ATUB @נאך א מיינונג ATUB
איך וואלט געוואלט אויפמערקזאם מאכן א נקודה פאר דיר און פאר אלע ק״ש לייענער. כמיין ח״ו גארנישט פערזענליך, נעם עס נישט אן אלץ א פערזענליכע אטאקע.
יעדע מאל עס איז פארהאנען א ויתרוצצו הבנים סיטשאעישאן אין שטיבל קומט איינער מיט פערזענליכע אטאקעס אויפ׳ן צד שכנגדו ווען ס'פעלט נישט אויס און ס'קומט נישט אריין אין די ארגעיומענט בכלל. מאז קאווע היתה לגוי איז אייביג געוועהן ניקס וואס האבן געהאקט און געבראקט אויפן סיסטעם און ס׳וועט אייביג זיין, אז נישט מושב וועט עס זיין א צווייטער, אז נישט אויף ק״ש וועט עס זיין אויף א צווייטע פארום, קענסט עס נישט אפהאלטן אדער אפשטעלן, די איינציגסטע זאך וואס דו קענסט/זאלסט טוהן איז ענטפערן אין א ציוויליזירטע וועג און אפפרעגן וואס יענער האט געשריבן דורך שרייבן דיין פראספעקטיוו און דיינע מיינונגען, אז יענער זאגט רויט זאגט דו גרין, יענער זאגט טאג שריי דו נאכט, אבער פערזענליך וויי טוהן איז א עוולה און סגייט נישט העלפן אפשטעלן אטאקעס קעגן חרדזים נאר אדרבה ס׳וועט לכאורה ברענגן מעהר העסליכע אטאקעס פון די אנדערע זייט.
די אייגענארטיקייט פון קאווע שטיבל איז אז סאיז זייער קאלירפול מיט כל מיני מיינונגען פון אלע סארטן מיר פארמאגן א ליטוואק, א ברסלבר, חבדסקער, סאטמארע, בעלזער, גורער, וויזניצער, סקווירער, פאפנע, ווינע, באבובע, 45׳טע, קלויזנבורגע, תולדות אהרנע, העלבראנץ, אמשינאווע, אייזענבערג'ע, טאהשע, מונקאטשע, יונג איזרעאל, מאדערן ארטאדאקסישע, אגודהיסטן, פרומע, פרייע, אטד״ס, אשכנזים, ספרדים, גאליציאנע, אונגארישע, מארמארישע, יעקישע, פולישע, רוסישע, קאנאדישע, ענגלישע, אויפגעקלערטע, האלבע גלייביגע, אינגאנצן געבאקענע, דורכגעפוילטע, דורכגעווייקטע חסידישע אידן, ירא שמים, כולל אינגעלייט, בני ישיבות, תורה אידן, דענקערס, סופרים, שרייבערס, מעקערס, היסטאריקער׳ס, בעל עגלה׳ס, רביזיכרונוליוורוכע אידן, ציונים, אנטי ציונים, קנאים, ליבעראלע, קאנסערוועטיווע, קבלה׳יסטן, טראדיצאנלע, סייענטיסטן, דאקטורים, פאליטקאנטן, ביזנעסלייט, רעכטע, לינקע, קאמיוניסטן, סאושליסטן, קעפטעליסטן און בודהיסטן, ביינאנזם אינטער איין דאך- אפילו א בת קול האבן מיר איינגעהאנדלט (וואס לייגט ארויף פאלשע בילדער פון איר טאכטער אויפן פארלאנג פון @בן אדם
![:roll:]( "מגלגל עיניים")
) און אט די דור הפלגה מאכט ׳קאווע שטיבל׳ אינטערעסאנט און אנדערש פון ׳איי וועלט׳ און ׳פאליש׳ -טאקע דערפאר ווייל אזויפיל מיינונגען קאו-עקזעסטירן אינאיינעם ווי מ׳קען אלעס דעבעטאירן אויף א מענטשליכע ציווילזירטע וועג ווי יעדער האט די פרייהייט פון ווארט ווילאנג עס גרעניצט זיך מיט די תקנות.
אויב מעג איך אריינווארפן מיין מיינונג וואלט איך געזאגט אז כ׳גלייב שווער אז דו האסט באמת אינסייד אינפארמאציע אין שטיבל און דו ווייסט פון קראנטע מקורות אז קאווע שטיבל איז געפאלן וועגן @מושב אנוועזענהייט אין שטיבל, און אפילו מ׳וועט איינזעצן אז סאיז יא אמת איז דעס זיכער נישט די ריכטיגע צוגאנג צו אטאקירן יענעם מיט ׳עד האמינעם׳ אטאקעס, סאיז דא אסאך בעסערע מיטלען צו האנדלן מיט אזא פראבלעם (לו האי ס׳וואלט טאקע געוועהן אזא פראבלעם) און אויב וואלסטו פשוט געמיינט ערנסט די טובה פונעם ציבור וואלסטו אים געקענט שיקן א אישי אדער אריינגעבן א קאמפלעינט פאר די גבאים און אחראים פונעם מקום.
@מושב זקנים האט לדעתי אסאך צוגעלייגט צו קאווע שטיבל, ער איז א כאראקטאר וואס קאווע דארף האבן, און צו זיינע מיינונגען האסטו צוויי אפציעס אדער אינגאנצן איגנארירן וואס דיר געפעלט נישט אדער ענטפערן און אפפרעגן וואס ער שרייבט אן פערזענליך אטאקירן.