פלוצים, איינער טוט אין א נושא וואס יעדער האלט מ'וואלט שוין געדארפט טוהן דערין בעפאר, קומט אפיר מאסיווע קריטיק, סיי אויף זיין אויפטוה, און סיי אויף די מענטש פארזענדליך, פארוואס האט די קריטיק אויף יואל ראטה זעלבסט נישט געקענט געליפטערט ווערן ביז יעצט, ווי איז עס יעצט געווארן מער נוגע, זיין ישיבה איז שוין אפען פאר צעהן יאר, פלוצלינג ער טוט עפעס דארף מען אנהייבן רעדן פון זיין אנדערע חלק אין לעבן. ווי אויך בין נייגעריג, ווי זענען די אלע קריטיקירער ווען יעדע שני וחמישי מאכט א צווייטער וואנע-בי א שמחה פאר פיר הונדערט אלפים,
ס'איז נישט קיין סוד אז אין ס'לעצטע צוויי דריי יאר קומען יעדן טאג אפיר פרישע בילדער פון שמחות ביי פליפערס וואס האבן אקארשט ריקאווערט פונעם 08 קראך, די חברה קענען נישט מאכן שמחות ווי אונז אלע, זיי זענען דאך עפעס ספעציעל, זיי זיצן דאך אויף גרויסע מארגעטשעס וואס גייען איינטאג קראכן, זיי האבן דאך אין בושוויק גרויסע געביידעס וואס שטייען אצינד ליידיג מיט אנהייב פונעם קומענדע קריזיס, אבער א אידישע שמחה קען נישט דורך געלאזט ווערן מיט א פשטות, אין ערגסטן פאל זאל א פארטי פלעננער (וואס וועט דערנאך שיקן די ביל אין אפיס ועוד חזון למועד) איבערציען די זאל מיט תכלת וארגמן, נייע בענקלעך טישן, בלומען חופה געשיר ועוד ועוד, זאל עס קאסטן, מ'קען זיך דאך נישט פארשעמען פאר די אלע פליפערס, ער איז דאך פאריגע וואך געווען באשריבן אין די ריעל-דיעל, און בעסטן פאל איז די רעדע פון דינגן א זאל אין ניו דזשערזי, אהין באסן דעם עולם, זאל עס קאסטן א מעלאנע, ווי זאגט נאר ראפשיצע רב, ווער ס'גלייבט נישט אז ווען מ'מאכט חתונה וכו', איי פון די פאריגע חתונות איז נאך דא חובות, ווי איז די הבטחה פונעם ראפשיצער, אבער א מאמין גלייבט מיט בלינדע אויגן.
האט איינער אמאל פארפירט דערויף? קיינמאל, געב א קוק ווי שיין ס'איז, הערליכע בילדער קורסירן, געב א קוק וואס ער קען, יעדער ווייסט צו שאצן וויפל אזאנס קאסט, העכסטענס לייגט מען צו א נעבעך, איינער וואס פארשטייט קען געבן א קרעכץ, אבער זהו, קיינעם איז עס נישט אנגעגאנגן, איבריג צו זאגן אז אפילו מהאט זיי נישט נאכגעטוהן האט עס געהויבן די סטענדערט ביי עמך אידן, אבער קיין פיפס האט מען נישט געהערט דערוועגן, פלוצים איינער טוט גענוי דאס פארקערטע, און טוט עפעס וואס איז זיכער ריכטיגער, פלוצים, דער עולם איז דא, מ'קריטיקירט. #היפאקריט'ן בתפארתם