תורת ישעיהו ליבוביץ (וועקער 14) — קאווע שטיבל ארכיוו

זונטאג אקטאבער 07, 2018 10:57 am#413908

תורת ישעיהו ליבוביץ (וועקער 14)

א הויפט ארטיקל אינעם וועקער פאר תשרי-חשון תשע"ט איז איבער די געדאנקען פון דעם בארימטן און קאנטראווערסיאלן דענקער ישעיהו ליבוביץ, געשריבן דורך פראפעסאר יעקב ירון לואיס פון קאנאדע. לואיס איז א ווארימער איד מיט א שטארקער ליבשאפט פאר חסידות און חסידישע רביים און מעשיות. אין אן אינטערוויו וואס דער "מאמענט" האט אפגעהאלטן מיט אים עטליכע יאר צוריק, האט ער דערציילט איבער זיין התקשרות מיט האדמו"ר מטאהש ז"ל, און זיין ליבשאפט צו זיינע ספרים.

ווען פראפעסאר לואיס האט געלייענט דעם ארטיקל "אמונה קריזיס" וואס איז ערשינען אין וועקער נומער 9, האט עס אים שטארק צעשוידערט. און אין רעאקציע האט ער געשריבן דעם ארטיקל איבער ישעיהו ליבוביץ, צו עפענען א וועלט פון מחשבה וואס קען צונוצקומען פאר טראכטנדע אידן.

דער ארטיקל צענעמט הערליך די מיינונגען פון דעם גרויסן דענקער, און גייט טיף אריין אין די יסודות פון אידישקייט און אמונה.

אלע הודעות פון דער וועקער

זונטאג אקטאבער 07, 2018 1:42 pm#413929

די ארטיקל איז געווען נורא ואיום.
עס איז מיר נולד געווארן מער קשיות ווי תירוצים, פון די אנדערע זייט עפנט ער אויף שערים וואס דער מוח גייט נישט נארמאל דארט. עס האט געהאט אלע געפילן פון ליינען א ווערק פון א זשעני

אלע הודעות פון יתרו

זונטאג אקטאבער 07, 2018 2:14 pm#413934

כ'האב מוראדיג הנאה געהאט פון דעהם ארטיקל, הערליך צעלייגט מיט א געוואלדיגע זיסע שפראך בטוב טעם ודעת.
יתרו, וואס מיינט איר זענט געבליבן מיט מער קשיות ווי תירוצים? מצד די עצם פילאזאפיע אדער מצד די ארטיקל

אלע הודעות פון גדליה

זונטאג אקטאבער 07, 2018 2:55 pm#413943

איך וואלט געזאגט אויף די מענשט און זיין פיליזאפיע, לדוגמא וואס איבערצייגט אים אז עס איז בכלל דעם ווילן פון די בורא אז מען זאל אים דינען אויב מיר קענען אים בכלל נישט משיג זיין, און וואס איבערצייגט אים אז דער אידישער מהלך איז דער וועג וואס דער בורא וויל מען זאל אים דינען, (מער פון סתם נאכגיין אונזער יוניווערסאל מאראל) אויב איז ער נישט איבערצייגט אין יציאת מצרים און מתן תורה. בכלל איז זייער נישט קלאר וואס זיין דעה איז איבער הלכה חז"ל וויפיל איז עס מחייב וכו' וכו'

אלע הודעות פון יתרו

זונטאג אקטאבער 07, 2018 7:29 pm#413959

די קשיות בלייבען שווער... כמיין אז לייבאוויטש האט אויסגעשטעלט זיין פילאסאפיע בכוונה אזוי אז ס'איז עיקר חסר מן הספר,
אפשר אויף יענע וועלט וועט מען געוואויר ווערען וואס דא טוט זיך....

אלע הודעות פון גדליה

מאנטאג אקטאבער 08, 2018 3:34 am#413980

"גאט דארף מען נישט דינען, מ'דארף זיך אויסדינען" כך מתאמרא משמיה דרבי מענדל מקאצק. גאט איז מושלם בתכלית השלימות, און ווער ס'גלייבט אנדערש איז א כופר בעיקר. גאט ווערט נישט גרעסער אדער קלענער דורך אונזער עבודה, ער האט אונז אלע פארפאקט. אונז ווילן דינען גאט, ווייל אונז ווילן נישט אינגאנצן פארזינקען ווערן אין די הבלי הזמן און ווערן זאמביס. דינען גאט מיינט, וויסן אז דו קענסט נישט אליינס, און צו פאוקוסן אויף עפעס וואס איז העכער פון דיינע השגות. וויאזוי מ'פאוקוסט אויף דער ענין וואס רופט זיך 'גאט' איז בעצם נישט קיין גרויסע נפקא מינה, סיי דער איד וואס הארעוועט אויף א בלאט גמרא, און סיי דער הינדו וואס הארעוועט אויף די וועדאס, וועלן ביידע אנקומען צום תכלית (אויב זיי טוען עס אויף די ריכטיגע אופן), ווייל זיי פאוקוסן אויף העכערס. אפלאזן אידישקייט לטובת אן אנדערע רעליגיע איז נישט קיין תכלית, ווייל ס'ליגט דיר אין דיין בלוט, און פרובירן צו דערשטיקן א הרגש איז שקר.