגן סיי וועמען! אפילו דעם גרעסטן רוצח! אונז מעגן האבן א קאמיונטי-וואטש און אנהאלטן דעם פארברעכער ביז די פאליציי קומט און פארשפארט יענעם. אפילו די פאליציי אליינס האט אויך נישט קיין שום רעכט צו שלאגן, נאר יענעם צו פארשפארן ביז מ׳ברענגט אים צו א געריכט.
שלאגן יענעם און אים בלינד מאכן אויף א אויג און דער יעניגער גייט נאך ארויס פריי מיט די הילף פון די קאמיונטי און באצאלט ניטאמאל די שאדן פאר יענעם? (ווי ווייט איך ווייס) און דאס רופט זיך נאך א אידישע ארגאנעזאציע? האסטו געהערט א מעשה?
אפאר געשוואלענע פארגרעבטע ״טונע בייגל׳ס״ אן קיין טראפ שכל אין זייער מוח פירן א ארגאנעזאציע פון אנהאקן גוים פאר צענדליגער יאהרן לאנג... אלעס אין די ביטערע גלות! טוה מיר א טובה!? זאלן זיי זיך זוכן א צווייטע אקטיוויטי. נישט אויף מיין פיקל דאס איז ריינע התגרות באומות. אונז קענען נישט שרייען ״אנטיסעמיטיזם״ יעדע מאנטיג און דאנערשטיג ווען אונזער אייגענע אידישע קאמיונטי ארגאנעזאציע פירט זיך אויף אזוי אוממענטשליך. אנהאקן א מענטש פאר זיי ווייסן בכלל צי ער איז דער פארברעכער. אפילו זיי ווייסן קלאר טארן זיי אים נישט צורירן און ספעציעל אים נישט שעדיגן!